- 1030 〔兩性關係〕絲 28 - 唔食芫茜所以分手 - 我本身以為同佢可以行到最後 但呢個信念居然會比「芫茜」破壞左 我到而家都唔明，點解會發生d 咁ridiculous 嘅事 - 事源係一餐普通家庭飯局上，一行6 人 因為防疫措施所以分開左兩張枱坐，我同男朋友加佢阿妹一枱 餐廳係先上雞煲，食完再另外出一個鍋打邊爐嘅 - 我係完全唔食芫茜 連入面有少少芫茜味都受唔到（明嘅人自然會明果種感覺） 雞煲上左場，上面有好多生芫茜鋪係面 我同男朋友已經即刻快快手想夾起d 生嘅芫茜 但佢阿妹就話芫茜都要煮下先食得架喎 然後男朋友就將岩岩夾起嘅所有芫茜放返入雞煲度煮 佢話︰「咁我集中放埋係一邊煮啦。」 我睇到眼都突埋，因為無論你將d 芫茜放係邊度煮 煲雞都係會有芫茜味架喎 唔會因為你放係右邊，左邊嘅雞就會冇芫茜味架 我即刻面有難色，心諗點樣食呀？ 同枱得我一個係唔食芫茜嘅，咁又冇理由叫佢兩個就我 我唯有淨係食個頭盤魚生刺身，唔食個雞煲 因為佢哋食完個雞煲，會換過個新嘅煲黎打邊爐 咁我都可以專攻個邊爐 - 雞煲煮熟左之後，我男朋友就叫我食 我話我唔食，因為有芫茜，我食唔到 佢好大聲咁鬧︰「食唔到有芫茜味架！唉diu，你唔食你走呀！ 走呀！以後唔好聯絡呀！」 我話︰「你係咪痴左線呀？ 我都冇要求換過個煲，我唔食咪你地食囉！做咩要逼我食？」 佢話︰「走呀！你唔食就走啦！ 我會pack 返曬所有野比你，唔好再聯絡啦！」 與此同時，我見到佢阿妹笑住咁dup 低頭食野 一邊係鬧緊，一邊係恥笑緊呢場大龍鳳 我唔知自己點解會繼續坐係度冇走到 我當時所有野都放左係佢車度，兩手fing fing 咁去食飯 如果要走，我都唔知點返屋企 佢鬧到我淨係識喊，佢無非都係想我食 咁我咪夾黎食，而每食一啖都好想嘔！ 坐隔離枱果3 個屋企人，見到呢個情景都無動於衷 冇人覺得呢件事係 on9，亦都冇人理過我 有一刻連我都懷疑自己唔食芫茜係咪一個錯黎 - 自此之後，我地就冇再聯絡 以我對佢嘅了解，佢唔會覺得自己有錯/ 當下嘅行為係有問題 事後，我檢視返成件事，嘗試諗好多解釋 可能當下佢鬼上身，可能佢太衝動，可能我黑佢面，唔食係等於落佢面... 但無論咩解釋都好，回到現實，我都係接受唔到佢嘅行為 我到而家都唔敢同身邊嘅人講，我分手係因為芫茜而引起嘅問題 但同時我都驚因為我收埋自己，覺得冇人明白自己而令到抑鬱復發... #SorryFor1999 #純發洩 #真人真事

朝聖鳩叫拉麵✨ 同樣係鳩叫和牛wagyumafia嘅副線，大概係佢哋最平嘅品牌，平均百五到百七蚊一碗嘅和牛拉麵，只有辣同唔辣嘅沾麵，和牛飯同埋和牛餃子揀，而沾麵可以加肉加蛋加紫菜加麵底，加爆佢就二百六到七左右，餃子因為過百蚊一碟太on9就冇叫到，麵就加爆咗咁叫。 . 因為之前一路都聽唔少人講呢間唔好食，所以一心淨係將焦點放響佢哋鳩叫上，而估唔到佢哋又幾好食，和牛即場炙燒油脂香重肉質亦夠嫩口，好運嘅有一兩塊更係入口即溶嗰種，麵條掛汁筍條爽甜，溏心蛋完全做到流心同醬油漬效果，至於沾麵汁個人覺得剛剛好，濃味得嚟唔會鹹到咪眼，而湯中不乏和牛肉碎，整體感覺真材實料貴得有道理。 . 而和牛飯雖然細碗，但和牛量比拉麵更多，多到包住成個飯，而飯亦加咗和牛汁，頂層仲有隻日本蛋黃，唔太餓或者鐵意食肉嘅一定要叫呢個，個人覺得兩個人食，叫一個沾麵加麵底再加個飯已經好滿足（btw千其唔好加紫菜，有lgoo印係好靚，但完全唔脆零好感😗） . Mashi No Mashi 🏠 灣仔愛群道32號愛群商業大廈地下1B號舖 📷 RP + Nikkor 50 F1.4 LTM #馬高食食食 #馬高食食食食在灣仔

#Repost @hongkongad with @make_repost ・・・ 【負面新聞都係新聞? - Attention 這回事】 "If you want positive press, you get no press. If you want press, then you cannot care about whether it's neutral or negative." 呢度好多朋友都做廣告 & Marketing，應該明白 Attention 係幾咁珍貴。 品牌如是，明星/個人品牌更是，因為你就係你自己嘅行走廣告✨✨ 今日趁大家應該都會討論 @jolamchok 時，分享一條我幾鍾意嘅訪問片段，內容係關於林作對香港媒體、Attention、負面宣傳嘅諗法。 「認為自己可以控制媒體的人太天真了。」 林作話當初區議會選舉為佢帶嚟好多負面新聞，而近年娛樂新聞對於佢嘅報道都係負多於正。 佢嘗試過擺脫呢個困境，但無論做咩都好，都不斷被人攻擊 & Keep 住有好多負面報道，因為呢一切都唔係佢控制範圍之內。 "If you cannot beat them, join them." 當 媒體 & Attention 集中係自己到時，你就有權講出任何你想講嘅嘢，推廣任何你想推廣嘅嘢📢 越了解林作，越明白佢係刻意搞大「#林鍾之戰」成件事。為嘅就係將 Attention 集中喺自己到。 經過噚日一戰，全香港無人不識林作 。 有人笑佢輸、外賣仔、周圍跑、冇膽量 ---- Well 你覺得佢會 Care 咩? 或者咁講，佢就係想你將 Attention 擺喺佢到。� 可能你覺得林作係一個 on9 仔，希望你睇完之後多多少少會對佢改觀，畢竟唔係每個人都可以有呢個抗壓力 & Mindset，願意用自己聲譽 & 人生去做呢一場「負面宣傳」實驗。 「好多人以為當我有壞新聞時生意就會好差，事實係相反。」 咦?點解會仲好生意嘅? 其實成條片仲有好多精彩內容，有興趣嘅朋友可以 Click 入 Bio Link 觀看完整片段，了解更多林作嘅思考模式 & 唔同睇法💡 🙌🏻🙌🏻 Thanks @denzity.io 嘅影片拍攝&製作，無論對答 &後期剪接都睇得好舒服😚 佢仲有同唔同界別嘅人做訪問，有興趣嘅朋友可以去佢IG留意更多! 🎥🎥🎥🎥🎥🎥 Follow @HongKongAd 廣告師，一齊睇更多香港廣告👀 . . #港告 #HongKongAd #廣告 #廣告宣傳 #香港廣告 #hkad #個人品牌 #原創 #林作 #媒體 #媒體報導 #負面宣傳 #香港媒體 #HKPR #公關