#gfmurmur6014 長文慎入*（文筆差） 我同我男朋友一齊左都差唔多一年，當中都發生左好多事。 我同佢相差7年，係返工嘅時候識嘅。以前就係當佢係我嘅男神，次次返工都會偷偷地望佢，後來俾佢發現左，佢主動去問我係咪鐘意佢，之後我就應左啦。但係個時佢無應承我，同我講「睇你點做啦...」之類嘅。 後來我第二日返工就同佢係locker房度錫左，跟住佢叫我去佢屋企過夜，但係其實之前都無咩點同佢有過交流，突然之間要我去佢屋企其實好緊張，第一次去佢屋企嘅時候，佢已經想要我嘅第一次，因為我個陣太緊張，到最後都係入唔到，但係之後我去佢屋企嘅日子多左，俾左我嘅第一次佢，每次都無戴套...但係佢仲係無應承做我嘅男朋友。 因為我仲係個學生，我同屋企人講係去朋友屋企訓，日子去得愈多，同屋企人都嗌得愈多交。始終紙包唔住火，我到最後同屋企人坦白左，佢地都開頭唔準我再去佢屋企訓，但係我一直堅持，依加佢地都已經無再理我。 同埋有時佢放工我都會去接佢，有幾次仲試過係出面吹住風等佢2個幾鐘，只係為左見佢一面。之前仲成日送佢返屋企，其實我屋企同佢屋企唔遠，但係就無車可以直達返去，所以次次都要轉車，起碼都要半粒鐘先返到去，返到去都成11點幾12點，而佢就無乜點送過我返去。 後來，我同佢用呢種關係過左大概2個月，佢先至同啲同事講我係佢女朋友，起初我啲朋友都話我做咩咁傻，做人地嘅「炮兵」，但係我個陣又傻，一味希望佢會愛我。 依加差唔多一齊左一年，有次同佢去旅行，我有次偷偷地睇左佢部手機，因為平時佢話唔想無私隱，所以連fb 都唔俾我加好友（其實我知佢仲有好多前度嘅相），但係我忍唔住係佢唔係度嘅時候睇左，我見到佢Line set左密碼，不過我有指紋禁到入去，我發現佢同一個台灣妹FaceTime 左成粒幾鐘，同埋佢又follow左啲台灣援交妹，個下我真係唔知可以點....我一直屈埋係心度無講。係呢個旅行入面我發現左我有左bb,我諗都應該有1個月，個陣佢好驚問我點算，我就話落左佢，我知道睇到呢到你地一定會屌我，但係我都無辦法，我唔想佢俾個bb捆綁一世，依加都唔係生落黎嘅時機.... 所以之後我買左落胎藥，食最後一粒個日，我好唔舒服，不斷發冷又發熱，仲係度嘔黃水，但係佢個陣唔係我嘅身邊，佢要返工，佢連車都未上，都好似無諗過黎陪我，我好辛苦咁匿埋係個廁所度，係咁嘔，下體出左好多好多血，但係我都係扮無事，因為我驚屋企人會知...雖然佢之後不斷講對唔住，但係係我最需要佢嘅時候 佢唔係我身邊..... 後來可能因為我無安全感，好驚佢會離開我，有一次係巴士好崩潰咁喊咗出嚟，我同佢攤牌，話佢點解唔陪我，點解搵女FaceTime,點解成日呃我，佢係咁係度解釋，之後什至為左我而喊，到最後反而變咗係我氹佢😂 可能因為佢想補償我，佢依加會主動話送我返屋企，放假成日陪我... 我知其實佢好愛我，好想補償我，但係我真係好驚，佢為左份工而無陪我度過個一日，佢有女搵無同我講，而我就咩都同佢講，我覺得自己好無知，好驚，唔知可以點.... 但係依加佢同我講為左我同佢嘅將來，佢辭咗而家呢份工，諗住做政府工，話要同我一生一世.... 我知道你地會係咁鬧我，我都知自己做錯咗... 可能我有一種唔好嘅諗法，就係藉今次落左bb而去令佢更加愛我... 我覺得真係好對唔住,我無情劫殺左一個無辜嘅小生命，我真係好希望下一個bb我會好好咁珍惜佢 愛佢。 -- #hkig #couple #murmur