【龔成問答信箱】（Q21221-Q21240）

Q21221：

老師，我聽咗你的選優質股和為何不賣出優質股覺好有道理。多謝你咁好的片，以下請假你幾個問題：

1）優質股會否因時因市而異？宜家個個都話唔好選新經濟股，但如騰信，巴巴，京東，小米（都持有）百度
，b站（目標股等待中）等我始終認為係優質股（我錯咗高追快手所以唔買，美團雖佢好但太貴）

2）最好的組合應集中買賣幾多隻優質股？定都要唔同行業優質股去平衡？

3）快手有排都未到家鄉令我反省覺以後應集中少隻優質股（80%想全買700），我是否錯？

4）我諗住係選優質中的優質，咁騰信應該係優中之優，你的優中之優係邊幾隻？

5）我之前670入過700賺唔多放咗跟住等到630再入，假期最後一日654我無放

見你答FB答話唔好放如果630買，但好多都話個市仲有機會跌，我矛盾中：覺你話唔好放啱，但又諗當日670入賺10唔放我入唔到630，我諗住短期若有機會去到660-680就放，定你都係建議我唔放嗎？

6）我205入咗比亞迪，太多信息話仲會跌（26000），我應放定唔理照長期持有？

感覺有時睇太多財經跟住個個都話會跌（之前話好多次跌真的跌），我唔理先會失手放買快手（分幾注買都係貴）

所以好矛盾（我個人都覺會再跌尤其疫情反覆，身邊見到好多行業都好差）

7）我52入咗中移動我會長揸
若跌穿50應再加注定幾多錢再加？

8）我唔會奢望3百萬變一千萬，我只要本金有一半的回報已好感恩，但感覺真的唔易，不過會努力，你要我地自己選優質股係好啱，因授人而漁，我設388@410-430入唔到因佢一跌標升，你現在建議388的買入價是多少？

9）你對來緊一個月的股市點睇？會跌至27000定會升至29000以上？

我見你叫人忍手，是否你都唔睇好後市嗎（第二季）？

龔成老師︰

1） 我地最主要都係睇企業本身質素，去確定是否一隻優質股。之後，再利用平貴，去定一個買賣策略。

現時有不少新經濟股，出現輕微過熱架情況。但唔係代表佢地無質素，唔值得買﹕只係用現時價值買入，個風險會太高，再等佢回調會較好。

我地只會係合理至平宜水平入貨，或者利用月供去儲貨。就算再好的股票，都唔好係貴價時高追，咁係好危險。

2） 一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

你預大約8-10隻左右，會較理想。

3） 就算質素再好，都不要過份集中，因為咁個風險反而大左。因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於3成，而單一企業不要高過15%。

4） 金沙（1928）、港鐵（0066）、比亞迪（1211）、中生（1177）、福壽園（1448）、小米（1810）等，都係一些有質素架股票。

但除了質素，我地都要考慮佢現價，到底有無值博率。好似比亞迪（1211）好有潛力和質素，但現價太貴，我地都唔會去入貨。

5） 你依然停留左係"賺差價"架思維，我地投資增值，係透過長線增有一些優質企業，去等佢自然咁升值，而唔係炒炒賣賣。

所以，只要係優質，你長線持有就可以。你見我比亞迪（1211）買左咁多年，中間升升跌，我都無賣過，現在才可以享受數倍升值的效果。

同埋，你唔好諗住自已估到個市點走。如果佢唔係好似你預期咁賣完，之後跌翻比你入，反而大升，你就會進退失據。

6） 你比亞迪（1211）個買入價係貴左，但由於佢好優質，你長線持有就可以，但現價唔好再加注。

記住，睇財經新聞，我地睇下個客觀資訊，唔係意見。

7） 中移動（0941）都有質素，但佢主要係收下息，如果你未近退休之年，唔建議持有太多。

至於再跌是否加注，就睇翻你本身預算投資此股的資金，是否已經用盡。如已用盡，就算再平也不要加注，否則只會增加風險。

如尚有資金，可每跌10-15%就加1注。

8） 其實只要你學習一套正確財富增值方法，再比些耐性，要令資產倍升，唔係話咁難做到。

港交所（0388）現價略貴，你預回多1,2成才算較合理。

9） 中短期股市走勢，我唔知道。我只係從大市水平和個別股票平貴，去定投資策略。

現時不少新經濟股，都有過熱情況，暫時不宜投資住。至於舊經濟股，普遍價格都合理，依然有投資價值。

------------------------------------------------

Q21222：

sir,可唔可以比D意見, thanks a lot!
（學員附上了6919的分析練習，但不便登出）

Sir,我有3隻蟹貨,都keep左3年,覺得唔係幾睇到未來既增長力,覺得食之無味棄力可惜

371 4.44@12000
698 0.84@40,000
315 6.44@14500
788 1.73@18,000

我覺得依幾隻質素都唔差,但睇唔到個增長力,每次出完業績就想等派息,派完息就想等業績希望有轉機,,明明其他資金買增長股回報都唔錯

但下唔到決心沽貨,從來未試過蝕錢沽貨,我係咪應該咁做,可唔可以比D意見我,THANKS!

龔成老師︰

你分析人瑞人才（6919）的練習，睇得出你花了一定的時間去進行研究，同時都有心機做的，基本資料方面無問題，至於評分方面，你的答案大致正確，你給了15分，我相信這個數與這企業優質度接近，相信你大致掌握了該評估表的指標方向。

至於你在SWOT分析，你可以寫更多（雖然評估表該格位不是很大，但你可以自行寫更多），你只簡單寫定位清、效率高，其實可以延伸這更多，佢怎樣效率高，這因素如果幫到這企業將來發展。

至於評估表第5頁，你表示負面因素是行業競爭加劇，其實可以再延伸寫更多，如果這情況發展，是否會對佢賺錢能力有所影響，你表示佢最終因經營本低而勝出，這是否佢最終能站得住腳但賺錢能力會減，到時如果真的行業競受加大，佢盈利會否減少，這企業怎樣保持現時的賺錢能力？

至於企業估值方面，你計算出的企業價值都大致正確。

人瑞人才(6919)主要為企業提供綜合人力資源服務，其服務包括發布招聘廣告、前端招聘、入職及上崗、後端人事管理等。

根據灼識諮詢報告，中國人力資源服務市場由2014年約人民幣1,912億元增長至2018年約人民幣4,086億元，複合年增長率為20.9%。

預期到2023年達到約人民幣10,142億元，複合年增長率為19.9%。故行業發展，預期係正面。

集團中國具有強大的服務網絡，覆蓋超過150個城市的客戶，開設超過20間辦公室。

按2020年末計，集團是內地龍頭靈活用工服務提供商，以工人數和收入計，市佔分別為2.3%和3.1%。

初步睇，此股都有投資價值。但人力需求很受經濟環境影響，加上集團現時賺錢能力，唔算得上十分強。

而且行業上，也算不上係藍海市場，因為行業都發展了一段時間，只是市佔較為分散，故增長力你預係中上，唔會係爆發性增長。

現價算係合理區頂部，此股係可以投資，但不宜太大注。

其實整份評估表，你都做得不錯，運用得很好。你要大量這樣分析企業，實力才會大幅提高，我自己多年來，都是不斷分析企業、分析企業，去提高實力，同時以「分析好多，投資好少數企業」去提高投資準繩度。

至於你這些持股，是否沽出換碼，你要從投資回報角度去考慮。如果換至其他優質股，長線有明顯較理想的增長，我地就應該行動。

北控水務集團（0371）和數碼通電訊(0315)都有質素，但你預佢主要係收息，唔會有太明顯增長力。

通達集團（0698），算是不過不失。但就唔值得持有太多，始終質素唔算好高。

中國鐵塔（0788）不是無質素的。始終中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入都增長，盈利都保持向上，但增長比之前略減，加上股本回報率不高，是這股較弱的地方。若分析佢市盈率，會見到現時仍然處較高水平，反映佢雖然股價回落左唔少，但仍然未到平。

這股長遠仍算有發展力，可長線。不過，潛力度比過往略減。

你可以睇翻自己年紀、持股比重和風險承受力，去決定是否減持。

------------------------------------------------

Q21223：

龔sir.您好我今年40歲，以前有跟家人投資新股（白表）如下：

招行 1,000
領展 2,000
工商 2,000

中行 2,000
中鐵建 500
中鐵 2,000

因為自己唔識炒，輸多贏少，最後儲蓄都係做定期多，不過近期連一厘都無，跑輸比通漲。

現在收入二萬多，供養兩位已退休家人，住私樓（唔洗供）。

手持五百萬現金，應該點開始建立資產組合？

龔成老師︰

我地投資股票，係希望買入一些優質企業，透過佢自然增長，達至財富增值目的，絕對唔係"短炒"。

而定期這類方法，在財富增值上，効果都唔高，不建議你用。

只要選股和買入策略正確，並長線持有，就會有唔錯架財富增值效果。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你40歲，建議你用「平穏增長股」 + 「潛力股」的組合，當中以「平穏增長股」為主。

月供方面，你可以選擇投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、長建（1038）、領展（0823）、希慎（0014）、太古地產（1972）

或潛力股︰中生（1177）、福壽園（1448）、小米（1810）、安碩恒生科技（3067）、港交所（0388）、阿里（9988）、騰訊（0700）、ＧＸ中國電車基金（2845）。

現時大市只是合理區，你現有500萬資金，可先扣起等同半年開支的應急錢。

餘下部份，可以先投入一半，用"分注"形式，慢慢買貨。另一半就等大市出現一定程度的下跌，才大力度掃貨，然後長線投資。

不過，你投資經驗與知識不足，加上過往投資虧損較多，我會建議你先集中「平穩增長股」，而「潛力股」，只能小注，等你有較多知識後先加大投資潛力股。

同時，買入時要慢慢分注，或用月供作策略。

暫時只建議你動用$50萬-$100萬，到你有一定知識、經驗後，先慢慢去到約$250萬作投資。

------------------------------------------------

Q21224：

你好, 本人38歲, 已婚有一個3歲小朋友
手頭現金約100萬, 而家同老公屋企人一齊住

想盡快買樓…..但兩公婆月搵4萬蚊, 問過銀行按揭只借到400萬, 要再儲多D首期先有望
上車, 現每月可儲萬五蚊

1. 點先可以滾儲到多d資金

2. 投資新手, 之前都係抽下新股咁

3. 岩岩睇多左你既FB, 想4月開始月供三千2800, 請問是否OK?

4. 知道買私人樓保值/升值潛力高D, 但budget有限, 買居屋自住係咪都OK

5. 我地住將軍澳區, 因想屋企人幫手睇小朋友,想搵番同區,但而家樓價越升越有, 真係追唔係幾到, 係咪應該搵遠d地方住呢

另現有股票組合約27萬如下, 請問有沒有重複??否需要調整

0005,1600股, 平均買入價49
0175, 1000股, 平均買入價33
1177, 3000股, 平均買入價7.63
1299, 400股, 平均買入價200股抽新股中, 200股96.5
1810, 800股, 平均買入價22.7
2388, 500股, 平均買入價15
9988, 100股, 平均買入價229.6

感謝!

龔成老師︰

1） 如果你打算1、2年內買樓，就建議留較多現金。

但若果你不打算太快買樓，就可以先利用投資，滾存更多資金先。

由於你係新手，我建議你先用月供模式，去投資一些有增長的優質股，以達至財富增值目的。

2） 抽新股係可以，但你要明白我地分析新上市企業合理價和質素時，除了了解行業發展、佢本身業務狀況外，都要參考過往財務數據。

但新股都唔會有太多這方面的可靠資訊，令成個分析唔完整。所以我地係投資新股時，就算覺得佢基本面再好好，我地都要比較保守，唔可以太取，去平衡翻參考數據不足這個風險。

3） 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你38歲計，應用「平穏增長股」 + 「潛力股」的組合。我建議你用每月5成儲蓄，去做月供，其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、長建（1038）、領展（0823）、希慎（0014）、太古地產（1972）

或潛力股︰中生（1177）、福壽園（1448）、小米（1810）、安碩恒生科技（3067）、港交所（0388）、阿里（9988）、騰訊（0700）、ＧＸ中國電車基金（2845）。

由於你係新手，未有選潛力股的能力，也未必能掌握投資時機的能力。你可以簡單地先集中投資係盈富基金（2800）。到你有經驗，才選其他我建議架股票。

至於現有100萬，可先用30萬，分注咁入盈富。餘下現金和每月儲蓄，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

4） 私人樓一般情況，升值潛力都較高。但從自住角度，居屋都係有佢吸引之處。當你資金不多，而目的又係自住，居屋其實都可以考慮。

5） 除非你有迫切性要搬離現有居所，否則，你應先利用優質股增值，去先增值一筆財富。另一邊，再慢慢物悉價格較合理物業，咁會較好。

另外，其實將軍澳區已經是全香港，相對唔太貴的地區，所以日後其實唔太建議你轉其他區。

因為你手上資金不多，勉強買入單位，都會令你供款好吃力。而且，買物業後，我地都應該同時留有一定股票去做增值。所以，現時未必係咁適合。

建議你如果有較長時間，先用優質股累積起一筆財富，再慢慢換屋，會較理想。

至於現有持股，都適合你。除了匯控（0005），佢主要係收下息，唔會有太大增長力，不宜持有太多。

------------------------------------------------

Q21225：

龔sir你好，因為留意你啲post開始有買少少股收息，你嘅分析同意見都好實用！

想請教你以下情況，我應該如何理財，同埋有咩理財組員較適合我

本人28歲，
月入24k，
每月儲蓄大概15k-17k，
銀行現金20萬。

唔識理財，睇完你嘅分析先識買股票收息。多謝你嘅無私分享！！！

我個倉有:
0011一手@154.2
0006一手@45.9
1972一手@23.5

現金20萬中應該用幾多錢做投資？

另外如有每月月供股票應該每月供幾多較好，同埋哪一隻股適合？

目標期望5年內儲人生第一個一百萬，同埋一直想置業，但當有一百萬個時肯定樓價升到唔夠錢買樓。

仲有一個目標就係一直都好想創業，有好多想法，但好怕蝕哂d錢，所以一直遲遲未行岀第一步

我嘅目標係創業初期賺到嘅錢一部分捐岀去比有需要嘅人，我知失業率高企，好多人飯都無得食，有能力就要幫多啲人，平時每月都會買拉車仔買乾糧捐去食物銀行

所以如果創業我希望可以賺到更多錢，同時可以利用我嘅部分盈利再去幫人。感謝龔sir

龔成老師︰

你的想法很好，有能力時，我地係應該盡力回饋社會，這才有意義。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

以你28歲，可以選擇一些「平穩增值股」+「潛力股」作投資目標。現有持股都合適，但電能（0006）增長力唔高，只係收下息，長線唔好入太多。

以現時大市合理區狀況，月供最好用一半每月儲蓄，另一半就先儲起架策略。

由於潛力股要求你有一定的投資知識，因此這刻不用急著投資，你可以集中在平穩增值股先。

每月用$7000去月供盈富（2800），餘下就儲起，等大跌市機會。其餘合適股票，到你對佢地有一定了解，才從中選股。

平穏增長股：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建（1038）

潛力股：安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、ＧＸ中國電車基金（2845），但就要明白波動性比上述會高左，同時風險大左，你要自己平衡。

由於你投資知識不高，因此可較集中在平穩增長類股，至於潛力股，只宜小小注，最好是你提高投資知識，等你有一定知識，先慢慢增加翻潛力股比例。

現時大市處合理區，20萬資金，可先用7,8萬，分注咁慢慢盈富及其他平穩增長股。

餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

當你累積到一定資金，就可以入市買樓。若此刻資金不多，可先從小物業入手，再慢慢換成大物業。（詳細做法，你可以睇我本<5年買樓4步曲>）

至於創業，你可以從你的興趣、強項、認識的事著手。

例如你本身對某類產品很有興趣，你會在那裡買？如果你在網上買這產品，這個網站的模式如何？

初期投入唔一定要多，可以用網店模式、網上買賣這些低成本模式著手。一邊做正職，一邊創業咁試都可以。最重要係行出第一步，因為未行過，你係唔會知乜野情況。

你最初要有學習的對象，你先尋找一些自己認為不錯的商店，了解一下佢地的商業模式，最始好大型及小型都有，先以小型作學習對象，然後就試下佢地的模式，能否成為你創業的方向。

記住，最好唔好做得太雜，要專注在某一範疇，等人容易記得你。

------------------------------------------------

Q21226：

龔Sir，想請教一下。

1. 522同981有潛力嗎？可以作月供選擇嗎？如可以，那一隻比較好？

2. 另外，聽你講過3067係供股好選擇，請問現價合理嗎？

龔成老師︰

1） ASM PACIFIC（0522）有質素。

佢係半導體和發光二極管行業的集成和封裝設備供應商，為跨國芯片製造商，為獨立集成電路（ＩＣ）裝配工廠和消費電子產品製造提供半導管裝配設備及材料。

過往的生意與盈利都有增長，不過盈利有點波動，這都會令股價略有波動。長遠有一定的發展，可長線投資。現價合理區頂位，如分注小注或月供，仍可以。

而中芯國際（0981）業務有增長力，但未必能稱為好優質的股。

睇翻佢過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

雖然這股都有前景，但以佢面對的情況，但好難將佢定義為最優質的股票。

加上此股近年升了不少，就算有所回落都唔算平，加上之前熱炒過，股價大上大落，投資要注意風險。這股唔建議大注，也不建議用作月供選項。

2） 安碩恒生科技（3067），有長線投資價值。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

------------------------------------------------

Q21227：

龔sir你好。我又忍不住在反思自己的組合了，希望你能給些意見！

問題1：我現在計劃的組合比例ok嗎？（我19歲）

問題2：現在的組合內，所有都有持股，除了小米。最近見你話小米波動性大咗
（因開發電動車），我應仍選擇它嗎？（如不應該，組合比例亦會考慮調整）

我月供的金額分配ok嗎？（每月有$17000能放入股票市場）

問題3：我另外還有些以前買咗，但現在不太想加入做我的組合的股票。你覺得我對這幾隻股票的處理正確嗎？（特別是9988）

現在計劃的組合：
科技 （700, 1810） —— 22%
安碩科技 （3067） —— 30%
醫療 （1833） —— 8%
舊經濟潛力 （388） ——5%
平穩 （66, 823） —— 10%
盈富 （2800） —— 25%

一手手買股票
- 騰訊 （when drop to $520）
- 平安好醫生
- 領展
- 小米

月供股票 （至少供3年持有5年）
- 港鐵 （1k）
- 港交所 （1k）
- 騰訊 （2k）
- 盈富 （2k）
- 安碩科技指數 （每個月買1手）

組合外現持有的股票：

打算就咁擺喺到：
11恒生1手@124
12恒基162股@30.92 （放棄了月供因增值較其他慢，好似我大個啲再買翻好啲）

等賣：
883中海油1手@6.7
9988阿里巴巴2手@272 （知道有質素的，但我現在好像已有不少科技股，而個人對這股
有些失去信心） （但如果不要小米，應保留？）

謝謝你的無私幫助

龔成老師︰

1） 19歲係一個好年青架年紀，正值財富增值的黃金時期，策略上可以相對進取些。

你現時月供組合，無問題。其實恆基（0012）仍是有質素，當然增長力減少左，預期佢中短期都是弱，不過，這股是睇長線及超長線的。

如果你將來有資金多，都可以考慮月供翻佢。至於恆基（0012）和恆生（0011）現貨，可持有。

但你現有持股，有少少偏重左係潛力股，令個組合波動性略高。以你年紀，唔好超過6成。

2） 小米（1810）由新能車發展有一定不確定，故你要預佢波動性大左，但整體質素係有，你照持有係無問題。

你現時月供金額和選股，都無問題。

3） 這些股票都係有質素（包括0011, 0012, 0883,9988），唔建議你沽出，照長線持有就可以。

但留意中海油（0883）只係商品類，價格自主性低，質素只算中等，不宜再加注。

------------------------------------------------

Q21228：

龔sir，你好，本人今年46 歲，有現金 $200,000，想買公用股作長線增值投資和收息用途。
目標有：

中電（0002），煤氣 （0003），電能（0006）
請問那一隻較適合我？

龔成老師︰

若果以收息角度，中電（0002）和電能（0006）會較好。

但我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你現時才46歲，都應該作一定程度上的財富增值，而唔係純收息。我建議你用「平穏增長股」，去創造一個增值平台。

現時大市只在合理區，你20萬可先用一半，分注咁慢慢儲貨。餘下一半，就等大市有明顯回調，才再出手。

------------------------------------------------

Q21229：

成老師你好呀，我現年22歲，月入21k，我學習價值投資開始了大約9月開始月供11k股票

直至現時，月供包括（均價）2800（$26.9）,0066（$41.9）,0002（$73.1）,0027（$60.1）,2013（$13.5）,0981（$21.2）,9988（$237.4），另外曾一手買入9988（$227.8）一手，0981（$20.2）一手，0823（$58.4），一手。

1.我想問一問我的投資組合風險會唔會唔太適合我這個年齡？

2.這個月供組合會唔會太保守是否需要作出轉換？

3.是否需要加大月供額？

4.我亦有儲現金作一手低位買入，如果需要買會唔會有一些建議？

我亦想好好把握黃金10年做好投資將現金轉換成資產。
謝回覆

龔成老師︰

1） 以你22歲計，係財富增值的黃金時期，可以承受較高風險。

你月供組合中的股票，大部份都有質素。但中芯國際（0981）業務有增長力，質素都有，但未必稱得上最高質。

睇翻佢過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

雖然這股都有前景，但以佢面對的情況，但好難將佢定義為最優質的股票。故此股作月供，就不太適合，或最多小注月供好了。

微盟集團（2013）財務數據的增長都強勁，但波動性較高，唔建議用來月供。

但這2隻股票現貨，你照持有就可以。

2） 我不清楚你月供供款比重，故難言是否太保守。但從選股上看，都可以。你22歲，建議你用「平穏增長股」 + 「潛力股」作組合，比例約各一半。

以下都是一些適合你月供的股票，你可以用來加入。

平穏增長股︰盈富（2800）、銀娛（0027）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）

潛力股︰安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）、ＧＸ中國電車基金（2845）。

現時大市只在合理區，每月資金唔好盡用。最好留有部份，等大跌市出現時，可以用來掃貨。

3） 最好將可以動用的閒錢，都用來投資。因為你年紀，越做累積財富，個複利效果會越理想。

4） 現時大市在合理水平，現金和股票最好各佔一半。若果你現金唔多，可以先等大跌市出現，才出手。

至於投資目標，就係我2）中所講的股票。到時你可以因應自已持股情況和股價平貴，去用現金掃入這些優質股，並長線持有。

------------------------------------------------

Q21230：

老師你好，一直以來我都係對股票投資既概念都係半桶水，直至幾年前開始睇你既書，睇你係網絡

上分享你既心得同知識，慢慢學識投資係應該長線同睇企業既價值，亦都因為你，比亞迪

令我賺咗人生第一桶金，所以好想多謝你令我感受到賺錢原來咁開心，我來緊想抽居屋

同老公買樓，但係我唔知道應該點樣分配，所以想請教老師既意見

我現在持有268金鍱，9988阿里巴巴同3067，大約總供有二十萬

現金二十萬，每月可儲蓄15000，我應該月供股票令資產增值，還是應該儲蓄現金作為首期，我想兩至三年之間可以

賺多少少，幫補買樓，希望老師能夠指點一下，謝謝老師

龔成老師︰

比亞迪（1211）係有質素，雖然股價已升了不少。但由於佢有潛力和質素，最理想係繼續長線持有。

我建議你先用股票增值，但2至3年唔算係一個長架時間，增值時要保守些。

現有持股可持有，但由於佢地波動性略高，唔建議再加注住。未來以平穏增長股作為目標，去創造一個組合。

你每月5成儲蓄，去做月供，其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、長建（1038）、領展（0823）、希慎（0014）、太古地產（1972）

大市現處於合理水平，20萬資金和每月儲蓄，就等大跌市機會出現，才出手掃貨。

------------------------------------------------

Q21231：

大佬，我依家股票組合係咁

Stock 5, $46.3, 14000股
Stock 386, $6, 4000股
Stock 737, $3.95, 10000股
Stock 941, $74.75, 1000股
Stock 1789, $12.77, 4000股

Stock 1810, $31.75, 2000股
Stock 2333, $27.65, 2000股
Stock 2638, $6.84, 5000股
Stock 2800, $26.5, 5000股

我想問再整合一下。有冇咩股票會放左佢會好d ?

龔成老師︰

從質素上計，這些股票都係優質，可以長線持有。

但我地財富組合，除了係優質股外，都要因應自已年紀，去做相應的配置。

我地會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你現時這個組合，主要收息股為主，係偏向保守。若你係中年或接近退休的人士，這個組合都可以。

但當中有個較大問題，就係成個組合偏重左係匯控（0005），佢佔組合近一半。緊記，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於3成，而單一企業不要高過15%。

建議你，慢慢沽出部份，換碼至以下股票，去令組合回復平衡。

平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、平安（2318）。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金（3110），都可以。

------------------------------------------------

Q21232：

龔sir: 早前$15入咗3手藍月亮6993，之後係咁跌，買入的時候冇考慮市盈太貴，依家又冇咩息收，呢隻可
繼續持有？還是溝多兩手平倉就沽？

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

另外，我地決定加注與否，要睇幾個因素，記住，並不是「拉低平均買入價」為目的。

第一，要分析這股的質素，如果無質素，就再跌都唔加。

第二，這股的類別，如潛力或增長或收息類等，是否與你的財富組合匹配，比例是否適合。

第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。

第四，現價是否有投資價值率，要平，或起碼合理，不能貴。

第五，你要在加注後，仍有現金剩。

記住，重點不是「拉低平均價」，而是組合比例與配置。

藍月亮（6993）有質素的。

佢有「中國P&G」之稱，成立於1992年，擁有衣物清潔護理、個人清潔護理和家居清潔護理三大系列共73個品種的產品。

佢係中國洗衣液有龍頭地位，加上毛利率高，賺錢能力強。睇翻佢之前的資料，以零售額計算，藍月亮在洗衣液市場、濃縮洗衣液市場及洗手液市場的市佔率均為第一，分別為24%、28%、17%。

整體有質素與發展力，不過現價唔平，之前貴，現價算是合理區頂，唔係加注的時候。但此股有質素，現貨持有係無問題。

------------------------------------------------

Q21233：

成哥
本人38
我現在持有物業自住
每月可儲二萬
用作月供1177 及700
每月6000 供1177
8000 供700
其餘用作儲現金
手頭現金 約二十萬

手上持股
388 @ 451.6 100 股
700 @ 580 100 股
788 @ 1.2 20000 股
1211 @ 228 500 股
2158 @ 61.6 200 股
3067@ 17.83 400 股

6618@ 29.2 100 股 （因高位賣了接低成本）
9618 @330.7 100 股
9988 @ 255.2 300 股
2638 @ 7.2 8000 股
2800 @ 28.5 10000 股
3033 @ 8.3 4000 股
1177 及700 供了幾個月

目檟 ： 希望在十年後 有每月五萬被動收入

1）現在月供出這兩隻 可以嗎？
2）想增加潛力股 有那些值得投資十年後收成的倍升股？
3）現在持倉可以嗎？
4）想再集中儲倍升股 有沒有推介？ 例如 儲1448 及3067 可以嗎？
5）以上做法 能否做到十年後 有被動收入五萬？
6）現在倉位 會否太散？
7）178 好想買 值得現價大量入嗎 大約1.8

龔成老師︰

1） 我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

你現時持股和月供組合，都係太偏重係潛力股。以你38歲去計，潛力股和平穏增長股最好各佔一半。否則，你個組合架波動性風險會過高。

而且，大市只在合理區，每月儲蓄最好先用一半，另一半儲起去等機會。

2） 以下股票，都係有質素架潛力股，有力可以成為倍升股。

潛力股︰中生（1177）、福壽園（1448）、小米（1810）、港交所（0388）、阿里（9988）、騰訊（0700）、比亞迪（1211）

但大部份現價偏貴，買入前要做好估值。

3） 跟月供組合一樣，偏重左係潛力股類，但情況無咁嚴重。這些股票可以持有，再利用月供和新資金，慢慢修正翻個比例。

若你想投資恆生科技股ETF，我建議用安碩恒生科技（3067），佢費用成本比3033為低。

另外，港燈（2638）係收息股，增長力欠奉，你不宜持有太多。

4） 這兩股都可以的，同時你都可以睇我本<50值博倍升股>，當中會有更多選擇，但要注意組合比重問題。

5） 要做到10年後每月有5萬蚊現金流，以股息率5%計，你需要本金1200萬。

以大市過去年平均回報10%計（連股息再投資），你每月投資$20000再加上你現有資金和持股（約值85萬），10年後大約會增值至600萬。

如果要達至你的財務目標，你要再加大投資力度。可以看看你自已的開支，有沒有一些部份可以調整來增加月供金額。

如果無，你就要從開源著手，轉工（如SALES，一些多勞多得的工作）、找PARTTIME、網上生意等，令你每月可儲資金大幅提升。或者拉長增值年期，以助你達成10年後1200萬的目標。

6） 有少少，長線最好維持8-10隻，咁會較易管理。

7） 莎莎（0178）仍有質素，但佢已經無過往年代般的賺錢能力，同時香港的零售市道有風險，都令這股近年的表現較一般。

這企業本身在行業有一定的地位，賺錢能力不差，但就會受經濟及零售市道影響，令股價較為波動。

其實股票班我都有講這股的估值，在過往10年，自由行較為黃金年代過左，所以從估值上，無之前咁高。

佢在行業的優勢仍在，但整體行業及零售市道，無過往咁強。長遠仍有質素，這刻處合理區，但投資注碼不能太大注，亦要有耐心先有收成。

------------------------------------------------

Q21234：

請問2186 綠葉製藥 $6入左3萬股，請問前景好何？止蝕位？待覆。謝謝

龔成老師︰

綠葉製藥（2186）主要銷售腫瘤科、心血管系統以及消化與代謝三個領域的新藥品，基本上都係有市場的，其實長遠又不是太差，只是市場有時對佢的增長力會有不同。

但近年佢質素的確有少少轉弱，但相信最差時間已過，這股本身的風險較高，唔建議投資得太多。若佢佔你組合比重唔多，可長線持有。

至於止蝕位，我唔會用一個價格來定。

只會在其長線質素出問題，或者個市去到好狂熱，令個價異常地高，我才考慮沽貨。若質素不變，就算中短期出現波動，都需要太在意。

除非你持有貨太多，就建議你在反彈時減少少。

------------------------------------------------

Q21235：

龔Sir，想請教一下，我有10000股中國人壽是賺返嚟的, 我想賣咗佢, 換馬 買比亞迪, 請問你意見如何？

雖然換取比亞迪只係大約800 - 900股, 但前景會更樂觀嗎？

龔成老師︰

這些股票賺翻黎與否，佢始終都係你做財富增值的本錢，我地都要認真對待。

中國人壽（2628）並不是無質素，不過增長力唔強。同埋企業的賺錢能力不及過往年代。

長線持有價值都算有，但暫時唔好對股價有太大期望。你可以考慮沽出部份，換至其他優質股，都係可以。

比亞迪（1211）去年營業額1530億人幣，按年增長26%，而市場一般預期為1400億-$1500億。

至於盈利為$42億，比上年增長1.6倍，不過，這就差過市場平均預期的46億人幣。每股盈利1.47。

其實整個業績，都算同市場相差唔太遠，而我地分析時，最重要是長遠的企業發展。業績初步反映，新能源車的市場仍處增長狀態，動力仍在，不過賺錢能力這刻仍算好強，但當技術進步、市場規模增加、成本控制等因素慢慢出現，賺錢能力進一步提高。

預期佢2021年新能源車銷量，應該能達到40萬至50萬輛的水平，已經能獲得一定的市場佔有率，新能源車仍是增長動力，仍是正面。

反映比亞迪長遠仍是正面，不過我自己在估值上，暫時未有提高，始終這刻市場太著重前景因素，因此，這刻仍是略貴，初步保持我之前對這股的合理價，$120。如果想投資去翻$150先月供會較好。

當然，之後到比亞迪正式有詳細財務數據、年報、附註等資料，會正式重新估值，相信調高的機會有超過一半。

你現貨可長線持有，但想現時將中國人壽（2628）換碼至比亞迪（1211），我就不太建議。

最重要不是睇「賺蝕」，不是睇「買入價」，而是睇質素。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

------------------------------------------------

Q21236：

成sir，你好。小弟睇了《年報勝經》，書中提及經營現金流-資本開支＝自由現金流。

如果要搵上述資料，是不是在年報中的現金流量表就可以？

我想計算［215］和記電訊的自由現金流，可唔可以麻煩你指教一下。

以上是和記電訊的現金流量表，要計算自由現金流，應該用那一個金額計算呢？麻煩晒成sir。謝謝。

龔成老師：

佢2020年的資本開支，$5.93億

而佢的經營活動現金流，為$12.97億

所以，你只要將$12.97億減去$5.93億，就可以理解為佢的自由現金流。$7.04億。

------------------------------------------------

Q21237：

老師你好，我想請教一下買樓問題。我個portfolio入面己有70%係樓(澳洲投資物業），現已達正現金流狀態，睇個勢仲有機會升，真心唔想賣。

而我依家喺香港跟屋企住，都會想有更多私人空間，但稱不上係有迫切需要。

而我依家買樓唔係唔得，因為我人工穩定而且接近6萬，但要放晒所有股票做首期，就會變成All-in樓市既狀態

所以想請教老師，你認為我應否係香港買層自主樓？定係保持分散風險嘅原則，keep返三成股票？

龔成老師：

澳洲物業如果已有正現金流，同時質素唔差，其實可以持有

由於你這刻在香港，無太大的逼切自位需要，加上你在整個財富配置比例中，已經較集中在物業，因此，暫時你未必要好急在香港買樓。

你可以集中用股票作為投資工具，先將財富增值，到你有自住需要，又或樓市出現較明顯下跌，有明確機會時，才考慮買樓。

其實最好是，當你買樓時，只需賣出部分股票，買樓後仍有一定的現金及股票剩，就最平衡。

------------------------------------------------

Q21238：

龔sir 你好！我有個疑問：一般來講，投資股票越早越好，因為時間越長越有複利效果，而分注/月供就可以減低市場波動的風險。（我理解對嗎？）

但經過上年3月，我之前月供的股票（約供了兩年）帳面蝕咗好多，雖然我明白長線不用擔心，而之後今年年頭都升返啲

但好似輸咗機會成本，因為如果不月供而將儲到嘅錢大跌時入貨會賺多好多。

我知道老師你都沒有月供，而係耐心等機會。

咁其實我應唔應該停月供/分注，儲現金等到個市再大跌至入貨？

但又覺得留現金會蝕通脹及享受不到複利效應。我現在股票現金比例（2:1）（金額都好大下）......
謝謝

龔成老師：

股票愈早買愈好，這個大方向是不變的，當然，只限於優質股，但都要留意，這是講長期的，而中短期會波動，簡單來說，你今年買，會著數過5年後買，但如果以中短期計，只要我地能把握到買入時機，有機會在一年後的買入價比這刻好。

另外，月供是一個長期儲貨的策略，好處是平均了買入價，有效減少一次過在高位買入的風險，但缺點就是，無法一次過捉到低位。

因此，對於投資實力不足的人，利用月供是很好的方法。

但如果本身已有投資實力，能把握投資時機，有企業估值能力，其實不用月供都得，所以我自己都無月供。

而我一般的建議，都是部分資金月供，同時留部分現金，等機會，這是一個較平衡的做法。

你現時現金的比例，都可以的。

------------------------------------------------

Q21239：

龔sir，有幾個問題想問

第一，請問閱讀你12本著作的順序

第二，我已有1百萬流動資產，是否可以不去讀（80後百萬富翁）？

第三，你的二個面授課程，應分別在讀完你那本書的時候報讀？還是讀完你的12本書便無需報讀？

第四，看到你有一網上課程，你的12本書或面授課的內容可完全覆蓋到嗎？讀了你的12本書後是否無需報網課？

第五，我即將38歲，對於我閱讀你的書、面授課、網課的計畫會有建議嗎？

第六，網課會再推出限時優惠嗎？

第七，你的12本書中，相信大部分會是說「心態」、「經驗」，不會過時，但其中3本：50優質、50穩健、50值博，提及的股票會因時間而出現變化，現在或將來才買的話，會否過時呢？

龔成老師：

1）你可首先睇：

《80後百萬富翁》
《股票勝經》
《財務自由行》

之後再睇其他。

書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

以下是我的12本書：

《80後百萬富翁》（第9版）
《80後2百萬富翁》（第4版）
《80後3百萬富翁》（第2版）
《財務自由行》（第7版）
《大富翁致富藍圖》（第5版）
《50優質潛力股》（第4版）
《50穩健收息股》（第3版）
《50值博倍升股》（第3版）
《股票勝經》（第3版）
《選股勝經》（第2版）
《年報勝經》（第2版）
《5年買樓4部曲》（第2版）

2）不是，因為書都是教你累積財富，同時無太大順序的。

3）課堂大部分內容，都是無在書講過的，而一些實戰，更具體的投資技巧，都只會有課堂講述。

例如企業估值技巧、5種選股模式、選股程式的具體應用、年報分析的實戰技巧，同時會派一份6頁紙的「企業評估表」給學員，令你可以自行為企業進行有系統的質素評分。

你可以當書只是頭1、2堂的入門部分。

4）網上課程是配合《大富翁致富藍圖》的，你可以理解是書的實戰版。

5）我建議你先睇《80後百萬富翁》、《股票勝經》、《財務自由行》，然後可以上股票班（基礎班），這樣進取最大。

6）暫時都無推出特別優專。

7）《50股》的3本書，你要睇下出版日期，因為久不久會更新的。當中分析股票，因為都是一些大方向，因此無太大變化，但平貴度，你就要留意可能會變。

------------------------------------------------

Q21240：

老師，如果想幫港交所做估值，應該使用甚麼模型比較適合？

龔成老師：

你可以用現金流折現法，以及市盈率估值，如果用市盈率估值，可以用佢過往的市盈率作參考。

其實要深入進行估值，要考慮企業長遠的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。

如果要深入計算，基本上要好仔細的研究企業，要分析好多財務數據用比率，先至有較完整的答案。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【《浪跡天地》擊倒《曼克》　趙亭成史上首位金球獎中國女導演】

雖然深受武漢肺炎影響，但荷里活年度重要成績表之一金球獎，仍順利在美國時間星期日（2月28日）晚上（即香港時間星期一早上舉行）。早前已被看好為得獎大熱的華裔女導演趙婷（Chloe Zhao），亦一如預期，憑《浪跡天地》（Nomadland）贏得最佳導演及最佳電影（劇情組別）兩大獎項。

生於中國，在美國讀電影的趙婷，父親是北京首鋼前總經理趙吉，母親是演員宋丹丹，背景可謂根正苗紅。她不單是自1984年來首位榮獲金球獎殊榮的女導演，更是史上首位贏得該獎的中國女導演。

由於各大電影發行商押後作品上映日期，令本屆金球獎變成由各大串流平台主導。其中，Amazon Prime發行的《波叔出城2》（Borat the Subsequent Movie Film》分別贏得最佳電影和最佳男主角（同屬喜劇及音樂劇組）；同時，喜劇影帝「波叔」沙格畢朗高漢（Sacha Baron Cohen）亦憑Netflix電影《Chicago 7》獲最佳男主角（劇情組別）提名。

此外，英國女演員露沙蒙派克（Rosamund Pike）憑Netflix發行作品《完美監護人》（I Care a Lot）贏得最佳女主角（喜劇及音樂劇組），已故的「黑豹」查域布斯曼（Chadwick Boseman）則憑《藍調天后》（Ma Rainey's Black Bottom）贏得最佳男主角（劇情組），最佳女主角（劇情組）則由黑人演員Andra Day贏得。

全文︰http://www.passiontimes.hk/article/03-01-2021/70816

#金球獎 #趙婷

請支持PassionPrime：
http://passiontimes.hk/prime/

請支持熱血時報印刷版︰
http://passiontimes.hk/4.0/regform.php

請支持熱血文青課金計劃：
http://www.passiontimes.hk/?view=raise2

請支持熱血主持育成計劃：
http://www.passiontimes.hk/?view=raise

《熱血時報》 iOS，Android App 歡迎下載：

iPhone
https://apple.co/2IfgPoP

Android
https://bit.ly/2HqB4Q4
--------------------
成功之前，我們絕對不要放棄夢想！
Till our dreams come true, we'll fight on.

On the 16th of February I received a message from an old Taiwanese student of mine. The message said:
二月十六日，我收到了一位我以前的台灣學生的來信：

“How’s corona virus in the UK? I just saw it on the news…. Taiwan really benefited a lot from not trusting China…”
“英國的新冠狀病毒情況如何？ 我剛看到新聞，不信任中國真的是做對了”

As each day passes this message becomes truer and truer.
隨著一天天的過去，這個對話變得越來越真實

The part my student didn’t know was that the UK would be punished so terribly for being so naive in its dealings with China,
他不知道的是，英國天真地繼續與中國打交道會受到如此嚴厲的懲罰

I now fear the worst is yet to come.
我擔心最糟糕的時刻才要到來了而已

It is now March the 20th.
今天是三月二十日

The death roll rises with the infection rate rising by 33% everyday.
死亡人數快速增加，感染率每天也多33％

The newspapers say we are 13 days behind Italy.
報紙說我們只差意大利13天

The schools have been shut and the streets are empty.
學校已經關閉，街道空無一人

We are preparing for self isolation.
我們正準備做居家自我隔離

Supermarkets are being emptied and there is talk of London being locked down.
超市被清空，有傳言稱倫敦將被封城

I sit at home in self isolation watching the Taiwanese news on youtube and it looks like a glimpse of a parallel universe.
我坐在家裡看著Youtube上的台灣新聞，像是一瞥的平行宇宙

As I write this Taiwan only has 108 confirmed infections with only one death…
目前台灣確診人數是108，只有一個人過世...

Britain’s death toll has now reached 144 and infections are now at 3269…
英國確診人數到了3269 ，死亡人數為144

The infection rate seems amazingly low. It’s as if taiwan has dodged a bullet.
台灣的感染率極低人人彷彿像在閃子彈般對待這病毒。

Taiwan is a small island off the coast of China with a population of 23 million many of whom work and live in China
台灣是中國大陸之外的一個小島，擁有約2300萬人口。其中許多台灣人在中國工作和生活，台灣的人口約佔英國的三分之一

Britain is the other side of the world and has a population of 67 million - very few of which work and live in China.
英國是世界的另一端，人口約為6700萬，其中很少有人在中國工作和生活

This should have been easy for us and hard for Taiwan.
相較之下，防疫對我們來說應該是容易的才對

How could Taiwan have got it so right and the UK have got it so wrong?
台灣的防疫是如何做得這麼好，而英國又怎麼會讓疫情一塌糊塗？

There is a long list of smart decisions Taiwan made to prevent the virus coming in and to stop it spreading.
台灣為防止新型冠狀病毒入侵、擴散，早在開頭時就果斷做出了一系列明智的決策

The closing of its border, the temperature checks.
關閉邊界 ，公開場域實施溫度檢測

The face masks not being allowed to leave the country.
政府禁止台灣的口罩出口一個月

As early as the 15th of February Taiwan was not allowing flights from wuhan.
早在2月15日，台灣就不允許武漢的班機入境

As early as January Taiwan had halted all entry of Chinese citizens and put all visa applications on hold.
而早在一月底，台灣就暫緩受理了中國大陸人士的觀光簽證，並將以發入台許可證的日期延後了

By the end of January all Taiwanese travel to China had been stopped.
在一月底也全面暫停了台灣旅行團前往中國大陸旅遊

In early February Taiwan was putting people in quarantine.
2月初，台灣就已將開始實施入境隔離了

As I write this Taiwan has denied all entry to Taiwan from foreign countries except for it’sown citizens who are coming back.
在我寫到這時，台灣已拒絕所有外國人入境了，只有持有台灣護照的公民允許入境

All of these things the British government hasn’t done but didn’t
英國政府至目前都還沒有做到這些事情

The rest of Europe has been hit hard, but these countries have land borders and so the rules of the game are different for them..
歐洲其他地區疫情擴散也十分嚴重，但這些國家有陸地邊界，因此整個規格是不同的

We don’t.
我們沒有陸地的邊界

In this respect we are like Taiwan.
在這方面，英國就跟台灣一樣

Taiwan and Britain have a special advantage because they are surrounded by water...
台灣和英國有一個特殊的優勢，它們都是被海水包圍著的島嶼

We could and should have taken all the steps Taiwan has taken but we didn’t, why?
我們本可採取台灣已採取的所有防疫行動，但我們卻沒有這樣做，為什麼？

The way the average Brit thinks of china is completely different.
英國人普遍來說對中國的看法與台灣人的完全不同

Most British people don’t share the deeply cynical view of China that Taiwan has.
大多數英國人不同意台灣對中國的悲觀看法

When China says there is nothing to worry about, many people in the Uk actually believe it.
當中國說“沒什麼好擔心的”，英國的許多人就都會相信

News reporters even believe it.
新聞記者們深信不疑地報導

When I tell people we can’t trust China people look at me like I am mad.
當我告訴人們不能相信中國共產黨時，人們會認為我瘋了一般生氣地看著我

Do you think China would hesitate to block British citizens coming into China?
中國難道會猶豫要不要禁止英國公民進入中國？

Of course it wouldn’t.
當然不會

No sooner has the virus landed in other countries are other countries being blamed for it coming back.
這病毒一到了其他國家，中國就開始指責是其他國家帶進中國的...

If we had had the same mindset as the Taiwanese, all of these deaths could have been prevented.
假設我們對此與台灣人有相同的心態，那麼所有這些死亡都是可以避免的

Taiwan understands china better than any other country in the world.
台灣對中國的了解無疑比世界上任何其他國家都要更深

The Taiwanese are highly skeptical of everything that comes out of the Chinese communist party’s propaganda machine.
台灣人高度懷疑中共的一切大外宣

Many times in recent history the Taiwanese have been threatened by China with invasion and many attempts by the Chinese communist party
在近代歷史上，台灣多次遭到中國共產黨入侵的威脅

China has been making attempts to weaken and manipulate the Taiwanese media and use politicians to hold sway over Taiwans internal affairs.
中國共產黨從各方滲透，削弱、操縱台灣媒體，並利用政治人物干涉台灣內政

Taiwan knows that globalization, interconnectivity and heavy reliance on other countries can be very dangerous.
台灣人民知道，全球化和互聯網系統嚴重依賴其他國家是可能導致嚴重後果的事

Taiwanese people understand the dangers of being reliant on China very well.
台灣人清楚地知道依賴中國的危險

But do we?
但我們呢？

How many of our medicines are made in China?
我們有多少種藥品是在中國製造的？

Face masks? Ventilation machines?
口罩？ 呼吸器？

How much Chinese investment has gone into vital infrastructure in the UK, such as the two nuclear power plants?
中國在英國的重要基礎設施（例如兩個核電廠）中投入了多少資金？

Would Taiwan allow China to build nuclear power plants?
台灣可能會允許中國出資建造核電廠嗎？

Of course it wouldn’t! Why?
當然不會！為什麼？

Taiwan understands that it must protect its sovereignty at all costs and not take the easy route for short term economic gain and in doing so and endanger its people.
台灣明白必須不惜一切代價保護自己的主權，而非為了短期的經濟利益而走捷徑，這樣做會危害到國民

This is a lesson the west is yet to learn.
這是西方尚未學到的一課

When trump introduced the tariffs on China he took a lot of criticism, people called him isolationist.
當川普對中國徵收關稅時，他受到了很多批評，人們稱他為孤立主義者

I’d rather be call isolationist that stuck at home isolated and not able to go out
我寧願被稱孤立主義者，也不原意走到這一步被隔離在家都不能出們

On March the 10th Xinhua news (a propaganda arm of the Chinese communist party announced that China might halt all medical exports.
新華社3月10日的消息指出（中國共產黨的宣傳部門宣布）中國近期可能停止出口所有醫療用品

The west relies on China for its antibiotics, and other vital products.
西方國家依賴中國生產抗生素和其他重要的醫療產品

Earlier this year Boris Johnson gave Huawei the go ahead to lay down Britain‘s 5G.
鮑里斯·約翰遜（Boris Johnson）今年年初達成協議，讓華為得以繼續為英國部署Britain’s 5G

Did Taiwan allow Huawei in to lay down 5G?
台灣會允許華為設置5G嗎？

Of course they didn’t….
台灣當然不可能這麼做

If we learn anything from this tragedy it should be that we should not rely on a country that sees the west as its rival, one that makes casual threats to block exports of vital medical supplies.
如果我們能從這場悲劇中學到任何東西，應該是：我們不應該依賴對一個將西方視為敵人的國家，這個隨便就可以用重要醫療用品的出口來威脅人的國家

We should only trade with countries that see us as their allies - the democratic free world.
我們應該只和同樣於民主自由世界且視自己為盟友的國家進行貿易

We must realize that globalizations isn’t always a good thing and that our national borders are there for a reason and we should feel no shame in closing the borders to protect our people.
我們必須認識到全球化並不總是好事，而且國界的存在是有原因的，不應該因“關閉邊界以保護一個國家的人民”而感到羞恥

After this we must decouple all reliance on Chinese money and Chinese products and halt all Chinese investment in the UK.
疫情平息過後，我們真的必須停止對中國資金和中國產品的依賴

▶ LINE貼圖連結（第一次做，謝謝支持）：
https://store.line.me/stickershop/product/11377412/en…

(也可以直接到LINE貼圖商城裡的創作者搜尋：清醒夢 或 dr34mlucid )

▶ Patreon：https://www.patreon.com/dr34mlucid
▶ Paypal是一次性的，連結在此：https://www.paypal.me/dr34mlucid
▶ Youtube: https://www.youtube.com/channel/UCVnGdyLMChFJJbAtZ9jNz-g
▶ IG: dr34mlucid

Hi everyone,

想體驗 LashFood 胜肽睫毛增長精華？

只要三個步驟就有機會贏家取 LashFood 胜肽睫毛增長精華 0.5ml
（價值HK＄135）
1．"讚好" 此 Youtube
2. " 留言" - 想體驗 LashFood 胜肽睫毛增長精華 此 Video
3．Subscribe GreenBeautyKoKo Channel

LashFood Eyelash Conditioner 是天然草本配合納米胜肽醫學技術的睫毛增長華華

通過皮膚科測試及臨床證實可令睫毛更健康, 更濃密, 更長

首枝榮獲歐盟有機認証增長睫毛精華 eco cert
主要成份: 銀杏 維他命B, 精氨酸, 納米胜肽, 大豆蛋白
100%有機植草本提鍊，絕無Lumigan成份,不會令眼珠變色
美國製造

獨立研究報告指出 Independent Study Conclusions:
85% of users noticed an improvement in eyelash fullness 85﹪使用者睫毛變得豐滿

100% of users noticed an improvement in eyelash length 100% 使用者睫毛變得增長

100% of users noticed an improvement in eyelash density 100% 使用者睫毛變得濃蜜

0% noticed irritation.
0﹪ 使用者有敏感情況出現

公佈日期：
2014年1月20日會抽出四名幸運兒, 並在Facebook 公佈
Good Luck

Please come to visit my Facebook Page and web site ^.^. They are updated daily!! There a lot of different kinds of skincare tips and make up sharing!!

♥ check my web site
greenbeautykoko.com
♥ Like me on Facebook page
https://www.facebook.com/GreenBeautyKoKo
♥ Follow my blog
http://greenbeautykoko.blogspot.hk/
♥ Write email to me
[email protected]
Thank you for watching again!!

Green BeautyKoKo
xxoo