【新幹線｜香港第三代幹線編號系統】 香港交通網絡可以話係四通八達，大家知唔知香港嘅幹線係點樣編制？ 現行嘅幹線系統已經係第三代，2004年開始使用至今。1968年，香港有第一代幹線編號系統。6年之後，出現咗第二代系統，並且沿用咗近30年，由於系統係按照道路完工次序編配，所以駕駛者難以分辨，於是就出現第三代。 第三代系統將香港主要幹線分類為三大類別：南北走向、東西走向同環迴。 南北向幹線：1、2、3號幹線，分別連接香港三條海底隧道，佢哋編號次序係按海底隧道啟用日期嚟改。 1號幹線：香港仔 ↔ 沙田 2號幹線：鰂魚涌↔ 馬料水 3號幹線：西營盤 ↔ 元朗凹頭 東西向幹線：4、5、7、8、10號幹線，係按地理位置編製。 4號幹線：柴灣↔ 堅尼地城（計劃延至香港仔） 5號幹線：牛頭角站↔ 荃灣柴灣角 7號幹線：將軍澳坑口 ↔ 葵涌葵涌交匯處 8號幹線：機場 ↔ 沙田大圍 10號幹線：深圳深圳灣口岸 ↔ 藍地 環迴幹線 (9號幹線)：將原有1、2號幹線位於新界嘅部份，加上5號幹線，重組為一條環迴新界嘅幹線。 9號幹線：以城門隧道作起點逆時針環迴新界 另外，6號同11號幹線就仲喺興建或計劃階段，所以仲未可以使用。 6號幹線：將軍澳 ↔ 西九龍（預期2020年通車） 11號幹線：北大嶼山 ↔ 元朗 （計劃中） 了解完之後，大家有冇更認識自己嘅城市呢？之後就更易認識香港嘅道路啦！ ------------------ ◆ 每日分享知識、每月提供課程 ◆ Beginneros網站：https://www.beginneros.com/ ◆ Youtube：https://goo.gl/OEJrGt ◆ 冷知識投稿：http://goo.gl/zEYS3q