雖然這篇冧女語錄鄉民發文沒有被收入到精華區：在冧女語錄這個話題中，我們另外找到其它相關的精選爆讚文章
在 冧女語錄產品中有26篇Facebook貼文，粉絲數超過0的網紅，也在其Facebook貼文中提到， Bat Bat 語錄： 如果有沙入咗你隻眼 我會變成風超人吹走佢 如果你食咗太辣嘅嘢 我會變成冰超人等你唔辣 如果你覺得啲冰好凍 我會變成火超人幫你保暖 如果你有嘢要我幫忙 你記得搵我保護你 💗 ------ 不得了！媽媽真的要記下來 Bat Bat 說話愈來愈暖🥺 剔除「超人」二字 絕...
冧女語錄 在 YeungManWai楊文蔚 Instagram 的最佳解答
2020-04-25 16:26:23
/ 幸福這東西就像星星一樣 黑暗是遮不住的 總會有空隙可尋 #文蔚子聖誕送禮推介 #冧女語錄都幫你諗埋 #好閃好閃 #PANDORAgift @theofficialpandora...
冧女語錄 在 Facebook 的最讚貼文
Bat Bat 語錄：
如果有沙入咗你隻眼
我會變成風超人吹走佢
如果你食咗太辣嘅嘢
我會變成冰超人等你唔辣
如果你覺得啲冰好凍
我會變成火超人幫你保暖
如果你有嘢要我幫忙
你記得搵我保護你 💗
------
不得了！媽媽真的要記下來
Bat Bat 說話愈來愈暖🥺
剔除「超人」二字
絕對是冧女經典台詞啊
人生第一次有人對我說這麼肉麻的話
冧到我只可回答 thanks Bat Bat I love you💕
#4歲2個月
#終於有暖男的感覺
冧女語錄 在 港式情侶 HKstyleCouple Facebook 的最佳貼文
【 #網民投稿愛情傻事 - 每次男友送我搭巴士都會喺下個站見返佢...】
最近小編收到一個讀者投稿關於佢同男朋友中學拍拖嘅一件靈異事件，因為背後原因實在太sweet，襯Happy Friday喺度些牙下畀大家～～
.
「話說中學因為窮L要慳錢，我又住得離學校好遠（因為搬過屋），所以男朋友放學唔會送到我返屋企，但次次都會目送我上巴士。跟住啱啱一齊嗰陣，有次佢如常送我上車，去到下個站我離遠見到一個熟悉身影心諗『唔L係掛』， 竟然見到有個幾分鐘前先見完嘅傻仔同我揮緊手。。。。。。
.
原來條友一見到我上咗車，就即刻跑去下個站，就係為咗同我講多次byebye。其實所謂下個站只係隔離街，加埋架車要等燈，所以佢就趕得切到先過我🤣，仲吹噓話自己田徑隊，呢啲嘢濕濕碎，笑到我pk🤣🤣 自此之後，如果佢得閒，就算我話唔使啦，佢每次送完我都會特登跑去下個車站同我揮手講多次byebye。其實每次隔住塊玻璃望落去，我都剩係見到佢口噏噏唔知up mud 9，但個心每次都覺得好冧，成程巴士係咁忍唔住笑～
.
嚟緊同男朋友就一齊咗7年，and而家大家出嚟做嘢終於有錢一齊搭巴士返屋企😌，雖然佢已經唔再係咁浪漫！不過希望小編見到呢個投稿可以幫我出啦（我冇事先話佢知哈哈） 」
.
愈愛一個人，先會愈肯為對方做啲低B嘢～ 無可否認我同你都是凡人，都鍾意物質嘢，鍾意收禮物、鍾意食大餐，但有時偏偏係追巴士呢啲戇居居小驚喜XD，好多年後你都仲會記得（雖然樓主話佢男朋友已經不復當年浪漫lol）。浪漫唔係用幾多錢，而係同邊個一齊，搞到小編好想唱返首「若有你若有我還有十塊～ 這樣我便可以 約你去街～～」，喺度都祝樓豬同佢男朋友7年週年快樂🥰！
.
【網友投稿愛情傻事】呢個欄目未來都會繼續，大家如果同另一半有咩重甜嘢都可以直接direct我哋投稿哦！小編好期待大家嚟我地盤放閃！！！
.
#小編已經預知到下面啲留言 #7成係你睇下人地幾好 #我同你拍拖咁耐剩係見過阿叔追住架巴士嚟小咋 #哼 #情侶 #愛 #愛情 #語錄 #拍拖 #香港 #女朋友 #hkig #搭巴士 #其實可能樓豬男友純碎係巴膠 #純碎想睇巴士埋站 #巴士 #愛情故事 #sweet #放閃 #投稿 #甜
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
冧女語錄 在 港式情侶 HKstyleCouple Facebook 的最佳貼文
【 #女友醉愛問問問之情景題 - BB如果我得返100日命... 】
「BB牙，我問你個問題喎...」每次我聽到呢個開場白，都會即刻嚇到虎軀一震，然後腦海就會閃個一句嘢：「嚟料喇嚟料喇，今次都要保佑我大步攬過！！！」然後女友繼續講：「如果我得返100日命，你會點同我過啊？」
.
我覺得科學已經解釋唔到點解女友咁鍾意問埋啲假設性問題，而呢啲假設性問題發生嘅機率，同我有日起身突然發現自己係太監嘅機會係差唔多......即係基本唔會發生。但如果你嘗試答佢啲咩：「邊有可能啊」、「假設性問題我係唔會答」，佢就會話：「咁都話而家係如果咯！」痴線姐係無得唔答啦！
.
「我會每日都當係最後一日咁同你過。不過你知唔知重點係咩，重點係我唔會畀你死。」女朋友即刻好冧咁甜笑咗下，呵呵，正當我以為又過一關。佢突然連珠發炮：「咁你點阻止？If我同你媽咪一齊死咁你點救得晒？？你會救邊個先？？？點解你要諗咁耐？」Sorly BB當我無講過，有無重答chance咁？
.
之後我問返女朋友點解無啦啦咁問，佢先話自己最近喺Viu度睇咗套韓劇叫《某一天滅亡來到我家門前》。故事係講女主角東景（朴寶英飾）患有絕症，距離自己嘅死期得返三個月。於是佢同介乎神同人類之間嘅管理者（徐仁國飾）簽下100日生命合約，管理者會幫東景實現一個願望，但時間一到就會死！又好似幾好睇喎衰鬼，隱隱約約有啲《鬼怪》feel，仲係男神徐仁國時隔兩年嘅回歸作品，難怪女友睇到上晒癮，仲話今個星期六佢已經諗好有咩拍拖節目，話天氣咁熱，一於去佢屋企開住冷氣一齊睇喎......嗯嗯！
.
今個weekend，悶悶地不如同另一半留喺屋企，一齊上viu.com煲呢套韓劇啦～～～
Viu Hong Kong 煲劇傳送門：https://bit.ly/3yaRJhV
.
#夏天真係最佳煲劇季節 #37度天氣直接嚇返我入屋 #BB不如都係留喺屋企嘆冷氣 #愛情 #語錄 #拍拖 #香港#hongkong #煲劇 #韓劇 #某一天滅亡來到我家門前 #情侶 #語錄 #男朋友
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！