［是日Startup］原意不錯，解決到問題—如果辨識度夠高的話。

TLDR：估唔估到我原本想講乜？肯定要成段由頭執過喎，如果打字快嘅（如我），自己打應該快過再要執。又，個語音辨識都唔係自己嘅，咁core competency在邊？

1. 講明先，非挑機非罵戰非抹黑。我有朋友做start up（相信大家身邊都梗有一個），我有做顧問（建議人地雪櫃買乜嘢飲都係顧問嚟嘅）（＊），但絶對唔同領域，做硬件，所以唔會有任何衝突。唔好小人之心。

2. 是咁的，今日睇報紙見到呢檔嘢（https://bityl.co/3UUq），覺得個產品幾過癮，就去試下。拿，潛在客仔（我算係）會走去試，證明宣傳成功。證明信報係有人睇嘅，雖然係廢老（我），但廢老係客仔嘛（都係我）

3. 街邊阿叔都識講，start up嘅嘢，要針對個pain point。呢個東西就針對咗某啲人嘅痛點—影片配字幕。

4. 雖則埃汾唔係成日拍片，暫時都係同HomeBlogger合作（有同事後期製作配字幕真好）。但我工作都會講talk錄片。大家都知，有字幕嘅片好好多。特別係有人話埃汾講嘢好快（聽講係），至於埃汾講嘢一舊舊呀懶音呀咬字唔準呢啲，就各有主觀睇法，唔係重點。

5. 無論如何，字幕是重要的，但亦係難搞的。雖則埃汾打中文字相當快，舊文提過，我半個鐘出咗篇聯儲局減息嘅分析文，一路打一路諗，2300字（https://fbook.cc/3FT7）—但我都唔會幫自己啲片打字幕嘅。第一原因係懶，第二原因係：我好怕聽到自己把聲—以前上電視時，如果食飯或乜見到自己嘅片（有重播有錄播嘛），我會好唔自在。我亦當然唔會睇返自己嘅片，亦好少睇返自己嘅文，歌唱比賽我都唔聽返自己唱成點的（所以冇乜進步）

6. 呢個東西，話幫你gen 字幕喎，你send 條youtube link去，佢就幫你出字幕。試玩過，15分鐘嘅片（暫時免費版上限），一分鐘唔使就出到。好喎。咁就絶對解決到好多人嘅痛點啦。

7. 可惜，出嚟個效果，就認真麻麻。你都可以去玩下（https://bityl.co/3UVg）

8. 即係好似呢段片咁，估下我原本講嘅係乜？

9. 我講嘅係：零零舍舍有一隻Google就斯人獨憔悴
10. 結果變咗：零零四四九一只Gogo豆芽私人特橋水

11. 呢個準確度，應該麻麻地吧。

12. 你可以話，扯，你講嘢中英夾雜，好難認。但呢個應該係大多數香港人講嘢嘅習慣喎。

13. 你亦可以話，埃汾你講嘢尼格度鬼食泥咁，一舊舊，咬字又唔清，又多懶音。隨你點批評，雖則本人文化口試都高分，亦都算多講talk—我想講嘅係，當我講廣東話再難辨認，但1-10，1最難認10最清楚，我點都有3-4掛？你套嘢如果我講嘢都認唔到，應該有三成人都搞唔掂喎。再講一次，我唔係粵音權威，但連我都搞唔掂，你套嘢窄啲喎。

14. 當然創辦人都有講，套嘢初步階段啫，信報試用都見到要自己再執。佢話有七成，我就覺得冇啦—等於賣二手嘢廣告，九成新即係五成，五成新即係殘到仆街。

15. 另一個問題係：對我嚟講呢，反正我打字快，你叫我仲要執一輪，我不如由頭打過！！！真的，如果唔係完全唔識嘅，抄功課係耐過自己做架！正如自己作過篇係快過譯文的！你要我對返住自己把聲，我不如一開頭自己打字幕算數，我甚至懷疑可以一路打字幕一路拍片！—不如搵次試下！如果好似城寨之類有兩三個人一齊嘅，應該得，自己由頭講到尾當然難啲啦。

16. 明喎，免費版唔好咁多要求。明白嘅，唔好用免費版囉，唔鍾意呀？quit 免費版囉，畀錢囉。得唔得？O唔OK？（＊＊）

17. 之但係收費版，er…….好似有啲貴！「唔係畀唔起，但唔抵！」「即係畀唔起」（＊＊＊）。

18. 希望冇睇錯，但，$13.5 /每影片分鐘，即係一分鐘嘅片收我13.5，咁我homeblogger啲片半粒鐘，你咪收我四舊水？

19. 即係，埃汾Patreon，一個月打12篇文起碼，一篇三四千字，一個月都係收一舊水有找咋！！！係咪有良心先！（https://bit.ly/31QmYj7）（今次個廣告夠自然啦！）。真喎，一篇文我點都打兩三粒鐘，收你一蚊美金，時薪兩三蚊港紙（＊＊＊＊），悲慘世界。

20. Premium佢話專業團隊為你修改字幕，「即係搵條友再改啦」，咁請人當然要錢。但不幸地，埃汾叔叔話你知，「其實邊個話你知售價由成本決定？」。我就覺得窄窄地啦，半個鐘片你收我400蚊嘅，我懷疑自己搵條友返打都得，仲可以即時問我。「都唔好講我去大灣區搵個營養快線哥幫我打」

21. 不過諗諗下，條友要坐定定半個鐘聽，然後再打返出嚟，可能都搞一粒鐘，咁計時薪四舊水又唔算好過份？唔知了。但我見快餐店好似五六十蚊時薪，咁打字幕，唔使演奏級唔使CFA下話。「況且你話你套嘢有七成準嘛，你執三成咋喎，唔係咩？」

22. 講返正經，如果Premium都係要人手後期執，唔係辦法，同埋會畀人覺得好似數碼驗孕棒（https://fbook.cc/3FTF），或者keyword counter扮AI咁（https://fbook.cc/3FTG）。「即係你返去搵真人去打字幕」。當你做到有客幫襯都好，但咁嘅故事，sell唔到投資者的。

23. 投資者好現實。要乜？一係好尖端嘅技術，一係自己好勁嘅算法，一係好強嘅品牌（但start up何來有品牌），一係好多人用，一係你有政府照，一係你好多錢燒可以掟死人，一係你股東好堅。否則你再巴閉好，兩嘢就畀人抄。

24. 正如訪問都有講，佢地話「相關的語音辨識系統並非團隊自行研發，而是外接第三方系統的應用程式介面（API）。」（埃汾按：唔係Google下話？）。咁其實個core competency係在人地個技術度喎，你呢度有乜value add？又AI？（原文係咁講）。識得斷句？好似窄啲喎。「一生愛錯放你的　手」點斷句？（OK，國語嚟的）

25. 總之，提高個辨識度先吧。否則我不如開個喇叭畀Google Translate，或者錄段嘢上大灣區搵營養快線哥人肉打字，應該平好多。「聽聞啲法文軟件都係去非洲搵人人工咁去做，因為非洲連乞兒都講法文」—OK，呢個係好bad taste嘅joke．但，法國啲客服同call center就真係搬去非洲的！而且唔係咩摩洛哥，太貴了。係去馬達加斯加！

26. 繼續努力吧，創業嘅嘢，唔係咁易的。但正係唔容易先會搵到錢，人人做到就唔會有extra回報啦

（＊）但，呀朋友公司寫字樓呢，之前雪樻真係買埋啲完全冇撚人飲嘅古怪嘢。我好奇研究點解，卒之發現咗。因為佢搵個秘書兼打雜去買—而個秘書為咗唔使成日托嚟托去，就特登買啲不受歡迎嘅嘢！拿，所以真係買乜嘢飲都有學問架！我是企管醫生，主要醫肚。

（＊＊）其實我第一次測試，就係拎Brian Cha段片！Kelvin Poon會變咗九分半！唔信你試下！（https://ggle.io/3QlK）。不過費事貼佢張相，陣間你地又投訴，佢又投訴。

（＊＊＊）呢個句式好似係本人原創，相當有爭議。但幾有用。例如代入「坐頭等去歐洲」

（＊＊＊＊）聰明嘅讀者睇到個謬誤啦：埃汾平均冇錯係一蚊美金篇文，其實冇添，Patreon Paypal仲要抽—但，我唔止寫畀一條友嘛！我篇文可以幾百條友睇嘛，marginal cost極低，士基拿保呀。又學到啦啦，仲唔訂？（https://bit.ly/31QmYj7）

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已近 500人訂，仲有兩篇免費試睇：https://bit.ly/31QmYj7
——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

有心人大家都幫少少😔🙌🏻
//我係劉梓浩呀！先在此感謝大家的關心。今次發文update一下近況。

6月初確診血癌復發後，至今我已進行了四次化療，並正等待Minimal Residual Disease（MRD）測試的結果，然後才再進行骨髓移植手術。MRD測試的目的，是檢測骨髓中殘存的癌細胞，以反映現時接受化療的效用。如檢測結果是MRD negative，代表骨髓中沒有檢測到壞細胞。

為希望在骨髓移植手術前達致MRD negative，早前醫生建議我使用新型標靶藥Blincyto（Blinatumomab）；此藥物的作用是減少病人骨髓中殘留的壞細胞，以便增加骨髓移植的成功率。醫生指病人於用藥後有70-80%機會能達至MRD negative。

Blincyto是美國FDA認可處方藥物，價錢大約50萬港元，已成功在香港註冊，但因尚待納入《醫院管理局藥物名冊》，故我未能申請政府的「撒瑪利亞基金」和「關愛基金」資助。幸而，我獲得「愛能助基金」伸出援手，資助七成藥費，餘下三成藥費亦獲數位有心人代為支付，以解第一次藥費的燃眉之急，可算是「不幸之中的大幸」。雖然醫生指出，未來或需再次用藥，而屆時我便需要全額自費。不過最起碼，第一次藥費的問題得以解決，我真的由衷感激「愛能助基金」及各方仗義相助，尤其是香港排球總會的協助。

我是在2018年參加雅加達亞運沙排賽事時身體不適，其後確診患上白血病。很多本地、甚至外國運動員和教練，在這2年以來都不時關心我的病況，送上很多祝福，令我十分感動。回顧過去職業生涯，我和拍檔沛林一起並肩為香港而戰，最高峰曾在2017年全國沙灘排球巡迴賽總決賽中奪得亞軍、全國運動會取得第六名，全國排名高達第二⋯⋯能夠打出香港有史以來的佳績，並以這些成績將沙排項目「打入體院」，令這項運動符合資格成為香港體育學院受資助的精英B＋級項目，是我有生以來最大的光榮。如今身體有待康復，我亦未敢斷言何時場上再見。

2019年完成第一次骨髓移植手術後，由於須於潔淨環境休養，我搬離了舊居在外租住單位，獨立生活專心養病。靜心休養期間，我不停思考：假使在未來不能再披上戰袍，我能為培育我成長的香港做些什麼呢？是以，我開始積極考取各種教練牌照，希望康復後能投身體育行業，透過自身專業的知識和經驗，換個身分繼續推動香港本地體育發展。19年9月中小學開課後，我開始了排球教練的工作，無奈因疫情停工，自去年12月起零收入，令經濟負擔百上加斤。

如今，本人積蓄已所剩無幾，只好發動籌集資金。是次眾籌的目標金額為60萬港元，當中50萬港元會預留作第二期新型標靶藥的藥費，其餘10萬元會用作其他醫療費用（包括：住院費、藥費、治療費等）及手術後康復期間的日常基本開支。誠盼各界善長友好慷慨解囊，多多益善，少少無拘！我使用資金後會上傳公開收據，以證明開支是用於醫療相關費用。大家亦可以幫忙share呢個post廣傳消息，謝謝～

賬戶資料：Lau Tsz Ho Kelvin
恒生: 787-416841-668

FPS轉數快: 66200113
(大家過數時留意電話號碼是否正確，因有數位有心人輸入電話時有誤，善款誤捐到另一位人士戶口中，該人士亦有聯絡本人會將善款歸還）

Payme: *因Payme 有上限限制，暫時停用

PayPal: https://paypal.me/TszHoKelvin?locale.x=zh_HK

另外，我將開設一個GoGetFunding眾籌專頁（英文），方便收集外國朋友的善款，開設後會通知大家。

MRD test出結果後，我會繼續更新狀況！

在此，我亦為大家送上祝福，希望我們都能夠「關關難過，關關過」。希望在明天，加油！！//

#BL #腐能量大測試 #玩遊戲
#一定要睇到最後 #笑到我地後製時仲笑緊

完整版：https://youtu.be/ViaaoEOLv5M

今次我們來玩！遊！戲！✨🙌🏻👏🏻👏🏻
這個單元的靈感源於其中一個參加者(i.e. Kelvin)的一句：

「為什麼我看的作品跟你們看的同一個作品如此不相同呢？」

所以為了讓大家感受腐眼(?)的力量，我們就衍生出這個遊戲了！

而今次非常榮幸請來【DenDen TV 電電台】一眾熱血成員來和我們玩！！
除了Kelvin哥本來就有在看《世界第一初戀》(第一卷）外w，其餘都是懵懂純真的孩子(喂)
到底我們的腐腦波有多相通呢？那就一定要看到最後啦！！
（遊戲結果令在場人士都笑到喘不過氣來wwww）

歡迎大家一邊看一邊來猜猜看！
（利申：攻受描述僅為主持人及參加者的個人觀點><）
總之！這款遊戲老少咸宜，既可腐男腐女一起玩，亦可邀請非腐朋友感受世界另一視角啊！

如果大家鍾意呢條片，記得like、share、留言同subscribe我地啦嘻嘻☺️🙌🏻 

＿＿

【DenDen TV 電電台】
× 介紹：
「我哋係一班鐘意旅行, 動漫, 玩具, 電玩, 簡單啲黎講係鐘意玩嘅男生 用影片同文字去創作及分享屬於我哋宅宅地嘅生活同資訊 😛 DenDen TV取名大板著名景區(電電城DENDEN TOWN)」

× IG：@dendentv_ig
× FB：DenDen TV 電電台
× YOUTUBE： @DenDen TV 電電台 
https://www.youtube.com/channel/UCLKI_3-w84Nk8MWIR8LnFtg

＿＿

× FOLLOW 糧食供應所！更多BL資訊和創作等緊你！
× 糧食供應所 IG：@thefucourt
× 港腐女學 IG：@funuiology
× 腐能量 IG：@fulization
× 支持我們的創作！每月不間斷更新：www.patreon.com/thefucourt

段片係當年喺元朗警署拍， 頭個幾句已經講：「教大家點樣考入去我哋香港警察」。
#BrianCha
#車志健
#警察

請訂閱channel及按鐘，不斷製作內容發佈。
IG：http://www.instagram.com/jc.post
FB Page：http://www.facebook.com/jc.post1

鱷魚夾線常用於暫時性電路連接，亦可用於製作模型時夾緊要上色部份

坊間雖然有售已焊接好電線的鱷魚夾，但懂得DIY焊接的話，不僅節省成本，亦可按須要選擇不同線徑和線長，從而用來連接不同電流的電子產品

影片中還有開線皮教學，同時示範利用開線鉗、剪鉗及剪刀脫掉電線外皮，影片最後利用鱷魚夾測試一顆DC 12V LED天花射燈。

FB Fan Page
https://www.facebook.com/hksubwoofer

聽講每次去冠軍之路都會食雞架喎!
所以今次我地一於測試吓究竟呢個傳說既真確性w
究竟冠軍之路可唔可以幫我地食雞?

外賣隊友 :
Felix : https://www.youtube.com/user/Flix0202
金柏直 : https://www.youtube.com/channel/UCZto62_G63SfRYGjOH90gDA

Background Music:
Kelvin Macleod - Hitman
Kelvin Macleod - Space Fighter Loop