依家全香港去到邊都係Mirror，就算我照鏡，都係見到Mirror。

唔好意思，個gag太爛，這是Error
#平哥式笑話

［小時候，鄉愁是一枚小小的郵票，我在凹頭，母親在包頭］我是文青。記憶和黑軌一樣長。大中華膠發作。

=================
牛年比別人知得多。subscribe now.
Patreon.com/ivanliresearch

=================

TLDR；唔係講金融的。雖然都有部分係

1. 好記得細個坐直通車就係呢個位。果時好大件事，樟木頭仲係爛地，其實深圳都係爛地，港女上去落仔。屯門望到香蜜湖個摩天輪🎡。嗰時火車仲有人神秘咁賣自家製翻版帶，歌手「別安」，正係Beyond ，唔係歡樂今宵惡搞Raidas做凹凸時。2012年我在墨西哥城坐地鐵見到差不多嘅嘢，老翻CD係 Gangnam Style

2. 去到廣州，仲有五羊牌雪糕。當然覺得唔好食。後來親戚先富起來，帶你班港燦去白天鵝賓館去越秀飲茶，住四舊水一晚嘅中國大酒店。198x年嘅四舊水喎！

3. 而記得嗰時食個糖水幾毫子。1蚊人仔拖拉機🚜（第三套！），仲有外匯券。神灣菠蘿🍍，友誼商店。

4. 阿嫲鄉下在順德，老豆每次都要重覆「得就得，唔得就返順德」呢個gag 。

5. 仲有神奇嘅薑埋奶。即係乜？即係薑撞奶，但薑埋奶係沙灣endonym, 薑撞奶係exonym即係Deutschland 係endonym ，Germany/Allemagne就係exonym。（講英文即時成件事so linguistic 高級晒）

6. 最記得嗰陣時真係黃麗梅，食魚有魚味食雞有雞味。啲魚就漁塘捉上嚟。雞呢？睇啱邊隻，大人就捉，就起正法，斬頸，放血，淥滾水，脫毛。當晚就食，farm to table , 生命教育。

7. 後來收地，「而家好文明」，賠足錢，個個親戚都發咗，開靚車（喂原本漁塘咋）。漁塘變晒KTV，聽講而家啲雞一樣可以睇啱邊隻就地正法。脫毛應該都得，淥滾水放血呢啲記得取得consent ，同埋加錢

8. 多得友人Hong Lam講，我先知艾敬（我的1997）嘅情人就係劉卓輝，佢應該係第一代北姑KOL（艾敬瀋陽人仲唔北？）。

9. 是緣是情是童真還是意外，有淚有罪有付出還有忍耐。我都有個大陸表妹，不過唔靚的，但亦唔醜，普通村姑一個。in case 有人問，我唔係只睇樣咁慮淺的，亦都冇胸。不過佢當然知道8964。

10. 後來就係有嘢賣搵光大，港股直通車，AH折讓，大小非，股權分置，楊百萬。之後係滬港通。西氣東輸，北水南調，西部大開發。向西。華盛頓。太子輝。3/5/8。布吉陽江。波推。攤直射。新疆可樂。你的西域，我的東土。迪麗熱巴，古力娜扎（Netflix 可以重溫）。基督愛我，我愛富田靖子。不夜城，馳星周，山本未來，金城武。二之年之戀，尤利馬洛耶夫，烏拉爾共和國。

11. 呢啲就意識流啦，成段得名詞

12. 千秋不變的日月　在相識裡共存 姑息分割的大地　劃了界線

13. 再次返到家鄉裏 夢幻已是現在 看有多少生疏的臉 默默露笑容

14. 滿帶理想的我曾經多衝動
理怨（*）與她相愛難有自由

15. 「那我也要實現偉大中國夢了。」哥哥通過市場准入規則後，實行擴張型經濟政策，使大量流動資金流入市場，緩解通貨緊縮，資金全部吸入市場，達到泡沫頂峰。

16. 「呼……全部投入市場了呢，這下糟糕了。」妹妹一臉幸福地說。

17. 唔好意思，坐程火車都咁多聯想。Btw當然係火車，唔係東鐵綫。我是廢老。坐緊去馬料水

18. 唔好話而家個個鄉下都大日本帝國。即使廿年前我教書，學生填藉貫都寫「天水圍頌富」（姜維咩）。我估而家啲小朋友係寫「日本国東京都台東區上野広小路」，或者「大韓民國首爾特別市鐘路區光化門廣場」

=================

(*) 記住呢個「理怨」，絕對要保留。當然係填錯的，有啲改做「埋怨」都on9，完全吳鶯音。改「屢怨」嘅固然啱音又啱意思。但就好似「陰澳」變成「欣澳」（不如欣宜改名做陰兒），吊頸嶺變調景嶺，冇晒時代感。尊重下填詞嘅黃家駒嘛

==================
牛年比別人知得多。subscribe now.
Patreon.com/ivanliresearch

［How to be a 二世祖］其實唔難，15億。一個月20萬，已經養三房。最緊要你個Ego唔好咁大

1. 之前講鄧成波，始終剛剛過身，而且好似講到佢個仔反面教材咁。雖然人人都咁講，但都係鬱悶。咁平衡下（即係，一啖屎一啖砂糖），畀啲正面例子你

2. TLDR ：Less is more．咪撚去證明自己，就係最簡單。但知易行難，我都唔得。「可能有15億身家都唔得」

3. ＝＝＝＝＝＝＝＝＝＝＝＝＝＝
4. 月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折

5. 做二世祖唔可恥，我由細到大嘅夢想都係做二世祖！不過我老豆先我一步實現咗呢個理想！（埃汾爸後生時開餐廳的說，我都帶過女同學去，懶撚係扮太子爺咁，可惜冇免費蝦條，因為埃汾爸開泰菜，得蝦片）

6. 但真係，做一個成功二世祖，都係一種學問嚟的。唔信？睇下咪知。

7. 同樣姓鄧，有朋友提起鄧兆尊。係喎！居然唔記得咗佢。就開篇新文。真係絶無曲線，成功人士，小弟拜服。完全真心。你真係唔好話咩「畀你老豆係新馬仔你都得」。錯，道行嚟的，換著第個未必可以咁成功。

8. 上篇文講鄧成波，有啲網友留言話而我不知道陳偉霆，唔知真定假。至於識佢個仔嘅，應該更少，應該冇乜人叫得出佢個仔個名，只會講「波叔個仔」，或其他更難聽嘅稱號。

9. 但，如果我年紀嘅，真係冇可能唔識新馬仔，同埋新馬仔個仔。慎防啲讀者太後生，即係，遠古年代嘅溏心風暴（好似我最後一套睇嘅無線劇），都係inspired by 新馬仔爭產。而當年 電視更加係日播夜播，城市追擊（即係而家嘅東張西望）日日講，仲有呢個 「永祥內的快樂聖誕」（你老味起題嗰個真係有文化，向「戰場上的快樂聖誕致敬」，邊個話TVB冇料到？）。真係個個都知小艾同九舅父（都話後來溏心風暴照抄）。喂大佬，我地當年唔好話Facebook CNN，網都冇得上呀，乜都係睇無線。你見咩「殯儀之星」之類嘅名稱，都係嗰時發明的。

10. 但講返，兆尊（懶係熟咁）最為人所津津樂道，當然係佢可以三房（後來好似有四房）人和平共處，仲可以出嚟分享心得，網民話齋，到底我睇咗啲乜？

11. 或曰，扯，有錢人三妻四妾好正常，燊哥都係咁。係丫，但，燊哥年代點同而家？況且，我好似冇見燊哥幾個女人一齊出街？呀兆尊真係可以拖埋三條女公然出嚟畀你影相喎，真係十分前衞，親身下體現咩叫open relationship，向傳統一夫十妻制嘅異性戀霸權說不。我肯定何式凝心中都好佩服佢，西蒙波娃都會同祥哥講你生咗個叻仔。

12. 而你睇佢係咪好多錢？好似唔係喎。咁同你同我比梗係多啦，但冇可能係鄧成波嗰種級數啦係咪？佢老豆都未必得啦。咁仲要大家知道，後來兆尊同祥嫂和好嘛—Translation ：講掂數啦

13. 呀兆尊到底有幾錢？唔知，佢都未必知。但傳媒話，15億！「其實唔多」

14. 喂，15億，同你同我比就梗係好多（你唔止嘅記住話我知，幫手投落去勞蘇基金，置頂Post有講）。但拍落去咩波叔度比，爭好遠啦下話？幾個舖都分分鐘有呢個價。

15. 但細細個老師教你乜呀？錢嘅嘢，同陽具長度一樣，「唔使追求數字」「夠用就得」。係喎，根本佢有15億，已經可以唔使做，仲可以養三件。開心其實好簡單。

16. 天地良心，他人即地獄，快樂痛苦是好主觀嘅。但，你睇兆尊嘅面口，真係快樂過好多人喎。好似快樂過洗米華添。

17. 而佢搞三頭家，要幾錢？又係睇報紙佬話。20萬！你心諗，有冇眼花？仆你個街傅穎都話冇10萬月薪唔好埋去啦。20萬養三件喎。咁當然，傅穎雖則殘，但都叫做明星。咁你知我知大家知，好多人搞明星，都係為個虛榮感啫，你估真係靚幾百倍咩，冇可能的。

18. 有人提起「掌門人」，唏，我係一個文青，唔睇啲咁低俗嘅節目（聽講你啲網友當年都冇人睇的）。但我記得佢上去「大懷舊」，拿，文青呀。好似話仲有「皆大歡喜」，唏，文青嘢嚟的，好有文化架。啲食字gag玩到出神入化，除咗「磁力共鎮」外，我記得有集有個殺手，叫做陳環。你問下而家啲小朋友知唔知個gag位係乜？

19. 講真，以佢老豆嘅江湖地位，阿兆尊要玩多十年廿年，「根本唔難」。甚至佢要自己做娛樂大亨，想去捧明星食model都得，大把傍友謀住佢啲錢。但幾明顯地，佢就係早日早知道自己唔靚仔又冇演技，做乜Q嘢幕前丫（聽聞話只係滿足祥嫂同老豆嘅意思）。而你諗下啲人背後點講佢？你估佢知？

20. 兆尊就醒在，唔發明星夢，甚至唔搞娛樂事業，連生意都唔Q做！簡簡單單收下租算，呢啲咪二世祖典範！我講真的。你見幾多明星球星，又係貪得意走去搞飲食（最鍾意），然後又點？天天漁港定北海漁村？

21. 真係唔好笑，大把人得閒冇嘢做，又要走去證明自己。咁你見兆尊嘅玩法，佢一早知道nothing to prove啦。你睇佢食乜女（sorry），根本佢連砌model（唔係我做分析員用Excel砌嗰啲）（＊）嘅虛榮都慳返。

22. 我講真的，幾多人，都係敗畀自己嘅虛榮？我都係，走咗好多錯路。

23. 人生其實好簡單，搞咁撚多嘢做乜？15億夠架啦。我都唔貪心，「其實我1.5億都夠」。

24. 1727個講追夢嘅，呢兩篇文幾值得睇。當然，如果我老豆係鄧成波，咁追下夢都冇所謂。記得孝順老豆。

（＊）呢個gag所有香港分析員都識。古語有云，人地夜晚砌model，我地夜晚又砌model，世界好金公平。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

Nebu Kiniza x Sonny Digital Type Beat "Dont Care" - prod. BlackMayo x Hellasketchy https://www.youtube.com/watch?v=6dsR95zBdCw&start_radio=1&list=RD6dsR95zBdCw

Last Christmas我地相擁一齊睇海
今年自己重回舊地有啲感慨
回憶太過深刻令我內心超載
唔知幾時開始你唔再需要我嘅愛

聽講聖誕氣溫驟降得返13°C
我地之間嘅愛火 唔知去咗邊度
天空烏雲密佈 仲有少少霧
籠罩你個心真相永遠睇唔到
我嘅說話對你黎講已經無意思
上年手寫聖誕卡 都變埋廢紙
唔洗回收直接焚燒冒出濃濃黑煙
代替眼淚悼念我地幸福嘅從前

Last Christmas我地相擁一齊睇海
今年自己重回舊地有啲感慨
回憶太過深刻令我內心超載
唔知幾時開始你唔再需要我嘅愛

記唔記得用咗幾日織俾你 嗰條頸巾
特登dump本買厚冷 驚你凍親
喂 都咁大個人 凍嘅話自己著褸啦
快啲順手燒埋佢 費事矛盾升溫
海浪隨住寒風吹埋黎 份外刺骨
其實事過境遷我仲諗黎做乜
將你輪廓剪碎撒落茫茫大海
從此以後所有野 都唔好記得

「聖誕快樂 條頸巾送俾你㗎 咁我唔係度嘅時候...都可以比溫暖你吖嘛」
「你鍾意就好喇 不過而家送咗頸巾下個聖誕又唔知送咩俾你好喇...」

話過最愛 係啊 咁又點啫
而家睇番 咪當係一個爛gag
人生在世事與願違先係常態
邊個 會想頻頻累積情債
無力挽回 請學會放手
認清事實望住佢背影遠走
懷緬 唔會改變任何定局
不過至少令到情感知覺麻木

Last Christmas我地相擁一齊睇海
今年自己重回舊地有啲感慨
回憶太過深刻令我內心超載
唔知幾時開始你唔再需要我嘅愛

This Christmas自己一個唔敢睇海
逃避過往記憶只因甜蜜不再
昔日幸福全被洶湧巨浪掩蓋
俾我頹埋今晚 先再尋覓真愛

Soundcloud: https://soundcloud.com/amelie-749784393/last-christmas-1

2009年最佳/最仆街港漫大選經已有結果喇，賽果係點？有無意外？

從整個投票結果再同大家剖析一下現今港漫趨勢，讀者態度
GAG得黎仲好有意思，唔聽唔得！

為左隆重其事，今集仲有YOUTUBE版
敬請留意日後公佈！

2009年最佳/最仆街港漫大選經已有結果喇，賽果係點？有無意外？

從整個投票結果再同大家剖析一下現今港漫趨勢，讀者態度
GAG得黎仲好有意思，唔聽唔得！

為左隆重其事，今集仲有YOUTUBE版
敬請留意日後公佈！