［小時候，鄉愁是一枚小小的郵票，我在凹頭，母親在包頭］我是文青。記憶和黑軌一樣長。大中華膠發作。

=================
牛年比別人知得多。subscribe now.
Patreon.com/ivanliresearch

=================

TLDR；唔係講金融的。雖然都有部分係

1. 好記得細個坐直通車就係呢個位。果時好大件事，樟木頭仲係爛地，其實深圳都係爛地，港女上去落仔。屯門望到香蜜湖個摩天輪🎡。嗰時火車仲有人神秘咁賣自家製翻版帶，歌手「別安」，正係Beyond ，唔係歡樂今宵惡搞Raidas做凹凸時。2012年我在墨西哥城坐地鐵見到差不多嘅嘢，老翻CD係 Gangnam Style

2. 去到廣州，仲有五羊牌雪糕。當然覺得唔好食。後來親戚先富起來，帶你班港燦去白天鵝賓館去越秀飲茶，住四舊水一晚嘅中國大酒店。198x年嘅四舊水喎！

3. 而記得嗰時食個糖水幾毫子。1蚊人仔拖拉機🚜（第三套！），仲有外匯券。神灣菠蘿🍍，友誼商店。

4. 阿嫲鄉下在順德，老豆每次都要重覆「得就得，唔得就返順德」呢個gag 。

5. 仲有神奇嘅薑埋奶。即係乜？即係薑撞奶，但薑埋奶係沙灣endonym, 薑撞奶係exonym即係Deutschland 係endonym ，Germany/Allemagne就係exonym。（講英文即時成件事so linguistic 高級晒）

6. 最記得嗰陣時真係黃麗梅，食魚有魚味食雞有雞味。啲魚就漁塘捉上嚟。雞呢？睇啱邊隻，大人就捉，就起正法，斬頸，放血，淥滾水，脫毛。當晚就食，farm to table , 生命教育。

7. 後來收地，「而家好文明」，賠足錢，個個親戚都發咗，開靚車（喂原本漁塘咋）。漁塘變晒KTV，聽講而家啲雞一樣可以睇啱邊隻就地正法。脫毛應該都得，淥滾水放血呢啲記得取得consent ，同埋加錢

8. 多得友人Hong Lam講，我先知艾敬（我的1997）嘅情人就係劉卓輝，佢應該係第一代北姑KOL（艾敬瀋陽人仲唔北？）。

9. 是緣是情是童真還是意外，有淚有罪有付出還有忍耐。我都有個大陸表妹，不過唔靚的，但亦唔醜，普通村姑一個。in case 有人問，我唔係只睇樣咁慮淺的，亦都冇胸。不過佢當然知道8964。

10. 後來就係有嘢賣搵光大，港股直通車，AH折讓，大小非，股權分置，楊百萬。之後係滬港通。西氣東輸，北水南調，西部大開發。向西。華盛頓。太子輝。3/5/8。布吉陽江。波推。攤直射。新疆可樂。你的西域，我的東土。迪麗熱巴，古力娜扎（Netflix 可以重溫）。基督愛我，我愛富田靖子。不夜城，馳星周，山本未來，金城武。二之年之戀，尤利馬洛耶夫，烏拉爾共和國。

11. 呢啲就意識流啦，成段得名詞

12. 千秋不變的日月　在相識裡共存 姑息分割的大地　劃了界線

13. 再次返到家鄉裏 夢幻已是現在 看有多少生疏的臉 默默露笑容

14. 滿帶理想的我曾經多衝動
理怨（*）與她相愛難有自由

15. 「那我也要實現偉大中國夢了。」哥哥通過市場准入規則後，實行擴張型經濟政策，使大量流動資金流入市場，緩解通貨緊縮，資金全部吸入市場，達到泡沫頂峰。

16. 「呼……全部投入市場了呢，這下糟糕了。」妹妹一臉幸福地說。

17. 唔好意思，坐程火車都咁多聯想。Btw當然係火車，唔係東鐵綫。我是廢老。坐緊去馬料水

18. 唔好話而家個個鄉下都大日本帝國。即使廿年前我教書，學生填藉貫都寫「天水圍頌富」（姜維咩）。我估而家啲小朋友係寫「日本国東京都台東區上野広小路」，或者「大韓民國首爾特別市鐘路區光化門廣場」

=================

(*) 記住呢個「理怨」，絕對要保留。當然係填錯的，有啲改做「埋怨」都on9，完全吳鶯音。改「屢怨」嘅固然啱音又啱意思。但就好似「陰澳」變成「欣澳」（不如欣宜改名做陰兒），吊頸嶺變調景嶺，冇晒時代感。尊重下填詞嘅黃家駒嘛

==================
牛年比別人知得多。subscribe now.
Patreon.com/ivanliresearch

［How to be a 二世祖］其實唔難，15億。一個月20萬，已經養三房。最緊要你個Ego唔好咁大

1. 之前講鄧成波，始終剛剛過身，而且好似講到佢個仔反面教材咁。雖然人人都咁講，但都係鬱悶。咁平衡下（即係，一啖屎一啖砂糖），畀啲正面例子你

2. TLDR ：Less is more．咪撚去證明自己，就係最簡單。但知易行難，我都唔得。「可能有15億身家都唔得」

3. ＝＝＝＝＝＝＝＝＝＝＝＝＝＝
4. 月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折

5. 做二世祖唔可恥，我由細到大嘅夢想都係做二世祖！不過我老豆先我一步實現咗呢個理想！（埃汾爸後生時開餐廳的說，我都帶過女同學去，懶撚係扮太子爺咁，可惜冇免費蝦條，因為埃汾爸開泰菜，得蝦片）

6. 但真係，做一個成功二世祖，都係一種學問嚟的。唔信？睇下咪知。

7. 同樣姓鄧，有朋友提起鄧兆尊。係喎！居然唔記得咗佢。就開篇新文。真係絶無曲線，成功人士，小弟拜服。完全真心。你真係唔好話咩「畀你老豆係新馬仔你都得」。錯，道行嚟的，換著第個未必可以咁成功。

8. 上篇文講鄧成波，有啲網友留言話而我不知道陳偉霆，唔知真定假。至於識佢個仔嘅，應該更少，應該冇乜人叫得出佢個仔個名，只會講「波叔個仔」，或其他更難聽嘅稱號。

9. 但，如果我年紀嘅，真係冇可能唔識新馬仔，同埋新馬仔個仔。慎防啲讀者太後生，即係，遠古年代嘅溏心風暴（好似我最後一套睇嘅無線劇），都係inspired by 新馬仔爭產。而當年 電視更加係日播夜播，城市追擊（即係而家嘅東張西望）日日講，仲有呢個 「永祥內的快樂聖誕」（你老味起題嗰個真係有文化，向「戰場上的快樂聖誕致敬」，邊個話TVB冇料到？）。真係個個都知小艾同九舅父（都話後來溏心風暴照抄）。喂大佬，我地當年唔好話Facebook CNN，網都冇得上呀，乜都係睇無線。你見咩「殯儀之星」之類嘅名稱，都係嗰時發明的。

10. 但講返，兆尊（懶係熟咁）最為人所津津樂道，當然係佢可以三房（後來好似有四房）人和平共處，仲可以出嚟分享心得，網民話齋，到底我睇咗啲乜？

11. 或曰，扯，有錢人三妻四妾好正常，燊哥都係咁。係丫，但，燊哥年代點同而家？況且，我好似冇見燊哥幾個女人一齊出街？呀兆尊真係可以拖埋三條女公然出嚟畀你影相喎，真係十分前衞，親身下體現咩叫open relationship，向傳統一夫十妻制嘅異性戀霸權說不。我肯定何式凝心中都好佩服佢，西蒙波娃都會同祥哥講你生咗個叻仔。

12. 而你睇佢係咪好多錢？好似唔係喎。咁同你同我比梗係多啦，但冇可能係鄧成波嗰種級數啦係咪？佢老豆都未必得啦。咁仲要大家知道，後來兆尊同祥嫂和好嘛—Translation ：講掂數啦

13. 呀兆尊到底有幾錢？唔知，佢都未必知。但傳媒話，15億！「其實唔多」

14. 喂，15億，同你同我比就梗係好多（你唔止嘅記住話我知，幫手投落去勞蘇基金，置頂Post有講）。但拍落去咩波叔度比，爭好遠啦下話？幾個舖都分分鐘有呢個價。

15. 但細細個老師教你乜呀？錢嘅嘢，同陽具長度一樣，「唔使追求數字」「夠用就得」。係喎，根本佢有15億，已經可以唔使做，仲可以養三件。開心其實好簡單。

16. 天地良心，他人即地獄，快樂痛苦是好主觀嘅。但，你睇兆尊嘅面口，真係快樂過好多人喎。好似快樂過洗米華添。

17. 而佢搞三頭家，要幾錢？又係睇報紙佬話。20萬！你心諗，有冇眼花？仆你個街傅穎都話冇10萬月薪唔好埋去啦。20萬養三件喎。咁當然，傅穎雖則殘，但都叫做明星。咁你知我知大家知，好多人搞明星，都係為個虛榮感啫，你估真係靚幾百倍咩，冇可能的。

18. 有人提起「掌門人」，唏，我係一個文青，唔睇啲咁低俗嘅節目（聽講你啲網友當年都冇人睇的）。但我記得佢上去「大懷舊」，拿，文青呀。好似話仲有「皆大歡喜」，唏，文青嘢嚟的，好有文化架。啲食字gag玩到出神入化，除咗「磁力共鎮」外，我記得有集有個殺手，叫做陳環。你問下而家啲小朋友知唔知個gag位係乜？

19. 講真，以佢老豆嘅江湖地位，阿兆尊要玩多十年廿年，「根本唔難」。甚至佢要自己做娛樂大亨，想去捧明星食model都得，大把傍友謀住佢啲錢。但幾明顯地，佢就係早日早知道自己唔靚仔又冇演技，做乜Q嘢幕前丫（聽聞話只係滿足祥嫂同老豆嘅意思）。而你諗下啲人背後點講佢？你估佢知？

20. 兆尊就醒在，唔發明星夢，甚至唔搞娛樂事業，連生意都唔Q做！簡簡單單收下租算，呢啲咪二世祖典範！我講真的。你見幾多明星球星，又係貪得意走去搞飲食（最鍾意），然後又點？天天漁港定北海漁村？

21. 真係唔好笑，大把人得閒冇嘢做，又要走去證明自己。咁你見兆尊嘅玩法，佢一早知道nothing to prove啦。你睇佢食乜女（sorry），根本佢連砌model（唔係我做分析員用Excel砌嗰啲）（＊）嘅虛榮都慳返。

22. 我講真的，幾多人，都係敗畀自己嘅虛榮？我都係，走咗好多錯路。

23. 人生其實好簡單，搞咁撚多嘢做乜？15億夠架啦。我都唔貪心，「其實我1.5億都夠」。

24. 1727個講追夢嘅，呢兩篇文幾值得睇。當然，如果我老豆係鄧成波，咁追下夢都冇所謂。記得孝順老豆。

（＊）呢個gag所有香港分析員都識。古語有云，人地夜晚砌model，我地夜晚又砌model，世界好金公平。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

《你擁有高強的電影鑒賞力嗎？》

做一個性情中人，提升EQ和知性美，可以幫助你學好英文，了解外國的文化，也能幫助你聽懂外國人說話的鉉外之音。

來測試一下自己看電影的能力有多高吧～～～

看戲和品酒一樣，有些同學比較「懂看」，有些同學比較不懂。

有人會說，藝術這些東西，沒有分「懂看」還是「不懂看」的。

我這裏說講懂的意思是鑒賞力高和低。

怎樣知道自己對電影的鑒賞力高還是低？做做以下我為你設計的測驗，看看自己是否專業電影鑑賞師（movie connoisseur)

1）你看電影是否一定要用自己懂得聽的語言看，還是很享受看外語電影，就算聽不懂台詞也沒相干呢？（享受外語+1）

2）你看電影的時候是否不會只看情節，還會留意人物之前的互動、故事的主題和導演的訊息呢？（不只看情節+1）

3）人物說的消化、導演搞的gag，你都懂得笑嗎？就算覺得不好笑，也知道笑點嗎？（懂得笑+1）

4）你能解釋一套電影好看在哪裡嗎？（能解釋+1）

5）你是否能欣賞很多不同種類的電影，還是只能夠看一兩種？（能欣賞不同種類+1）

6）你懂得不同電影的分類嗎？例如你知道什麼是slasher movie，什麼是heist嗎？（懂得分類+1）

7）你會留意到導演特別的運鏡技巧嗎？（留意到+1）

8）你不只會根據你身處的時代和一套戲宣傳是否足夠看電影嗎？例如你會看你出生之前已經推出的電影嗎？（會+1）

9）你看完電影之後還會做research，例如看影評，聽電影的主題曲嗎，到拍攝場地實地考察嗎？（會research+1）

10）你會不斷探索自己以前沒有看過的電影種類，擴闊自己的味蕾嗎？（會探索+1）

如果你拿到十分，恭喜你！你在我心目中，絕對是100分的movie connoisseur～！相信你即使沒有任何textbook，只要把電影重看再重看，要學好英文，也是指日可待。

雅虎香港為慶祝15周年，邀請了一眾城中潮人參與「玩創香港」創意活動，其中一項是「潮人潮玩潮店」，請來城中潮流Icon薛凱琪、DJ當奴、周柏豪、小潮星Celine妹妹楊鎧凝，一同走訪香港10間本地潮店，以故事形式及輕鬆創新有趣的拍攝手法介紹每間潮店特色，其實每個故事沒有設定的對白，都是靠他們各自的性格特質臨場發揮創意和「爆肚」，期間笑料百出，拍攝過程十分搞笑，完全能帶出「潮人潮玩潮店」的玩創精神。

最搞鬼搞馬的組合首推薛凱琪(Fiona)同DJ當奴這一對，一向是爛Gag王的當奴，勢估不到遇上強勁對手，遇爛愈爛，沒有劇本的拍攝手法，簡直能將Fiona和當奴的爛Gag小宇宙徹底爆發。二人默契十足，施展爛Gag大鬥法，考驗對方的忍笑功力，他們「雞啄唔斷」不停爆笑，就連現場工作人員也忍俊不禁之餘，也不好意思叫「cut」。然而對著Fiona的無敵爛Gag，當奴也招架不住，表示︰「你的爛Gag已經冇得夠！」

拍攝期間，他們上演一幕模仿楊過與小龍女練「玉女心經」的場面，二人對望掌對掌，為求增加仙境般效果，工作人員在旁不停加乾冰，營造煙霧瀰漫，更將二人不停地旋轉，難怪Fiona大叫好暈。未知當奴是否同Fiona有仇，拍攝這場戲時，Fiona不停地將當奴的頭前後搖晃，又掹他耳仔，再加淩厲的掌風，打落在當奴的背部，當奴來不及反應，只有大叫「唔好！」，不過在旁的工作人員未有施予援手。事後當奴「回味」這一幕，表示︰「Fiona完全沒有保留地一掌拍我，覺得好Amazing！」而Fiona亦表明唔希望因為這些片段曝光後會影響自己的粉絲人數，強調片中的不是真正的薛凱琪。

Yahoo15周年「潮人潮玩潮店」片段將由9月5日起，一連5個星期於Yahoo Style平台播放，每星期將會介紹2間本地潮店。