【 都市傳說解謎之咩叫「男人心一字馬」？ 】
「2018香港電視大獎 ─ 節目主持人獎」第二階段投票，15／4截止：http://bit.ly/2uGMQ0K
「2018香港電視大獎 ─ 配音員獎」第二階段投票，15／4截止：http://bit.ly/2Ulc3Nm

古語有云：有人嘅地方就有是非。

但我就話：有人嘅地方就有傳說。

並不是一般的傳說，而是很難三言兩語解釋得清楚的「謎團」，例如為何會有「一理通馬國明」？如果你不是看過港台製作的數學科（第二學習階段，即小四至小六）ETV（教育電視），又怎會知道？（原句是：「一理通百理明，明白了計算可變簡單」；後來遭網民二創變成：「一理通馬國明，明白了施丹可變牡丹」。）

如果一理通是馬國明，男人心就梗係一字馬啦！這句「傳頌千古」的流行文化金句，其實多年來，只能夠解釋其出處，就是2003年3月24日於無綫電視翡翠台首播的《美仙嬌沐浴露劇場：智勇新警界》、由主角之一林保怡主唱的主題曲《一字馬》，此曲由黃尚偉作曲、周禮茂填詞，其中副歌一句：「男人心一字馬， 讓女人心擔驚受怕！」

當年很多人聽完又搲晒頭眼都凸，十之有九都心諗：「JM9呢？！」加上編曲又Gag Gag哋、和音「That's Right!」又膠膠哋，經過多年來的網民傳來傳去，估來估去，這首歌，早已變成經典「Cult歌」，而「男人心一字馬」亦成為一個沒有辦法解釋的港人用語。直至最近，謎團終於都解開。

話說由 蘋果動新聞 製作、周一至周五晚播出的fb live節目《動腦Q》，邀請很多藝人做星級嘉賓主持，周四（4／4）兒童節當晚，就請來林保怡，期間主持問他《一字馬》之中究竟「男人心一字馬」是甚麼意思是，他講出背後意思：「據我所知呢，據我了解呢，一字馬係（解）一腳踏兩船，嗰兩隻船不停咁去（向兩個不同方向前進），不停咁去，卒之變咗一字馬！」嘩，明晒，唔怪得「讓女人心擔驚受拍」啦。

以此邏輯推斷，之後另一句「男人不一字馬，讓女人豔麗也黯啞」，咪即係「如果男人唔一腳踏兩船，佢個女人反而會變醜」？咁咪好矛盾囉？！錯錯錯～～～！林保怡繼續解釋，這句歌詞的真正意思，是指當男人用情專一的時候，他的女人，就不需要花太多時間去為自己打扮，即是「女為悅己者容」得個講字？如果有機會，應該向填詞的周禮茂問個清楚。

立即去歌：http://bit.ly/2OPSlDB

圖片來源：now.com.hk

（06042019）

＃游大東 ＃游大東影視筆記 ＃港劇 ＃智勇新警界 ＃林保怡 ＃動腦Q ＃周禮茂 廣東歌fans應援事件 快樂的 做乜膠睇電視 3c Music Music Picks 斐宇梧的中文唱片架 講劇時辰到 ＃男人心一字馬 ＃電視史話 林保怡 - Bowie Lam - Lâm Bảo Di 林保怡(Bowie Lam) Tavia Yeung 楊怡 陳浩民 陳浩民 Kenix 郭可盈 守下留情 X 亨恒勤一 專頁 叱咤樂壇 廣東話資料館 Cantonese Museum

［奇文共賞］曾貼中林鄭當選特首的三選一神算周漢明，遇上因航死敵方丈百份報，自然是驚天動地的組合！

解構軍事從來有好多種方法，但今次方向日報竟然可以諗到用堪輿角度解釋驅逐艦相撞，真係百份百咁有創意！

首先呢，呀周生，你話人地改壞名，我想講呢，其實呢人地係番鬼佬船，佢冇中文名架，麥凱恩號驅逐艦係佢嘅譯名，正如畢彼特其實唔係姓畢，奇洛李維斯都唔係姓奇。唔通姓膠又真係轉到運咩？係嘅話我晚晚都運如輪轉啦！周師博你夾硬拎個中文譯名去話人地改壞名，你係咪燒壞腦呀baby？周．漢．明，三個都係中國朝代名，三個都滅亡，你才真是改壞名了吧？

仲有呀丞責BB，咩事呀依家？乜美國原來屬猴架？我以為得人先有生肖同太歲，正所謂人有人那媽，妖有妖那媽，咁美國個國那媽係邊個？咁同其他國家結盟係咪要夾八字？大佬呀，唔好咁癡線啦！你有時間算美國生肖，點解唔幫自己算下姻緣？結左婚四年就離婚，點解嘅？係咩天機呀大師？講黎聽下？

義和團一早消失，但中國人依舊迷信，我有理由相信，如果叫呢班堪輿學家出計讓中國打印度，他們很可能會像當年義和團一樣，叫人收集童子尿及婦女經血當水炮去淋啲印度佬。

#堪虞學家
#不問蒼生問鬼神
#信你一成雙目失明
#是要出來挑戰人類智力下限嗎
#咁地上最強戰艦一定係小鷹號
#因為百變小櫻魔法神奇誰可阻擋
#識唱一齊唱
#搞下爛gag姐
#其實記可唔可以做一啲比較有意義的新聞
#你搵唔到專家都唔駛搵堪輿學家
#如果冇野報導真係可以唔駛報導架
#冇新聞也是好新聞