📍ᴄᴀᴜsᴇᴡᴀʏ ʙᴀʏ, ʜᴏɴɢ ᴋᴏɴɢ 🇭🇰 話說今年工展會有超多劣食，價錢唔平而且質素好差，款式仲檔檔都差唔多添😑 🍴台式蚵仔麵線（攤位：6C42 嘉嘉餐廳） 評分：8.5/10 小編覺得呢一個係全場最好味嘅熱食，雖然裏面嘅蚵仔嘅份量超少，但估唔到裏面竟然有啲大腸喺度（超少too）。但麵線嘅份量好多，而且好飽肚，味道又唔會偏淡，算係適中啦！ 價格：HKD $40 🍴芋圓豆花（攤位：6C13 元利行） 評分：7/10 首先唔知點解佢哋今年嘅芋圓堅係勁大粒，而且都幾煙韌下。紫薯圓有紫薯味，而且都幾重。芋圓都大有芋頭味而且裏面仲有一粒粒嘅芋頭添。不過黃薯圓就有少少失望，個人覺得好似完全冇味。但係今年個豆腐花就好似好味左，豆味好香而且好滑。 價格：HKD $30 🍴日本白桃雪糕（攤位：3B68-76 Appolo阿波羅） 評分：7.5/10 去工展會唔係唔食阿波羅啊！ 白桃雪糕幾有驚喜，首先雪糕嘅白桃本身都幾重下，而且估唔到裏面竟然仲有一粒粒嘅白桃肉喺度添，再者雪糕嘅冰感唔重係屬於比較滑身嘅雪糕。 鍾意白桃嘅人可以試吓依個。 價格：HKD $40 🍴巧手廣島蠔煎（攤位：6C10 銀龍飲食集團有限公司） 評分：6.5/10 本身以為佢會好似蚵仔煎咁，點知原來出嚟嘅口感更加似煎薄餅。不過佢裏面嗰兩隻廣島蠔又真係幾肥大飽滿下。小編估計薄餅本身應該冇點樣調味，但係佢哋係個煎薄餅表面落咗啲華鹽，所以整體嘅鹹味都係足夠而且有少少偏鹹😂 價格：HKD $35 🍴蟹皇竹笙翅（攤位：6C08 裕加豐有限公司） 評分：2.5/10 本身小編見到有人排隊以為有好野啦，所以又去排埋一份，點知…係伏啊！ 雖然蟹黃醬同素翅嘅份量的確好多，但係佢個竹笙翅底好似有少少煲「窿」左，所以成碗野都帶有少少苦味。個人仲覺得好似有少少酸味添too bad👎雖然佢個竹笙翅底真係好足料，但係經家人嘅苦勸後小編食咗幾啖就掉咗啦🤦🏻‍♀️ 呢個故事教訓小編千祈唔好見到有隊就排😢 價格：HKD $30 🍴爆漿芝士雞扒（攤位：6C16 常健康工房有限公司） 評分：2/10 又一難食之作😩首先塊雞扒嘅雞味真係香到呢，係傳說中嘅原汁原味啊，完全冇調過味，好似白烚咁😑而且炸得一啲都唔好食，一尼超多油二尼個炸面淋哂。另外佢裏面隻芝士小編都懷疑到底係咪芝士，因為實在食唔到有芝士味😂 價格：HKD $35 🍴牛油煎北海道熟帶子（攤位：6C36-37 優質堂國際有限公司） 評分：6.5/10 以前一直以為牛油只係得個名，估唔到今次呢間個帶子又真係有牛油味喎！牛油原來同帶子真係好夾架🤤而且帶子都幾大隻下。雖然平時行開啲美食節都一定會見到呢樣野，不過嗰啲通常都冇牛油味😂 價格：HKD $50 🥄綠寶（攤位：- EDO Pack） 評分：5/10 講真綠寶就唔係特別好飲㗎啦，不過小編好奇想知道點解以前會有咁多人鍾意啫😂 佢嘅味道介乎芬達同橙汁之間，佢又好似冇氣嘅芬達又有少少似甜嘅橙汁。當然對於小編呢啲90後來講就梗係麻麻哋啦！不過佢都屬於係回憶嘅一種，有時都要懷舊下既。 價格：HKD $10 / 2支 —————————— 展覽名稱：第52屆工展會 展覽日期：由即日起至1月18日 環境：4/5 地址：銅鑼灣興發街1號維多利亞公園 交通：港鐵天后站B出口，步行約2分鐘 —————————— #hkfoodie_life_銅鑼灣 附近鐵路沿線仲有咩食👇 #hkfoodie_life_港島綫 同類型食物嘅介紹👇 #hkfoodie_life_雪糕 #hkfoodie_life_台灣菜 ． ． ． ． ． #hkbpe #appolo #icecream #taroballs #edopack #greenspot #工展會 #維園 #阿波羅 #雪糕 #芋圓 #蚵仔麵線 #流心芝士 #廣島蠔 #翅 #綠寶 #薄餅 #白桃 #豆腐花 #豆花 #蠔 #牛油 #北海道帶子 #帶子 #まっちゃ#団子