~ 比電影有趣一百倍的《Harley Quinn》DC動畫劇集 @美劇癮 2021年6月 ~
影片連結 https://youtu.be/ZXQMMg6o440

■TBBT Penny 出演Harley Quinn，成為史上最顛最狂的吐槽女王，串爆SJW、打破性別偏見、男性英雄主意、DC華納、左膠右膠、一眾DC英雄反派無差別吐槽...

■R 級動畫系列 《Harley Quinn 》 中Harley Quinn 與 Poison Ivy 瘋狂吐槽 爆笑，打破第四面牆更扮演 終極婊人自婊吐槽王地位， 故事中經離多次被小丑利用及當成工具人之後，Harley Quinn終於與小丑一刀兩斷，並在好姐妹Poison Ivy的鼓勵下決定集結自己團隊，以加入由Lex的未日軍團為目標，向哥譚犯罪一姐夢想進發....， 而她與 Poison Ivy 的 “ 百合” 故事線亦成真，在第二季結局兩人 排除萬難 正式成婚。

■Harley Quinn瘋狂反派團隊：喜劇之王泥面人、SJW受害者神經博士、社交界KOL鯊魚王加上前CIA戰犯改造人房東 一眾三線反派爆笑地底泥翻身。

～～～  美劇癮  ～～～
★美劇癮3.0: Patreon戶口啟動 ★
https://www.patreon.com/meikeknin
★美劇癮Youtube ★
https://www.youtube.com/channel/UCZnm1Ql5hpGZ-Wiu-gBqL-Q
★MeWe Page★
美劇癮 歐美娛樂網台節目 MeWe 2.0
https://mewe.com/p/tvdramaaddict

對付左膠SJW最好的方法就是罷買。
左膠根本就唔會洗錢買game。

【Kongner編輯室】
瘋子愷：左翼份子走左翼唔該！

左翼(Left-wing)係指一種主張改革，以達至人人平等、消除社會資源分配不均等等嘅理想社會狀態嘅政治意識形態。單單講左翼呢個光譜包含嘅主張或理論有好多，當中最具代表性嘅理論有馬克思主義(Marxism)，女性主義(Feminism)等等。左翼思想嘅重點在於透過一切手段，積極去解決社會上出現嘅各種不平等現象，包括貧富懸殊、性別議題、種族歧視等等。基本上左翼思潮已經成為左21世紀西方嘅一種主流思潮，每日都可以從新聞睇到唔少從左翼角度對社會嘅各種議題進行批判嘅社評。而相對於左翼嘅，當然就係右翼(Right-wing)。右翼嘅意識形態代表嘅係一種傾向於保守、放任同不干預嘅制度模式。資本主義(Capitalism)、新自由主義(Neo-liberalism)都係右翼思想嘅產物。右翼思想主張維持社會制度正常運作，反對政府干預市場，認為所有問題都能靠市場自然地解決。面對各種社會不公嘅現象，相對於左翼思想主張政府出手處理，甚至改革不完善嘅社會制度，右翼思想認為社會不公嘅現象係一種正常同自然嘅社會現象，就好似小熊維尼係皇帝一樣咁理所當然嘅事，而且呢種現象正正可以使到社會高效率地運作。

本人並非專家學者，但唔知係好彩定唔好彩，本人都叫做接受過高等教育，亦得良師指教，受到左翼思想影響，認為香港呢個極右自由市場主導嘅實驗體背後所帶出嘅社會問題，已經顯示出香港呢個爛鬼制度已經到達左一個病入膏肓嘅境況。雖然才疏學淺、力量微薄，但也自問偶爾能學以致用，不吝嗇去批評社會不公，也可以十分肯定咁講，本人做呢啲野係一個仙都賺唔到。

然而本人近日卻見到有個別學歷比起本人高出不少嘅自稱左翼人士，一邊批評資本主義嘅荒謬，宣揚民主與平等嘅價值觀，關注各種新興經濟模式嘅萌芽，另一邊廂卻擁抱「中環價值」，透過房屋買賣賺取暴利，間接助長樓市升幅，成為香港地產霸權嘅幫兇。呢種完全自相矛盾嘅行為，人前人後雙重標準嘅虛偽，實在令本人恥與為伍。

有人可能會問，人地賺錢關你鬼事咩。當然唔關本人鬼事啦，而呢個世界亦無一個地方規定讀過馬克思嘅都唔可以做炒賣活動。係一個連某自稱共產黨都唔行共產嘅時代，執著係一種思想仲有咩用？賺唔到錢係你戇__姐。呢個講法亦都無錯，所以本人針對嘅地方並非佢賺錢嘅行為，而係一個本質上嘅道德問題。老實講，本人作為草根階層都好明白人係要食飯嘅，而單靠讀多幾本書亦都係無可能咁簡單就改變到社會。即使好多學者都可能會置業自住，佢地買樓係咪送錢比地產商？係㗎。而呢個亦係現時呢個制度最難解嘅困局，就係無論你信嘅係咩，做嘅係咩，只要你係香港呢度生存，你就無辦法唔被地產商操控。學者唔一定係聖人，但起碼佢地如果能夠講出佢地嘅苦衷，面對自己嘅無力嘅話，本人都唔會作出咩批評。呢個亦係普通嘅左翼傾向人士同西方出現嘅左膠，甚至係SJW(Social Justice Warriors)嘅分別。然而如果果個人係一面透過傳播左翼思想建立個人形象，而利用呢個站於道德高地嘅形象再去建立財富，然後仲要貪得無厭地令用賺返來嘅錢放入香港萬惡嘅根源，連習近平呢個咁唔左翼嘅習近平新時代中國特色社會主義份子帝皇都講過，樓宇作為必需品，樓宇市場就係最唔應該進行炒賣活動。雖然皇帝都係得個講字，但作為一個左翼人士，喺樓宇市場進行炒賣活動不特止，之後重要從中賺取可觀回報，最後繼續講理想講共享經濟，呢個就係雙重準標，就係虛偽，就係對於支持者嘅欺騙。講得咁好聽又唔見你試下同大家共享你嘅經濟成果！？唔通你到時又突然支持返私有財富！？本人對個別表面為左翼知識份子，實為虛偽斂財之徒嘅呢啲SJW感到極度失望。請不要誤解，本人並非指出只有無產階級先有資格成為左翼人士，而係強調任何人都唔應該利用某啲容易得到光環嘅價值觀去欺騙支持者，就好似米迦舉例嘅「食肉嘅素食者」一樣，呢種已經係一種欺騙，係一種不道德嘅行為。

香港人已經飽受以樓價問題為首嘅各種社會問題困擾多年，如今竟然走出一個炒樓嘅左翼人士實在係一個天大嘅諷刺。本人亦不期望已成為「人生勝利組」嘅呢啲人反省，只但求警惕自己，將來日後要背棄左翼價值觀嘅時候，都識講返句「左翼份子走左翼呀唔該！」

（本欄逢周一、四更新。敬希讀者垂注）

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-

HappyKongner 招稿喇！！！
我哋嚟緊會喺逢星期五加設 【Kongner投稿天地】 ，俾廣大Kongner 弟兄姊妹能夠有發表佢哋意見嘅地方，亦都可以鼓勵大家多啲運用自己嘅闡述能力。
有興趣嘅朋友歡迎直接Facebook Send Message 俾我哋，又或者Email 去 happykongner@gmail.com 同我哋傾都得。
期待收到大家嘅鴻文大作！
納稿標準：合乎邏輯，文句通順，言之成理即可，不過編輯部同事比較嚴謹，大家自己小心。