#打一句有聲音的句子challenge 喔~主耶穌!

「呼求」，希伯來文意思是「向…呼喊」（call out to），「向…呼叫」（to cry unto）。「向…呼喚」（to cry out）。而它的希臘文意思是「向人懇求」（to invoke a person），「呼叫一個人的名字」（to call a person by name）。所以呼求主名的意義是「呼求主耶穌的名字」（在舊約時代是呼求「耶和華」），用聽得見的聲音呼喊：「主耶穌！主耶穌！」

當然，你也可以照自己的節奏，加上一些感嘆詞抒發你的感受，調節你的呼吸：「主耶穌啊，喔，主耶穌！」

這種呼求乃是一種的呼吸，如同耶利米哀歌說的：「耶和華阿，我從深牢中呼求你的名。…求你不要掩耳不聽我的呼吸，不聽我的呼叫」。（三55~56）這裡耶利米把呼求主名和他的呼吸、呼叫放在一起，表明他需要有一種深處的呼吸，是與呼求主的名有關。

每天你都應該讓肺呼吸，讓身體呼吸，同樣的，每天你也應該讓裏面的人呼吸，藉著呼求主耶穌，讓你有一個屬靈的呼吸。

一，醫管局職工經過大比數決議，宣佈罷工。發言人台上灑淚；睇得出都係一個困難嘅決定。其實經過沙士一役，我相信好多香港人都企響醫護嘅一邊。

二，當然，亦唔排除會有藍朋友會話：「做得呢份工，就預咗㗎喇。」我唔知佢哋係咪做醫護；係嘅，我都會尊重佢哋堅守前線嘅勇毅忠誠。不過，假如係唔關係嘅人，我只會講：「你都幾無良，迫人攞條命搏。」

三，道德，早幾日講過呢個題目；其實有一個好基本嘅原則：「己所不欲，勿施於人」呢句說話，出自《論語》。洋人語境，耶穌都講句一模一樣嘅：Do unto others as you would have them do unto you。當耶穌同孔子都不約而同，夠份量啦。

四，耶穌同孔子，唔係叫你做聖人偉人，亦唔係叫你大愛，而係叫你做返個人。好基本嘅要求就係，你當自己係人，就接受其他人都只不過係人。你會真係搵條命去搏咩？遠嘅唔講，暉明、麗晶、美孚嘅街坊點解咁燥？佢哋心裡面嘅問題係：Why me？

五，政府有冇人出來同佢哋傾？冇。好忙？真係咁忙？一個話得事嘅都唔得閒？唔好玩啦。驚就認咗佢啦。我嘗試代入政府官僚嘅角度去諗，負責搵地方嘅，又唔駛負責同社區溝通；要面對群眾嘅，又唔係搵地方個部門。結果，咪有部門話搵到地方，有部門話好吖，幾時搬；就係冇人會問：「咁有冇同地區人士傾過？」然後兩個部門就你眼望我眼：「傾，咁就 close 唔到 file。」如是者，大家當睇唔到，出事先算。

六，「你又知政府咁多嘢？」同我熟嘅朋友都知，我都算做過下大機構嘅十九管理層；其實大機構同政府，差唔多，分分鐘衰過。剛才講嘅現象，以前打工個陣，日日都見，個經歷都令到我唔想再做大公司。

七，講返正題。千錯萬錯，林鄭就係衰一樣嘢：「點解唔封關呀？不該！」

八，其實，我都係估，林鄭非不為也，實不能也。我唔係為佢開脫。佢要搵十九個理由去支持「死不封關」呢個決定，係因為呢個係佢唯一可以做嘅事。咁點解唔可以呢？最大可能性就係北京唔畀。

九，點解北京可以封武漢、封湖北，就係唔畀香港自封？其實你都可以想像個畫面：香港宣佈封關，大家額手稱慶；即係，行動上確認咗中港區格得人心。嘩，咁仲得了嘅，咪畀班反中亂港有位入囉。所以，澳門就可以，香港就唔得。（後補：讀者指正，澳門都冇全封，只係對曾經去過湖北嘅入境人士作出限制。）

十，封關，本來係特區政府彰顯「香港可以說不」嘅絕佳時機。依家先封，我睇香港人都唔會原諒佢；當然加埋之前幾個月嘅恩恩怨怨，呢個政府醫返都嘥藥費。

十一，不如，我又估下北京同香港政府，會點樣應對吖。大家可以 Save 低呢篇，過半年大家對一對。

十二，先講北京。很肯定，中央會不計後果咁，超級放水。又話說，近年大陸有個講法，叫「定向寬鬆」，意思係不但放水，而且可以對到準一準咁放。呢次嘅規模，點都會大過2008年嘅四萬億。即係話，衰足十年嘅 A 股，都有可能水浸。

十三，當然，北京放水，一定會同時吹水，講到係要發展乜乜物物。今年要公布「十四．五」規劃；其實上年底，發改委已經開工起草。 我睇過下啲文件，話「十四．五」呢，會將市場行為劃做「第二准則」，我嘅理解係會講到明有乜係市場唔可以做，剩底嘅，先至由得你去玩。

十四，我又見文件講咩「工業化後期」、「人工智能」、「城鄉人口雙向流動」、「高齡化」、「生態建設」同埋「社會治理」。究竟有邊啲股份受惠，大家仲有幾個月去慢慢研究。

十五，「區域協同」都似乎會係重點。咁，大灣區就一定會講，深圳就一定係主力，香港就金融中心乜乜物物，珠澳橫琴咩休閒旅遊，廣佛係行政文化⋯⋯非常之咁 predictable 。

十六，香港呢？香港一樣會係咁派錢。不過，香港真係距離結構性赤字冇幾遠喇，所以特區政府會派，但大多數嘢都唔會恆常化。

十七，不過，政府體制同負擔，已經超出呢個人口逐漸高齡化嘅社會可以承擔嘅程度。過去，我講緊十幾年前，香港特區政府會講咩吸引人才之類嘅，今日仲講呢套，真係難聽過粗口。至於叫退休人士返大陸養老，我諗講出口都一樣畀人吊起來啦，係咪？

十八，所以，可能呢個政府，乜春都唔講。但，唔代表唔做嘢。

十九，從香港公共財政嘅結構去分析，利得稅你唔郁得，一郁就真係拆去新加坡；再講，其實好多企業，根本就係要來 hold asset 之嘛，邊有稅交？來來去去，咪又係個一百幾十間大企業。

二十，今時今日嘅社會，尤其係服務業，你加我 1% 稅率，我肯定有人將基地外遷（我都講咗幾年）。政府稅收增加嘅比率，亦唔會等於稅率增加嘅比率；分分鐘收少咗都唔定。一刀切加利得稅，未必有著數。

廿一，不如加啲走唔甩嘅大財團啦！我都幾肯定，政府係咁諗。大財團亦都一定詐型。世界同北京大旋律之下，咩企業社會責任吖嘛，我估政府會有啲 plan 畀大財團：你一係交稅，一係就自己攞去做公益嘢。機會來喇飛雲！啲咩 NGO 社企之類，一定好好生意。

廿二，以上，都係解決唔到香港公共財政最根本嘅問題，就係越來越多人，甚至企業，佢哋最重要嘅財富來自資產價格上升。理論上，香港冇資產增值稅，但好似話為賺取收入而買賣資產，又可以收你稅喎。但係，呢啲技術問題，一定可以技術解決。我唔買賣資產，但搵方法變現金流得唔得呀？一定得。現金流收入，畀少好多稅。不過，呢啲玩法只限一百幾十億身家以上嘅人，我估呢度冇幾多個（有嘅，inbox 小弟，等我開心下，原來都有咁 high net worth 嘅讀者）。

廿三，最後，呢個政府除非放棄聯匯，否則唔可以賺好多，印以亦唔可以自己印錢買自己嘅債，所以唯一可以量化寬鬆嘅資產，就係⋯⋯登登登等⋯⋯土地！

廿四，明日大嶼，就係土地量寬。

廿五，唔熟地政嘅朋友，可能會以為，政府鬥地主要收農地，其實就係要迫發展商明日要用真金白銀支持明日大嶼嘅地。我反而更相信，政府要發出一個訊號，迫發展商盡快用更高嘅溢價提出轉換土地使用，如果唔係就搞你。某程度上，都係一種鬥地主。

廿六，發展商，其實都係睇住麵包幾錢就用幾多錢去買麵粉。政府當然唔理得咁多；喂阿哥，大家都等錢駛，唔係你窮就係我窮，咁梗係你窮好過我窮啦。

廿七，發展商同政府，我覺得，最終係沒有贏家。土地嘅量寬，唔係冇代價。我見到未來嘅香港，窮人一世住公共房屋，係一世。以前仲有流動性，至少跨代有流動性。未來，階級會世襲，流動性大減。

廿八，土地經濟鏈崩解，可能有社會棟樑拍晒手。但係我想提醒一下大家，發展商嘅資本係流動嘅，唔響香港賺錢，佢哋都會將重中轉移。事實上，過去十幾年，好多都已經到處投資；甚至乎佢哋嘅私人投資，早就散佈世界各地。佢哋可以十幾代人都唔做嘢，都過得比我地富庶。但從前香港，由基層晉身中產，得兩條路：入大學神科同置業。

廿九，我曾經聽過一個故仔。有位仁兄，佢中環有一幢大廈咁多。有次佢話，每個月收租嘅錢，夠買一架法拉里；買得多，都厭啦。最終，都要搵地方投資，結果買埋買埋的大藍籌科技股，又倍倍聲咁賺。重點係，呢位仁兄響個有錢人圈子入面，根，本，唔，入，流。

三十，就係咁，香港真係一個好顛倒嘅地方。富不與官爭咩？咪唔好爭囉。冬天去下滑雪，夏天就巡下酒庄，咁又一年。官，日日畀人吊到開花，但真係好慘咩？佢哋閒閒地有幾千萬，仔仔囡囡又可以結交下啲新貴，咁又一世。

三十一，無權無勢嘅，我知佢哋嘅積怨。早幾年，大家都發下夢，以為可以做隻咩 App 畀騰訊阿里收購，就有十億八億。發夢就冇咁早。事實係，搵兩餐晏仔，唔難；發達，就可以慳返。

三十二，講真，今時今日搵十萬八萬一個月，都真係算窮。你無聽錯。係窮。搵幾百個一年，有資格做中產。有幾千萬身家，大把人。過億，都先至剛剛叫做有個錢。我有時覺得，只係可以出得起兩、三萬請個同事幫下手，真係唔好意思開口叫佢哋做咁多嘢。

三十三，香港咁嘅狀態，好大程度係因為量化寬鬆。其實量化寬鬆，唔單止令香港扭曲晒，甚至乎世界各地發達國家，多少都係咁。不過，你去美國，大不了搵個鄉下地方，過田園生活，一定餓你唔死，等閒打下機，上 Facebook ，上 Amazon 訂下嘢，咁又一日。

三十四，但又話說回頭，搵幾世都用唔晒嘅錢，又點？咪用唔晒囉。我知我咁講好似有少少阿Q，但實情係，歷史上有錢人不嬲都係極少數，科學家都係，運動員都係。不過，偏偏香港有一段日子，演變出一種以身家論身份嘅文化；咁當其時又真係做大學教授嘅十個八個，非常咁見駛。做大企業管理層，十個廿個，已經住紅山半島陽明山莊。呢個係上世紀八、九十年代，我哋稱為香港黃金時代最好嘅日子。

三十五，其實自從亞洲金融風暴到沙士，香港已經內傷；我越睇就越覺得，近年香港係故事嘅尾聲。對社會，我係悲觀嘅；甚至對人類文明，我都好灰。我唔擔心自己，我擔心嘅，係下一代人面對嘅世界。

三十六，唯一希望係，我哋嘅下一代，可以平安咁過自己嘅人生。正如一開始所講，道德其實好簡單，做人，就係對身邊嘅每個人嘅要求，就好似對自己嘅要求一樣；唔好睇唔起自己，亦唔好睇唔起其他人。好人一生平安，亦應作如是觀。

《Candide》是一部好玩和滑稽的小說，放到伯恩斯坦手上笑點就更加密集和濃縮，所以邀請你不只看我的文字註腳，更重要去片親耳聽聽你未聽過的諧趣，例如這一段：

Life is pleasant, life is simple-
Oh my God, is that a pimple?
No, it's just the odd reflection -
Life and I are still perfection!
I am everything I need!
Life is happiness indeed!
活着歡樂活着簡易，
哎呀嗰度係咪瘡痍？
原來只係無聊質疑，
活着的我無瑕生疑—
應該有嘅我盡懷，
生於世無疑幸快！

Life is happiness indeed，故事開始講到城堡裡的一群富二代在炫耀和較量自己有多好，去證明活着就是幸福當然，但這樣還不足夠，堡主還僱老師Pangloss灌輸他們樂觀主義的精粹，下一幕就是教〈The Best of All Possible World〉：

Let us review
Lesson eleven
Paragraph two
Axion seven
Once one dismisses
The rest of all possible worlds
One finds that this is
The best of all possible worlds!

記得我昨天說的嗎？萊布尼茨的邏輯。歌詞下一段由哲學跳到生物學：

老師：
Pray classify
Pigeons and camels
學生：
Pigeons can fly!
Camels are mammals!

然後老師借題發揮跳到他想要的結論：

There is a reason
For everything under the sun!

「日光之下，凡存在皆合理。」你要小心這句說話——既然萬物皆理，怎解釋日光之下有無理的事發生呢？於是學生Maximillian提出了反對：

Objection！
What about snakes？

蛇這種生物如此惡毒，又害人類逐出伊甸園，上帝為甚麼創造牠呢？Pangloss唱出他的「道理」：

Snakes!
'Twas snake that tempted mother Eve
Because of snake we now believe
That though depraved
We can be saved
From hellfire and damnation
蛇啊？
靠蛇試探眾生之母
拜蛇所賜眾生先至信
就算墮落喇
眾生都可以得救
遠離永火和詛咒
If snake had not seduced our lot
And primed us for salvation
Jehova could not pardon all
The sins that we call cardinal
Involving bed and bottle!
如蛇沒再引人墮落
引我們渴望拯救
耶和華就唔會原諒我哋
所有罪滿盈如樞機
沉溺在床上和樽中

厲害吧？幾句就理掂了人類對上帝的創世質疑，Now onto Aristotle：

Mandkind is one
All men are brother
As you'd have done
Do unto others
眾人皆一體
四海皆兄弟
子曰己欲達
而達人者貴

伏爾泰不只想諷刺基督教，連亞里士多德也要算帳了。到Candide提出反對：Objection！What about war？

老師又要說教：

War!
Though war may seem a bloody curse
It is a blessing in reverse
When canon roar
Both rich and poor
By danger are united!
戰爭啊？
雖戰爭似是血腥詛咒
但反過來說是祝福
當炮彈咆哮
無論貧富懸殊
都因此同舟共濟

Till every wrong is right！
直至錯變成對

Philosophers make evident
The point that I have cited
'Tis war makes equal -- as it were --
The noble and the commoner
Thus war improves relations!
哲學家們有例可證
我只不過引經據典
「戰爭是公平的，因它對
貴族平民一視同仁」
所以戰爭改善關係

所有開戰名義，不都說自己是正義之師？

Now onto Conjugation（詞形變化）！

老師教：

Amo, amas, Amat, amamus!

這是拉丁文第一堂必教的四個字。Amo是我愛，Amas是你愛，Amat是他愛，Amamus是我們愛。然後Pangloss又借題發揮：

Proving that this is
The best of all possible worlds
With love and kisses
The best of all possible worlds!

只要做到人人相親相愛，這不就是我們想要的理想世界嗎？

Quod erat demunstrandum!

拉丁文意思是「這就是證明」。

Q.E.D！

我話ok就ok啦。所有嘢都好好。

落堂！

〈The Best of All Possible World〉影片：https://youtu.be/R3ANMTxGVIw

作者

===========

作者，生於香港，已出版小說《地球另一端》和《捉姦》，可inbox網購。新作品《捉姦》於序言書室和商務印書店上架。