【了解自己的16型人格｜#邁爾斯布里格斯性格分類指標】 世界上最難了解嘅人，未必係你嘅朋友或者另一半，其實可能係你自己。你對自己嘅認識又有幾多呢？ - 現今社會好多人會做16型人格測試去認識自己，其實呢個測試又叫邁爾斯布里格斯性格分類指標 (Myers-Briggs Type Indicator，即MBTI)。性格分類嘅最先研究者係美國心理學家Katharine Briggs同其女兒Isabel Myers，其後再根據瑞士心理學家Carl Gustav Jung所寫嘅著作《心理類型學》而發展。Jung提出心理類型分為內傾型同外傾型，然後配以思維、情感、感覺、直覺4種類別，而將人分為十六種人格。呢個分類因此衍生出MBTI，亦即16型人格。 - 透過回答MBTI嘅問題，心理走向係「外向Extrovert (E) / 內向Introvert (I)」、認識世界係「實感Sensing (S) / 直覺Intuition (N)」、決定事物係「理性Thinking (T) / 情感Feeling (F)」、生活態度係「判斷Judging (J) / 理解Perceiving (P)」而組成16種性格。包括：ISTJ、ISFJ、INFJ、INTJ、ISTP、ISFP、INFP、INTP、ESTP、ESFP、ENFP、ENTP、ESTJ、ESFJ、ENFJ、ENTJ。 - 其後David W. Keirsey更創立柯爾塞氣質分類法 (Keirsey temperaments)，將16種性格分成4種類型，包括天才藝術家嘅工匠(SP)、忠誠有責任心嘅監護人(SJ)、有領導力同感染力嘅理想主義者(NF)、充滿好奇心及分析力嘅理性者(NT)。雖然唔係同正式嘅MBTI有直接聯繫，但就為每一個人格給予角色，並建議適合從事嘅工作類型。 - 雖然16型人格非常普及，不過喺心理學界亦有不少批評，認為分類有時係可以並存或相關。加上測驗主觀，會受 #心理現象的巴南效應 (意指人們會認為一啲比較普遍嘅描述係為自己量身訂造，詳情可參考tag中嘅舊post) 影響等等。 - 無論如何，MBTI都不失為認識自己嘅其中一個途徑啊。唔知你又係邊一個人格呢？ - 【冷知識延伸閱讀】：#心理現象的巴南效應 - ------------------------ -📖冷知識手冊《吾港唔知》各大書局有售 ------------------------ ◆ 每日分享知識、每月提供課程 ◆ Beginneros網站: https://www.beginneros.com/ ◆ Youtube：https://goo.gl/OEJrGt ◆ Instagram：@beginneros ◆ Facebook：Beginneros （書面語版本） ------------------------ #Beginneros #冷知識 #hk #hkig #MBTI #性格分析 #巴南效應 #性格 #自我認識 #生涯規劃 #理想職業 #培訓 #培訓課程