熱門Ptt文章

[爆卦]sainsbury香港是什麼？優點缺點精華區懶人包

雖然這篇sainsbury香港鄉民發文沒有被收入到精華區：在sainsbury香港這個話題中，我們另外找到其它相關的精選爆讚文章

在 sainsbury香港產品中有9篇Facebook貼文，粉絲數超過0的網紅，也在其Facebook貼文中提到， ［Keep your friends close, and your enemies closer］此人明顯日日食雞。 Daily Mail 原文：Moment hungry armed robber raided McDonald's with fake gun before demanding...

　同時也有2部Youtube影片，追蹤數超過4萬的網紅馬天佑 Mayao，也在其Youtube影片中提到，真係有好多唔同着法 如果係你地又會點著呢 ----- 過嚟我 IG say個 hi 啦 @Mayaoo ❤️ http://instagram.com/mayaoo 我個 Telegram 開咗啦 ! https://t.me/joinchat/JMFt0U4OdsVAk5tOVEyqIA --...

「sainsbury香港」的推薦目錄

sainsbury香港 在 英國的另類日常 LittleUK.HKer Instagram 的最讚貼文

2020-09-07 17:55:37

【英國天氣】打大風篇 英國的風真的唔係人咁品。 昨日全日都打大風，花園的太陽花都臨近吹斷了。 食完晚飯去拎車的時候，只係過一條馬路返Sainsbury car park, (見圖2) 風大到差d吹走左BB車，非常驚險。。。 好彩媽咪見BB有d扭計抱住左他。 我緊隨其後，一手推住bb車，單...

sainsbury香港 在 英國的另類日常 LittleUK.HKer Instagram 的精選貼文

2020-05-31 02:33:27

話咁快媽咪已經到埗第5日了~ 她適應得好好， 覺得英國日長夜短好多時間用過得好充實。 早睡早起，飲食健康。 我話她係到生活返幾個月， 個人都一定健康好多~ 前日有炆紅蘿蔔牛腩~ 估唔到和興的急凍牛腩都唔錯， 用instant pot炆Y先生話超淋ar! 昨天則有她整的鎮江骨和炒小白菜， 而我就負...

  • sainsbury香港 在 Facebook 的最佳解答

    2021-05-02 00:20:08
    有 62 人按讚

    ［Keep your friends close, and your enemies closer］此人明顯日日食雞。

    Daily Mail 原文：Moment hungry armed robber raided McDonald's with fake gun before demanding chicken nuggets - then fled with Sausage McMuffin because it was only serving breakfast menu （https://bityl.co/6dqF）

    英國呢位仁兄（目測睇名Anglo Saxon當地白人），朝早七點去打劫麥當勞，真係神心，我返工都冇咁早起身。拎支假槍，劫得英鎊數百，但一早畀閉記點晒相，邊走得甩？

    重點係：此人明顯未食早餐就開工，要求麥樂雞數件。但問題嚟啦，有啲常識嘅都知，麥當勞朝早係冇麥樂雞嘅。做過麥當勞嘅埃汾話你知，雞件當然有存貨（你以為要斬？），但部機未開嘛。經理如實相告，於是此人settle for less，拎咗個雙層豬柳蛋漢堡算數。又，唔要埋薯餅？嘥料喎。

    另外，此人之前一晚已經打劫過另一間舖頭，Miss Millie's ，賣炸雞嘅（埃汾讀書年代冇幫襯過，實情我連Nando’s都冇食過）。此人亦係又拎又食，亦都劫走炸雞數件。應該食得太開心，第朝想試多次。

    動機？聽聞話因為爭人錢喎。

    又，成件事最神奇，都係佢可以七點鐘去打劫，真係優秀嘅民族。後來我去德國出trip時佢地排啲朝早八點會亦係令人震驚—個問題個office（其實係嗰條友屋企）仲在慕尼黑市郊，咁你諗下我要幾點起身。當然後來我在香港亦試過玩七點半見工，見完先返工。

    又，英國讀書年代，我好似從來冇食過麥當勞。實則我係好摺的。冇錯好多時都去咗旅行唔在英國。但如果在大學嘅時間，我好似試過成個星期都唔離開宿舍，都幾恐怖。食乜？開頭都仲自己煮，煮一大兜意粉食幾日，後期懶到係frozen pizza或者啲ready to eat meal，Sainsbury 咖喱飯之類，嗰時絶對係日日劣食，窮學生嘛。而即使出城，在咩火車站機場，都少見麥當勞，多數係Burger King．

    ＝＝＝＝＝＝＝＝＝＝＝＝＝＝
    月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
    ＝＝＝＝＝＝＝＝＝＝＝＝＝＝

  • 籽想旅行

    sainsbury香港 在 籽想旅行 Facebook 的最佳解答

    2021-04-13 16:32:13
    有 13 人按讚

    📝 駐場博客｜ 香港人在英國新生活
    香港有家長討論區，而英國都有Mumsnet，不過英國嘅論壇術語就唔同，DFIL先係老爺，而唔係「62」～ bit.ly/2Qlj3ZD

    〖#英國生活〗
    ＞英國慳錢攻略 超市入會儲分當錢使 Sainsbury積分卡涵蓋350間商戶 bit.ly/3sC5cvZ
    ＞英國「六合彩」小知識 最熱門號碼52號 中頭獎拎500萬英鎊 非英國公民都可以買 bit.ly/2ZNWv59

    #C6 #JM
    =============
    收看更多精彩影片
    訂閱《籽想旅行》YouTube Channel 👉🏻 bit.ly/AppleseedSub
    ==============
    想知更多 #籽想旅行 資訊👉🏻 bit.ly/35OmrRK
    ==============
    🍎 8折全年睇《蘋果》即慳$121！
    現有日費訂戶亦可轉訂：bit.ly/33tEOZC

  • 君子馬蘭頭 - Ivan Li 李聲揚

    sainsbury香港 在 君子馬蘭頭 - Ivan Li 李聲揚 Facebook 的精選貼文

    2020-12-04 19:45:46
    有 92 人按讚

    ［匯豐強勢，小小啟示］2021有息派，咪好咯。根本最初就無辜之極，畀英國政府夾硬屈。但，之後又點？

    1. 前作（睇最好，唔睇都不影響本文）領展70蚊，小小啟示　（https://fbook.cc/3JCl）。同系列仲有「中概股冇事，小小啟示．迪士尼歷史新高，小小啟示．銀行年尾減按揭息，小小啟示．」， Patreon已寫（https://bityl.co/4Y0h），請訂。或者睇完呢個Post覺得精彩再訂都得。

    2. 久休復出，呢篇有啲火。寫文有火係好重要的，冇火嘅應該收檔，唔好呃飯食—雖然我冇收你地錢。咁唔收錢都咁有火，Patreon就仲有火！月頭支持下出火啦（https://bityl.co/4Y0h）

    TLDR：2022年5厘息，很好。但2023年呢？會唔會都係買4厘息嘅領展好啲？當然啦，都係睇價。唔買股票嘅人其中一個最大嘅盲點。故事好多人識講，但再好嘅公司都有個價，再垃圾嘅公司都有個假。呢下先最難判斷嘛。你知人地未來十年搵幾多錢，都未必判斷到個股價之後會點的。

    3. 匯控近嚟走勢唔錯，上到3個月新高，44蚊了。短答案，當然都係唔應該買。但仲想探討幾樣嘢。首先留意，近期係強，但年頭都仲60蚊，都仲係跌咗三份一。

    4. 至於低位？穿過30蚊添，咁有咩人低位撈？多數都唔係你。低位買嗰個叫做平保。服未？3億買落去。錢多咪自然心安，幾時都係財不入急門，你拎啲救命錢去賭，必然輸死。

    5. 另外，的確嗰時係全城皆死心，一沉百踩（其實4月已踩咗好多腳）。咁亦都真係有人話，喂，嗰時已經極悲觀啦。事實見到果然如此。都係老教訓，別人恐懼時我貪婪。不過，亦係成日重覆嗰句，當局者迷啦。你而家睇返當然容易，但當時好難去睇到幾時先係「最恐懼」。你代入下，你係個有1000萬身家買晒匯控收息退休嘅老嘢，4月息都唔派，股價仲係咁插 — 而你仲有500萬，你真係仲會買落去？

    6. 講返近期，咁呢排升乜？正如寫領展時都討論過，講舊年嗰啲咩9厘息，算吧啦，意義近乎零。講咗N咁多次，「股票係炒將來」，你舊年派幾多厘息，關我乜事？又唔係我有份。好少少嘅你至少應該睇Bloomberg之類嘅2020派息，但更正路應該睇2021 2022，因為，老細，而家都2020年12月啦。投資者會睇幾遠，呢啲真係冇得量化，但very rough rule of thumb，大半年至一兩年都還好。

    7. 咁但，當然，係有傳英國（同歐洲）會容許返銀行派息，咁當然會幫到公司，但，傳都傳咗好耐，乜都反映晒。話說回頭，由頭到尾我都覺得係一場鬧劇。你有啲英國銀行，金融海嘯幾乎沒頂，要政府打救。咁拎得政府錢當然有代價，你成為半間國企，總不能亂咁派息益啲Fat Cat．問題係，大佬，匯控08年根本冇問政府拎錢！供股嘛。但今次危機政府一樣管你，「喂我唔使要你啲錢，上次都冇拎到」「到時你就會話要架啦」。

    8. （最新你見到超市Sainsbury 回返水畀政府，就係唔想阻撚住派息派花紅。當然香港就有大快活拎咗補就業照派息，又冇話唔得，補就業畀你出糧嘛，咁有出糧咪得）

    9. 而另一方面，官嘅嘢，梗係最緊要唔好爆鑊。唔派息，你啲股東咪嘈咯，嘈嘈嘈嘈飽佢，吹得我脹？而我冇見嗰班鬧匯控嘅人去英倫銀行度嘈。事實而家見到，監管當局係過慮，銀行嘅情況遠比佢地想像中好—但，再講一次，官嘅嘢，話知你啦。畀你派息又唔係佢有份，但出咗事佢要孭鑊嘛

    10. 但講返股價，都係唔好有乜期望。係呀，會派返息，但派幾多先得？寫文時唔在公司，但睇返大行高盛報告（大約都有個譜）（https://bityl.co/4hwI）—2020年就雞碎咁多啦。但2021就 3毫美金，2022就 4毫美金。即係2021就5厘息，2022就7厘息左右，還好啦

    11. 之但係又，以上，係高盛估計啫。而高盛係比較進取嘅（唔進取點justify 51蚊目標價？）（＊）。2021 2022 佢估 3毫同4毫美金派息，街（大圍嘅consensus）就估2毫半同3毫咋（如圖）。如果用大圍（沙田嘅未知）嘅數，就即係2021 就4.5厘，2022先5厘—又唔係好吸引咋

    12. 因為仲有一樣嘢，樓上講嗰啲派息—派到先係。銀行始終唔同領展咁，2022咩世界，邊個知？就算2022年得，2023呢？唔係玩嘢，而係真係得罪講句，「好撚多人呢，唔識就咪撚講啦」。唔係咩好火箭科學，你考CFA Level 1都要學，大學讀Finance 101 都一定學，discounted cashflow．你老味你收息收一年架？收兩年？收三年？你計條式係將未來咁多年嘅嘢discount 返晒嘛，直到無限—因為企業可以永生，永生過羅永生（又，唔係有人以為加到無限結果都係無限架可？邊個教你數學？我啲學生一定唔會咁。香港地STEM嘅嘢）。

    13. 你要嘅，今年派10厘息都得架，咪預支蜜月畀你（＊＊），之後冇得派咁解之嘛。成個諗法都唔make sense：你買落間公司，梗係覺得啲錢在佢度好過在你自己度啦。否則點解你唔自己炒股票？聽講呢排個個都一個星期執幾成喎。

    14. 而N咁多人，都係唔知公司係可以忽然唔派息嘅。4月咪領教過咯，宣佈咗都可以收返，除埋息亦唔會加返畀你（＊＊＊）。由始到撚都合法，亦一路公司做，只係之前啲公司冇咁大冇咁多人受害。嗰班話去法庭投訴去證監告嘅，你見有冇have a case？當然而家股價彈返上嚟咪唔嘈。升上返200蚊錫晒你添。

    15. 然後你睇下，領展連今年咁嘅情況都唔使減租 仲似乎唔使減派息，應該真係要核戰或者外星人侵略地球領展先要減租減派息。

    16. 事實係，領展上市咁耐（當然都唔係好耐，未夠20年），從來冇減過派息。未必去得到美股講Dividend Aristocrat 嗰種水平（有啲要睇廿年甚至廿五年），但，呢15年間，匯控已經兩次reset派息啦（如圖），仲要供股添。

    17. 而舊文都寫過（https://fbook.cc/3JCl），領展呢種穩定性，十分值錢。牙醫同你自己炒股嘅分別，牙醫今日搵80萬，你炒股搵100萬—但佢都係有錢過你（除非你係1億本搵100萬嗰種）。背後嘅alternative path唔同，佢再衰都有幾皮嘢個月，你炒股嘅，倒輸都仲得。

    18. 反轉頭講，你見咁多人「靠匯控收息退休」，咪知道呢種「穩定提供派息」嘅嘢係好有市場—只係你嘅期望錯咗啫。呢個年代，冇得穩穩陣陣8厘息架小朋友，怪邊個？美國聯儲局啦，歐州央行啦，英倫銀行啦，日本央行啦，人民銀行啦。其實人類好似幾百年歷史都係玩印銀紙，你有冇見有得收返？你有邊樣嘢會平過五十年前？有嘅，去日本咯，同埋電視機之類（＊＊＊＊）。只係近十幾年更加肆供忌憚咁解。Another Story．

    19. 仲有最後一樣，近期銀行股強勢（國際同香港，中資另一回事），亦都同美國長債債息反彈不少有關。銀行就係借短錢放長錢嘅一個遊戲，長債債息升，對銀行息差係好事。

    20. 咁做乜長債債息彈？又有人話係因為通脹預期，如是我聞。「不過債息高唔係應該不利股市？」「earnings yield gap嘛」。係就係，但又係嗰句，真實世界唔係科學實驗咁，唔係債息忽然抽上嚟，股市即插—正如之前都唔係債息一跌股價就升。

    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    月頭訂最抵，Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）
    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    （＊）大行報告往往要寫sort of「how we different from consensus」嘅東西，因為要同客交代，「做乜要睇你」。但實情多數係浪費時間，self defeating，好似匯控呢啲，閒閒地五六十個分析員寫，點樣人人都唔同？人人都contrarian，咪人人都唔係contrarian 咯。最後根本大家個consensus都係稻草人。你又話街度個個睇淡我地睇好，佢又話出面間間睇淡我地睇好，事實係人人都睇好。哲學呀。

    （＊＊）預支蜜月呢個term幾耐冇聽人講過？證明而家婚前性行為係default，甚至拖前性行為都係default。世界係進步嘅（＊＊＊＊＊）

    （＊＊＊）而我到而家都唔明點解有人覺得除咗淨要畀返佢。全世界都唔會咁做。而講嘅十個有十個都唔知咩係除淨。

    （＊＊＊＊）呢個亦係量度通脹嘅一大問題，係呀，而家啲電視機平過當年，even in nominal terms．正如你而家啲電話咁撚勁，都係賣幾千蚊，config勁過晒幾十年前嘅　電腦　電話　相機加埋喎，仲要平一大截。不過人類係進步嘛，而家仲叫你睇大牛龜電視用大哥大咩。所以官方「通脹」啲嘢唔好太過走火入魔。

    （＊＊＊＊＊）問題永遠係，後生仔就有時間有體力但冇錢溝唔到女，出嚟做嘢就有體力有錢冇時間溝唔到女，到老嘢就有時間有錢但冇體力溝到女都冇用。解決方法？偉哥。所以點解輝瑞股價升極都有（＊＊＊＊＊＊），「你估真係靠疫苗」。或者，做富二代。亦證明偉哥幾咁偉大—佢幫你補返做唔到富二代嘅不幸。

    （＊＊＊＊＊＊）任何人同我講　有志者鄧竟成　或者　when there is a will there is a way嘅，我都係傳返輝瑞嘅股價圖畀佢—如果你講嘅嘢成立，人地應該執咗笠。

    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    月頭訂最抵，Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）

你可能也想看看

搜尋相關網站