天地不容 - 美X經紀氹老人家買樓

【必廣傳】網上有人爆料，有美X經紀教造假文件氹老人家買尚悅，下列轉載自爆料者 (好長篇，要俾少少時間慢慢睇)︰

我地已經撻訂, 老人家唔想出面, 都唔係想追返D咩野, 但以下全部屬實, 比大家知道大6佬點拎住幾十萬,月入幾千, 去買幾百萬既香港樓, 炒高香港既樓價 (可能大家一向都知, 咁恕我見識少)

講少少BACKGROUND先, 話說家中老人家無啦啦走左去元朗睇尚悅, 仲即時簽埋臨時買賣合約, 比左廿幾萬訂, 之後先同我地(仔+新抱)講, 話因為佢地本身已退休, 冇收入 (有物業), 要我地簽擔保借400萬

咁我地2個細既加埋人工都冇可能可以批400萬 (本身都有供緊樓), 去銀行問過CONFIRM埋係借唔到, 就叫老人家撻訂; 老人家同AA講, AA當然游說佢唔好啦, 仲叫佢叫埋我地入去睇樓, 聽下佢講解

我地知事有QK, 已準備好錄音筆...(不過錄得比較細聲同有雜音, 唔好意思) (大家可以聽返錄音)

見我地有2個AA, 一個係本身sell老人家既女AA, 大陸口音(所以有D聽唔清), 王玉X, 另一個係佢老頂, 之前冇出現過, 區域經理蔣曜X

聲帶前段介紹層樓果D可以唔聽, 由00:00:39開始先係戲肉, 做仔既要問下個老人家點解覺得自己買到呢層400幾萬既盤, 以防佢比人誤導!

(唔鍾意聽可以睇返2-4樓既對話文字紀錄 (簡單打出來, 冇咁傳神), 一開始睇好似冇咩問題, 再冇耐性既就睇紅字重點啦)

人物︰
蔣曜X (AA)--- 蔣
王玉X (AA) --- 王
老人家 --- 老
仔 --- 仔
新抱 --- 抱

文字紀錄︰
00:00:39
仔: (問老人家) 你點買到呢?

老: 如果你呢度冇問題, 就要你加簽擔保先借到30年

抱: 點樣簽架個擔保? 點借法?

蔣: 我地同你計過一條數, 如果你攞60幾萬首期, 月供就萬四左右, 咁你地2個加埋收入$35000 COVER, 咁其實係唔使比錢供, 只不過你簽個名, 如果到時...因為你DADDY六十幾歲, 銀行唔會借, 就算佢有錢係度, 都唔會借, 只會睇後生仔個名, 其賁唔係信你, 銀行知未必係你供, 只不過你攞個收入證門, 公司糧單, 出糧簿比銀行睇

仔: 銀行點解會借400萬

蔣: 銀行就好簡單, 銀行…

仔: 銀行唔係借30%既咩?

蔣: 拿, 因本身係新樓, 如果二手樓先做7成, 如果你係新樓, 因為本身可以做8成半, 85%可以做到

抱: 其實…因為我地本身都有按揭係身, 即係我地本身有物業既, 咁所以呢個係一個問題, 即係銀行點樣計我地條數呢?

蔣: 拿, 其實好簡單, 其實你見而家好多內地人係香港買樓, 佢地係香港有冇收入呢? 其實冇, 係內地既收入, 其實內地普遍一般打工都係一萬蚊樓下, 佢點買4-500萬樓, 每個月有4, 5萬蚊收入呢? 拿, 如果你真係有心諗住真係買, 可以教你點做, 就可以做得到

抱:
可唔可以講下係點做?

蔣: 其實銀行去批一個按揭呢, 基本上係幾樣野, 睇你收入(入息證明), 當然假設呢層樓$14000,當你供緊樓, 可能供都係$14000, 加埋$30000, 如果$30000, 收入$35000, 銀行唔會借, 收入要去到$70000, 銀行先借比你
銀行唔係信你咩野, 係睇數字既啫, 咁銀行點解要信你? 好簡單, 你既入息證明, 咁假設你而家供緊層樓係中國銀行, 另外一層你咪係匯豐銀行做囉,另一間銀行唔會CHECK返你比咩資料中國銀行, 因為大家冇聯繫, 只會係一個叫信貸資料庫先有, 信貸資料庫係講你借左中國銀行, 每月供$14000, 就唔會有你入息
咁你點做呢? 就要$70000, $70000點做呢? 可能我而家入息$30000幾, 咁仲爭$30000咁點? 好簡單, 如果你係香港, 就須要睇你MPF, 每個打工仔都有MPF, 但如果你係大6既, 大6就最簡單方法, 最容易既, 第一樣野, 公司信; 二, 銀行紀錄(銀行流水帳); 三, 出糧單, 大6要有公司印章, 再加搵到呢間公司既人聽電話: “有冇呢個人係度做呀?” “有”咁就得!
因為香港冇一間銀行請員工返大6查你, 冇呢樣野, 所有係香港睇證據, 你公司信有COPY, 銀行有COPY, 公司糧單有COPY, 三樣野, 睇到夠啦佢就批, 就係咁簡單, 再加上你個信貸資料庫正確, 就批!
係大部分內地客, 100%全部做到, 因為點解, 大6唔會有真野, 大6全部都係假, 呢D都係假架嘛!
咁銀行就相信呢樣野, 同埋另外, 而家所做既野, 都係咁樣去批, 因為銀行借錢比你, 點解? 你有錢比首期佢就會相信係呢樣野, 咁當然你要比得到佢睇, 你唔好話口講, 一定要睇得到呢幾樣野, 呢D係我地話得到比你聽, 可以咁做! 當然, 你話點做, 就另外第二樣野!
如果你係OK, 我地可以話比你聽點做, 做好哂成個文件, 比銀行睇, 睇完哂之後OK就批 跟住批完之後, 銀行就銷毀, 就唔會再CHECK, 而家我地全部做D客, 好簡單, 假設$20000收入, 佢而家供樓既壓力測試基本上過唔到6, 好多人買唔到樓, 咁銀行點樣去信你呢? 其實而家好多都係係大6果度做, 你唔好係香港做入息證明, 因為香港呢……


抱: 你意思係即係我地香港人, 我地去大6搵人做呢樣野, 然後去香港銀行申請?

蔣: 當然, 我唔知你用咩方法, 你自己攞到既, 咁因為而家好多香港人係大6打工, 係大6出糧, 佢都…

抱: 我地唔係……

蔣: 我知…
老: 我想問你一樣野, 擔保同埋加名做業主有咩分別?

蔣: 兩樣野, 加名做業主呢層樓佢有業權, 可以加佢去做……

老: 咁都要入息證明架啦?

蔣: 如果剩係做擔保, 佢可以呢層樓冇業權, 例如我太太佢而家有層樓, 有物業但冇我個名, 咁我太太冇野做, 銀行點信佢, 我就做擔保, 但我就冇名, 你明唔明? 但如果調轉我有名, 當然就需要比, 就係咁簡單

仔: 我有D朦查查啦!可唔可以講多次, 擔保係一件咩事?

蔣: 擔保就即係你比入息證明, 簡單D講, 如果佢唔供樓, 佢就搵你, 就係咁簡單, 如果你加名, 即本身係你物業, 佢都係搵你

仔: 但佢冇入息架喎, 佢借唔到錢架喎

蔣: 所以擔保就係睇你啦!

老: 你出面簽咪借到囉

仔: 但我擔保, 我有入息證明, 銀行都唔會借呢舊錢比我架喎

蔣: 呢度就係我先頭所講果樣野

仔: 咁所以就要用頭先果個方法去報入息證明, 就我做擔保

老: 佢地本身入息唔可以做呢樣野咩? 唔可以做擔保咩?

蔣: 我唔知佢收入有幾多

抱: 我地應該唔夠…

仔: 一定唔夠, 加埋都唔夠

抱: 所以你講呢個就係去內地做呢樣野?

蔣: 簡單D講, 如果真係OK, 諗住盡做, 我地可以幫你做得到, 我地做過好多…

抱: 呢個係…如果查到……

蔣: 簡單講, 我先頭講幾樣野, 呢樣野係真, 唔會有假, 明唔明白, 呢樣就你本身可以咁樣報, 咁我唔知啦, 呢個我唔方便…我唔可以…

老: 即咩途徑唔方便講

蔣: 係, 當然, 你簽左合約, 或者點, 到時我地會幫你…

仔: 但呢個入息證明你可以幫我地?

蔣: 唔係幫你地, 我地可以話你聽, 比D野你睇, 你咪跟住你自己搵

抱: 例如係D乜野?

蔣: 公司信, 銀行信, 即我地做過既果D客既資料, 可以比你地參考

抱: 咁我真係可以搵唔到呢D野, 老實講, 我地呢D小市民……

老: 唔係, 其實佢唔講得咁明, 其實都幫我地搞掂D文件證明囉

抱: 係唔係會幫我地搞掂

蔣: 我地唔可以咁講

老: 說話就唔講得

蔣: 可以咁講, 我唔知大家點樣, 因呢樣野我地唔可以咁講

老: 其實就…我明…

蔣: 如果UNCLE你真係想買, 大家又願意, 到其時, 我地比公司信你係點樣樣既, 入息證明, 我地曾做過所有野比你睇, 咁係咪…到時你出示比銀行就得

仔: 老豆, 你簽臨時合約時, 你已知呢樣野?

老: 知邊樣?

仔: 你有冇聽到呢件事?

老: 呢個入息證明, 我意識就話, 你簽擔保….我唔知佢點樣…

仍: 我而家好清晰佢點做

老: 我知…而家我都清晰

蔣: 其實係大6呢, 有錢, 好多野都有

仔: 呢樣野我明…

老: 我冇研究過…..

仔: 但係呢樣野簽臨時合約時佢….而家你就講得好清晰

抱: 因為我地唔知道佢清唔清晰要做呢一樣野王: 簽臨約時佢同我地講, 佢仔仔同新抱可以一齊加簽做擔保 (可能有出入, 佢D廣東話我聽唔明)

抱:係你地建議可以做呢樣野？

蔣: 唔係! 我地冇講過!

老: 應該咁講, 我冇詳細研究果個入息, 可唔可以做擔保

仔: 但你知有呢樣方法架嘛

王: 未講過架

抱: 即唔知有呢個方法?

老: 我覺得都冇問題, 因有事都係追業主既啫

仔: 但果時你唔GUARANTEE一定買到架喎

抱: 係囉, 你可以買唔到架喎

仔: 事實我地係唔夠!

王: 佢話係你地XXX (唔知佢講乜, D廣東話完全唔正)

仔: 我明!

蔣: (對王講)佢地自己傾

抱: 係, 我地…

仔: 你…事實上係唔夠, 我都唔知呢樣野

老: 因為果時話你地簽擔保, 如入息證明簽擔保, 就可以借到8成半

仔: 個問題咪就係呢度…我簽, 但唔係用我入息證明丫嘛, 你而家明唔明?

老: 你而家唔夠都可以…

抱: 我想知老爺你當初簽臨時合約時係唔係你自己提出我兩個可以擔保, 定係…

老: 我意識本來諗住…簽擔保果個, 冇諗住咁複雜, 諗住你簽擔保, 有乜其他問題都唔需要你負責, 錢銀D野唔需要你負責….

仔: (問蔣)講咁耐都未請教你點稱呼?

王: 蔣生抱: 蔣先生

仔: 蔣生, 我問多少少問題, 當我簽左啦, 銀行又借左比我…

老: 唔係借比你, 係借比我30年

仔: 咁好啦, 大家都好有信心, 對於個租金, 咁唔好彩有咩事發生, 個租金真搞唔掂, 真要放錢下去, 甚至租唔出, 供唔掂, 咁銀行追邊個?

蔣: 第一次追佢 (指老人家)

仔: 咁佢一定冇得比架啦, 然後就會搵我

蔣: 我解釋一樣野, 你話租唔到, 香港唔會租唔到, 如果我租唔到, $5000有冇人租?

仔: 我明, 完全明…

抱: 係, $5000但層樓供$14000

蔣: 即係咁講呀

仔: 我係要佢知(指老)流程責任係邊

老: 我清楚, 我同你講, 第一係追我, 唔係追你…

抱: 唔係, 佢意思係佢追你都冇用

老: 點解冇用

抱: 因為…

蔣: UNCLE意思係佢而家有層樓…

抱: 我地想安全D, 我地唔想去到…

蔣: 你有入息證明, 唔須要2個擔保, 1個都得

仔: 除呢樣野仲有冇其他方法

蔣: 冇, UNCLE問過我60幾歲得唔得, 我話就算你有錢擺左係度, 銀行都唔會借, 因為70歲減…

老:年期都借唔到

蔣: 咁你如果借5年, 要供幾多? 即係銀行肯相信, 即你話搵20-30萬, 銀行未必會信, 但如果後生仔…

老: 即手續上, 你需要幫我申請借30年, 但你其他問題, 週轉, 供既問題…

仔: 銀行需唔需要知層樓我地係放租, 我觀念係如果我層樓係買來收租, 息口係唔同

蔣: 而家全香港, 冇人會同銀行講收租, 但當然, 如果你話我一定要…我專登走去銀行講話收租, 咁銀行咪息口貴D

仔: 但銀行好清楚我地…

蔣: 係情理上, 銀行唔理你收租定乜, 實際上, 如果你要填下去我要寫收租, 我吹你唔脹

抱: 我想問呢個係一個法律問題, 定係銀行規矩問題

蔣: 銀行就唔會係一個法律, 銀行係合約寫係度咁解

抱: 咁我簽果份野係唔係一個法律問題

蔣: 你可以咁講, 其實你上律師樓簽所有文件都係法律問題

因為太長所以大家真係要睇真的，不過靚抽都成日聽到唔少經紀為求做生意真係咩都做得出！

原帖：http://finance.discuss.com.hk/viewthread.php?tid=23434160&extra=page%3D1

Bob們都是我的ㄤ扣 XDDD
觀看更多阿謙：http://goo.gl/eg9FNt
Kalimba 播放清單：https://goo.gl/oua2vz

超超超超可愛的益智解謎動作小遊戲！
裡面的音樂真的也都超級好聽XDD
燃燒腦力的時間到囉(´・ω・`)
💡小知識💡 Bob's your uncle 意思是 「這樣就ok了」、「做就對了」
請記得幫我點個喜歡d(`･∀･)b 並訂閱我的頻道！

►遊戲：Kalimba
►平台：PC(Steam)
►Kalimba on Steam：http://store.steampowered.com/app/324140/Kalimba/

↓↓↓其他系列↓↓↓
►INSIDE精選輯：https://goo.gl/Y7pVrI
►開箱系列：https://goo.gl/ixrxeQ
►2016 日本北海道：https://goo.gl/sMvuXL
►日本便利店小吃：https://goo.gl/SdEPe8
►PSVR虛擬實境：https://goo.gl/NiW5yk

My FB Fanpage : https://www.facebook.com/AChien1212/
My Instagram : https://www.instagram.com/achien_kouku/
My Twitch : http://zh-tw.twitch.tv/achien_kouku
My Twitter : https://twitter.com/oOKoukuOo
FB Fanpage : https://facebook.com/oeurXstudio

合作聯絡信箱：Oeurstudiolive@gmail.com

----------------------------------------­­­---
Kalimbaヽ(✿ﾟ▽ﾟ)ノ
我愛大家OuOb