「矽膠係咪膠」呢條問題睇落好似問「鯨魚唔係魚呀？」，但矽膠原來唔係我以前諗嘅膠😆 喺呢度分享返我睇咗嘅資料 . 我哋日常常見嘅膠英文係plastic，中文指塑膠，係一種石油副產品。塑膠係20世紀初發明嘅產物，去到上世紀30-50年代續漸成為全世界已發展同發展中國家常見嘅材質。又輕又多變又平，呢啲都係塑膠嘅好處，而壞處方面近年都多咗好多研究 (影響人體健康、會分解做微膠粒俾動物吞咗、過分依賴non renewable resources 等)。除咗我哋諗到嘅膠袋、膠樽，衣物、日常用具、運輸器皿都會用到塑膠。 . 矽膠英文係silicone，係利用天然化學物silicon加上oxygen、carbon、hydrogen等加熱。好多地球上天然嘅沙 (sand) 都會含有silicon，所以矽膠係一個原料上比較可持續嘅材質。但因為製作過程要加入hydrocarbons令到化學過程中，silicon-hydrogen要轉化為新嘅polymer (synthetic plastic polymer)。過程中加入嘅hydrocarbons主要嚟自天然氣同埋石油，所以嚴格嚟講矽膠都唔係完全「環保」嘅材質，亦不能夠生物降解同埋不可堆肥嘅 (not biodegradable nor compostable)，但相比下矽膠會比塑膠環保。 . 因為矽膠可以有唔同形態，液體、gel狀、硬、軟甚至好似橡膠嘅形態都可以，目前為止醫學研究都指某幾類塑膠中含有嘅BPA/BPS (影響荷爾蒙) 都唔存在於矽膠。不過現時塑膠回收係比較常見，矽膠要回收嘅話要有專門嘅公司/技術先做到，所以唔好亂放矽膠入回收箱！ . 雖然矽膠嘅好處有好多，但如果想再push自己做到zer/low waste，重用返已有嘅玻璃樽、不銹鋼同埋布袋會係更好嘅選擇。 . ref: Treehugger, Life Without Plastic, Earth Hero, Live Zero . #香港人 #環保 #環保撚 #lowwaste #zerowaste #silicone #plasticfree #減塑生活 #黃色文創圈