【罐頭湯烹煮飲用好方便?含鈉量高,多飲致水腫】
想飲啖湯但自問無廚藝天分,開 #罐頭湯 快靚正。市場上罐頭湯選擇多,中西式口味齊備,而且味道美味。罐頭湯烹煮和飲用方便,但都唔可以飲得太多,因為罐頭湯鈉量非常多,飲得過量影響健康,有機會引致 #水腫、增加 #高血壓 等。
🔽🔽🔽🔽🔽🔽🔽🔽🔽...
【罐頭湯烹煮飲用好方便?含鈉量高,多飲致水腫】
想飲啖湯但自問無廚藝天分,開 #罐頭湯 快靚正。市場上罐頭湯選擇多,中西式口味齊備,而且味道美味。罐頭湯烹煮和飲用方便,但都唔可以飲得太多,因為罐頭湯鈉量非常多,飲得過量影響健康,有機會引致 #水腫、增加 #高血壓 等。
🔽🔽🔽🔽🔽🔽🔽🔽🔽🔽🔽
關注自己及家人健康?
立即 Follow @LikeMagazineHK , 每日送上健康生活Tips
🔽🔽🔽🔽🔽🔽🔽🔽🔽🔽🔽
日食1平茶匙鹽超標
成日話唔好食咁多鹽,咁攝入幾多鈉先叫做超標呢?一齊嚟再重溫一下。根據世衞建議,成人每天需要2,000毫克鈉,即約相等於1平茶匙食鹽(約5克鹽)所含的鈉分量。根據衞生署的資料,本港成年人口每日的鹽攝取量約為8.8克。明白到港人食鹽有幾過量未?
罐頭湯鈉含量高
好,回到主題。罐頭湯多鈉,其實大家心照,問題係唔「畫出腸」嘅話,大家都唔識驚。先嚟睇睇成日被人大讚入口好creamy嘅「#周打蜆湯」,每100克就有680毫克鈉;另一款同樣以滑口惹味嘅「#忌廉蘑菇湯」,每100克有638.5毫克鈉。再睇下好多人以為健康嘅 #栗米湯,每100克就有770毫克鈉。至於 #蔬菜湯,每100克就有720毫克鈉。
#中湯 嘅鈉含量又如何?即睇最多入廚人士愛用嘅 #清雞湯,每100克含470毫克鈉;#豬骨湯 則每100克有490毫克。按食物安全中心指引,每100克食物鈉含量超過600毫克已經係「高鈉」。
唔夠味用香料調味
按以上例子,罐頭西湯似乎含鈉較中式湯多。不過,計鈉含量,不論中西,總之係罐頭或包裝湯都唔算少。唔好忘記,一日裡頭你唔係淨飲呢碗湯,仲會食其他食物,食物中多多少少含鈉。飲咗罐頭湯已佔去一日攝取鈉量嘅大部分,甚至超標,再加埋其他食物,你個腎真係負擔得到?攝取過量鈉,會增加患高血壓嘅風險。建議大家選購時,認真睇睇營養標籤,盡量揀含鈉低一啲嘅產品。另外,飲用時可添加新鮮蔬菜,多攝取維他命、膳食纖維等營養。若覺得罐頭湯仍未夠味,咪再落鹽,改用香草、香料、蒜頭、胡椒等調味,都可以減少鈉攝取量。
一茶匙鹽等於幾多克 在 ON菇男 Facebook 的精選貼文
《時事處境題》下午茶時間到啦,頭先食飯有冇食呢啲?睇吓吸咗幾多鈉?世衞話每日鈉攝取量唔好超過2,000毫克,即5克鹽(相等於一平茶匙)on菇~
#做男人最緊要知足...火腩飯