【#狂迷投稿】〈復仇者聯盟4：終局之戰〉(電影邏輯篇) —「獵鷹的確係最適合擔任新隊長人選」 文： 謝信的藝文空間 －－－－－－－－－－－－－－ 時光旅行之前，佢地要先解決一啲技術困難。 . 其實呢個位係戲外嘅編導要先決定好今集時空上應用嘅方向以致Marvel下個十年可能嘅走向，於是佢地設計左Mobius strip(莫比烏斯環)，呢個只係出現左一次而個3D模擬逆向圖只係存在左幾秒嘅「假科學」就主導左全集嘅電影邏輯。(我覺得) . 呢度唔打算同大家拗電影入面所謂嘅bugs，個人覺得最大bugs就係滅霸，一向老謀深算嘅佢竟然以為喺2018嘅自己能夠打贏咁2014嘅自己都可以就狗衝去9年後嘅2023which is 好on9嘅諗法而偏偏佢仲要係講出放唔低過去嘅光榮就創唔出其他新嘅可能性嘅人(Lol)。 . 總之，莫比烏斯環喺電影挪用嘅意思似乎係由2023回到過去嘅除非死左否則都可以番黎(視乎用幾多時間)，而由過去黎得到2023嘅都可以延續而唔會俾過去影響番，即是你喺呢個環嘅任何一個(時間)點出發，都可以去番原點因為睇落立體嘅呢個環其實只有一個面。 . 簡單直接啲講，喺莫比烏斯環設定下，Marvel今集係玩緊多元時空但同時盡力設限令今集為止嘅所有事即使只係用單元時空都仲可以(唔衍生平行時空)解釋。(如果下下就咁用平行時空解釋晒咁個劇本就無乜意思，唔使兜啲咩亦無邏輯可言。咁喺電影入面串人地啲時空電影就會好7而古一同浩克亦唔使講咁耐。)最最最重點係，咁還石係多餘，由得佢多幾個平行時空第日多啲故事拍唔好？(例如由滅霸2014帶隊黎到未來呢下，復仇者已經拯救/創造左一個時空係無滅霸而所有人都無死，或者果個先真正係博士所講嘅1千4百萬之一嘅時空但無拍出黎！！) . 睇過有關編導專訪會知，佢地唔用Time stone去玩穿越就係驚玩大左收唔到，但宜家啲解釋大部分觀眾一樣唔buy。不過羅素兄弟算處理得聰明，就例如隊長個open ending。 . 呢句都係編劇講。喺Hulk同蟻人&Rhodey解說果時佢話： 「If you travel to the past,the past becomes your future. And your former present becomes the past. which can't now be changed by your new future」 所以佢地要將過去嘅石拎黎現在先改變到現在嘅未來。但編劇一個動作就開放左至少兩種可能，一種係佢回到過去之後因為揀左卡特所以喺果度產生左平行時空，佢係由果個新嘅平行時空穿越番黎，果個時空好可能由第二個接手做隊長，所以當老隊長遞盾俾獵鷹果時先會答It isn't。另一種係佢回到過去之後，雖然揀左卡特(可能製造出平行時空)但依舊喺果度活到去番2023(無穿越)，即係直到2023嘅隊長回到過去之前，2023一直有兩個隊長。呢個講法喺莫比烏斯環之下係講得通，亦發現網上有更多人樂意接受呢個理論。 . (時間差嘅關係，上面嘅睇法應該俾唔到大家新鮮感，尤其蜘蛛仔爆雷預告之後，咁不如同大家傾下第二啲) . 話說最近見到網上有幅Marvel新階段之六台柱嘅圖。。 . 於是勾起左啲復2嘅記憶，喺復2結尾，因為Hulk嘅出走同Elizabeth加入等等交替，隊長同Scarlett係籌組訓練緊新復仇者，當時最後亮相嘅係隊長、Scarlett、戰爭機器、獵鷹、Elizabeth呢五個人，而佢地喺銀幕上出嘅第一次任務好似就係搞到要簽索高維亞協議嘅導火線。。 . 隨住隊長交盾同兩位隊員犧牲，復英嘅情況暫時係咁： . 宇宙中：CM、雷神、星爵 . 地球上：局長、冬兵、蜘蛛仔、黑豹、博士、蟻人+復2果時嘅新team亦即戰爭機器、獵鷹(新隊長)、Elizabeth。(鷹眼同Hulk傳聞約滿) . 咁陣形下，獵鷹的確係最適合擔任新隊長人選，因為佢能力最低，承繼左Avengers傳統(笑)，同埋可以預見A5嘅雛形都實在要一段唔短嘅時間去凝聚。撇開晒已知嘅鋪排，我反而想睇到咁嘅Avengers(好似蜘蛛仔、蟻人、戰爭機器、冬兵、獵鷹同Elizabeth)會點成長。呢幾位先係我心目中嘅新6 Ace。 . 希望佢之後劇情重點都係延續講「人情」嘅故事，唔好剩屈時空屈超能力。 . 大家點睇？ . ×☝🏽☝️☝🏼多謝投稿！有嘢想講，都歡迎各位投稿分享你嘅睇法～× . 【#狂迷投稿】〈復仇者聯盟4：終局之戰〉(人物劇情篇) —「漫威十年.我只為一個人傷心」 文： 謝信的藝文空間 https://www.facebook.com/MovieMadMan/photos/a.1290143677737557/2260079157410666/?type=3&theater . 【#Nj評::〈復仇者聯盟4：終局之戰〉（上）】 ／▶︎ 超越想像期盼／影史新高度 ◀︎／ https://www.facebook.com/MovieMadMan/photos/a.1290143677737557/2249792601772655/?type=3&theater . 【#Nj評::〈復仇者聯盟4：終局之戰〉（下）】 ／▶︎寫下角色真實且貼近人性一面◀︎／ https://www.facebook.com/Movie