雖然這篇exclusive數學鄉民發文沒有被收入到精華區：在exclusive數學這個話題中，我們另外找到其它相關的精選爆讚文章
在 exclusive數學產品中有9篇Facebook貼文，粉絲數超過0的網紅，也在其Facebook貼文中提到， ［挑戰者］NVIDIA 自己推CPU，Intel AMD 即散。 ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭...
exclusive數學 在 辣媽英文天后 林俐 Carol Instagram 的最佳解答
2021-07-06 05:58:15
哇！英數合鳴！ 這週四晚上7:30～8:30 —> 李傑老師 @jackleemath 這週六晚上7:30～8:30 —> 俐媽 我們即將要舉辦國三升高一線上直播活動了， 內容精彩、抽獎獎項豐富， 歡迎大家來喔！ 今天，送上北一學姊編整的「數學篇」，剛好是英+數合體的最佳表現！ ——————...
exclusive數學 在 馬浚偉 Instagram 的最讚貼文
2021-01-12 08:06:23
📣Good News! iStudy CEO馬浚偉先生積極推動教育業務，未來將在新加坡建立@教育氣泡！ - 請即參加《新加坡PRE-IGCSE免費線上教育講座》- 鳴謝：新加坡新明日報專題報導 香港教育基構iStudy將於1月4日舉行《新加坡PRE-IGCSE免費線上教育講座》，由資深的IB...
exclusive數學 在 ?賭Sir｜數學考試專家 Instagram 的最佳解答
2020-09-21 11:35:20
理解 Independent（獨立）同 exclusive（互斥）有邊 3 個方法❓ 🌟答案係：理解法、如果法、同時法 ------------ 1️⃣理解法： 「獨立」即係【河水不犯井水】 無論兩者嘅結果如何，都唔會影響另一方發生任何事嘅機率。例如我有冇健身，唔會影響你有...
exclusive數學 在 Facebook 的最佳貼文
［挑戰者］NVIDIA 自己推CPU，Intel AMD 即散。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝
TLDR：工程師又未必識金融，金融撚又未必識科技。當然why not both最好，但以前大行就興請金融撚然後學科技，而家就掉轉。Cathie Wood都係咁玩
1. 其實諗咗好耐寫唔寫，最初係眼訓，後來就因為「唔識」，費事啦。熟我嘅都知我係電腦盲，軟件硬件都係（但相對之下好似軟件冇咁盲，話晒Degree 同 Master都要讀），雖然話學霸，但STEM都有好多種啦，我是數人嘛，而數人唔等於識電腦架嘛！即係你叫IT幫你整微波爐咩
2. 但後來諗下，「真係冇乜關係」，「反正之前寫嗰啲都唔係識」，「更多人更垃圾都指點江山啦」。再諗下，扯，股票之嘛，我買海底撈又要知道佢湯底點整咩，我2019年尾叫你買ASML咩，鳩知乜嘢「光刻機」咩。亦都認真，我要去學，都好快學到成個產業鏈，反正呢啲以前係我工作，原本睇銀行股，但工業股 互聯網股 消費品股 地產股 我都寫過，「但半導體真係唔識」。係架，我睇下就會識，但反正呢度大把專家，我好似賭神高進拎住本「速成自衞術」咁，見到龍五在火車出手，都可以掉走本書啦。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
3. 前戲做得太多了。直入。呢三隻股中，我只曾講過隻NVIDIA（仲有我舊老細嘛，陣間會講），亦係之前一路有推嘅股（睇我Patreon咪知）。股價係星期一晚，你見NVIDIA大升，AMD同Intel大跌。而星期二晚兩外兩隻變動不大，NVIDIA直頭破頂。絶無cherry pick，另外兩隻冇推過的
4. 做乜升咁多？「股票唔會話你知點解升」，但除咗因為講咗第一季收入很勁外,相信更大原因因為話會推自己嘅CPU，直接同Intel AMD 競爭了。咁邊隻得邊隻唔得？我就唔知啦。市場反應就明顯J NVIDIA
5. 但，「咁我都有用電腦嘅」（你以為我啲文磨墨寫的？），咁中學大學年代都係聽啲同學講（可能佢地冇咁講，是但），Intel先係王道嘛，AMD唔掂的，咁咯。冇啦。
6. 之但係，再早排就有出過Post，舊年Intel係極唔掂的，當然係講股價。年頭70蚊年尾50蚊，相反AMD差不多升咗一個開。NVIDIA亦都係。咁專家（真專家）朋友就話我知，Intel而家唔掂架啦，等死。
7. 之之又但係，去到今年又完全唔同喎，特別係Intel年頭炒咗個CEO後，股價今年至今升30%（插之前剛剛先52星期新高），AMD反而要跌15%（NVIDIA就升兩成，兩年夾埋贏晒，新高了，嘻）
8. 咁呀朋友梗係專家啦，問題係想講一樣嘢：公司股價，同專業行內人睇啲嘢得唔得，就往往係兩回事嘛。極端啲嘅，李嘉誠啲鑽石廳呀，豐澤呀，百佳賣油魚呀，鬧咗咁多年，長實長和咪一樣長升長有。你產品好同帶到最多生意有時又兩回事，有收入同有錢賺又兩回事，有錢賺同股價又係另一回事嘛，冇咁簡單嘅。
9. 之但係又不過咁，的確好多「大行分析員」，係唔熟個行業嘅。而家會好啲，一來Tech股當道，咁你總不能搵條好似我咁嘅茂利去cover AMD．二來真係文化唔同咗
10. 講返我當年，特別係pre 雷曼嘅美好年代，蔡東豪都有寫過，佢發現啲分析員好多都好後生，難聽啲講句就係「到底有冇做過第行？」。而十居其九都係冇—嗰啲友好多一畢業就入大行，然後可能睇Airline—但唯一經驗就係坐過飛機（同埋打過），可能睇銀行—唯一經驗就係開過戶口
11. 而本人都好歹做咗兩年銀行先睇銀行股，仲要讀精算出身就睇埋保險股—雖然我話你知係冇用的，但即係等於叫個IT同事整微波爐咁，喂，你讀精算嘛，識睇保險股架啦。梗識，睇之嘛。
12. 當時嘅文化的確好多名校（我講外國嗰啲，唔係港大（＊）之類嘅雞校）畢業嘅頂級學生，咪一畢業去投行做咯。吹得有家底靚仔靚女嘅咪做ibanker（並不是所有投行做嘅人都叫做ibanker，否則我都話自己係ibanker），唔吹得唔靚仔但捱得嘅學霸咪做分析員，所以嗰時好多時係有啲小朋友去指點江山，教返啲做咗半世紀零售嘅上市公司老嘢，「拿你應該點點點」，十分有喜感。
13. 不過，再早少少，即係蔡東豪或佢之前嘅年代，又唔係咁的。咩年代？你當大約係咩華保（唔係Burger King，係Warburg，UBS瑞銀啲朋友），獲多利（Wardley，匯控啲朋友）（＊＊），吳玉欽（GK Goh，CIMB啲朋友，四十歲以下唔會識）唯高達（唔使講啦下話），總之就係Merchants bank嘅年代，英女皇御用經紀Cazenove嘅年代
14. 嗰個年代啲分析員呢，就全部係有個「本行」出身，例如你可能做咗十幾廿年airline，做到都咁上下大粒，睇過唔同嘅Division，四十歲先轉行去投行做分析員。聽落幾合理，好過班小朋友紙上談兵。
15. 後來嘅事可能有人聽過，倫敦Big Bang嘛（唔係Big Ben），新自由主義，戴卓爾列根Milton Friedman 一大班市撚，再加埋中國改革開放，全球極速「金融化」，股市極旺，咁就問題嚟啦，邊得嚟咁多人？你做airline嘅唔係個個識做金融嘛，咪唯有搵啲童工幼齒
16. 情況同我當初變咗銀行股分析員都有啲似，嗰時食正 五行三保嚟香港上市，當年又未咁多NDS，大行固然都仲搵到人，但唔大嘅行（請我嗰間）咪求其搵件做過中資銀行識行識走嘅港仔算。
17. 之但係，十年河東十年河西啦，金融化就冇改變到，但分析員呢味嘢都又有啲生態變化—最重要係真係搵到錢，自然就有人請啲「行業專才」，物極必反，而家好多行請親睇醫藥股化工股嘅，全部都PhD。
18. 當然更重要嘅，Tech股當旺嘛。以前搵啲金融出身嘅小朋友學Tech，而家掉轉了：既然我可以教個金融撚睇Tech，為何我唔去教個Tech撚做金融呢？冇錯，又返返去幾廿年前嘅玩法。
19. 邊個將呢樣嘢發揚光大？正係 Cathie Wood．佢就係覺得傳統啲金融撚睇科技股唔掂，佢寧願請啲工程師科學家然後教佢地金融 — 最好玩嘅係，點解佢會咁諗：因為佢自己咪就係呢個系統出身咯。好多人覺得「科技女股神」反建制，實情佢咪就係嗰個制度下走出嚟，Cathie Wood自己咪就係名校讀Econ Finance一級榮譽，然後去大行做分析員出身咯！所以佢咪知道個生態係點！
20. 其實類似嘅玩法仲有惡名昭彰嘅LTCM，當年爆煲都大新聞，可能係第一代嘅黑天鵝，四十歲以上會識，但同後來雷曼比當然爭好遠。無論如何「天才殞落」（When Genius Failed）都係一本好書。LTCM固然係講一班數學家（包括諾貝爾獎得主Myron Scholes，正係Black Scholes嗰條友），點樣戰無不勝直到出事，但主角創辦人係John Meriwether — 佢先係發現華爾街班友不學無術，只係飲酒叫雞睇美式足球，與其教呢班友數學，我不如教班數學家做金融，
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
21. 寫得太長，「都未得閒寫埋我舊老細」，下次再講，咪又係嗰個NVIDIA嘅故事。你老人家冇聽過唔緊要，「但既然你冇聽過就唔好教我睇股票啦」。得罪講句，「你供過股未？」「買過升十倍嘅股票未？」「買過畀人私有化嘅股票未？」「去過股東會未？」。全部都未都冇問題，李嘉誠唔使識落石屎—但你唔好去管人點落嘛。講下點解我忍無可忍走人，半裸辭，多人讚我就寫。
22. BTW，都未得閒寫（有人以為我好得閒的？）。但，Microsoft 就快20000萬億市值了，可能今晚就到。人類史上第二間。當然另一花生係CoinBase上市。提提你，Nasdaq嗰個250蚊嘅「參考價」，近乎係廢，零作用咁滯。因為隻嘢根本冇集資冇招股，一二三就trade—咁股從何來？你話呢？
（＊）慎防有人又唔高興，本人正係讀港大的。
（＊＊）講起呢個Wardley真係講埋，以前有Wardley Street 獲多利街。即係而家銀行街Bank Street。而呢條街你見有人話曾經誤譯做「獲利道」—邊度誤譯？我相當肯定係當年嘅老翻大富翁
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
＝＝＝＝＝＝＝＝＝＝＝＝＝＝
exclusive數學 在 君子馬蘭頭 - Ivan Li 李聲揚 Facebook 的精選貼文
［盈富基金照買中移動］First State：告鳩我丫笨
＝＝＝＝＝＝＝＝＝＝＝＝＝＝＝＝＝＝＝＝＝＝＝
1. 告個急先：本人已被炒，未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。一星期至少出返六篇文，今年頭五日我已出咗十篇。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
2. 夠薑呀下，公然違抗美國政府禁令。值得支持。你有錢嘅可以買返一百幾十手，但係唔會掃高個股價嘅
3. 令人充滿聯想，仲充滿美的。首先，講到明係邊啲「禁令股」，畀埋個美國政府網站你，明剃你眼眉。點丫，告鳩我丫。當然我估咁大間公司，應該摸咗底冇事先會做啦。真係搏拉咩（20:00 update：官方講法話 公司唔當係"美資"喎，亞洲subsid，但實在係搞笑的。根本任佢講，我認為係唔告你咪唔當你美資。如果真係亞洲subsid唔計，咁輪商唔使全部停輪啦，道富自己都唔使縮。第時美資公司開間亞洲subsid咪全部可以照買禁令股？搞笑咩）
4. 正路解釋，當然係State Street去嘈，喂，你呢啲禁令好似害美國公司多啲喎。我冇晒生意喎，你賠？當然只係我演繹，你可以唔信，亦冇重證實或否證。個人意見，絶非Fact
5. 財美姆欽就真係姆欽功了。留意佢講嘅嘢做嘅嘢係十分「正路」的，唔會諗啲古靈精怪嘢。始終紅褲子出身，真係投行賓架，耶魯尖子做過高盛做過對沖基金。佢唔熟金融，唔通你熟？
6. 另外，睇下個生效日。1月14日。聽日就買。等埋總統換屆都等唔切。當然個禁令唔係跟人，唔會一換屆失效，除非拜登收返佢。但，真係一個星期都等唔切呀下。唔怕畀人告？請睇上一段
7. 講到尾，都係生意。隔離台規佬有講7500萬生意啫（朋友嚟的，唔使挑撥），佢就大雞唔食細米，7500萬巧多錢架啦，特別係個孖煎撈cost近乎零。做基金，特別係被動指數ETF，一大特色就係士基拿保，寫字樓又係嗰個電腦又係嗰堆，搞多隻ETF額外成本唔高
8. 呢個亦係過去大半年我狂推Black Rock（BLK）嘅原因，全球最大ETF公司，iShares就係佢，亦都變埋好多上市公司嘅de facto 大股東。留意係貝萊德Black Rock，唔係黑石BlackStone（BX）．兩間都上市，後者私募基金。
9. BTW，Black Rock股價日日新高呀下，大師冇點你。悶悶地就係日日升，「好似隻ASML咁」
10. 又留意，就只係昨日，任志剛就出嚟講嘢。話「如果First State買唔到中移動就唔好做盈富啦」。潛台詞就係可以換人，換歐洲或中資或港資行。而ETF，仲要係普通指數，冇乜咩技術門檻（主要係銀紙，銀紙，同銀紙，請睇上一段）
11. 咁任志剛近年十分親中，會講咁嘅嘢唔奇。但連明顯反中共嘅David Webb都出嚟話應該換走，就十分耐人尋味，你自己估點解了。
12. 咁而家買返，對中移動或盈富基金價格有乜影響？近乎係零影響。
13. 我Patreon文亦都有寫，你唔好當盈富基金好似股票咁，「走資」就會狂跌。會咁諗嘅，得罪講句，基本嘢都未識，訂我Patreon惡補下基本知識啦
14. 又hard sell呀？咁講埋你知，係喎，盈富基金上星期係「走資」，歷嚟最大規模添，報紙有寫（https://bityl.co/5Bcs）。但，呢排日日都3個月新高喎！
15. 歸根究底，就係好多人唔明白 二級市場 同 一級市場嘅分別。你出街沽100手盈富，都不過係另一個人接手，唔會有錢入咗去First State度。只有通過 增發 同 贖回機制先影響。
16. 講埋，之前話盈富買唔到中移動，根撚本短期係零影響—人地一早渣晒啦。但未來兩樣嘢會影響：第一，恒指成份股季檢比重郁。第二，新增單位。
17. 好，最後解埋，點解你不停有人「走資」盈富，都唔會質低個股價。如果一路「走資」（你沽出街唔係走資！只係散戶A去咗散戶B），佢個AUM Asset Under Management 會跌，理論上縮到一個位維唔到皮咪摺埋（實際當然唔似會）
18. 點解你不停沽都唔會質低股價？因為佢唔係股票。讀Stochastic Calculus （講個名即時型啲）時嘅句：where there is an arbitrage price, any other prices are too naïve to quote．你有人質低盈富3%，但恒指升緊1000點，我咪買盈富 然後沽期指／股票 套利咯。
19. 以前返工日日做呢啲嘢（＊）。所以我唔明點解啲人可以聽啲中環工都未返過嘅專家講嘢。真係處女教你江戶四十八手 性愛寶鑑，完全係紙上談兵。
20. 拿，我啲讀者就一早知得比別人多啦。係咪抵訂？千真萬確，當日我打咗盈富基金 19條FAQ。三千幾字。（https://bityl.co/4Y0h）
21. 當然我唔係做ETF，所以總有人畀我知得多。「但人地先唔會咁好耐性教你」。冇話你知我教書出身的？真係注定我食Patreon呢行飯。「金融＋寫作＋教人」。
22. 最後講多句，ETF呢啲真係唔係咩火箭數學，唔係做晶片做疫苗做光刻機。其他公司一樣識做，所以個「護城河」唔係嚟自技術或人才，係嚟自錢。Black Rock呢啲壓到個價咁低，客仔（你同我）當然開心，但遲早畀人話反壟斷。係已經有人講。因為新公司真係好難入場。你咁大規模梗係收 幾滴fee夠交租出糧，我新公司細規模AUM 點出糧？
23. 而家Larry Fink而家在華爾街甚至政壇嘅地位，絶對可以同咩 大行CEO平起平坐。有冇話你知，Black Rock市值仲大過高盛？高盛仲要係創咗新高。
（＊）不過真係好多年前。分析員／財演 就唔係做呢啲嘢的。所以如果人地係處女教你江戶四十八手，我都不過係阿婆教你愛經。「想當年阿婆仲有牙嗰時呢……」
＝＝＝＝＝＝＝＝＝＝＝＝＝＝
你嘅2020年點？我嘅2020年就幾好。Ivan Patreon，港美市場評點，專題號外，每日一圖，好文推介。每星期6篇，月費100唔使，5個月已1200人訂！（https://bityl.co/4Y0h）。月頭訂至抵，年費仲有85折，仲係睇13個月添。
exclusive數學 在 君子馬蘭頭 - Ivan Li 李聲揚 Facebook 的最佳解答
［Do you know Tesla？］真係大師冇點你（https://bityl.co/4Y0h）
固然之前N咁多倍嗰浸冇份，但，你日日咁樣諗，好快人都癲。Missed opportunities 嚴格嚟講唔會令你輸錢（＊），最緊要自己有進步。
上個月中Patreon有寫（https://bityl.co/4t1J）。標普指數宣佈納入Tesla後，第一日好似升得10%咁上下。我心諗，咁少？義無反顧在Patreon推。你睇完我篇文第二日開市再追，應該係480-500咁上下。而家660。升三成幾近四成。一個月喎。咁當然你啲網友個個都一日執幾成啦，但唔緊要，我地自己滿意就得。
呢篇唔係賣廣告。自吹自擂完，咁之後點？記住，Tesla係12月21日入標普指數，你心諗，哦，星期一。但，照計好多人知，異動執位，當然係之前嗰日生效，即係今晚，12月18日星期五。12月21日生效嘛，即係今晚收市前要執晒架啦
仲要今晚係四巫日，（https://bityl.co/4t30）期指、期權、股指、股權同時結算嘅日子，歷史上波幅都係大。大把花生可食。但會唔會千年蟲咁反高潮？點知。股市嘅嘢好難講，人人以為有事就冇事。
講緊，760億美金嘅換馬，史上最大型。因為Tesla太大了，而家係超過6000億美金市值嘅公司。除咗五大big tech FAAMG外，就係阿里巴巴同埋Tesla．
順手講埋，人類史上得四間公司見過10000億美金市值（而家亦保持到）： Apple Amazon Microsoft Google．Facebook雖然係 FAAMG開頭，但只係因為語文上嘅問題，佢市值係最細嘅。之前一路估佢會係第五間10000億市值。亦有人估阿里巴巴騰訊（兩者都係大約7000—8000億，美金啦梗係），但近嚟三隻表現都普通，會唔會Tesla 後來追上？ TAAMG？
另外，亦都留意返，新加入嘅係Tesla，6000億美金市值嘅公司。踢走架呢？一間叫AIV嘅公司。市值得6億。好啦，簡單數學，咁錢從何來？當然係其他標普成份股齊齊減磅。所以其他公司都可能會有啲異動。
本人不負責任地望過下，可以留意下Walmart，百事，P&G，Johnson & Johnson，雅培藥廠ABBOTT，T-Mobile，Nike 之類。似乎會有啲沽壓，可能係機會。點計出嚟？就梗係睇Patreon 先會知。（https://bityl.co/4Y0h）。
照舊，一join睇晒以前嘅文。睇完覺得垃圾咪月尾cut咗佢，一舊水之嘛。
（＊）但通脹會。You can think of 係一個不停扣分嘅遊戲，不進則退。投資有風險，但唔投資風險更大。應該好少人會反對銀紙貶值呢回事，只係因為nominally 貶值你唔覺唔覺每年輸少少咁（＊＊）
（＊＊）早排無聊講起呂米高，搵到呢單舊新聞（https://bityl.co/4t13）。你就知咩叫通脹。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）