【 20年後再度出現的世紀電視大戰 】 _ 2021年6月14日，亦即是今晚十點半，27年來第一場真真正正的香港電視大戰，終於出現！ _ 有人看到這一句或者會大笑三聲加送反白眼：你係咪搞笑呀𠵱家？明明你自己4月都有寫過報道，指ViuTV的《最後一屆口罩小姐選舉總決賽》與TVB的《開心大綜藝》第一集（11/4），或者ViuTV的《Chill Club推介榜年度推介20/21》與TVB的《開心大綜藝》第二集（18/4）都是電視大戰，何解今次又叫做「真真正正的香港電視大戰」？是咪江郎才盡冇貨賣求其改標題呀？！係就返歸啦！ _ 的確，每個人都需要返歸，尤其是今晚，不然就會錯過這場「電視台PK賽揭幕戰」！（當然深信又會有些人走出來留言刷存在感：「兩個台我都唔會睇囉！」Who Cares？！）事實上，TVB與ViuTV於過去一段時間的所謂「大戰」，從來都是Apple To Orange，不同題材的節目於同一時段播出，嚴格而言只能說是「有意識地競爭」，大台試圖改變現有的觀眾比例，吸引更多年輕人回歸81台，但不能說是「硬撼」，直至今夜無綫製作的《死因有可疑》，與ViuTV製作的《嫌疑事件簿》同樣於晚上10點半播出，是繼2001年8月，大台臨急臨忙籌備《一筆Out消》，與亞視《百萬富翁》同時段比拼後，再次出現兩台同類型、同題材的綜藝節目於同時段播出，較4月兩場「周日對戰」更有睇頭。（《勁歌》調時間撼《Chill Club》都算對撼，但完全無法引起話題。） _ 同樣都是藝人查案的綜藝遊戲節目，網民很容易會將討論焦點落在「係咪有人抄橋？」這一點上，TVB忠粉理所當然說ViuTV抄襲，反之亦然，永遠口同鼻拗，坦白講，來到撰文一刻，節目都已經作播映前最後倒數，「誰抄誰」其實不及「誰做得好」重要，畢竟至今只知道由ViuTV監製葉子文領軍的《Chill Club》班底早於今年2月已落實籌備《嫌疑事件簿》，而《死因有可疑》那邊，由何小慧監製、周智負責創作，究竟是王祖藍回歸大台擔任首席創意官之後還是之前已拍板埋班，不得而知，深信他們亦不會透露更多，何況這類燒腦解謎節目，在亞洲地區絕非新鮮事，韓國有《Crime Scene犯罪現場》、《女高推理班》（High School Mystery Club），中國大陸也有《明星大偵探》，就算ViuTV的製作班底真的較無綫早一步想到要拍此節目，也不過是五十步笑百步而已。 _ 《死因有可疑》只得5集，由 #方力申 、#郭子豪 、 #張秀文 、#游嘉欣 、 #劉佩玥 、 #何廣沛 主持，嘉賓方面則有 #周柏豪 、 #鄭融 等等，全廠景拍攝，節目嘉賓需要在案發現場搜尋證據，推理案情，解開兩宗案件的謎底。而參與《嫌疑事件簿》的藝人計有 #張建聲 、 #陳凱詠 、 #談善言 、 #黃溢濠 、 #歐鎮灝 、 #李炘頤 、 #顧定軒 、 #陳海寧 、 #湯駿業 、 #梁雍婷 、 #米露迪 、 #鄧麗英 和 #易健兒 ，節目共15集，全實景拍攝（包括有一集在電視台錄影廠發生），嘉賓需要解開6個故事的謎團，除了涉及命案，也有尋找失物和桃色事件解密等等。值得留意的是，晚上11時是翡翠台（81台）全個黃金時段中的最脆弱部份，如今ViuTV正於該時段播出皇牌節目《調教你MIRROR》，大台為了留客，決定將《死因有可疑》由只播半小時，加長至45分鐘，《晚間新聞》需延後至11時15分播出，擺明車馬要與《調教》對撼，所以話，昔日亞視，今日ViuTV，無綫管理層對於這兩位對手，從來都是口裏說不，身體卻極度誠實，不過換個角度去想，如果我是大台藝人，也情願節目與其他頻道硬撼，起碼有人報道、有人鬧、有人講，而不是靜靜的播，靜靜的結束。 _ （14062021） _ #游大東 #游大東影視筆記 #死因有可疑 #嫌疑事件簿 @jacechw @tamsyin @laiyingdesu @justin311 @wongyatho @georgeau.8 @rachellyt @alinaln_ @ahdee___ @melomelojai @creamyyick @ahdee___ @zenokoo @isabellaaaaa @jingwongmusician @capt_beary @kahkahkah @arnoldkwokk @tym_emily @wong_cho_lam @dannycha_n @stephanie_cheng @kayan_yau @matthew_hkp @arryuu @alexfongliksun @punkhippie @siuchingsiu @sammicheung926 @blacklighthk @hkdumbyouth @pomatohk #yautaitung #14062021 @laiying_forever #viutv #tvb #調教你mirror

【五十步笑百步？】騰訊高層批評低智短片似「豬餿」 字節跳動副總裁隔空開火 近日成都舉行為期三日嘅第九屆中國網絡視聽大會，本身呢啲會議都冇乜嘢嘅，主要畀班科技公司高層去講下自己公司有幾威，交換卡片識下人。點知騰訊高層孫忠懷就爆出一套「豬餿論」，批評時下洗腦低智短片就似「豬餿」，拉低晒成代人智商同審美標準，傻仔先會喺公眾場合睇呢啲片。雖然佢就冇指明邊間公司，但字節跳動（抖音母公司）副總李亮就嬲豬對號入座喺微博出文回應。 綜合中國媒體報導，孫忠懷喺會上表示「繁華市場背後有唔少低俗糟粕、博取關注嘅短片內容，呢啲片廣泛傳播消耗用戶大量時間。呢啲內容都有一個共同點，就係簡單、洗腦式嘅重複，潛移默化咁衝擊用戶觀念、拉低用戶心智，尤其係對心智未成熟嘅少年造成不良影響。」 之後佢再補充「唔知大家有冇喺火車站、飛機站、地鐵等公眾場合留意身邊嘅人，反正我就見過好多人拎著部電話，唔戴耳機開著喇叭，好似傻仔咁睇嗰啲特別洗腦嘅短片。呢種反智嘅娛樂消費品，真係迅速將一代人審美標準拉低，同時呢啲片能夠海量咁持續輸出，亦反映出審查及監管有好大壓力。因為演算法太勁，只要你鍾意『豬餿』 ，所有睇到嘅片都會變成『豬餿』，再冇其他片。」 （圖3） 雖然孫忠懷就冇指明邊一間公司有咁多低質短片，但呢番「豬餿論」就引起字節跳動副總李亮不滿，隨即喺微博表示「我諗呢位高層應該唔知道，號稱有數億用戶嘅微信視頻號，係目前唯一一個未有『未成年模式』嘅短片平台」之後就開始慢慢數騰訊近年點樣講一套做一套，抹黑短片行業低智同時，自己又大力發展短片平台。 事實上，就算有「未成年模式」，都只會過濾有黃色及暴力元素嘅片，低智嘅洗腦片依然會出到街，小朋友用家都可以繼續食「豬餿」。如果兩位高層有心提升返國人嘅審美水平，與其喺到隔空開火，不如諗下點解大家會鍾意食「豬餿」，同埋有咩計仔可以解決。 資料來源：新浪財經、微博 #抖音 #騰訊 #中國

最可怕的不是“小人” 而是“女人” 总是听到一些话 让我想起两句形容词 “龟笑鳖无尾”“五十步笑百步” 哈哈哈哈哈哈哈哈哈哈哈哈哈