熱門Ptt文章

[爆卦]marginal中文是什麼？優點缺點精華區懶人包

雖然這篇marginal中文鄉民發文沒有被收入到精華區：在marginal中文這個話題中，我們另外找到其它相關的精選爆讚文章

在 marginal中文產品中有7篇Facebook貼文，粉絲數超過2萬的網紅君子馬蘭頭 - Ivan Li 李聲揚，也在其Facebook貼文中提到， ［NetFlix 績後升15%創新高，但純利收入都低過預期，升乜？］ 拿，唔知我平時在Patreon寫乜文嘅，送篇免費嘅畀你（https://bityl.co/5HGG）。4000字講NetFlix業績。業績後升15%創新高，但純利收入都低過預期，升乜？ 完全免費（https://bityl.c...

　同時也有1部Youtube影片，追蹤數超過6萬的網紅Herman Yeung，也在其Youtube影片中提到，Note download 筆記下載 : https://hermanutube.blogspot.hk/2016/01/youtube-pdf.html -----------------------------------------------------------------------...

「marginal中文」的推薦目錄

marginal中文 在 DSE 7科5** | IELTS 9分 | 線上補習 Instagram 的最佳解答

2020-04-21 13:13:01

（一）調整溫習時間表 - 這裏所指的調整時間表並非說同學每天的溫習時間可以縮短，而是在宏觀分配時間給不同科目時可作調整。在原訂計畫下，主修科目已經差不多開考，因此同學過去一週可能都集中火力溫習語文科目；而現在情況有變，同學如果主修科目已經溫習得七七八八，可以把精力先轉移到選修科上，到兩星期後才把重心...

  • 君子馬蘭頭 - Ivan Li 李聲揚

    marginal中文 在 君子馬蘭頭 - Ivan Li 李聲揚 Facebook 的精選貼文

    2021-01-21 02:26:51
    有 136 人按讚

    ［NetFlix 績後升15%創新高，但純利收入都低過預期，升乜？］

    拿，唔知我平時在Patreon寫乜文嘅，送篇免費嘅畀你（https://bityl.co/5HGG）。4000字講NetFlix業績。業績後升15%創新高，但純利收入都低過預期，升乜？

    完全免費（https://bityl.co/5HGG），所以我建議你去Patreon睇，一來可以用熟個app，二來嗰邊有埋圖。咁睇咗覺得好睇嘅，記得訂Patreon（https://bityl.co/4Y0h）．係呀廣告，但至少我唔搞吊你癮，唔會除衫除到一半叫你畀錢。入去有晒成篇文睇，唔想嘅呢個Post都有晒啲字（但冇圖）

    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    告個急先：Ivan已被炒，3月開始失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。一星期至少出返六篇文，今年我已經寫咗25篇，篇篇三千字，冇苦勞都有肺癆

    TLDR：純利收入都低過預期，升乜？冇錯訂戶數係超過預期，但帶唔到純利收入又有乜用？最令人驚喜嘅其實唔係呢啲，係公司卒之燒錢燒成正果，而家話唔使再燒，仲分分鐘有錢做回購。公司原本一路燒錢，但肺炎救佢一命，除咗多人訂，同搞到迪士尼好忙外，最重要係：低息！不過睇返，過去半年公司股價根本橫行，你miss一日就冇咗15%。將來會點？迪士尼定Netflix？Why not both？Amazon都冇殺死Walmart，但殺晒啲中小企。最後我仲會講下Netflix獨特嘅企業文化。

    Netflix純利收入都低過預期，升乜？
    過去半年Netflix股價只係橫行，搞乜？
    Netflix以燒錢出名，但肺炎救佢一命
    Netflix而家止血，唔使再舉債，仲話會回購。十年第一次
    迪士尼定Netflix做霸主？Why not both？
    而家你睇梗係爽，但之前Netflix一樣有無數低潮
    最後： Netflix獨特嘅企業文化

    Netflix純利收入都低過預期，升乜？

    1. Netflix出完第四季（亦即係全年）業績，升14%，股價創新高

    2. 但，升乜？你見純利，大幅低過預期。收入，亦都係低過分析員預期。「明明埃汾話業績冇好定壞，只有好過預期定低過預期」（呢啲咪你學藝不精咯，睇多啲文啦）

    3. 咁可能都有人留意到，訂戶數目幾好，遠超預期。第四季上咗850萬個新客，遠比市場預期嘅650萬為多。全年上咗3700萬新客，史上最多了。而家去到2.04億訂戶，唔好忘記仲要係入唔到14億人嘅大陸喎。（Facebook Youtube Whatsapp 微訊 instream 抖音嗰啲10億人用，但，免費嘢點同）

    4. 不過，如果只係訂戶數字勝預期，但純利同收入差，有乜用？唔足以令股價咁升吧？所以我相信，係因為其他原因。

    5. 咩原因？就係因為公司宣佈現金流轉正（講FCF，Free cash flow，唔知係乜有得佢，但呢個唔係純利），應該好多人都知Netflix以燒錢出名，似乎止血了。仲有，話唔使再借錢，唔使債冚債，之後到期嘅債，內部現金夠找。仲話有閒錢可以做share buyback，回購股票，嘩。十年未試過。

    過去半年Netflix股價只係橫行，搞乜？

    6. 回帶少少，發唔發現，呢半年冇乜聽Netflix呢隻股票嘅新聞？劇集電影就好多，但隻股票極靜。因為半年都係橫行，鳩做，連登仔又可以鬧升市冇自己份（見好多人鬧隻蘋果，但舊年升一個開，之前你又唔買？奉旨要等埋你上車？）

    7. 但，事實係嗰句，Success Is Like Being Pregnant Everyone Says Congratulations But Nobody Knows How Many Times You Were 忽ed. 雖然話疫情受惠股，但舊年下半年，股價真係橫行的。而家又梗係個個話成功啦，但之前半年呢？

    8. 特別係舊年第三季業績後，隊咗一轉。都幾合理，因為大家覺得，爆到遍地開花，要上台嘅都上晒了（呢個嚟緊都會係Netflix嘅死穴）。舊年第三季都未訂嘅人，應該成世都唔會訂—Turns out 唔係，咪話第四季都仲上咗650萬人—其中一個就係我！

    9. 我在台灣隔離十四日，結果join咗兩樣以前唔用嘅嘢：Netflix，同埋外賣平台。外賣平台用咗好多。Netflix？我差不多冇睇過咁滯，但月費照交。幾咁好嘅business model，況且佢marginal cost極低

    Netflix以燒錢出名，但肺炎救佢一命

    10. 再回帶遠少少，當局者迷。你而家睇返，根本覺得買Netflix係撈兵拿，正如當年買Facebook 買Starbucks一樣，見到呢啲公司點冒起，同埋點趕絶傳統公司。大把時間畀你買。但中間你總會質疑好多嘢，人之常情。Netflix就係畀人質疑得最多嘅（包括我），亦所以升得最勁！

    11. 道理好簡單，Starbucks大家都知幾毫子咖啡豆賣你幾十蚊杯賺到笑，頂多畀高少少人工搵幾件四正啲嘅少男少女叫下你個名。貴租？人地交得起。有人租咪合理。但，正係太簡單啦，早早都知道。

    12. Netflix Tesla唔同，呢啲公司一來太劃時代，二來太出位，三來太進取，一路有人質疑。創辦人都話你知公司一度生死邊緣（Starbucks應該冇試過）。但正係因為咁，先升到你笑。

    13. 講返，即使我唔上Netflix，都知道你地上，人人都見到。但啲人質疑乜？就係公司一直不停燒錢，燒得好勁。搶market share，買內容，整內容，搶人（Netflix出撚名人工高，但，請你先算啦，我夠知美斯C朗人工高）。一直唔少人質疑，玩呢個燒錢遊戲玩到幾耐？公司嘅護城河亦好似唔夠高，傳統公司（主要係迪士尼）大把錢燒，你點夠佢嚟？

    Netflix而家止血，唔使再舉債，仲話會回購。十年第一次

    14. 但，好大程度上，Netflix先係最大嘅肺炎受惠股。冇工返冇學返留在屋企睇Netflix就好明顯，但仲有三個層面：第一，迪士尼火燒後欄（戲院收皮，樂園唔開，ESPN冇波播），唔得閒應付你住。第二，戲院唔開，直頭加速晒啲人睇戲睇電視嘅習慣改變，我估第時同啲新一代講阿叔以前去戲院拍拖，等於我老豆同我講佢當年去涼茶舖聽歌睇電視咁。

    15. 但重要嘅係，第三：低息，買債，印銀紙。如果而家5厘息甚至10厘息，Netflix嘅情況可能都幾唔同。低息，當然係有利啲借大錢搏老命嘅公司，例如Netflix同Tesla，or to a certain extent恒大之類嘅內房，同時懲罰債主同埋儲錢嘅人（睇咗咁多年仲未睇穿？）。

    16. 好啦，結果Netflix搏一搏單車變摩托，突襲荷里活同迪士尼成功，燒錢有回報，再嚟一場肺炎真係天助我也，利率低令利息開支冇乜壓力，要發債融資亦大把人願意。結果公司而家話正現金流（Free Cash flow，唔同純利），唔使再燒錢

    17. 再講白啲，公司話明嚟緊幾個月到期嘅5億債，唔使re finance （即係新債冚舊債），直頭內部現金夠找，仲話唔使再倚賴外部融資。仲痴線到話可以有能力回購股票！十年冇試過

    18. 回購嘛，當然係好東西。唔好執著於啲乜鬼「回購只係財技」嘅廢話。咁派息係咪財技？你又鬧公司唔派息？美國公司好多都只回購，唔派息，原因之一係有股息稅。回購是甚麼？你咪當係印公仔紙集資嘅反向過程，公司用入面嘅錢（留意！唔同大股東增持！），買返街度嘅股票。並唔止係「托價」（反正完全合法），而係我公司如果有錢冇地方洗，與其派息畀股東股東仲要畀人扣稅，與其管理層做埋啲白痴收購，不如就買返自己股票。買完公司冇錢會少咗錢—但總股數都少咗，咪拉高個每股盈利（Earnings per share）。你睇蘋果每股盈利嘅升幅，係明顯高過佢純利升幅，因為不停回購。

    19. 如果玩得再盡啲？我以前都寫過，啲公司借錢然後拎啲錢做回購都仲得！啲巨型科企發債咁平，根本有數計。借平錢不停買自己啲股票，幾咁簡單。

    20. 所以你而家明點解低息環境有助股市啦！亦明白點解美國啲左翼（包括好多民主黨嘅後生）鬧聯儲局劫貧濟富。你睇到個騙局未？長期低息，有事就救企業，印錢。作為散仔，不投資，你係肯定向下流的。

    21. 我唯一有少少懷疑係，Netflix真係有必要回購股票？股價都在高位，亦都要大量投資，係咪批新股會著數啲？

    迪士尼定Netflix做霸主？Why not both？

    22. 將來會點？上個月舊文（到底我一個月寫幾多文？）有寫過迪士尼 vs Netflix（但主要由迪士尼角度出發）（https://bityl.co/5HDV）。你可以當Netflix偷襲成功，巨人迪士尼未識反應，加埋一場肺炎幫到Netflix，一度Netflix市值大過迪士尼，十分有意義嘅一刻。但講咗，舊年下半年Netflix原地踏步，迪士尼就越升越有，因為企穩陣腳，你識串流我唔識？迪士尼始終有品牌有內容同有錢，點會坐以待斃？

    23. 誰死誰負？我估係大家都贏，super！講真的，你見Amazon都冇打死Walmart，人地啲CEO拎咁高人工唔係流的，唔係坐定定講句「網購大勢所趨冇得搞」就得，否則請你返嚟把托？

    24. 睇嘢唔好咁表面，冇話唔係你死就我亡，亦唔只係咩新一代挑戰廢老。出嚟行求財唔係求氣嘛。有話根本Netflix根本冇改變荷里活，係荷里活改變Netflix（https://bityl.co/5HDn），Netflix都要跟荷里活玩拍戲拎奧斯卡嘅遊戲（我諗起話滿人蒙古人被漢化咁）。甚至有人話，而家迪士尼先係挑戰者，Netflix係Incumbent 舊勢力（即係，「建制」）（https://bityl.co/5HDr）。也不無道理，反正兩間公司咁高咁大，市值差不多，叮噹馬頭，大衞已經變到哥利亞咁大

    25. 咁咩公司死？咪就係其他小型公司。Go Bear舊文都有講（https://bityl.co/5HDf），啲咩二三線媒體公司，特別係只做內容冇平台嘅，應該好快死得。呢，話口未完美高梅（MGM）就似乎要賣，得啲占士邦片咋，冇戲院你點算（https://bityl.co/5HDo）。

    26. 你估真係Content is King？時代唔同啦，Facebook 啲content 差不多全部唔係自己，亦都一個仙都畀你，但你自動免費幫佢做content．係咪令你諗到啲乜？

    而家你睇梗係爽，但之前Netflix一樣有無數低潮

    27. 最後補多幾樣。首先再係講，Stay invested．今時今日嘅Netflix，都話市值同迪士尼咁大，已經係幾成熟嘅公司。可能升多幾倍，但照計唔會升十倍。甚至話，你當佢一年升15%，已經交到貨，美股一路以嚟長期回報都係咁上下。咁你見，15%，往往就係一晚之間升晒！之前半年橫行。你走漏一日，就冇。

    28. 哦，你話咁好易，我出業績前買，出完就沽咗佢。但，如果差過預期咁點？你而家睇返係簡單，Netflix連續31季收入增長超過20%。但你見2012年尾時，增長一樣由50%跌到單位數，當時啲股價一樣坐過山車，十個有九個都震走啦，「止蝕」嘛

    29. 事實你見到，雖然連續31季收入增長超過20%，但最新增長係2013年中以嚟最慢。亦所以話間公司已經開始成熟。早前講過，「而家去到2.04億訂戶，唔好忘記仲要係入唔到14億人嘅大陸喎。（Facebook Youtube Whatsapp 微訊 instream 抖音嗰啲10億人用，但，免費嘢點同）」

    30. 但另一角度睇，仲有幾多空間？不過管理層當然一早知你會問（知道出面擔心乜嘢，呢啲真係基本功），就答你，Netflix暫時只係佔美國人睇電視時間嘅10%，仲有空間上。又當然，公司應該係有啲加價空間的，我唔覺得加10%會有超過5%嘅人走佬，個total income應該仲大。最後，會唔會做收購？

    最後： Netflix獨特嘅企業文化

    31. 真係最後，我睇到一半，但推介大家睇No Rules Rules呢本書。唔好只係用用家嘅角度去睇間公司，Netflix在商界，最出面係獨特嘅「企業文化」—好多公司（特別係香港公司）都濫用呢個字，根本就冇文化。

    32. Netflix嘅文化就出晒名，精英主義，自由，好Q高人工（人地工程師一年出幾十萬花紅，美金啦梗係），但極之高壓，炒人全不手軟，先唔會理你啲KOL講咩影響士氣（個個生意都未做過去教人地美國巨企管人，好好笑）。天才嘅天堂，平庸者嘅地獄。

    33. 想快睇嘅，可以睇呢篇文，中文嘢，易入口（https://bityl.co/5HEU）。但簡單嚟講，精英文化，好似歐洲頂級球會或者NBA咁，唔使講人情，我地唔係一家人，你掂嘅你上，唔掂嘅即時收工。你放工做乜我唔理你，上到場冇貨交嘅即死，唔使講咩「我為公司打咁多年江山」。阿丕嫂就係批鬥大會，聞說好似人工都完全公開。

    34. 你稍為有啲自己之明嘅，就知道呢啲公司唔係正常人可以入到，正如你都唔會去皇馬巴塞踢正選。亦所以你啲濕鳩公司唔好諗住學人地。打工更加唔好怨咩「才華同收入唔成正比」，有冇諗過如果真係成正比，你可能仲低人工？

    35. 幸好，你冇料在Netflix做都好，你都可以買佢嘅股票！分享人地嘅成果。係咪好偉大？

    36. 仲有，唔好以為搞間公司只係識拍戲 識搞算法就得。踢波都仲只係場上嗰十幾個人，Netflix咁大，唔通創辦人自己去拍戲？去睇韓劇？一定係靠其他人。佢點請到好嘅人？就係靠以上講嘅嘢，而唔係講埋啲乜撚work life balance（但唔畀錢），”we offer competitive salary and benefits”。Netflix最叻，可能係管人。人地offer NON - competitive salary and benefits—高到你根本match唔到。

    37. 仲有，財務呢？你可以話佢大膽，但咁大間公司點都係calculated risk，夠膽咁樣燒錢去搶份額，而唔係坐定定講「巨企霸權打壓我呀」。而家梗係個個都識講燒錢搶市場，但人地幾多年前做？

    ＝＝＝＝＝＝＝＝＝＝＝＝＝＝
    你嘅2020年點？我嘅2020年就幾好。Ivan Patreon，港美市場評點，專題號外，每日一圖，好文推介。每星期6篇，月費100唔使，5個月已1200人訂！（https://bityl.co/4Y0h）。年費仲有85折，仲係睇13個月添。

  • 君子馬蘭頭 - Ivan Li 李聲揚

    marginal中文 在 君子馬蘭頭 - Ivan Li 李聲揚 Facebook 的最讚貼文

    2020-09-14 19:53:22
    有 91 人按讚

    ［是日Startup］原意不錯，解決到問題—如果辨識度夠高的話。

    TLDR：估唔估到我原本想講乜？肯定要成段由頭執過喎，如果打字快嘅（如我），自己打應該快過再要執。又，個語音辨識都唔係自己嘅，咁core competency在邊？

    1. 講明先，非挑機非罵戰非抹黑。我有朋友做start up（相信大家身邊都梗有一個），我有做顧問（建議人地雪櫃買乜嘢飲都係顧問嚟嘅）（＊），但絶對唔同領域，做硬件，所以唔會有任何衝突。唔好小人之心。

    2. 是咁的，今日睇報紙見到呢檔嘢（https://bityl.co/3UUq），覺得個產品幾過癮，就去試下。拿，潛在客仔（我算係）會走去試，證明宣傳成功。證明信報係有人睇嘅，雖然係廢老（我），但廢老係客仔嘛（都係我）

    3. 街邊阿叔都識講，start up嘅嘢，要針對個pain point。呢個東西就針對咗某啲人嘅痛點—影片配字幕。

    4. 雖則埃汾唔係成日拍片，暫時都係同HomeBlogger合作（有同事後期製作配字幕真好）。但我工作都會講talk錄片。大家都知，有字幕嘅片好好多。特別係有人話埃汾講嘢好快（聽講係），至於埃汾講嘢一舊舊呀懶音呀咬字唔準呢啲，就各有主觀睇法，唔係重點。

    5. 無論如何，字幕是重要的，但亦係難搞的。雖則埃汾打中文字相當快，舊文提過，我半個鐘出咗篇聯儲局減息嘅分析文，一路打一路諗，2300字（https://fbook.cc/3FT7）—但我都唔會幫自己啲片打字幕嘅。第一原因係懶，第二原因係：我好怕聽到自己把聲—以前上電視時，如果食飯或乜見到自己嘅片（有重播有錄播嘛），我會好唔自在。我亦當然唔會睇返自己嘅片，亦好少睇返自己嘅文，歌唱比賽我都唔聽返自己唱成點的（所以冇乜進步）

    6. 呢個東西，話幫你gen 字幕喎，你send 條youtube link去，佢就幫你出字幕。試玩過，15分鐘嘅片（暫時免費版上限），一分鐘唔使就出到。好喎。咁就絶對解決到好多人嘅痛點啦。

    7. 可惜，出嚟個效果，就認真麻麻。你都可以去玩下（https://bityl.co/3UVg）

    8. 即係好似呢段片咁，估下我原本講嘅係乜？

    9. 我講嘅係：零零舍舍有一隻Google就斯人獨憔悴
    10. 結果變咗：零零四四九一只Gogo豆芽私人特橋水

    11. 呢個準確度，應該麻麻地吧。

    12. 你可以話，扯，你講嘢中英夾雜，好難認。但呢個應該係大多數香港人講嘢嘅習慣喎。

    13. 你亦可以話，埃汾你講嘢尼格度鬼食泥咁，一舊舊，咬字又唔清，又多懶音。隨你點批評，雖則本人文化口試都高分，亦都算多講talk—我想講嘅係，當我講廣東話再難辨認，但1-10，1最難認10最清楚，我點都有3-4掛？你套嘢如果我講嘢都認唔到，應該有三成人都搞唔掂喎。再講一次，我唔係粵音權威，但連我都搞唔掂，你套嘢窄啲喎。

    14. 當然創辦人都有講，套嘢初步階段啫，信報試用都見到要自己再執。佢話有七成，我就覺得冇啦—等於賣二手嘢廣告，九成新即係五成，五成新即係殘到仆街。

    15. 另一個問題係：對我嚟講呢，反正我打字快，你叫我仲要執一輪，我不如由頭打過！！！真的，如果唔係完全唔識嘅，抄功課係耐過自己做架！正如自己作過篇係快過譯文的！你要我對返住自己把聲，我不如一開頭自己打字幕算數，我甚至懷疑可以一路打字幕一路拍片！—不如搵次試下！如果好似城寨之類有兩三個人一齊嘅，應該得，自己由頭講到尾當然難啲啦。

    16. 明喎，免費版唔好咁多要求。明白嘅，唔好用免費版囉，唔鍾意呀？quit 免費版囉，畀錢囉。得唔得？O唔OK？（＊＊）

    17. 之但係收費版，er…….好似有啲貴！「唔係畀唔起，但唔抵！」「即係畀唔起」（＊＊＊）。

    18. 希望冇睇錯，但，$13.5 /每影片分鐘，即係一分鐘嘅片收我13.5，咁我homeblogger啲片半粒鐘，你咪收我四舊水？

    19. 即係，埃汾Patreon，一個月打12篇文起碼，一篇三四千字，一個月都係收一舊水有找咋！！！係咪有良心先！（https://bit.ly/31QmYj7）（今次個廣告夠自然啦！）。真喎，一篇文我點都打兩三粒鐘，收你一蚊美金，時薪兩三蚊港紙（＊＊＊＊），悲慘世界。

    20. Premium佢話專業團隊為你修改字幕，「即係搵條友再改啦」，咁請人當然要錢。但不幸地，埃汾叔叔話你知，「其實邊個話你知售價由成本決定？」。我就覺得窄窄地啦，半個鐘片你收我400蚊嘅，我懷疑自己搵條友返打都得，仲可以即時問我。「都唔好講我去大灣區搵個營養快線哥幫我打」

    21. 不過諗諗下，條友要坐定定半個鐘聽，然後再打返出嚟，可能都搞一粒鐘，咁計時薪四舊水又唔算好過份？唔知了。但我見快餐店好似五六十蚊時薪，咁打字幕，唔使演奏級唔使CFA下話。「況且你話你套嘢有七成準嘛，你執三成咋喎，唔係咩？」

    22. 講返正經，如果Premium都係要人手後期執，唔係辦法，同埋會畀人覺得好似數碼驗孕棒（https://fbook.cc/3FTF），或者keyword counter扮AI咁（https://fbook.cc/3FTG）。「即係你返去搵真人去打字幕」。當你做到有客幫襯都好，但咁嘅故事，sell唔到投資者的。

    23. 投資者好現實。要乜？一係好尖端嘅技術，一係自己好勁嘅算法，一係好強嘅品牌（但start up何來有品牌），一係好多人用，一係你有政府照，一係你好多錢燒可以掟死人，一係你股東好堅。否則你再巴閉好，兩嘢就畀人抄。

    24. 正如訪問都有講，佢地話「相關的語音辨識系統並非團隊自行研發，而是外接第三方系統的應用程式介面（API）。」（埃汾按：唔係Google下話？）。咁其實個core competency係在人地個技術度喎，你呢度有乜value add？又AI？（原文係咁講）。識得斷句？好似窄啲喎。「一生愛錯放你的　手」點斷句？（OK，國語嚟的）

    25. 總之，提高個辨識度先吧。否則我不如開個喇叭畀Google Translate，或者錄段嘢上大灣區搵營養快線哥人肉打字，應該平好多。「聽聞啲法文軟件都係去非洲搵人人工咁去做，因為非洲連乞兒都講法文」—OK，呢個係好bad taste嘅joke．但，法國啲客服同call center就真係搬去非洲的！而且唔係咩摩洛哥，太貴了。係去馬達加斯加！

    26. 繼續努力吧，創業嘅嘢，唔係咁易的。但正係唔容易先會搵到錢，人人做到就唔會有extra回報啦

    （＊）但，呀朋友公司寫字樓呢，之前雪樻真係買埋啲完全冇撚人飲嘅古怪嘢。我好奇研究點解，卒之發現咗。因為佢搵個秘書兼打雜去買—而個秘書為咗唔使成日托嚟托去，就特登買啲不受歡迎嘅嘢！拿，所以真係買乜嘢飲都有學問架！我是企管醫生，主要醫肚。

    （＊＊）其實我第一次測試，就係拎Brian Cha段片！Kelvin Poon會變咗九分半！唔信你試下！（https://ggle.io/3QlK）。不過費事貼佢張相，陣間你地又投訴，佢又投訴。

    （＊＊＊）呢個句式好似係本人原創，相當有爭議。但幾有用。例如代入「坐頭等去歐洲」

    （＊＊＊＊）聰明嘅讀者睇到個謬誤啦：埃汾平均冇錯係一蚊美金篇文，其實冇添，Patreon Paypal仲要抽—但，我唔止寫畀一條友嘛！我篇文可以幾百條友睇嘛，marginal cost極低，士基拿保呀。又學到啦啦，仲唔訂？（https://bit.ly/31QmYj7）

    ———————————————————
    Ivan Patreon 狼耳街華人，一星期至少三篇港美市場評點，一個月一舊水唔使，開張一個月已近 500人訂，仲有兩篇免費試睇：https://bit.ly/31QmYj7
    ——————————————————————————
    ［收費短片第九擊］美股科技股是否泡沫爆破？價值投資之選

    課程資訊：https://homebloggerhk.com/course_detail/?code=CC009

    內容:
    *美股急跌點算好
    *科技股係咪泡沫爆煲？
    *有乜價值投資之選？

    本星期內特惠售價: $80
    課程編號：CC009
    觀看期限：首次播放後一星期及限每影片４次
    客服whatsapp: 63832145

    另外想買返第八擊（美國總統大選股票部署）都仲可以：https://bityl.co/3NPn

  • 盧斯達

    marginal中文 在 盧斯達 Facebook 的精選貼文

    2018-11-02 16:41:34
    有 98 人按讚


    【盧斯達：續談中國士人性格—求權不得，成為怨婦】

    李怡今日講起我談金庸的文章，回顧自己從左派圈子轉出，拒絕「政治找上門」，與政治權力保持距離。不過這個經歷也會成為論敵的話柄。例如熱愛在泛民裡面「捉鬼」的網台論政節目，也將一顆失意的雙眼放到了李怡等等的少數。

    也許是因為李怡之類的人敢在泛民之中一士諤諤，提出不一定是圈子裡慣性收視所愛聽的觀點和論述。即便是欲蓋彌彰和暗示，總之李怡早年的左派履歷，也成為某些人的擊點，講講下變成要他們負「政治責任」，思路十分有趣。

    我們談士大夫「修齊治平」背後的現實一面，其實「文人」這回事也很消極的。近世以來，我們開始以西來的「知識份子」形容讀書明理的人。但其實知識份子真是一個西方的概念，跟它所代替的中文—士人/士大夫，其實是兩個相去甚遠的概念。近代的Edward Said在有名的《知識份子論》強調知識份子與權力的永恆對抗，將知識分子分為幾種性格：流亡者（exile）、邊緣者（marginal）、局外者（outsider）、業餘者（amateur）、攪擾現狀者（disturber of the status quo），這些人都敢於「對權力說真話」。

    這些人超然於各種組織之上，質疑與批評大眾認定的各種觀念。

    中國傳統的士人階層，並不是這樣的。當然，官僚階層中的某人某派，也會在權力鬥爭或者君主壓下來時，經歷流亡、邊緣化、成為局外人之類的命運，但這些都是他們進入權力體系之後的事。士人固然是讀書明理、多才多藝，或擁有某些專業技術，但他們是統治機器的一部份，「士人」不可以離開政權而生，它不是一個獨立的階層，也因此不可能有獨立的位格。

    隋唐之際確立科舉制之後，這個性格就已經定型下來。沒錯，歷代的中原士人有留下很多可歌可泣的故事，有不少人表達過超乎常人的忠孝仁義而「名留青史」，不過他們最終都是權力的玩物。這是結構性的問題。

    達出窮隱，顯達的人便出來經世致用，時勢不行便隱逸山林，退居田野，這只是現象，而現象的根源來自政權。學成文武藝，賣予帝皇家。遊俠和遊士，在古世流行，因為大一統政權的魔爪還未無遠不屆。但朝廷越大，就越沒有江湖；「有知識的人」不是「士」，「士」是准官僚，等著皇帝起用的官僚預備軍。

    因此我們稱呼很多人做「知識份子」，並不準確，因為他們事實上是中國式士人。這與你學中國文化還是讀洋書沒有關係，這純粹是一種集體文化所產生的人格和階層。就算是學會計的、讀醫的、做生意的，也可以「淪為」中國式士人，有強烈的參政慾望，等待皇帝翻他的牌子。

    所以說，也許並沒有「文人參政」這回事，因為在中國文化和政治的脈絡(context)下，文人從來就是要參政的，參不了政是異常現象，便就潛龍勿用，等待利見大人的一天，而不是自始至終希望游離於朝政。如果不搞政治，純文人的出路非常窄。士人和文人搞政治是天職，又能解決吃飯問題。《東邪西毒》有一句台詞說，武功高強都要吃飯。武者不想在街頭賣藝，文人也不想去做售貨員，於是涉身政治便順理成章。畢竟操他人生殺大權，不僅很有實利，還很有虛榮。

    士人和文人，結合過去的大眾傳媒，文字可以變成影響力，政治找上來之後，政治影響力最終就會變回錢。在這一方面，金庸是很大成就，因為他用文字和商法，為自己「打造」了一個北京願意收買的傳媒機器。這也許比起金庸的文學宇宙更令人響往，畢竟中國文化下的人，讀了那麼多書、自認有經世之材的，想做到的事，也不外乎是金庸做的事。得到皇帝召見、委以重任，兼以一樹梨花壓海棠。

    中國士人精神的理想，是由文藝而政治；自唐帝國以詩賦取士，「進士」高於「明經」，就已經如此。金庸做到了，所以他是中國傳統定義之下的人生贏家。

    有成功的文人，自然有失敗的文人。金庸的能力，不是所有人都有。大多數人都有那種經略天下的虛榮、有與權力媾和的性衝動。那就糟了，慾望得不到發泄，先是失意，後是暴怒，心理長期不平衡。知識份子沒這煩惱，因為他們一生就是求與權力相對抗，就算是砍頭也不回頭。

    但士人不是這樣，他們的心和眼始終是朝著天子。很多香港人讀了很多歐美事物，但還是中國文人。文人求權而不得，在香港的政壇、社運圈，可多了。投機失敗，會成為怨婦，四處瞧不起人。例如自己都進過政府，失意出來之後，忽然又成了民主派，然後四處捉鬼。在他們眼中本土派當然是鬼、新一代是來破壞泛民的守成之功。當梁天琦的代表律師都會說說自己那一代貪圖逸樂推卸了不少社會責任，這些人卻將香港整體社會的淪亡，反過來說是因為年輕人「冒進」而摧毀了泛民的守城努力。

    年輕的鬧了，老的又鬧，例如捉鬼。這些人又自己說得很認真，擠眉弄眼的臆測著，編成一個無人能證實或證偽的故事，就當「論述」和「分析」，網台給人看不起，都是自己作的孽。

    觀察這個圈子也有些日子了，有不少人都是如此。也就是把自己實際上看得太高，便有一股懷才不遇的失意和孤憤。當他們談到本土派、梁天琦之類的人，都是這樣。也許對著他們不編織一個陰謀論出來，他們無法接受自己的失敗、自己之被掩蓋。的確，人到中年，又蹉跎了不少歲月，執政的希望又沒有，心理又怎能平衡。

    但他們說到底只是夢醒了，而不願接受之前的是夢。政權拿不到，民主化無望，但至少你們有安慰獎。立法會議席所形成的那個虛擬政壇，便給你們玩了，還有甚麼好憤怒呢？至少他們那一輩還可以選立法會，政權還接受八大民主黨派；他們所瞧不起和敵視的下一代，卻連那份公務員合約(立法會議席)都不會有。對比起來，他們是時代的寵兒，享受過香港最好的日子，還有甚麼好憤世疾俗的呢？
    -------------------------------------------------------
    訂閱連結：https://lihi.cc/8q0JP/dadazim

你可能也想看看

搜尋相關網站