⚗️ 古時黃金係非常稀有同珍貴嘅野 唔少人開始就將平價嘅金屬轉化做黃金 慢慢就有左鍊金術 之後人慢慢又發現唔同金屬嘅性質 隨住時間嘅推演同科學家嘅努力 就有左而家嘅化學啦🤔 先聲明我自己化學唔係真係好好 而且我本身都係冇腦嘅人 只係靠勤力個種 天才波嘅你 可能可以去其他野啦 - Q: 溫完做卷都係唔識要點算😭 好吧 我就簡單講下我係點樣睇一下化學卷 用2016PP 1B卷做例子 一份化學卷我會將啲題目拆做幾類 1) 寫化學式反應式離子式合成路線 例如 Q3ci Q6cii 2) 背書題 例如 Q7a Q10a 3) 概念題 例如 Q2a QQ7cii 4) 繪圖題 例如 Q1cii Q13a 5) 點解實驗要咁做題(相信大家會有更好嘅名😂) 例如 Q3d Q11a 6) 計數題 例如Q6bii Q10b 每類題目到底應該要點溫點練? 1) 呢個係要靠由一開始嘅根基 你要知道點寫式 離子咩顏色幾正幾負 金屬有咩典型反應 有咩溶於水有咩唔溶 酸鹼有咩反應 再到有機化學轉換 唯一可以做嘅就係有系統咁記 建議大家有時間可以自製一個表 mark底典型嘅反應同exceptional cases 例如BaSO4唔溶 例如BeCl2係簡單分子 2) 有啲真係要靠背書嘅 尤其係計數唔太穩陣嘅你呢part絕對唔失得 例如佢問 咩叫配位共價鍵 呢啲定義係真係背書先識 簡單講下有咩可以背 金屬活性序電化序 簡單氣體 金屬陽離子 陰離子 測試方法 熱化學嘅標準條件 滴定嘅基本標準 同埋第6同12章成章 3) 概念題就真係要睇下你上堂同溫書 個方法啱唔啱 首先希望大家位chem老師係有經驗嘅 講書個陣唔多唔少都會講下 呢個位dse成日出呀 之類嘅野 溫書個陣都要好細心 第2張圖係書嘅一頁 見到啲黑色粗體字 哇仲唔係重點 咁就錯啦我覺得角落頭個個先係重點 如果溫書miss左 考試又見到呢條 做都唔識做個下 真係黑人問號😂 當然 狂做狂錯再狂睇都係累積經驗嘅方法 4) 畫圖方面可以平日做多小小 實驗裝置考黎考去都係個幾個 但電子圖就可以千變萬化 例如可以出SO3啊CO啊咁樣 立體圖除左金剛石同石墨之外 都可以練下P4O10 NaCl CsCl 5) 都係啦 純背 靠經驗 防止倒吸防止逸走 增加表面積 做得多就ok呢part都係唔失得 6) 計數呢就真係需要小小腦嘅 呢方面我都未係好掌握 唔分享啦 我地一齊加油吧 😳另外做唔到就跳啦 唔好卡住之後唔夠時間 抱住 我咁勁我唔識人地都唔識 嘅心態😂 - Q: 焓變循環圖要點畫呀😳 第一步就係要寫啱條式啦 例如比左H2(g) C(石墨)同C2H2(g)嘅燃燒焓變 要搵C2H2(g)生成焓變 就寫2C(石墨)+H2(g)——>C2H2(g)係上面 再將左 右兩邊反應物生成物比你嘅數代返入去 一般都會比個表你望 可以寫返條熱化學反應式係隔離 方便自己睇返個個摩爾比例 最後記得補正負 - Q: 結構式應該點畫🤔 我諗你應該係指有機化學啦 最基本就係背全部官能基團個樣 如果唔係酯 先睇字頭畫碳主鏈 再一個個官能基團補上去 最後check下有冇爆鍵 H 1 O 2 N 3 C 4 酯唔熟嘅話可以分返醇同酸 左邊先畫個醜 攞左一個H 再將攞走醇個OH放入去 呢個都係靠練 可以試下mc先 - Q: 化學計數佔幾多😳 我猜 最多三成吧 我也不太清楚 - Q: 點分極性定非極性 好的 這是微觀世界2 首先所有元素 非極性 之後就要睇化合物鍵嘅極性 有冇得互相抵消 想抵消就一定要一個對稱結構 咁對稱就要有一個對稱中心 所以一般我地要搵個對稱嘅中心原子出黎先 [如果化合物得兩粒原子就一定極性 例如 H-Cl H-F ] [如果化合物多過兩種原子 好大機會係極性 例如CH3Cl] 中心原子點樣搵出黎都要靠經驗啦 例如H2O係O NCl3係N CH4係C *假如真係搵唔到 就咁樣諗啦 1. 一定不是氫 2. 找最少價電子的原子 3. 如果有多個相同數目價電子嘅原子 找最少粒數個個 例如 H2SO4 一定唔係H S同O都係6個價電子 有4個O 1個S 所以S係中心 *假如真係連價電子都唔知😳 就當最大原子質量個個係啦 (這是有很多很多例外的 都係靠多做吧😳) 🚨: 不一定準確 沒有科學根據 只是我自己的小撇步 - ok咁搵到中心之後就要諗 附近嘅野有冇唔同先 例如CH3Cl 中心係C 但佢連3個氫1個氯 咁byebye啦佢一定係極性 如果真係一樣個陣 就睇下中心原子 有幾個對孤電子對(L)同鍵合電子對(B) 如果係 2B0L 3B0L 4B0L 5B0L 6B0L 而呢二三四五六樣野係一樣嘅話就係非極性 至於 2B1L 2B2L 3B1L 就係極性啦 🚨: 只解說有關課題部分 最後就係判斷delta+ 同 delta- 背電負性其實我都覺得係要嘅 第3張圖有我背嘅方法 係我化學老師教嘅 因為我背越右越上越負 就唔知氫到底係幾多 希望有用吧😳 🌱 以上只係我嘅見解 並不一定完全準確 有不足同錯嘅地方可以直接提出 再再再重申我化學 真 的 不 是 很 好 終極方法都係做卷 錯題 做卷 錯題 加油吧🤔🤘🏽 #cloudrocky P: 卡卡西