要學好英文，訓覺之前做咩好？🌛😪😴 . 先旨聲明，我唔係啲咩腦科學專家，不過講有關呢啲學習、腦部健康、記憶同生活習慣之間嘅關係時候都會儘量Google搵下資料，盡可能確保自己講嘅嘢有一定根據。 香港人生活忙碌，又要做嘢、又要湊仔、又要幫襯黃店、又要遊行、又要簽聯署，可能有人會因為咁而犧牲睡眠。 有人會覺得，瞓覺瞓六個鐘、七個鐘、八個鐘，有咩區別呢？ 如果你有留意成功人士嘅生活習慣，一啲有名嘅成功人士，都視瞓覺為一件非常之神聖（sacred）嘅事。 例如奧巴馬（Barack Obama）同比爾蓋茨（Bill Gates）都有睡前閱讀嘅習慣，將睡前閱讀嘅習慣視為一種絕對唔可以妥協嘅事（non-negotiable item)。 我自己夜晚瞓覺之前有個習慣，就係我會攞我部Kindle出嚟睇英文書，最近睇緊Ryan Holiday寫嘅The Daily Stoic。 Kindle仲有一個function係好正，如果同學唔鍾意一邊睇書一邊查字典，但又覺得自己推斷唔到太多字嘅意思好麻煩，可以set咗文字上面自動顯示中文，仲可以選擇提示多同提示少。我自己set呢個function純粹係幫學生test，希望教埋佢地用，同埋自己好奇呢啲英文字Kindle上面會顯示咩中文翻譯，睇英文同時改善自己嘅中文。 原因好簡單，因為電話會發出藍光，阻止腦部分泌褪黑激素（melatonin），令我比較難訓著；有啲人訓覺之前可以打手機遊戲，都訓得著，犀利。 而且有研究話，其實訓覺有整固/鞏固記憶 (consolidate memories）嘅作用，所以我儘量會確保我訓覺之前係睇緊我希望retain喺我腦裡面嘅嘢，而唔係無聊、add no value to my life嘅八卦新聞或者普通人嘅Facebook post。 訓覺前relax呢段時間好容易會有新idea浮現，我會確保自己放一本notebook係床邊，諗到咩得意嘢就即刻brain dump寫低。 再加埋我真係鍾意睇書，透過睇書好容易就會專注得到，一路對眼跟著一行行字走，慢慢就會覺得啲字越黎越難明，就會好容易訓著。 有啲人覺得鍾意睇書就睇書唔會眼訓，我唔認同，我真係會一邊睇書/溫書，一邊訓著。。。 但我又真係幾鍾意睇書/溫書，唔知你係咪咁架呢？ #learnenglish #englishlearning #英文 #英語 #學英文 #筆記 #study #englishfun #852 #finnieslanguagearts #與芬尼學英語 #dsevocab #dsewritingtips #ieltsprep #雅思 #托福 #學英文 #每天學習 #英文學習 #英文學習筆記 #閱讀筆記 #閱讀心得 #閱讀日常 #閱讀 #睇書 #英語学習 #學習成長 #學習 #學習力 #睡覺 #kindle閱讀器