［職場胃腩系列］朋友經驗，再次證明，最緊要寄多啲CV，見多啲工

TL：DR –成和敗努力嘗試，寄多啲信，見多啲工。正如你不停咁唔用套，總有一日會中獎。

1. 出賣朋友系列，其實我知佢唔會介意，雖然其他朋友可能會睇唔過眼。我朋友，叻人，學霸，但邊個話你知叻人會撈得掂（世俗地）？朋友際遇，比上不足比下有餘，但似乎應該值得更好—咁但，呢個世界上，呢啲故事太多啦，對不？個個都覺得自己underpaid架啦，如果唔係我朋友，我先唔會理。

2. 無論如何，在我地提議（其實係威迫）下，佢毅然轉行—決定去教書。我覺得係不錯的。等於狀元讀醫，合理過唔合理。你咪撚同我講咩做CEO做埃賓架幾千萬人工，自己創業又點點點，做醫生又點辛苦。常識，在香港，一個狀元做醫生，基本上係risk-adjusted return最好嘅選擇，完全離晒罩—如果我唔係怕血同手震，我都會做。唔使你做月球人星球人，但，你做個醫管局醫生，都好似七八皮嘢啦？夠你過幾好嘅生活。你望下台灣啲醫生搵幾錢？英國啲醫生又搵幾錢？香港地，讀到醫，梗係讀醫。批評嗰啲都戇鳩。

3. 教書呢？其實都不錯的。如果唔介意冇安雅的話（舊文寫過）（https://bit.ly/2NtTkJM）。但朋友同我都咁上下年紀，安雅又好安心雅又好，乜都玩夠啦。以一個學霸嚟講，去見教書工，幾好的，老校鍾意。咁朋友呢啲，大約你都估到，學霸，當然有啲性格，就畀我更加性格（我04年開始做金融，咩稜角都磨到滑晒牙）。在呢個設定下，你諗下，有乜工好得過教書？唔會發達（其實做其他工都唔會），但維持到個中產生活，又唔會畀人炒（呢點先重要）。

4. 但，學霸何其多？佢係好霸，但我都霸，每年大把霸。個市場有效率的，正如狀元人人讀醫科，咁亦都好多人想搵份教書工，因為個risk adjusted return實在太高—如果你唔介意冇安雅（但我介意，所以最後冇教書）

5. 我由英國戰域返港時，寄（留意，係寄）過嘅求職信，冇一千都有八百，可能唔止？見過嘅工，幾百份—我頂丫，學校我都見過幾十間。好合理，校長鍾意高材生，固然你話，識考試唔等於識教書，當然，但有件 A Level 4A1B嘅（正係本人）同埋一件會考唔合格嘅，你應該都係叫前者嚟面試。校長見到我，發現此人言談輕佻，全無愛心，就後話。

6. 亦所以，我都參加過煙人嘅過程。而家有電郵真好，但當年我地呢，請個中學老師，收嘅CV，係幾箱幾箱咁計（其實間間都係）。因為教書位，對好多人嚟講，實在太筍。學霸固然啱，但得罪講句，有啲勉強入到大學，讀啲乜乜科嘅，你唔教書，真係好大機會在職貧窮，人工低過譚仔阿姐。

7. 咁當年係點揀人嚟煙架呢？答案係，好似大抽獎咁，根本一大堆嘅信，我地係拆都唔會拆嘅—邊有咁Q得閒？亦即係，就當你係愛恩斯坦孔子再世都好，都好大機會就咁沖咗落藍巴勒海峽。揀剩嗰啲，先再睇有冇串錯字呀，邊間大學呀，成績點呀咁。

8. 講到呢度，你就明了—根本就係game of chance，往往同你所有嘢都無關（有啲友可能試下個信封整啲突紋咁，我諗起「羊車行淫」嘅故事）（https://bit.ly/2NvL6AD）。你CV貼張裸照，校長都未必睇到。

9. 所以，點突圍？好簡單，就係，大包圍，乜都寄！甚至明明佢要求你有咩教育文憑而你冇，都照寄—我當年就係冇，廣告寫明要有，但我照寄，咪又係請我。校長貪我靚仔，吹咩？

10. 因為好簡單，太不對稱了，以前仲話要寄信，而家send個email（但聽聞有唔少學校仲要求寄信），頂多作篇乜撚嘢「教學理想」（堪稱史上最白痴嘅嘢）。你嘅marginal cost，近乎零。

11. 呢個亦係我教朋友嘅方法，根本唔使諗。我話根本就好似青蛙（？）排卵咁，係咁屙就得架啦，理得佢。因為佢嘅目標，就係maximize個reach。唔好忘記，好多email根本就咁畀個書記delete埋。

12. 一如所料，朋友都收到唔少面試通知。合理的，CV靚嘛，學霸嘛，我唔通請件數學拎E架咩，你啲廢柴咪繼續講「讀書叻唔等於識教」—但，「廢亦唔等於識教」。至少我係科主任，請件成績好啲嘅，唔會激到自己吐血，唔使教埋佢數學。

13. 朋友面試幾次，都唔成功。我叫佢努力，唔止係勉勵佢，而都係嗰句，game of chance．點可以成功？見到中為止！女嘅嘢一樣，呢件唔得溝第件。而反正你見次工成本低過溝次女好多，至少校長唔會要你請佢食飯。

14. 好啦，最後佢當然得到屙化。但有趣係乜？有趣係，個屙化嚟自，再再之前，好一排之前佢見嘅一間學校。學校見完佢，話，拿，好欣賞佢，但冇空缺。換著我就可能問「咁校長請問你叫我嚟把撚？你好得閒？」。但我朋友係個有教養嘅人，當然照樣連聲多謝校長。結果？早幾日，間學校有條友辭職，校長就翻兜佢，就係咁搞掂—如果佢當初講咗我句對白，就冇呢件事。如果佢將學校個電話block埋，就冇呢件事。如果佢最初一聽冇位啱佢就起身走，就冇呢件事

15. 資深讀者會發現，其實同我最初入銀行嘅過程，極之相似（https://bit.ly/2NtTkJM）。當年我又係大半年前見蕉行，我甚至都唔記得。大半年後我裸辭，去旅行，甚至都冇決定一定唔教書，只係要離開間學校—咁去旅行嘛，當年科技又未先進，咁唔通人地打嚟叫面試你話你去三星期旅行咩，所以我諗住返嚟先搵工，咩嘢都冇寄過。但點知，我入機場途中，蕉行打畀我，就咁請咗我。

16. 個關鍵係乜？記住，老闆都係懶的，男嘅特別係（偏見）。我出一次廣告，見幾條友。咁揀唔中你。但，可能首選嗰個返一陣工就唔撈呢？或者死咗呢？或者有更好嘅屙化呢？好多呢啲情況。咁我係老闆會點？又出多次廣告？未煩過咩。我咪拎返上次嗰堆人出嚟，搵個見過嘅，而唔係十分非常之騎呢嘅，咪執二攤頂上

17. 而嗰個人，就係我，

18. 講咗咁多，堅料嚟啦。記住多啲見工。係呀，就算擺明你唔合佢quali嘅都照寄。就算你擺明係唔想轉嘅，都照去見。所以但凡有啲獵頭打嚟，問我，我都係來者不拒的，幾時我都ready to move．因為你點知呢？你好滿意公司啫，但可能下星期你就畀人炒呢。或者可能新公司見你嗰個好鍾意你，加你三倍人工呢？老死都見咗先。

19. 咁你話，浪費時間喎。咁都係，但，天地良心，你啲時間好值錢咩。真係好值錢，咪去到速戰速決，你唔試點知唔得？牛市時我見工都講明幾多點要走（熊市時？唔趕唔趕）

20. 咁可能啲獵頭呀HR睇到呢度，已經叫你唔好學我，唔好去浪費人地時間。但天呀，屌，啲獵頭呀HR嘅本質，就係浪費你時間架啦！你只係行使返你應有嘅權利！唔好覺得羞恥。真的，唔係我公司，但我見好多畸屎，有啲位，明明人都請埋，都仲照見人。明明有內定，都仲要見人。為顯示公司有公平程序喎，死未。有啲根本冇嗰個位，都仲要見人，了解行情。正如，有啲獵頭，擺明係混吉的，約你出去，係你教佢嘢，你話比佢知咩係buy side 咩係 sell side。根本你每次見工，都可能係一早閂咗門，對面條友撚化你。所以掉轉又有何不可？況且你可以改變主意。對家加你三倍人工，你仲愛你舊公司？

21. 所以，你去見多啲工，梗冇壞。正面啲，你亦都可以知道，人地要啲乜。有啲友呢，可能有幸，入大公司，然後十幾年都冇update份CV，從冇見過一份工—到有一日畀人郁咗，先發現自己連CV都未識寫。等於我朋友，從來冇教過書，根本人地啲術語都未知，但見得幾次，就已經學得似模似樣，識講CM GM Cert Ed PGDE 訓輔合一 人人可教 之類的廢話了.

22. 另外，去見工，你亦知道人地look for 啲咩是嬌碩，你有嘅很好，你冇嘅就加把勁，你聽都未聽過嘅，就小心啲。仲有，你做緊嘅嘢人地有冇興趣，對家覺得你人工低定高—如果對家都暗示你人工高，咁你自己小心，可能你真係overpaid

23. 當然，仲有，更重要嘅，唔見工，邊有得加人工？舊文都講過啦，旨意老細自動自覺加你人工，係含得撚的。夠晒粗鄙，但舊文好受歡迎（https://bit.ly/3exI62J）。

24. 你係公務員呀教書呀年年加人工就還好，但私刑企業嘅，你靠佢每年嗰幾巴仙，就真係含得撚。咁點你先可以加得快？兩個方法。一係你轉工，跳嚟跳去，魚唔過塘唔肥，我加兩三倍人工我話撚知你話我jumpy．一係？你跳草裙舞，拎個offer兇你舊老細。

25. 睇到啦？兩條路，你都要有個offer在手（＊）。所以梗係見多啲工。明冇？

26. 呀，有人話，咁易咩葉師傅，咁易鼠出去見工咩。所以呢，真係唔該你搵份易鼠出去見工嘅工！當然一切只係trade off啦下，但，即係，你在中上環返工嘅，應該易啲。食個飯都可以，或者請半日假都可以（＊＊）。不幸地，你在觀塘返工，而你搵金融工嘅，都真係窄啲。

27. 唔好意思，出賣咗朋友私隱。但，識咗佢差不多四十年（哇！），佢唔會介意。況且今次呢壇求職大計，我都出唔少力比唔少意見，而我明顯唔係得閒得滯。

28. （＊）理論上，你可以賭白頭片，明明冇offer在手都去兇老細。但講大話嘅嘢我唔建議人做，況且，你老細真係叫你去會計部出埋糧嗰時，你點算？

29. （＊＊）而我係從來冇試過因為見工而請假的。當年老細見我著西裝問我去邊，係咪見客，我都係照答佢「去見工」，佢會問我「見邊間」，甚至後期問我「問下佢請唔請Senior嘅位」。當然唔該你搵個好嘅老細。

————————————
多謝你睇到呢度，而家到你救我全家了。新搞作。同Homeblogger新合作，以往得文字，而家玩短片。第一炮當然係你最關心嘅，下半年個市點睇。港股，美股，樓市。暫時斷次買。80蚊，講足半個鐘。你請我食一次飯一定唔止，我好大食的，食你七八舊水都得。

入面有埋圖，有埋恒指標普目標價，教埋資產配置，有埋6隻心水股。有港股有美股有大有細。

請去呢度睇：https://bit.ly/37S4iC5

課程編號：CC002
客服whatsapp: 63832145

＃前情提要 ＃暨2018回顧
老老實實，什麼xx年回顧xx年計劃，往往都是新年做一次，農曆新年做一次，新學期做一次，生日做一次，舊曆生日做一次，冬至又做一次，甚至你家中小狗的領養週年也可以做一次，做完就不了了知。我也自知是三分鐘熱度的人，立完志過兩日就會去「自修」（自我收皮），加上我比較孤僻，人人喜歡做的事情，我總不愛做。（例如呼吸食飯屙屎之類的。），所以自小就不多講這些回顧與展望。（而且我整個聖誕新年假都要返工，根本沒有新年的感覺😭）

不過今年多了很多新讀者，我想也可以多寫些Generic的事情，好等大家多認識我（然後知道性格不合，就可以因了解而分開，unlike了XD），加上今年破萬讚好，就順道答謝大家吧。

#前情提要
簡介一下本專頁，我是來自香港北區的公屋仔，機緣巧合下來到物價昂貴的北歐做交換生，然後巧遇貴人，留下來讀分子生物學博士，主修心臟再生。本專頁本來只是個小小博客，記載我的極地生還故事(誤)，後來慢慢多寫科普、政治、文化、藝術、社會、信仰等等，簡單說就是什麼雜談都寫，就當是網上會友的地方，望各位多多指教。

#讚好過萬
首先當然是感謝讀者支持，本專頁破一萬讚好，我截了最重要的時刻，11111，祝大家2019單身快樂。其實一下子暴增了三倍讚好，我是緊張多於興奮，因為以前的幾千位讀者，都是慢慢經營累積的，都見慣了我的臭脾氣、嘴賤、以及文化右翼大魔王的本色。我總不能為了滿足新讀者而對不起我的舊讀者。我常說本專頁最愛趕客，如果大家仍然願意留下，我還是很感激的。私下我有各種國籍、專業、政見、信仰與性取向的朋友，但公開場合就要公私分明，該D7的東西，我還是會D7，也歡迎各位D7我。正所謂「莫道你在D7人，人亦能D7你。」（當然，與賣港賊則勢不兩立，不會做朋友。）遲遲未答謝大家，是因為讚好一下子暴升，只因某科學事件，我也不好意思搶在其他前輩之前慶祝，做人還是沉穩謙虛一點好。

#MarginalAdventure修練
正因為我自己為人三分鐘熱度，所以今年我開展了一個計劃，叫做Marginal Adventure，若然只有三分鐘熱度，就把握三分鐘吧！（我那方面當然不止三分鐘）。Marignal Adventure是源自一個Ted講座[1]，講者Stephen Duneier為自己的每天定個小目標，每天有點marginal improvement，聚沙成塔，做了很多事情。宏大的目標看似遙遠，但每天踏一小步，每天愛你多一些，都是我們能力所及的，不知不覺就能集腋成裘。今年我開始了習武、練琴、閱讀，也重新學習樂理，每天只做一點點，自覺頗有成效，大家不妨試試。

#第一款手機遊戲上線啦
也是基於Marginal Adventure的精神，我終於發佈了我人生第一款AppStore遊戲，《小蝌蚪大冒險 Little Tadpole》，簡單說就是小精蟲的遊戲，由策劃、美工到編程都是一手包辦，每天一小步，終於見到成品！當然這只是小試牛刀，未盡完美，大家可到AppStore下載[2]。我正在繁忙的研究生活之餘開發以遺傳學為主題的第二款遊戲。

#心靈
我說過我很少講這個，因為我覺得「抑鬱」這個詞語用的太泛濫，我也不想賣弄自己的情緒困擾，這種風氣，對於社會或者情緒病患者，都是極不健康的。不過講一講，等大家知道，其實科研人員雖為科學家，但精神壓力極大，每三個就起碼有一個有情緒困擾。我有幸今年走出以往最痛苦的時候，不過依然有嚴重失眠的問題，有待解決。但無論如何，能與網友交流，都是我一解鬱悶的時候，感謝各位的留言（甚至是辯論）。希望來年會更好。

#結語
這幾年是學習由青年進化成男人的過程，見到了自己很多不足。但人總不能停滯於不滿與自卑中，在世界悲哀時，更需要志氣，鍛練體格，進德修業，共勉之。

[1]https://www.youtube.com/watch?v=TQMbvJNRpLE

[2] https://itunes.apple.com/…/little-tadpole-%E5…/id1381552040…

===============
如喜歡本專頁，請按「追蹤」，並轉為「搶先看」。
IG: hknordichearts

【你一定要會的商業知識】今晚 21:00 AppWorks 粉專直播教學！

除了最基本的「收入減支出」這個概念以外，Gross Profit、Operating Profit、Marginal Contribution、LTV 到底是什麼意思？該如何計算？如何一目了然的算出自己的生意是否有健康的商業模式？

今晚 (2/23) 21:00 將有 AppWorks 投資經理 Brandon 親自在 AppWorks 粉專進行直播教學，step by step 教會你如何用 Google spread sheet 打造出專業的損益表。晚上九點鐘，請準備好你的電腦和我們一起學習，也歡迎分享給你的朋友～

搶先預習：https://goo.gl/Derksp
文章解說：https://appworks.tw/business-model/