啲彩虹字都有諗過ga wor thank u for your coming ! Good show in come on!!!!!!! #Repost @kb_kevinboy with @repostapp.・・・Thanks for inviting us to your noon d JY ! 好好玩呀！ 識蒲緊係蒲Noon d 架啦！今日VoLar破處第一次日頭攪 D和播 中文歌！ #hkig #hkiger #instadaily #instamood #ighk #我是一個小小小小小小小鼓手 #noondwithjoeyyung

龍小菌經理人報警 拉朱主席 - 蘋果日報

http://hk.apple.nextmedia.com/enews/realtime/20140910/52887593

早前龍小菌經理人邵子風狙擊朱主席(朱壽仁)，話佢睇騷唔比錢走數，點知之後越揭越多，又話佢非禮女士，早前仲陪一位懷疑被朱主席非禮嘅台妹Bella去報警，之後仲上埋有線節目對質。不過雖然警已報，案已落，但香港警察似乎仲未搞到朱主席接受調查，激到邵子風彈起，喺FB鬧爆。(新聞連結: http://bit.ly/1wfQszL )

事件到今日，就有一個戲劇性發展。有個名為「中文大學法律學院研究生會」嘅組織，原來今日請咗朱主席做嘉賓，騎呢？未算。

呢個活動係喺中環夜店Volar舉行，聲稱係該會主席、一身超性感打扮嘅Vivian向傳媒表示，今晚請來朱主席做嘉賓，晚上七至九點與一眾學生交流，更表示之後有醫生呀律師呀到場添。

點知活動開始冇耐，邵子風竟不請自來；未幾更有幾名警員到場，分別向邵子風同朱主席了解情況。原來今次係邵子風報警0架!

警方到場前，朱主席其實一早到酒吧，一臉風騷。大家追問單案進展如何？朱主席就表示已交律師處理。談到是否遭通緝？朱主席即表示:「冇呢件事!唔好似山草藥咁，噏得就噏!」

對於邵子風已報警，朱主席表示從傳媒口中得知。至於會否返警署？佢就話:「冇咁嘅情況，清者自清，我冇做過!」點知警員一到場，局面就唔同晒。

現場只見邵子風非常合作向警方提供身份證，但朱主席就推三推四，戴住黑超坐喺梳化上，好似大爺咁大搖大擺，無論點都唔肯俾身份證，更反覆道:「咩原因要我出示身份證？」、「我要等我律師嚟先至俾。」又要警察行遠少少，因感到有威脅喎。

警方多番要求朱主席出示身份證，朱拒絕，雙方拉鋸近二十分鐘。結果一名警長再三要佢出示身份證，邵子風即講大風涼話:「你點走得甩？」

最後警方建議朱主席去警署助查，朱本不肯，警方就話:「如果你喺現場做，好可能你啲資料會俾人知，咁你介唔介意？」

此時朱主席態度突變謂:「有道理有道理!」邵子風就一直在旁拍片。