【 #舊時嘅戀愛方式 - 《甜爺爺》公公教你點用老套對白追女仔！】 「舊時嘅女仔係要追㗎，邊似而家溝女咁簡單！」 . 如果話而家已經無咗追女仔呢樣嘢，我諗在座各位都唔會反對。以前無電話，上一輩啲爺爺會攞住紮花特登去心儀對象做嘢嘅地方，着到官仔骨骨練埋對白，就係為咗約鍾意嘅女仔去睇戲～ 而家兩個人一齊，仲邊使表白咁老套㗎！你flirt下我，我flirt下你，feel到大家都有啲意思，就自自然然出街然後一齊，分分鐘做埋其他嘢先一齊添呀（拿我講拖手咋下...）雖然咁做少咗好多尷尬，但又唔能夠否認，係少咁啲浪漫... 最近小編睇咗ViuTv套《甜爺爺》，原來喺以前個年代，每個爺爺都要出盡渾身解數，先抱得嫲嫲呢位美人歸。今日就等小編帶大家睇下《甜爺爺》入面嘅爺爺們，當年究竟有幾識氹女仔，分分鐘仲識cow女過你啊！ . 「一見鍾情苦等7年 以前鍾意人邊有咁易放棄」 喺咁多位爺爺入面，小編尤其心水今年74歲嘅素人爺爺阿bee！除咗因為佢最口甜舌滑，咁多位爺爺亦屬佢最長情～ 根據爺爺憶述，當年佢20歲對樓下士多太子女（亦都係爺爺而家老婆）一見鍾情，成日借啲意去買汽水，就係為咗望多兩眼同人地吹多兩句水… 奈何當時好多人追呢個女仔，而爺爺爺爺又話自己只係個爛鬼消防員（當年風氣更鍾意白領、返寫字樓嘅男士），所以一直都被外母反對。但阿bee無放棄，堅持苦追老婆7年，最後用誠意打動咗佢一齊去睇戲，終抱得美人歸～ 以前鍾意一個人，無咁多爾虞我詐，亦唔會漁翁撒網，鍾意一個人就一心一意，唔會咁易放棄。 . 「舊咗嘅嘢有人會掉 但亦都有人選擇補返佢」 喺節目入面，周中師傅提到佢當年同老婆拍拖唔夠一年就閃婚～ 主持人隨即問到話咁會唔會太快，但師傅就話拍拖長短同可唔可以天長地久係兩件事，其實最重要，都係結婚之後點樣維繫同相處。的而切確，拍拖短唔代表唔可以一世，愛情長跑一樣可以分手。每段愛情放耐咗都會舊會殘，但老一輩結婚之後仍然會好珍惜段關係，就算係再舊嘅嘢（連爺爺都大爆另一半已經走晒樣…），喺爺爺心目中，仍然係無可取代。 . 小編記得睇節目嗰陣笑到hihi，因為爺爺啲溝女對白真係老套到癲，但唔知點解又會令你sweet到吱一聲笑咗出嚟… 可能呢啲就係上一輩戀愛方式獨有嘅浪漫吧～～ . #話說娟姐使唔使咁high #係咁話自己都要冷靜下先 #笑死 #情侶 #愛 #愛情 #拍拖 #香港 #搞笑 #愛情故事 #viutv #甜爺爺 #金句 #語錄 #爺爺 #復古 #60年代 #老香港 . 睇咗笑完就算？不如科勞埋我哋啦！ 即Follow @hkstylecouple 收聽更多港式愛情趣事、一齊學識點樣愛❤️ 歡迎DM投稿戀愛趣事/愛情煩惱，我哋等緊你㗎😙！

[gfmurmur9857] 我係一個未婚媽媽，26歲。無地方可以呻，我只係想揾個位，比我唔需要報身份唔需要填表唔需要顧慮太多咁，好好抒發情緒。 感謝各位願意睇落去。 - 我同小朋友嘅爸爸提出分手，原因唔係佢窮，而係佢從來都冇做過一件愛我嘅事，話好愛我，但係一齊咁耐，都唔知我食乜會敏感。講到好care我，但係我病就話我扮死。佢大我兩年，一齊咗五年，佢講出嘅一切承諾，都冇做過。一次兩次三次，我原諒過佢好多次。 我幫佢揾過無數份工，問過無數個人，佢轉完一份，又話做得唔開心要辭，又話人工低要轉，我好話醜話都講過，佢嘅能力就係得咁多，佢仍然覺得自己好叻，唔只呢個數，我都義無反顧支持佢！ 知道我大咗肚，佢好乖咁返咗份長工架，但係比我發現佢返工時flirt女，理由係人地係有錢女，想識人再呃人地嘅錢黎養個仔，仲話唔係嘅話點養得起我地。我個時覺得佢不停求我，應該真係會改，我為咗個仔，我原諒咗佢。 佢阿媽認為佢係高我一等，從來都睇唔起我，對我都只係冷眼看待，而佢從來都冇係中間做過和事佬，仲同我講「忍下啦，咁你又真係冇我咁叻呀嘛」，係嘅，你上大學，而我只係中學畢業。 生咗個仔之後，佢話會努力揾錢帶埋我地兩母子出去住，但最後我一而再再而三咁追問，得到嘅答案係「你個個月洗咁多錢，我點賺都唔夠你用啦」，我話返工幫補下，又可以一齊存錢，佢話女人生完仔就咪搞咁多野，乖乖地等自己老公養。呢度都只係一小部份，仲有更多偷食、反悔之類嘅事不能盡錄。 係小朋友2歲時，我好努力咁打咗五隻字「我地分手啦」，佢個晚崩潰咁係我樓下扯住我唔放，鬧我係一個冷血嘅女人，話我拜金我貪錢，話我係雞，話我唔重視我地之間嘅感情⋯個陣我只係掙扎走返上樓。 第二日下午，我因為要出去見工，我一開閘門，就見到佢企咗係我屋企門外，當時屋企一個人都冇，我好快咁閂門攞電話想打電話求救，但係佢一手擋住道門，另一隻手攞住把刀，我當時好驚，一心諗住如果我有咩事個仔點算。但我手軟腳軟，我只係識大叫⋯好彩嘅係鄰居剛好出𨋢跑咗過黎。 由個日開始，我見到男人，甚至乎我老豆，我都會好驚，會手震，會後退，會發冷標汗，我唔敢睇醫生都冇同屋企人講過。到後來我機緣巧合之下識咗我現任，佢一直都好小心翼翼去對我，亦有陪我慢慢克服對男性嘅恐懼，慢慢地我地就一齊咗。佢對小朋友好好。小朋友有輕微自閉症，佢好耐心去教小朋友點樣冷靜自己，小朋友亦好喜歡痴住佢。 但係前排前任又揾返我，佢嘅訊息好突然，我望到佢之前對我嘅稱呼，望到佢講嘅每一句，恐懼感又開始出現，我呼吸困難，仲不斷手震，我當時返緊工，腳軟企唔穩，要同事扶我入休息室。望住佢話想好好負責任，想見個仔，我都一一拒絕，到之後佢因為知道我户口(好耐之前就一直用緊嘅)，佢定期每個月過數比我，話想負返責任，但係我根本唔需要亦冇要求過。我只要求佢消失，後來亦有要求佢唔好再入數比我（我問過銀行話冇得封鎖對方帳號），佢就不斷自顧自話自己好後悔，好想同我一齊，好想聽個仔叫佢。我話我想過好我嘅新生活，佢就不斷話無論幾耐都要等我⋯ 我好想擺脫佢，一方面好想封鎖佢，過好我宜家嘅生活，但一方面又好怕封鎖後佢會再一次上門⋯ 有冇人明個種連出門口都要左顧右盼，防備心超重咁生活個種壓力⋯我內心出現無限次邪惡嘅想法，我甚至上網揾各種詛咒方法，我好想佢從呢個世界上消失。我知道我唔應該有呢種壞心腸嘅想法，但我嘅失眠、自殘，連同男朋友親密少少嘅接觸，好似攬下對方咁我都做唔到！我好想好想擺脫佢。但我唔知我可以點做⋯ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶

新書出版了！《下半生，難道就這樣過嗎？》 #全港書店發售 #新書 #王迪詩 目錄： ♦️第1章――誰值得，誰不值得？ 曖昧令我好累 ▫️那條訊息之後他突然不再回我了 ▫️我係咪好cheap？ ▫️佢只當你係兵 ▫️flirt你 ≠ 喜歡你 有些性格缺憾會害你一世 ▫️她年輕絕美、有錢有學識，為何要做情婦？ ▫️為何聰明女人也會中伏？ ▫️贏在起跑線，終點卻輸到連影也不見！ ▫️愛情是一面照妖鏡，讓人最深層的缺點浮上來 我飛你，因為你夠堅強 ▫️愈對人好，別人愈覺得你不夠好 ▫️不要為一個不懂珍惜你的人而難過 ▫️多點撒嬌，多點公主病，反而受男人歡迎？ ▫️受過傷，才明白什麼最適合自己 · ♦️第2章――尋找價值觀一致的人 何謂「性格不合」？ ▫️別誤將「好傾」當成soul-mate ▫️當你做了一件事而不知原來自己已經得罪了對方 喜歡你不等如愛你 ▫️永遠有人相信「性交可以轉運」 ▫️即使將自己貶成地底泥，也不會令一個不愛你的人愛你 ▫️「喜歡」是在你身上尋開心；「愛」是你開心，我就開心 坐過寶馬，就不想再迫地鐵 ▫️物質很容易摧毀一個人的原則 ▫️在婚前知道對方真實的為人，是一件好事 ▫️明知性格不合，為何仍勉強結婚？ ▫️昔日的best friends，今天客客氣氣 ▫️為何會變成自己曾經最討厭的人？ · ♦️第3章――你不用跟隨「大部份人」 快樂不是加法，而是減法 ▫️想得太複雜才會以為快樂遙不可及 ▫️選一個人來忘記――每個人的生命裏總有一隻蟑螂 ▫️送禮物是一廂情願的――心地好的人有時更容易受傷 ▫️別想得自己太大 ▫️不買樓結婚生仔就是loser？ ▫️女人，終有一天要妥協？ 對人好是不是錯？ ▫️法例沒有規定要講「唔該」 ▫️做ass-hole並不犯法，那你為何不做ass-hole？· ♦️第4章――學會let go 放棄與放下 ▫️世上總有你無法理解的人，包括親人 ▫️有能力傷害我們的，往往是我們疼愛的人 ▫️做人最難捨棄的不是個人擁有的東西，而是關係 ▫️放棄不是終點，放下才是 ▫️人的去留，別太執著，即使那是你最愛的人 要遇上的人終會遇上 ▫️很快就得到事業或愛情上的成功，未必最好 什麼叫公平 ▫️為什麼有些人一生下來就負責吃，有些人則要負責端菜？ ▫️做人不一定要當王子公主，還有許多有趣的角色 ▫️不要為出身而自卑，有父幹不一定會得到尊重 · ♦️第5章――自己的幸福，自己拿主意 明知被騙卻很享受 ▫️個案一：佢係咪想呃我攞居留權？ ▫️個案二：女神還是女神棍？ 做個有主見的女人 ▫️女人25歲開始流失骨膠原；劉德華年過半百仍在演英俊小生 ▫️婚姻的點滴滋味，只有你知道 你希望自己似父母嗎？ ▫️有些孩子的生日會不過是大人的公關show ▫️孝順父母，不等於要成為他們想我變成的人 人生最重要就是自由 ▫️我貪錢，但我愛的不是金錢本身，而是錢給我的自由 · ♦️第6章――別忘了善待自己 其實我不是表面那麼堅強 ▫️又靚又叻又有錢，竟然好憎自己？ ▫️前度與小三閃婚，我微笑祝福，卻躲起來哭！ ▫️剩女、棄婦、loser ▫️永遠先為別人設想，咁我呢？ 你不快樂有誰知？ ▫️樂觀開朗的人也需要別人關心， ▫️天天抱怨不快樂的人未必如他們所說的那般脆弱 ▫️有時候，一句話可以救一個人 ▫️你不必無時無刻在人前展示完美形象 ▫️沒有剩女，香港的經濟必定崩潰 ▫️不要因為寂寞就隨便跟誰一起，這樣只會更寂寞· ♦️第7章――做好自己，別再跟人比較 快樂的方式不止一種 ▫️多少人有guts辭職，做自己真正喜歡的事？ ▫️不要按別人的期望去活 ▫️除了你自己，沒有人會真正知道你喜愛什麼 有本事的人不靠父母 ▫️別人的父母會買樓給子女，我的父母卻向我這個窮鬼伸手要錢！ ▫️靠自己，不論成敗，磊落光明 ▫️每個人都有自己的難處，做好自己，毋須羨慕別人 ▫️年少不等於無知，老亦唔係大曬 ▫️重點不是你做什麼職業，而是你的工作態度 · ♦️第8章――抱怨對事情毫無幫助 ▫️做人最忌開口埋口都怨 ▫️沒有老闆會升一個充滿負能量的下屬 ▫️人生是一場馬拉松，不是短跑。畢業後，比賽才真正開始 ▫️贏在終點線，關鍵在於性格 有才華都要有guts ▫️忙是很爛的藉口，還不如乾脆說我對你不感興趣 ▫️做開荒牛一定會被罵出風頭，萬千雙眼等著看你失敗 ▫️經常抱怨「我day one來這間公司就想辭職」的人，通常會在同一間公司攞埋老人牌 ▫️不要小看自己的工作，揸的士都可以揸到發光 ▫️對你無益的回憶，應該delete ▫️天天抱怨老細弱智，自己卻要聽命於一個弱智的人 ▫️每份工都有好壞兩面，不能輸打贏要 ▫️找一份自己喜愛的工作是快樂的關鍵 · ♦️第9章――可以疲倦，但不要麻木 ▫️如果我從來不曾犯錯，我還可以學到什麼？ ▫️一日未死，一日仍有運行 ▫️避免遺憾的關鍵是「實際行動」 我轉行，因為不想再開會 ▫️開會只是腦細彰顯權力的舞台，在鎂光燈下自high ▫️麻木，是為了保護自己 ♦️第10章――尋回當初的熱誠：我想改變自己 ▫️在comfort zone久了就不想出來 ▫️我以為只要我搞笑做下把，別人就會接受我 ▫️人愈大，真心朋友愈少 ▫️休息一下，重新調整今後的方向