#saylittlesomething #若然 . @i_am_chris_ma_xd @_chrismaxx 有人點歌比你 . “你應該知我係邊個，如果你肯睇落去，我好多謝你。 首先我同你分咗手無耐，我放唔低你，係理所當然，因為係需要時間啦，呢個我地都知嘅。其實我寫咗篇野想同你講，好可惜喺我send比你之前，你已經block哂我whatsapp,ig,facebook。難道連send篇野個天都要阻止?我諗起有一個whatsapp group有我地兩個，我即刻去睇下，點知你喺嗰日都quit埋。我打電話比你你一定唔會聽所以我冇考慮。我當時好絕望，最後我只可以用呢個方法。 廢話就講完啦，咁入正題啦。我地分手嘅原因係性格不合，性格不合其實我早知，但係我成日都諗我地應該可以繼續一齊，其實我太天真。勉強無幸福，我學到啦。我呢幾日只要聽到回憶嘅歌，相，信，地方，我都會忍唔住喊。呢幾日失去你嘅日子簡直係渡日如年… 回想返5月28嘅你問咗我一個假設性嘅問題，你話如果你追我，我受唔受，當時我已經深深愛上咗你一個月，但因為你大我一年，我完全冇諗過可以同你一齊。「受」我好快答咗你，「啫你可唔可以同我一齊」依然歷歷在目…你話你唔會攞呢啲野嚟玩，我好記得…之後我地就一齊咗。有一日我地喺又一城一齊食野，同你進行第一次約會，你仲主動拖我隻手添。仲有你教識咗我好多野，我一直都有乖乖聽你講，「愛一個人係真心祝佢幸福，而唔係無償佔有」呢句我好記得，而且我唔會因失去你而忘記。但你講過有一句我真係接受唔到「一對過去式嘅情侶唔可以係朋友，除非從來冇愛過又或者係依然愛住」過去式嘅情侶點解可以做返朋友?因為雙方都接受咗，所以先可以。我相信我可以，你都得。我地未係情侶之前有幾friend你記唔記得? 去到9月我因為家庭狀況而影響心情，之後同你發生咗啲事，雙方都受到傷害。直至1月我地嘅感情一直都唔穩定，我地喺1月尾曾經分手，雖然係我提出但我就好傷心，之後感謝你2月1日追返我。點知好景不常，我地喺2月22日再次分手，而且係你提出。我知唔會再有復合嘅機會我只好默默接受。 最後，我想同你講，其實你都係一個好好嘅男仔，我唔祈求復合，但我希望你好好咁過每一日，開開心心。之前令你唔開心或者辛苦好對唔住。雖然我地最終完結咗，但感謝你喺我生命中出現，祝你搵到比我更好嘅:') 再見了” .