#尋找Tiramisu之旅 某日放學去食Ciao Chow，依間最出名係意粉Pizza，仲有香蕉榛子醬脆餅、Tiramisu 🤤 Lunch Set$68-$108，第一次嚟就叫乜都有齊的set C(沙律、主菜、飲品)，加$20仲有甜品😌 不過我個意粉叫咗青醬，令到成個畫面都係綠色😂😂 💵Total: $128 +10% service charge ___________________________ 沙律: Kale🌳 Superfood羽衣甘藍拌上香蒜蜜糖汁，還有松子、巴馬臣芝士、麵包粒作配料 想食好耐的沙律！原價$60我都諗過入去食，宜家午餐包埋仲抵食😋 估唔到咁大碟，好似食極都食唔完咁😂 講真食完依碟已經6成飽 ... 而味道就還可以啦，羽衣甘藍新鮮爽脆，咬落嗦嗦聲，有少少澀味係依隻菜的特色，不過醬汁調得太酸 __________________________ 主菜：揀咗Custom Pasta，可以在19種配料中揀兩種 (羅勒醬+闊條麵+蝦+肉丸，免費添加帕爾馬芝士、羅勒葉) 賣相一般，好食咪得囉 但除咗好香芝士味，都冇咩優點🤢 闊條麵腍得濟，青醬味道一般，同墨汁一樣要不時抹嘴先可以安心進食 唔知揀咩配料，見隔離枱食肉丸Pizza，我又叫肉丸🤦 如果我有勇氣搭訕，就可能唔會食到又實又嚡的肉丸👽 蝦亦係冇味道嘅... __________________________ 甜品：Tiramisu 原價$58，午餐加$20就食到😝 見網上好多人極力推介🤤 依個tiramisu的確係好食嘅，又大件！ 顏色偏黃，好似幾正宗！(雖則我都唔知正宗的定義😂 要小心面頭的可可粉，好易濁親😂 中間兩層手指餅浸透咖啡酒，極度濕潤，而且好重酒味，食到醉醉地🙈 Mascarpone cheese質感軟滑，但細味之下，竟然係雪藏味，多過芝士味 總括依間Tiramisu係唔錯，但冇耐之前在Pici食嗰個真係好食好多！！ 如果你鍾意重酒味、重咖啡味、濕潤的Tiramisu，依間都可以一試😸 Ciao Chow - Italian Cafeteria 👆九龍塘達之路80號又一城UG層19號鋪 總店：中環蘭桂坊德己立街30-32號加州大廈地舖 (餐牌價錢不同)