可能某部份聰明嘅大家都估到。 冇錯。Helpthy其中一個重要嘅隊友Dominic 決定離開Helpthy小隊了。 仲記得當初Helpthy小隊為咗令更多人認識Dominic，就幫佢悉心打造左「營多」呢個角色，由拍片度劇本、卡通圖案設計，甚至為角色改名，小隊都費盡心思。 要感謝Dominic演活了「營多」的角色。好可惜佢決定離開Helpthy小隊，離開了營多呢個角色。 「我的船上沒有手下，只有夥伴。」 一直以來，我視公司每一位同事為夥伴，自問唔係做足100分，但真心希望大家一齊進步，所以一直都想搵一班目標方向一致，肯同我一齊努力，一齊癲既團隊。 （係㗎邊有一個營養師咁癲，又拍片又畫圖，又半夜三更都覆WhatsApp。係好chur 但係好開心。有夥伴一齊努力既感覺真係好好。） 真心好多謝Dominic呢兩年陪住我地，陪住Helpthy一齊成長，見證住Helpthy細舖搬大舖。 話就話我係你老闆，係你Hayley姐姐，但其實我只係大你一個月咋。好多時我好多idea想衝，話想試，話去就去，你唔想做但都要頂硬上陪我。（仲要俾我寫到個鏡頭前嘅角色係咁樣，成日比我蝦，成日搞爛gag，相信Dominic嘅客都知其實佢都唔係一個咁爛gag既人🙂） 當你係我哋搬完大舖第二個星期，你行入嚟有點兒尷尬咁樣同我講，「我想辭職啊。」 嗰刻，我個世界停咗….幾秒。 之後剩返嘅就係諗點樣令到你留低。可能我未做到一個好老闆，一個好leader。但打從心底我真心重視Helpthy 小隊每一位。亦都自問想盡辦法令到大家進步，好想同大家繼續hehehaha一齊番工。可惜，最後你都係決定離開。 呢一個月，唔開心過，挽留過，嬲過，喊過。 最後，都到左佢離開嘅日子啦！ 所以作為Helpthy既領袖及創辦人，我絕對有義務要向所有Dominic嘅客人講聲唔好意思。為你地帶嚟嘅不便，我深感抱歉，亦會盡能力作出最少嘅影響，最好嘅安排。 最後，我真心衷心祝福Dominic你喺新公司可以工作順利，做到自己鍾意嘅嘢。 唔好嬲Hayley姐姐成日要你做下靶位搞到你唔專業啦🥲 sorry，拍攝效果咋！ 另外，亦都要同各位YouTube嘅觀眾講聲唔好意思，因為Dominic 離開得真係好突然，我真係無所適從，YouTube方面我會暫時擱置，將重心放回 Helpthy 營養詢諮工作，對得起客人先。 大家亦都唔使擔心， 營養詢諮工作人手方面其實我地足夠。Helpthy 一直都做緊培訓，營養師而家有五位！😉嚟緊亦都會喺培訓方面加緊！ 所以而家計劃緊營養workshop、講座等等。 只係影片製作方面Helpthy 小隊需要重整旗鼓，我又要重新諗過點樣拍片呀😂要自己一個擔大旗拍片😉（sorry大家，短期內都會係我自己一個拍片先，我真係仲驚緊，驚比心機train up完一個同我係影片前拍住上，當上左軌道後，又會走左） 不過唔怕！因為其實一直以來我都仲有其餘幾位小隊成員㗎嘛☺️與其為拍而拍，不如休息一下，再籌備更精彩既影片俾大家！ 我地唔會忘記拍片初心，繼續將營養健康資訊帶俾大家！

【 賣文時間／「橫睇掂睇」第一篇 】 _ 多謝《am730》的邀請，從八月開始，以後逢星期三都會在他們的網站發表短文。做了十五年記者，寫影視娛樂文章也超過五年，總算擁有人生第一個專欄，在此再三多謝各方支持和肯定，未來日子請繼續多多指教。 _ 答應編輯邀稿後，第一件要做的事，也是最煩惱的事，是為專欄起名。 _ 《橫睇掂睇》 _ 收到編輯短訊：「你諗住用咩欄名？」在紙上寫了又寫，還是不合心水，暫且作罷。 _ 某夜，深宵三點，未想睡，從書架上拿出剛買回家的《黃霑看黃霑》 ── （梁款編著的《保育．黃霑》五本書之一），貪婪地翻看，無意中讀到霑叔寫的其中一段：「《金電視》面世之初，老闆與老編俱為好友，要我寫電視評論，百推不能辭，開了個欄叫『橫睇掂睇』，筆名就叫洪公。」 _ 《金電視》1975年創刊，距今46年，我覺得似是一種來自上天的啟示 —— 簡單一句廣東話，將兩代緊扣在一起，霎時間靈機一動，希望這個專欄不只寫今天的製作，也想連結昔日的香港電視業，更希望藉此機會向「流行文化一代宗師」霑叔致敬，幾秒後，回覆編輯：「就叫『橫睇掂睇』啦！」 _ 第一篇，理所當然湊熱鬧寫奧運。政府用公帑購買播放權，成就本地電視史上首次三間免費電視台齊齊直播奧運；內容一樣，製作方向決定成敗，收視報告出爐，第一周直播，翡翠台（81台）一至五平均只得14.2點，反觀開電視77台和ViuTV（99台）分別有2.5點和5.3點，而77台周日（1/8）直播女單羽毛球金牌戰，更一度衝上最高6.9點，破開台紀錄，證明觀眾已看膩無綫擅長的「綜藝式播奧運」，只要有得揀，轉台意慾高，偏偏今屆大台公關災難頻生，先有陳約臨訪問「香港劍神」張家朗期間「自High」成眾矢之的，繼而吳業坤「叫走」洪詠甄再度出醜，網上負評沸沸揚揚，前者擺到明沒家教，還好意思說自己在專上學院教書，影衰同行，誤人子弟，後者反而不是「死罪」，奈何坤哥代表大台，假如提問的不是坤哥而是ERROR，網民反應可能完全不同。 _ 所謂「綜藝式播奧運」就是娛樂性凌駕運動專業，但運動競技講求真功夫，沒有專家導賞，只得嘻嘻哈哈搞爛Gag，觀眾難以投入，試過看J2直播激流獨木舟，資深評述江忠德不停與幾位拍檔以人生順逆來比喻參賽者遇到的障礙，聽到躁底，這亦解釋了，77台今趟能夠「跑出」就是以專業團隊，配合全天候直播取勝。識人好過識字，無綫三年前解散體育組，取消長壽節目《體育世界》，取而代之的《體育新世界》變成新聞部製作，以往體育組的固定班底消失，令大台與體育界之間的連繫切斷，加上三台齊播，難免出現爭人情況，召集評述團隊自然沒有開電視那樣強。 _ 另一方面，今次奧運直播的話事人是無綫製作經理衛世輝，曾擔任《萬千星輝賀台慶》和《萬千星輝頒獎典禮》等大型節目監製，這樣便不難明白何以整體觀感那樣差了，因為我們看的是體育節目做包裝的「綜藝節目」。坦白講，奧運歷時17天，直播方向隨時可更改，只是看得出大台沒此打算，加上企業形象低落難以一時三刻扭轉，多重因素下，才會出現今次三台收視的嶄新局面。 _ ＊原文刊於《am730》 _ （12082021） _ #游大東 #游大東影視筆記 #賣文時間 #專欄 #橫睇掂睇 #am730 #黃霑 #梁款 @am730hk #東京奧運 #香港開電視 #TVB #VIUTV #12082021 #yautaitung #保育黃霑 #黃霑書房 #金電視 #吳俊雄 #books #readings #陳約臨 #吳業坤

【@girlstyle.mag 】《開心大綜藝》王祖藍反串扮特首！ . TVB全新綜藝節目《開心大綜藝》昨晚首播，榮升首席創意官的王祖藍就反串扮特首，並聯同阮兆祥、陸永上演「疫情記者會」，更再次抽姜濤水！期間更有藝人扮韓團BTS、BLACKPINK跳舞，不過節目播出後網民卻不太受落，直呼老土沒新意？ . TVB近期將推出不少節目對撼友台ViuTV，而昨晚首播的《開心大綜藝》就陣容強勁，森美、林盛斌、陸永、C君、江美儀、馮盈盈、方力申、麥美恩等多位主持大曬冷！一開場就是勁歌熱舞，並大跳當紅韓團BTS和BLACKPINK的歌曲。 . 之後更播放疫情記者會，由王祖藍反串扮特首林鄭月娥「藍太」，名銜是「Cheap Creative Officer 無綫特別堆填區行政長官」，陸永扮袁國勇教授「圓教授」、阮兆祥扮張竹君醫生「張竹笙」。 . 三人以福祿壽形式「玩轉」疫情記者會，不時搞爛Gag逗得現場觀眾大笑，之後王祖藍表示歡迎Eric Kwok和羅敏莊從「友台」（ViuTV）回歸，熒幕隨後顯示姜濤的圖片，王祖藍就說「非常歡迎佢」，還說「因為沒跳到MIRROR所以犯了少少ERROR，唔好意思」。 . 之後林盛斌就衝出來大叫︰「你又抽水！食屎啦！」應該是自嘲早前鄧智堅扮姜濤引起不滿的事件。 . 王祖藍還一一反駁外間對TVB的評論並順便宣傳新節目，他說：「我哋唔會再迷失多個10年，因為有《尋人記》，去尋找初心。我哋堅決否定山頭文化，因為我哋有《諸朋好友》。我哋唔會日日做菜，因為有《日日媽媽聲》。我哋唔會自娛自樂，只會與眾同樂，我哋有《開心大綜藝》。」 . 之後三人合唱《祝君好》，並向袁國勇教授、張竹君醫生以及一眾醫護人員致謝致敬。事後王祖藍表示「希望這個節目能夠緊貼時事脈搏」，如果觀眾喜歡他也會繼續參與。 . 不過網民就反應兩極，有大讚「笑到流眼淚」、「扮得好似，非常驚喜」，也有人認為節目老土沒新意，而且不滿他們扮韓團BTS、BLACKPINK： . 「好老土，又不是80年代！」
 . 「真係俾返d創意好wor，男扮女由盧海鵬玩到而家，TVB爭氣d啦」 . 
「創意就係做番十幾廿年前做緊嘅野？」
 . 「雖然ViuTv收視唔及無記，但ViuTV嘅構思同製作，點都高班過無線好多！新一代係會睇誠意，睇創意，唔係要睇醜化當有趣嘅無聊節目！」 . 
「成班老野幾十歲仲做小丑，悶唔悶D，同一條橋用十年」 . 
「咪搞blackpink同BTS啦！好老尷，唔明有咩好笑」
 . 「你搵班cos得差既阿叔去跳到不知所謂咁，完全係詆毀bts同blackpink！」 . #女生娛樂快訊 . 【GirlStyle Club 隆重登場 】 立即入會獨家免費贏取豐富禮品💕 . 關智斌【活在當下】 Cover story vol.11 . FB: GirlStyle 女生日常⠀ 『 💌如果妳都有打卡靚相／情侶甜蜜照想同讀者分享 📷即刻 #GirlStyle女生日常 或tag我哋或inbox比小編！我哋會係女生日常嘅IG同大家分享💕 』⠀ .⠀⠀ #hkig #hkgirls #beauty #lyrics #hkiger #love #sisters #lovemygirls #mygirls #hklife #hkboy #hkgirl #hkboys #hkgirls #852 #hkcouples #hkstore #hkonlineshop #hklover