【他們開始追蹤你】EP1：自殺直播
⠀⠀
在夜深人靜的火車月台，只有數個加班後拖著疲憊腳步的候車乘客，機械式地低頭滑著電話，手機螢幕在每張木無表情的臉上蒙上一層冷寂的藍光。
⠀⠀
沒有任何人留意到，有一個少女緊握著電話在月台來回踱步，她的神情呆滯，雙目無光地盯緊手機內的Instagram頁面在喃喃自語，聲音低得猶如禱告。
⠀⠀
在她的手機畫面裡，正用Instagram開啟了直播，畫面角落顯示觀看人數為「3」。
⠀⠀
「三個……仲係三個……」她的聲音乾澀沙啞。
⠀⠀
直播中有人留言道：「jm9？」
⠀⠀
才說罷，觀看人數變成了2。
⠀⠀
「我原本諗住等到有10個人先㗎，不過架車嚟緊喇……10個啫，我只係想要有10個人咋……」
⠀⠀
隆隆的火車聲從遠處一陣緊似一陣飄盪過來，月台響起毫無感情的廣播：「列車即將到達，候車乘客請勿站越黃線。The train is arriving……」
⠀⠀
少女抬頭看了一眼駛入月台的列車，然後把眼光收回螢幕上，她的嘴角微微顫動著，看不清是笑還是哭，下一秒，她握著電話縱身跳下路軌，緊接著「嘭」的一聲巨響，直播中畫面全黑，訊號就此中斷。
⠀⠀
＊＊＊
【當天下午】
⠀⠀
「Hello大家好，我叫莫巧兒，大家可以叫我Monica。」
⠀⠀
在流浪貓狗領養活動上，職員叫參觀人士靠攏過來圍成一個圈，先聽簡報然後才開始正式參觀。
⠀⠀
「大家今日嚟得呢度，相信都係有愛心嘅人士，但希望大家喺領養之前，要慎重考慮清楚。喺呢度嘅貓貓狗狗大部分都係被棄養，好似嗰幾隻摺耳貓為例吖，因為網上有好多吹捧摺耳貓有幾可愛嘅Post，搞到好多人貪得意就趁墟買佢哋返屋企，唔知道佢哋天生脊椎好易有毛病，到發現醫藥費太貴就即刻遺棄佢哋，好多棄養嘅寵物都係網絡嘅受害者。」
⠀⠀
職員說得忿忿不平，好像自己也深受網絡其害一樣，說個沒完沒了，一身亮麗打扮的Yumi不耐煩地打了個長長的呵欠，逕自從手袋中摸出手機來打發時間，好不容易待那職員終於說完開場白，Yumi領著陪她來的嘉嘉來回巡視了一圈，選定了全場最可愛的那隻小貓後，便把電話遞給嘉嘉吩咐道：「一陣我抱起隻貓，你就嗱嗱聲踎低啲幫我影，記住影得我隻腳長啲呀！」
⠀⠀
「但你對貓狗啲毛敏感㗎喎，怕唔怕呀？」嘉嘉蹲下來逗弄著另一隻瞎了眼睛的貓咪，剛才所有人經過牠的籠子時，只看了一眼就抽步離開，她知道這隻貓大概不會有人領養的了，不由得對牠生了憐愛，大概在其他人眼中，Yumi就是那隻全場最可愛的貓咪，而其貌不揚的自己就跟這隻瞎眼貓咪沒甚麼分別吧。
⠀⠀
「我出門口前食咗抗敏感藥㗎喇，我咁大犧牲，你要幫我影得靚啲添呀。」Yumi說著已一把抱起那隻漂亮的小貓，純熟地擺起姿勢來。
⠀⠀
嘉嘉馬上照她的說話去辦，可是Yumi檢視相片後說：「喂呀，頭先嗰張影得我塊面好漲呀！你試下企上嗰張凳仔度幫我再高炒幾張。」
⠀⠀
體態微胖的嘉嘉聽罷又笨拙地攀上小椅子，搖搖欲墜地替抱著小貓熟練變換姿態的Yumi拍了好幾十張照片，突然她的手袋裡的電話響起，她馬上失了魂似的掏出手機走到一旁接聽。
⠀⠀
Yumi自顧自地打開美圖秀秀，手勢嫻熟地修圖──調膚色、修面形、拉長腿、推細腰──然後打開Instagram，上傳完美的自拍，打上caption：
⠀⠀
「今日Yumi去咗領養活動呀😽見到啲貓貓狗狗真係好可愛💘大家記住要領養代替購買呀！知唔知？😘」
⠀⠀
不消幾分鐘，就有一堆男粉絲留言讚美Yumi人美心善，當中有一個留言特別引起了Yumi的注意：
⠀⠀
「Yumi公主，有人偷用你啲相開咗個假account呀！🤬🖕」
⠀⠀
Yumi點進那個留言附上的IG Tag，只見是一個新開通的帳號，裡頭有十多個貼文，全都是盜用Yumi本人的照片。
⠀⠀
Yumi從手袋掏出鏡盒補妝，然後對收了線的嘉嘉說：「一陣幫我拍條IG story吖。」
⠀⠀
「吓？」嘉嘉一臉心不在焉，只顧著在手機的Uber app內召車。
⠀⠀
「有人開咗個假account冒認我，我要叫啲fans幫我report到佢封號，同埋叫佢哋試用幫我人肉搜尋呢個人出嚟。」
⠀⠀
嘉嘉聽後才終於從電話中抬起頭來：「但網上面成日都有呢啲假account㗎啦，report咗佢咪得……」
⠀⠀
Yumi白她一眼：「你識咩吖，呢啲嘢最呃到like㗎，況且得個account根本就好難搵到邊個，我想拉長件事嚟賺下engagement之嘛。」
⠀⠀
嘉嘉還想說話，但此時一個中年男子走到Yumi面前問道：「請問你係唔係Yumi？」
⠀⠀
Yumi打量了一下眼前這個留著落腮鬍的男子，濃密黑髮用髮膠梳得一絲不苟，露出飽滿的額頭，一身休閒的馬球恤底下，隱約可見練得結實的胸膛和二頭肌。
⠀⠀
「你係？」
⠀⠀
「Hi我叫Alfred，我有follow你IG，你真人同上鏡都咁靚。」Alfred說時遞上自己卡片，Yumi聞到他身上有一股細細的古龍水，一般來說，Yumi不喜歡男人塗古龍水，但不知道Alfred用的是甚麼牌子，Yumi覺得很適合他。
⠀⠀
Yumi接過卡片說道：「你係心理醫生嚟㗎？點解會嚟呢度嘅？」
⠀⠀
「心理醫生先最需要吸貓。」Alfred故作認真地說，看見Yumi被自己逗笑了，便順勢問道：「介唔介意一齊影張相？」
⠀⠀
「好呀，叫我個friend幫手揸機吖。」
⠀⠀
嘉嘉少有地推托：「Sorry我有事要──」
⠀⠀
「你係Yumi朋友？一齊嚟影啦。」Alfred笑著說，露出一口整齊潔白的牙齒。
⠀⠀
嘉嘉似乎連一秒鐘也不想再待下去，她低下頭含糊地說：「我真係要走先……」說罷就轉身離開。
⠀⠀
Yumi於是向剛才長篇大論的那位職員招手：「Hello！可唔可以幫我哋影張相？」
⠀⠀
職員有點不情願地從她手中接過電話，Yumi把頭靠在Alfred的肩上，鏡頭裡不過初次見面的二人，親暱合襯得猶像一對情侶。
⠀⠀
＊＊＊
【當日晚上】
⠀⠀
Yumi把堆滿床的衣服雜物移出鏡頭外，撥好頭髮，拉低一點領口後才按下直播鍵。她手持著一本一行禪師的《與自己和解》，向粉絲介紹「愛自己」的觀念。
⠀⠀
「Hello今日嘅直播開始喇～今日Yumi要同大家分享一本好有意思嘅書，就係一行禪師嘅《與自己和解》。因為Yumi覺得呢，人只有懂得愛自己，先有能力去愛人哋──」
⠀⠀
此時電話彈出嘉嘉的電話來電，Yumi怕影響直播所以馬上拒接，沒想到嘉嘉再用Facetime打來，Yumi心想她今天怎麼這樣的不識趣，馬上又伸手按了拒接。
⠀⠀
「尤其作為女仔，外間已經有太多太多惡意喇，一時有人話你唔夠瘦，一時又有人話你醜──」
⠀⠀
電話螢幕再次彈出嘉嘉傳來的WhatsApp訊息──我有嘢要同你講──Yumi索性關上通知功能，繼續直播。
⠀⠀
待直播完結後，Yumi一邊卸妝一邊打開和嘉嘉的WhatsApp對話框，見到嘉嘉在過去的一小時瘋狂傳短訊來，全都是胡言亂語。
⠀⠀
嘉嘉：我有嘢要同你講（22：33pm）
⠀⠀
嘉嘉：十個人都冇（22：34pm）
⠀⠀
嘉嘉：就嚟無時間喇（22：35pm）
⠀⠀
嘉嘉：我想親口聽你點講（22：36pm）
⠀⠀
嘉嘉：我幫你諗咗好耐，但係我諗唔到（22：37pm）
⠀⠀
嘉嘉：夠鐘（22：39pm）
⠀⠀
Yumi完全摸不著頭腦，她放下卸妝棉馬上回電給嘉嘉，可是電話直接駁進了留言信箱。
⠀⠀
Yumi有點不耐煩地說道：「你搞咩呀？明知我每晚呢個鐘數都開直播㗎啦？差啲畀你搞亂晒……唉算啦，你而家喺邊呀？今日喺狗場奇奇怪怪咁，WhatsApp又講到一嚿嚿，係咪Kenji個死仔呀？你睇到就打返畀我啦，幾夜都得。係咁啦。」
⠀⠀
因為要到領養活動拍照而吃了抗敏感藥，Yumi今天本已覺得昏昏沉沉，直播完後倒頭就睡，半夜卻被電話鈴聲吵醒，她勉強睜開一隻眼睛，看到來電者是嘉嘉的媽媽，只好收起想罵人的衝動接聽。
⠀⠀
「喂Yumi，我係契媽，嘉嘉佢……嘉嘉跳軌自殺……」
⠀⠀
──待續──
⠀⠀
＝＝＝＝＝＝＝＝＝＝＝＝＝＝＝＝
連載長篇故事最困難的地方是，萬一開始後讀者沒有反應，那麼接下來除了要和創作故事的過程搏鬥，還要克服那種不知寫給誰看的無力感。
⠀⠀
雖然曾經想過，要是反應不好就砍掉吧，畢竟時間心力有限，再選另一個題材去寫好了。但是想到就算只有幾十個讀者在追看，要是不寫下去，那他們豈不是浪費時間看一個爛尾的故事？
⠀⠀
所以由6年前開始連載第一個故事至今，只要起了個頭的，不管有多少人看，我都堅持要把整個故事寫完，因此也更加感謝每個從頭到尾都陪著我完成故事的讀者。（虛擬跪謝）
⠀⠀
這個正在Patreon獨家連載的懸疑故事，現時只有幾十個讀者訂閱了，雖然無論如何我都會完成連載的，但也希望得到你們的支持：
https://www.patreon.com/chanfan
⠀⠀
P.S. 要是不能付費訂閱也不用勉強，這裡還是會有其他免費故事及文章供應～

MeWe：https://mewe.com/p/chanfanwriting
IG：https://www.instagram.com/annoyingchan
FB： 陳煩

【Jerry.C x JM9 推出🌈彩虹口罩｜首推8折優惠大放送！】

最近唔使出Trip嘅日子✈️，大家留喺屋企嘅時間多咗，不如搞下新意思，疫情下搜羅下生活嘅好物推介。一於就開個網購平台，等大家喺屋企都可以Online Shopping🛒。今次俾我搵到全城最平嘅香港製造、Level 2 防護口罩😷，有成人👨🏻👩🏻同中童👦🏻👧🏻款式，自問細臉嘅女仔都啱戴㗎，一盒 50 個都係 $79.2🤩，你話係咪抵先？

🔑留言JM9免費索取【8折優惠碼】
原價$99/盒 FairBuy Mask一次性防護口罩，折後只需$79.2⭐️。

方法好簡單！✨
1️⃣讚好 JM9 專頁
2️⃣分享此帖文（設定為公開）
3️⃣你只需要係下面留言「JM9」
4️⃣Tag 3個朋友仔

🎁一盒50個，獨立包裝，五種顏色。
🥳不設購買數量，全部現貨發售！

----------口罩規格----------
FairBuy Mask 成人/中童及臉細女仕一次性防護口罩（一盒五色）

獨立包裝：
奶油黃色10個💛，天空藍色10個💙，純白色10個🤍，櫻花粉紅色10個💗，薰衣草紫色10個💜

👨🏻👩🏻成人：尺寸175mm x95mm

👦🏻🧒🏻👩🏻中童及臉細女仕：尺寸140mm x 95mm

✅BFE 99%
✅PFE 99%
✅ASTM Level II
✅香港製造
✅歐盟標準最高認證EN 14683 TYPE llR
✅無塵車間 Class 8

#JM9HK
#JM9網購宣傳平台
#JM9好物推介
#JM9星精彩
#JM9咁抵

【 都市傳說解謎之咩叫「男人心一字馬」？ 】
「2018香港電視大獎 ─ 節目主持人獎」第二階段投票，15／4截止：http://bit.ly/2uGMQ0K
「2018香港電視大獎 ─ 配音員獎」第二階段投票，15／4截止：http://bit.ly/2Ulc3Nm

古語有云：有人嘅地方就有是非。

但我就話：有人嘅地方就有傳說。

並不是一般的傳說，而是很難三言兩語解釋得清楚的「謎團」，例如為何會有「一理通馬國明」？如果你不是看過港台製作的數學科（第二學習階段，即小四至小六）ETV（教育電視），又怎會知道？（原句是：「一理通百理明，明白了計算可變簡單」；後來遭網民二創變成：「一理通馬國明，明白了施丹可變牡丹」。）

如果一理通是馬國明，男人心就梗係一字馬啦！這句「傳頌千古」的流行文化金句，其實多年來，只能夠解釋其出處，就是2003年3月24日於無綫電視翡翠台首播的《美仙嬌沐浴露劇場：智勇新警界》、由主角之一林保怡主唱的主題曲《一字馬》，此曲由黃尚偉作曲、周禮茂填詞，其中副歌一句：「男人心一字馬， 讓女人心擔驚受怕！」

當年很多人聽完又搲晒頭眼都凸，十之有九都心諗：「JM9呢？！」加上編曲又Gag Gag哋、和音「That's Right!」又膠膠哋，經過多年來的網民傳來傳去，估來估去，這首歌，早已變成經典「Cult歌」，而「男人心一字馬」亦成為一個沒有辦法解釋的港人用語。直至最近，謎團終於都解開。

話說由 蘋果動新聞 製作、周一至周五晚播出的fb live節目《動腦Q》，邀請很多藝人做星級嘉賓主持，周四（4／4）兒童節當晚，就請來林保怡，期間主持問他《一字馬》之中究竟「男人心一字馬」是甚麼意思是，他講出背後意思：「據我所知呢，據我了解呢，一字馬係（解）一腳踏兩船，嗰兩隻船不停咁去（向兩個不同方向前進），不停咁去，卒之變咗一字馬！」嘩，明晒，唔怪得「讓女人心擔驚受拍」啦。

以此邏輯推斷，之後另一句「男人不一字馬，讓女人豔麗也黯啞」，咪即係「如果男人唔一腳踏兩船，佢個女人反而會變醜」？咁咪好矛盾囉？！錯錯錯～～～！林保怡繼續解釋，這句歌詞的真正意思，是指當男人用情專一的時候，他的女人，就不需要花太多時間去為自己打扮，即是「女為悅己者容」得個講字？如果有機會，應該向填詞的周禮茂問個清楚。

立即去歌：http://bit.ly/2OPSlDB

圖片來源：now.com.hk

（06042019）

＃游大東 ＃游大東影視筆記 ＃港劇 ＃智勇新警界 ＃林保怡 ＃動腦Q ＃周禮茂 廣東歌fans應援事件 快樂的 做乜膠睇電視 3c Music Music Picks 斐宇梧的中文唱片架 講劇時辰到 ＃男人心一字馬 ＃電視史話 林保怡 - Bowie Lam - Lâm Bảo Di 林保怡(Bowie Lam) Tavia Yeung 楊怡 陳浩民 陳浩民 Kenix 郭可盈 守下留情 X 亨恒勤一 專頁 叱咤樂壇 廣東話資料館 Cantonese Museum