🇭🇰九龍灣區 _______________________________________________________ 九龍灣地鐵站一上德福驚現長龍， 心諗咩咁吸引排長隊去食先？ 😂 入到去睇原來係排隊攞月餅， 所以無意中發現左呢間北海道過江龍試試。 店內色調參考北海道分店，均以紅色及木條作為設計。 話雖是過江龍，但服務上有待改善， 最起碼進店基本的"ようこそ"招呼是必需的， 令我回想上次到牛陣店員果種熱情真係頂呱呱。 =帶廣名物稀有豚肉丼(特盛) $112 推介:⭐️⭐️⭐️⭐️⭐️(升級左套餐先變5星) 另+$28 升級做套餐有味噌湯、前菜、茶碗煮及甜品， 再+$5升級為雜菌味噌湯。大大碗足料係唔錯的。 完整一個定食賣相係吸引的，而價錢加埋哂盛豐富餐$145， 當然用去一轉日本嘅心態食會感覺值得D， 論CP值唔算好高，整體好味但唔算好有驚喜， 稀有豚肉每塊口感各異，有軟熟亦有實淨， 但用"稀有"來形容，佢個有80年歷史的秘製醬汁幫到唔少， 入口香甜送飯唔錯，幾粒青豆簡單點綴。 茶碗煮合格足料、甜品是黑糖寒天係一個唔錯的句號。 =青森蘋果梳打=$28 推介: ⭐️⭐️⭐️ 其實得罐裝汽水同佢揀，要完滿日本餐實會揀佢， 當然都係比較貴價，曾經魚尚做過$13的青森蘋果梳打， 用$28呢個價會感覺真心好唔抵，但飲完令我愛上左佢， 會去超市入貨屋企慢慢嘆。 ______________________________________________________ 👅美味: 8️⃣ 😮驚喜: 8️⃣ ✨環境: 8️⃣ 💆‍♂️服務: 8️⃣ 💡性價: 7️⃣ 🐽飽肚: 🔟 💫回頭: 8️⃣ 👍推薦: 8️⃣ 🔍餐廳: #豚丼のぶたはげ @butahagehk 🏠地區: #sharefood2you_九龍灣 🍽菜式: #sharefood2you_日本菜 💸價錢: $173 不收現金 📍地址: 九龍灣偉業街33號德福廣場1期地下G54A2號舖 ⏰時間: TBC MON-SUN _______________________________________________________ #sharefood2you #食評 #九龍灣美食 #香港美食 Disclaimer: ALL opinions are 100% Honest 相片經燈光處理攝影， 與現場光線可能有所偏差。

🇭🇰尖沙咀區 _______________________________________________________ 厚福街新開一間主打日式丼飯餐廳， 有趣嘅店名，肉搏食堂Meat Fight。 晚餐MENU主打新鮮丼飯， 9款肉食丼、6款魚生丼、8款小食、8杯特飲任君選擇， 日系食材高質，就咁睇相擺盤都好吸引眼球， 套餐點任何一款特選丼飯+$22， 有精選餐湯及冷熱飲品一杯(特飲另+$16) 趁早6:30入座後，7點左右已經全場爆滿， 白色雲石配搭淺木色地板、加埋SOFA椅，影相打卡一流， 雖然座位空間感唔算好闊落，但二人檯剛剛好夠用。 先上兩碗濃味牛肉昆布湯暖暖胃， 未幾已經送上一份幾推介的小食， 日本雞軟骨棒餃子 ($48/4隻) 推介:⭐️⭐️⭐️⭐️ 整齊4件，外皮煎得香脆，雞軟骨餡料都有口感，點上醬汁 =̶慢煮頂級牛肉盛丼200g=̶ 大200g $108 推介:⭐️⭐️⭐️⭐️⭐️ 200g一上檯份量真心足料唔少， 一層層粉紅色慢煮牛肉在表面耀眼吸睛， 因為慢煮的關係，外表似生牛肉， 而口感就如越式生牛肉軟熟有牛的原味， 穿破流心雞蛋王流落薄片牛肉之中， 別有一番邪惡嘅Juicy風味，打卡一流。 再點上自家製酸忌廉及濃郁燒肉醬汁， 加埋飯量唔少嘅底層，飽肚無比😋👍。 =̶ 慢煮黑豚盛丼=̶ 細150g $98 推介:⭐️⭐️⭐️⭐️⭐️ 胡麻醬沾上軟綿的慢煮黑豚肉片， 特出其鮮味之外，豚肉片慢煮有如白雞肉的外觀， 開胃邪惡之間的豐富盛丼享受。 =̶ 熱抹茶鮮奶=̶ 特飲另+$16 =̶凍玫瑰荔枝梳打=̶特飲另+$16 推介:⭐️⭐️⭐️⭐️⭐️ 特飲推介必叫, 又係打卡之選， 抹茶鮮奶比預期好飲，抹茶粉同鮮奶味道平衡得唔錯， 一啖啖慢慢飲落去甜與苦之間混合得唔錯，意外地有份解渴感。 朋友的玫瑰荔枝梳打就非常搶眼， 大大杯在炎炎夏日要解渴也是不二之選。 難得厚福街又多一間好選擇， 而且款式都唔少，下次經過來食餐飽飯打個卡都值得一試。 ______________________________________________________ 👅美味: 8/10 😮驚喜: 9/10 ✨環境: 8/10 💆‍♂️服務: 8/10 💡性價: 7/10 🐽飽肚: 9/10 💫回頭: 8/10 👍推薦:8/10 🔍餐廳: #肉搏食堂 #MeatFight 🏠地區: #sharefood2you_尖沙咀 🍽菜式: #sharefood2you_日本菜 💸價錢: $363 連加一 📍地址: 尖沙咀厚福街2A號地舖 ⏰時間: TBC _______________________________________________________ #sharefood2you #食評 #尖沙咀美食 #香港美食 Disclaimer: ALL opinions are 100% Honest 相片經燈光處理攝影， 與現場光線可能有所偏差。

🇭🇰荃灣區 _______________________________________________________ 重要嘅野講左先，因為小編都好想報名!! 第一屆牛の戀大胃王爭霸戰 日期：4月24-25日(初賽)、5月16日(決賽） 初賽內容： 45分鐘內食完牛肉2kg、咖喱飯1碗、蔬菜1盤、冷泡茶2枝 最快速度的頭10名將進入決賽！ 決賽內容： 1小時內食得最多碟牛為之勝出 地點：牛牛殿堂日式火鍋放題(荃灣分店) 報名費：$150（初賽挑戰成功者將退回$150餐飲券） 立即報名>>> https://bit.ly/3sP7OXw 好啦講返正題先，又係去荃灣企鵝超市掃貨， 兩個月無來又多左幾間新晉食店，， 今次被五光十色的牛牛殿堂門面吸引著大刷一餐， 店內環境空間寬敞，座位舒適、 疫情下二人有海景四人座位睇到夜景滿舒服， 唔講咁多啦因為得90分鐘任刷肚皮， 滋味一人一鍋無限追加肉類再加選擇非常多的配菜， 以牛肉質素分類套餐價錢非常合理。 醬料蘸料區充滿誠意 有日本醬油、芝麻醬、甘口燒汁、醋香汁及日式酸汁， 醬、沙茶醬、香脆辣油、麻辣醬、 炸蒜、芝麻粒、蒜蓉、指天椒、芫荽、青蔥等。 炸物熟食區 有香澴咖哩飯、墨魚肉餅、脆辣薯格及芝士蝦球。 蔬菜區丸類區有43種之多!! 乾淨整齊! 其中有小編最愛羽衣甘藍、秋葵、長蟹柳、 南瓜片、粟米、芋絲、紅薯粉、娃娃菜、萵筍、蓮藕、 翡翠苗、蟲草花青蘿蔔片、驚喜到水蓮菜都有， 其他還有墨汁墨魚丸、麻醬豆腐及糖心蛋等。 湯底共有八款選擇， 有大地鰹魚窩、美人豆乳鍋、日式麻辣鍋 、 骨膠原豬骨鍋、日式蕃茄鍋、牛牛秘鍋、黃金酸菜鍋及韓式泡菜鍋， 估唔到日式、川式、韓式口味齊哂。 =̶ 澳洲產長期榖飼牛放題套餐 =̶ $238 (CP值最高) 推介:⭐️⭐️⭐️⭐️⭐️ 澳洲產長期穀飼牛、 美國頂級牛肉 、嚴選特級牛肉、 紐西蘭綠之草原羊肩肉以及丹麥皇冠豚肉 頭一轉店員先提供最頂級款式肉各一客， 之後用QR CODE自行加單選肉， 四款牛肉都有木牌介紹其牛肉名稱，貼心抵讚! 而且ORDER後上菜速度好快，唔會等極都未有得食， 薄切牛肉色澤鮮紅，脂肪比例分佈平均，即叫即切肉味濃郁 保留牛肉鮮味， 口感滑溜 ，牛肉豚肉羊肩肉三種味道五種口感。 小編與友人點了黃金酸菜鍋及牛牛秘見鍋(壽喜燒鍋) 壽喜燒甜度適中滿意， 特哨推介黃金酸菜鍋，開胃到可以令人食多一碟肉。 雪櫃有多種可樂、茶類、啤酒、果汁 亦有一款四季春冷泡茶，消滯減膩解渴， 而CP 值超高的就當然是Movenpick高級雪糕 當晚有碎朱古力粒味及雲呢拿味， 軟綿綿三球超級享受。 無可置疑五款肉質都是優質貨， 亦有響鈴、韓國麵、公仔麵等選擇， 另外要提一提另加$28 可以任飲清酒、 加$48可以任飲Asahi! 而幾乎完美都有些需要改善的地方， 因為只有90分鐘時間，店員會準時提醒用餐時間夠， 若果可以延長至120分鐘，價錢加多少少其實會更ENJOY， 整體以新商場新店來說是9分推薦的日式放題。 ______________________________________________________ 👅美味: 9/10 😮驚喜: 8/10 ✨環境: 8/10 💆‍♂️服務: 8/10 💡性價: 8/10 🐽飽肚: 10/10 💫回頭: 8/10 👍推薦: 9/10 🔍餐廳: #牛牛日式火鍋放題 🏠地區: #sharefood2you_荃灣 🍽菜式: #sharefood2you_日式放題 💸價錢: $524 二人份量 📍地址: 荃灣大河道100號海之戀商場1樓1010號舖 ⏰時間: TBC _______________________________________________________ #sharefood2you #食評 #荃灣美食 #香港美食 #香港大胃王 #大胃王挑戰 #gyuyushabushabu #牛牛日式火鍋放題 #牛の戀大胃王 #牛の戀大胃王 #北角 #荃灣 #美食 #打邊爐 #火鍋 #牛牛 Disclaimer: ALL opinions are 100% Honest 相片經燈光處理攝影， 與現場光線可能有所偏差。