熱門Ptt文章

[爆卦]上環文咸街是什麼？優點缺點精華區懶人包

雖然這篇上環文咸街鄉民發文沒有被收入到精華區：在上環文咸街這個話題中，我們另外找到其它相關的精選爆讚文章

在 上環文咸街產品中有500篇Facebook貼文，粉絲數超過0的網紅，也在其Facebook貼文中提到， 阿妹，想食乜！同你介紹返咩係菜！ 亂鳩咁黎系列，啊，應該係全職炒散系列話做就做，今日，我係菜檔陪同店主賣左半日菜，真係眼界大開，唔講太多，去點！ 1）是日任務，賣菜！地點，屯門新墟街市，下午時段 2）政府街市，非領匯，檔口係兩個連位，目測菜品種類超過三十款，每款都唔算多 3）第一單生意，菜芯...

　同時也有81部Youtube影片，追蹤數超過7萬的網紅Data Ma，也在其Youtube影片中提到，想知道更多深圳吃喝玩樂的資訊，請訂閱我的Youtube Channel https://www.youtube.com/c/DataMa01?sub_confirmation=1 龍邦燒味小廚茶餐廳 地址 : 上環文咸東街38號B地舖 港鐵上環站 A2 出口, 步行約2分鐘 電話 : 234...

「上環文咸街」的推薦目錄

  • 上環文咸街 在 Facebook 的最讚貼文

    2021-09-29 22:28:12
    有 777 人按讚

    阿妹，想食乜！同你介紹返咩係菜！

    亂鳩咁黎系列，啊，應該係全職炒散系列話做就做，今日，我係菜檔陪同店主賣左半日菜，真係眼界大開，唔講太多，去點！

    1）是日任務，賣菜！地點，屯門新墟街市，下午時段

    2）政府街市，非領匯，檔口係兩個連位，目測菜品種類超過三十款，每款都唔算多

    3）第一單生意，菜芯，一斤，廿蚊（覺得貴？咁要睇埋落去）

    4）首先介紹返店主先，八十後，用五百蚊入行，零晨五點係街市前走鬼，然後投標入左街市擺檔，新墟檔口已經有八年歷史

    5）店主只有一人，無請員工，返工時間，未發達前，凌晨四點幾五點，到晚上八點，幾乎你收工就要返屋企訓等聽日再開檔；發達後，朝早七點半，去到檔口叫早餐嘆，六點收檔走人

    6）賣菜都會發達？一日搵幾多？黃金年代一日純利四五千走唔甩，今日就唔同講法，想知今日埋數賺幾多？慢慢睇到最後一點

    7）如果想入行賣菜人工幾多？店主分享，你連菜芯同芥蘭都唔識分咁做，都一日700，當你熟手，甚至一手就可以精準拎到一斤菜時，就由一日900－1200不等，但你要搬菜，無體力請自重

    8）有冇假放？你見街市有冇休息？幾乎只放新年，唔好講周末假期，長短周，連紅日你都要返工，店主聲稱只會去旅行時先會放假

    9）付出咁多，你得到咩？養妻活兒，買樓唔太大既樓絕對無問題

    10）睇到呢度，想入行做店主？請睇後面，會講晒所有條件比你聽

    11）開始你問我答環節，咩季節食乜最好，低級問題，夏天食瓜果豆，冬天就菠菜豆苗西洋菜西芹粟米蘿蔔

    12）菜芯公價係幾多？無所謂公價，唔同地方有唔同價錢，同樣係菜芯，由貴至平既排列大約如下：City Super，一田，大型連鎖超市，街市「執」菜檔，街市「唔執」菜檔，街邊大型菜店（夜晚會放晒出黎一份份平到五蚊有交易個種），而店主既菜芯係20蚊一斤

    13）五蚊斤菜芯其實你都買到，點解店主會賣20蚊斤？上面講到一個「執」字，會執既菜檔普遍都貴，因為店主會將唔靚既菜頭菜尾都幫你處理好，唔好睇同壞既菜會丟左，你返到屋企只需要洗一洗就可以直接煮，有別於「唔執」檔，其實佢地有三分一都用唔到，佢貴係貴在個人工錢（其一）

    14）有機菜合集，點去分辨有機菜？當你發現檔口有一大個「有機產品」Logo時，佢先「有機會」係有機菜，無Logo就一定唔係，想保證有機，請去大型超市就一定唔會呃你

    15）有機菜係咪無農藥？錯，有機菜都有機會有農藥，只係係規管下你唔可以用多過幾多農藥，就算你食有機都「可能」有農藥使用過

    16）有機菜係咪好食D，店主話根本難以分辨，味道口感同營養都唔係因為有機同無機而出現分別，你覺得有機菜好食既就食有機，開心就好

    17）店主係咪賣有機菜？唔係，但店主主要係賣本地農場既菜，亦因為咁，呢個係佢貴過外面既原因之二

    18）本地農場係咪好食D？唔一定，但一定會比進口菜新鮮，因為係運送過程會比進口菜短好多，本地菜由佢收割到街市，大約一兩日，店主話，大陸菜芯係寧夏過黎，唔通飛機空運咩，陸路過黎，又要車程又要過關，黎到香港去批發再派貨，自己計放左幾多日啦，當菜新鮮，自然就無咁老咁多渣

    19）幾點前買菜最好？中午前啦，中午後就開始有野賣晒，當然你食大路野都會比較易買到

    20）幾多錢先送蔥？店主話真話係，睇佢心情，我見佢有時送蔥有時送辣椒有時送蘑菇，靚女係有多D野送（以我觀察）

    21）超甜粟係咪真係甜？係，但你要確認到佢真係超甜粟，最簡單分辨係粟米粒有黃有白，如果粟米鬚呈銀色就係極品（我打開粟米見到有條死蟲，店主話呢種通常都會捐去食物銀行，黑心店就會切走照賣）

    22）讀者你問我答環節，有部份我都答左係上面，蕃茄係咪個底有粒星就甜？唔係，最緊要紅同軟，因為熟到軟既先代表甜

    23）有機菜係咪會多d蟲，係，因為用少左農藥，整體會「樣衰」過無機菜

    24）點樣洗菜最好？浸，然後洗兩轉都夠晒

    25）入貨有冇MOQ，你一百蚊都可以買，有錢就得，有機菜要買唔難，但你要再轉賣有機菜就要有牌

    26）菜係咪一定要噴水，係咪呃秤？店主即時展示佢既霧化噴壺，噴完之後佢問我，你覺得重左幾多？點解要噴水，店主有兩個解釋，一，依家街市有冷氣，比冷氣吹到菜乾左會唔好睇同老，所以冷氣位一定會噴水；二，因為大家都理解有水既菜先新鮮，為左滿足大家既心態，佢噴比大家開心下

    27）菜有水係咪好快爛？唔係，店主話，你條菜乾到無晒水份，你放幾耐佢都係咁，但一定唔係好事，水係有助保存

    28）如果買左菜食唔晒點保存？浸冰水，溫度會令菜保鮮；想放雪櫃點好？浸完水，飛水，唔好滴住咁放入雪櫃，唔駛乜報紙啊保鮮袋等等，其實都差唔多，因為家用雪櫃有抽濕功能，所以放保鮮格係會有助菜保留水份

    29）菜係咪海鮮價？可以話係又可以話唔係，之前講到，有機、無機、本地、進口、地點、有冇執過都會影響價錢，當一棵菜芯係你眼中只係菜芯，咁就係海鮮，但你知道佢係一條本地有機執過既菜芯時，就係物有所值

    30）冰菜上面既冰係咩？鹽份，所以冰菜有咸味

    31）點氹師奶？店主教路，男既全部叫老闆，女既全部叫阿妹，呢個問題係我聽到佢叫緊一個六字頭既阿嬸「阿妹」後問……

    32）點打敗家農呢類菜品店？有錢，你有一百億既可以同佢鬥過，但店主表示自己有一百億不如收息嘆世界，點解仲要賣菜？

    33）仲請唔請Partner？店主無意開分店，依家佢賣菜係興趣（從佢撩阿姐既行為中，我信佢係真心喜歡賣菜）

    34）點解每種菜唔同價錢但收幾錢就咁快計到？店主話當你日日都計，計足十年，你都可以

    35）芫茜同蒽點樣可以放得耐啲？店主無奈表示，食左佢啦，真係要放，冰水，曾經有客問佢菜可唔可以放兩個月，店主指左對面間菜乾店叫佢買菜乾

    36）每日賣淨既菜會點處理？一，食物銀行；二，賣比餐廳，通常都唔會掉，收檔時我見佢薯仔、薑、蒜頭呢類貨會留之外，其他全部入膠袋，夜少少會有人收走送去餐廳

    37）平均一斤菜有幾多利潤？唔定，愈大路既菜利潤愈少

    38）有冇人收陀地？無，最多都係舞獅派財神，十蚊打發走個種（佢係政府街市）

    39）老老實實賣菜係咪生存唔到？係，答案太長，下回分解

    40）如果你想入行，可以點？店主表示，如果你可以申請到政府街市，一個月租金平到你唔信，只要你開舖都唔會憂，領匯就唔好諗，原因太長，下回分解；以佢舖位做例子，起動成本只係兩萬以內，是日入貨1052，本真係唔算多

    41）如果聽日係世界末日，店主只可以食三種蔬果，佢會食乜？非本地系列：日本產香菜、法國番薯、荷蘭甜椒；本地系列：香港椰菜、荷蘭豆、扁豆（原來兩種豆係唔同）

    42）有關點揀菜……篇章太長，我會之後再解釋，今日記野都記到我頭都暈

    43）是日進貨成本，1052；是日銷售額（只計紙幣）3800

    44）是日本人收獲，老細請左我食外賣，一條老細精心挑選既蘿蔔同粟米，同埋一堆聽極都唔厭既賣菜知識趣事，請容我叫老細一聲，師傅！！！！

    作者的話，今日真係獲益良多……我對菜真係一無所知，比佢笑左我好多次，對於一個完全無架子，願意分享成行所有情報同潛規則既店主，仲完全不求回報，佢話唔好開佢名，以免比人點錯相！我代讀者們再一次多謝佢，而我都同佢講，我仲有好多問題想知，一定會定期再搵佢！

    所以讀者們如果有問題想再問既，請留言！！！！！！！！！

    如果喜歡呢個系列，同埋想感謝店主既分享，請比Like Comment and Share！！！！！店主有偷偷睇Post！

    賣菜系列將會下周再來！而我亦準備做圖文版本，需要較長，敬請留意我既更新

  • Travela 莎朗

    上環文咸街 在 Travela 莎朗 Facebook 的精選貼文

    2021-09-28 18:34:38
    有 10 人按讚

    #英式中菜 @1908bc_hongkong

    最近身邊好多人移民英國🇬🇧
    聞說係嗰邊都新開左唔少中菜館
    🤔唔知英國的中菜又係點呢？
    可能有人會覺得英國中菜一定有傳統中菜咁好啦！
    琴晚去呢間餐廳就講俾我知
    原來英式中菜都一樣好有中式靈魂😉

    呢日要同波士食飯，揀左間望落幾decent的新餐廳。我冇影環境相，但由個招牌講你知，佢絕對唔係果種老土全木唐人餐館feel。係好新式、型格水泥磚牆，藍白黑色做主調的型格餐廳。

    餐廳採用英國中菜館大受歡迎的菜式。👨‍🍳原來老闆係英國已經經營了20年中菜館。

    🥢小吃：英式蝦片
    由英國空運來的蝦片口感細緻，蝦味唔算好濃，但同時完全唔油膩。

    🥢頭盤：椒鹽豆腐、生菜包🥬
    椒鹽豆腐外脆內嫩，欣賞佢調味唔算重，食完又食都冇罪惡感。生菜包我平時不太喜歡，因為吃得很論盡，但這裡已經一是個個包好，方便食用，抵讚。

    🥢前菜：香酥鴨🦆
    係呢間餐廳嘅招牌菜之一，係外國版北京烤鴨嘅做法，但係將鴨肉醃至入味後撕碎後再炸，呈現酥脆的肉絲狀。鴨肉偏乾身，但香味十足，連埋秘製醬汁、大蔥、青瓜絲，中和乾身嘅口感。

    同事話：「我都係鐘意北京烤鴨多D。」其實野食去到唔同國家都會改變做法口味，移民都一樣，要帶一個新嘅心境去接受事物，學習欣賞新事物新環境，都係成長的一部分。

    🥢主菜：宮保蝦仁🦐
    第一我覺得係佢改錯名了。不是蝦仁，是巨型蝦球！原來是由馬爾代夫或塞舌爾直接空運到港。清澈湛藍嘅海水下，果然連海蝦都特別爽口彈牙！糖醋汁很醒胃，很適合作為開胃菜。呢一道菜同行朋友都一致大讚好食👍🏻呢味絕對好食過雞丁。

    🥢主菜：韓辣汁燒牛肋骨🐄
    牛肋骨採用左和牛來做，煮得十分腍，充滿膠原之餘完全唔韌，入口即化。泡菜嘅香酸辣配合滑嫩嘅和牛肉‥‥無得彈！係下次值得再嚟食嘅一道菜。

    🥢主菜：燒豉油雞🐔
    食唔慣西化中菜可試試原隻燒豉油雞，皮香之餘唔會乾身， 而且雞肉好滑溜。

    🥢蔬菜：薑汁炒芥蘭
    好少食芥蘭食得咁精緻。芥蘭煮得偏軟身好啱我口味，薑汁又不會喧賓奪主，連蔬菜也煮得唔錯。

    🥢飯麵：集燴炒麵、揚州炒飯🍚
    飯麵諗唔到食咩，最好食呢個。煎至雙面金黃嘅麵條上面有魷魚、雞肉、蝦仁和蔬菜，朋友們都大讚好食，我已經食得太飽冇試，只係食左揚州炒飯，但真係煮得好好，揚州炒飯係粒粒分明，夠乾身，每一粒都有蛋碎拌住。平時最難吃嘅青豆，竟然都有種充滿水份嘅口感，估唔到最後一味菜仍然驚喜連連。

    最後點左幾件蛋糕作結🍰。可能是因為前面嘅中菜太出色，我反而覺得蛋糕好甜，唔係我口味🙅‍♀️。

    好多人都會對未試過嘅新事物新環境都好抗拒好擔心，但正如英式中菜一樣，未試過點敢話傳統中式一定更出色？而事實上的確有唔少英國回流嘅人讚當地中菜比香港嘅更加好。移民都一樣。

    總括來講，餐廳野食出色，服務方面可再細心些🤵‍♂️。例如提醒客人訂房要帶針卡，有D菜式冇提供，最好提早講俾客人知。。
    　　
    　　
    　　
    📍　1908 British Chinese
    地址：上環文咸東街22-26號柏廷坊5樓
    是日人均消費：$400-500

    #britishchinese #chinesefood #hongkongfood #hkrestaurants #tastingtable #tastehk #hkdining #newrestaurants #newrestaurantshk #finedining #foodphotography #foodblog #igfood #hkig #hkiger #foodie #foodporn #852 #hkfood #homekong #hkfoodblogger #香港美食 #美食 #食評 #相機食先 #吃貨 #上環美食 #食好西 #美食推薦

  • Foodcafealcholic_hk

    上環文咸街 在 Foodcafealcholic_hk Facebook 的最佳解答

    2021-09-19 21:05:07
    有 0 人按讚

    ☕️隱藏日式簡約風咖啡店🎐
    -
    依間cafe六月開張，可以算話幾新下~ 地點雖然係中環，但由於係樓梯比較下面嘅位置，還需要啲眼力先搵到。唔係大街嘐嘅關係，所以就會有種寧靜休閑感，加埋地下嘅bar枱半open area，特別chill🌿 店內分上下兩層，用餐位置主要集中係上層，大大幅富士山牆最為吸睛，加埋木製和藤製枱櫈，幾寫意，係樓底矮左，欠缺空間感。菜式唔算多，以日式定食為主，但飲品上就特別啲，由其係熱可可，係每人必點之選🍫
    -
    日式平鐵牛扒 ($268) 選用牛肩位置，食落軟嫩適中，肉味幾濃，入面仲keep到粉嫩嘅顏色🐂 上面仲放上香氣十足，帶鹹香嘅木魚絲，帶一帶出個牛肉味。定食仲包含素冷麵，麵鼓湯 以及 兩款漬物。其中玫瑰梅子葉漬白蘿蔔仲係自家醃製，食落爽脆帶梅子嘅酸甜味同玫瑰花清淡嘅花香，幾有心思🥢
    *
    漢堡扒定食 ($158) 漢堡扒上面鋪上半溶芝士同半熟太陽蛋，一切蛋汁流出，夾埋一齊食幾滋味~ 係略嫌漢堡扒乾身同熟左少少，欠缺肉汁
    *
    月亮興六便士 ($88) 中科限定特飲，好似成個月亮係個杯到，夠哂意景🌕 中間圓形嘅係用牛奶整成嘅杯，而底下即係伯爵茶同朱古力，最後倒上一杯濃郁嘅espresso，茶啡兼備，仲有微微朱古力同奶嘅甜味去balance返，味道上非常有層次
    *
    敞開心扉的萬靈藥 ($68) 單單係朱古力四款，名叫魔法可可係因為加入左唔同配料，例如薰衣草，印度人參，薑黃等，而達到唔同功效🪄 而依杯朱古力就添加左肉荳蔻同玫瑰花🌹 除左賣相夠哂吸引，仲有鎮靜，舒緩壓力嘅作用。又啱嘅，甜甜哋又有濃郁嘅朱古力味，真係會令人心情變好✨
    -
    日本東京第一 ($68)
    巴斯克芝士蛋糕 ($58) 依兩款芝士蛋糕大至相近，但東京第一個款芝士味再偏酸少少，帶輕微果香，質感偏厚實~ 而basque cheesecake 就多左一份焦香，兩款都可以一試🍴
    -
    時光逆流 (中環)
    中環雲咸街41號文靜大廈地下低層

你可能也想看看

搜尋相關網站