【交友】踏入演算法時代 透過AI配對情人又掂唔掂？ 人工智能（AI）已經係21世紀不可或缺嘅技術，近年有公司將AI技術應用喺人類社交上，擔當「月老」幫各位拉紅線，呢項技術將來可能會愈來愈普及，你又點睇同會唔會用呢？ 據外國網站《The Conversation》表示，近年網上約會行業發展迅速，行業價值估計高達40億美元（約310億港幣），當中「Match Group」公司可以話係行業巨頭，旗下有Tinder、Match、OkCupid及其他45個網上約會相關業務。 Match入面就有個廣為人知（喺外國）嘅AI聊天機械人「Lara」，透過AI技術分析用戶同佢傾計嘅內容，得出用戶資訊同喜好，幫手配對一個「啱」嘅對象，仲可以教人約去邊到好。傾計內容差多邊範都有，傾如生活習慣、星座、興趣等多達50個唔同範疇嘅問題。 除咗Match，其他交友Apps亦層出不窮用上AI技術幫用戶配對情人，例如英國嘅「Loveflutter」就會用AI分析傾計紀錄評估雙方感情狀態，建議一個最好嘅見面時機，又會推薦埋約會地點。另一個交友App「Badoo」就可以比用戶Upload一張理想情人嘅相，透過AI同臉部識別技術幫你Macth返個似樣嘅人。 透過AI幫你篩走「唔啱」嘅人，睇落可以慳返唔少時間，但長期使用有關技術會唔會令網上交友都形成「同溫層」，變到永遠只係識返同類型嘅人確實值得深思。與此同時，究竟識返同類型嘅人好，定識吓同自己唔一樣嘅人好，都係老生常談問題。如果第時有類似AI支援中文，你哋又有無興趣用呢？ 圖片：《Black Mirror》第四季第四集「Hang the DJ」探討過交友軟件幫大家搵「Perfect Match」。 #交友APP #交友