FANCL柔滑潔面粉(保濕) vs 日本Kanebo suisai 酵素洗顏粉 兩者無論用法，外貌甚至味道都一樣咁滯，而功效我亦覺得差唔多，都係洗得幾乾淨。 唯一既分別，亦係最驚喜既地方，就係FANCL洗完後，完全一啲繃緊既感覺都冇! 少少都冇! 但suisai就點都有啲。 FANCL呢隻粉有分清爽同保濕。Cress份人比較dry😪平時洗面，摔多兩下已經會開始感覺到塊面就快脫水有啲刺激咁，洗完例牌會繃緊乾到必須即搽cream(因此我極少洗，反正冇咩油)。用呢隻個時，我見BA姐姐講到隻粉唔會洗乾，又保濕，講到好勁咁，就專登摔耐左好多，成分幾兩分鐘😂(平時頂盡30秒，揾自己塊面較飛lol) 的確係冇任何不適感，好神奇。 沖水後，竟然出奇地冇乾冇繃緊呢啲例牌菜，所以我又突登唔即刻搽cream，諗住等下睇下會唔會開始乾。幾分鐘後，塊面仍然冇緊過，冇乾既感覺，只係面頰微微泛紅。你明唔明我有幾感動??? 我人生冇一次洗完面係冇脫水感覺不突止，仲要完全唔覺乾左! 係零唔舒服既感覺! 如果你都係偏乾我真係幾推薦呢個，而且FANCL一向標榜無添加，好似幾靠得住☺ *** 琴日去既時候仲做左皮膚測試，個BA姐姐態度好到爆，又真誠，邊有大牌子服務態度會咁好😭 測試時見到個mon又多紋又盛心諗一定係好差💔點知佢話我皮膚好好完全冇問題，皮膚飽滿先有三角紋😂 仲話我完全冇廢角質lol 唔怪得我唯一一次用peeling摔左2秒已經覺得塊面要爛咁😂😂 但其實我真係冇咩保養可言 要多謝父母🙌 不過! 以前望自己真係0毛孔架! 而家好似開始望到啲毛孔😭😭人老了，唔保養都唔得.... _