//儘管人生漫長
但履歷表最好簡短。
簡潔、精要是必需的。
風景由地址取代，
搖擺的記憶屈服於無可動搖的日期。//
寫履歷表 辛波絲卡（節錄）

插畫 柳廣成

－－－－－－－－－－－－－－
私事小分享
－－－－－－－－－－－－－－

又得說回讀大學，臨近畢業那時的心情。
那時看完這首詩，很掙扎
想最多的是「畢了業又如何？」
如果我確實在四年的大學生涯認真學習過
(雖然一大半時間給了跳舞而不是藝術系)
在未來的人生學以致用
畢業與不畢業的分別又在哪裏？
就只是一張證明？
為什麼我要用這張紙證明創作的能力？
我說服不了自己在最後一步拿完證書才走
結果還未確定自己想怎樣時
Defer了一個學期
最終故意不修滿學分
故意不參加最後的考試
故意不交論文
收到大學的電郵也置之不理。

但中文大學的回憶卻是實實在在的，
成長的歷程都是充滿血汗的。
幸運地 棄學後
沒有交過履歷表，只交過作品集。

不要學我，我不覺得Quit U很帥。
「若真的要Quit U，也要為自己的人生負責」
媽媽含淚說。
為了成全媽媽的夢，當時還是借了畢業袍合照。

而為什麼要拿這首詩來說呢？
是因為這算是我第一次被詩詞的力量打動。
我以前不愛看字，也不理解文字世界的趣味
整天沉迷於純圖像的視覺世界。
那時快畢業，很多很多想不透的事
對社會體制的質疑、約定俗成、片面的見工文化的否定。
現在回想起，當然也有部分只是稚氣的叛逆。
畢業展，同學們用這首詩把展覽串連起來。
我對詩詞的閱讀經驗，便從此開始。
因為這首詩
我對一個人如何輕易地被一張約0.1毫米厚的紙總結著這回事，更反感了。
那也是我反叛的原動力，就這樣做了人生較重大的決定。
快到學業完畢的的季節了。
令我想起這段往事。

這經歷也令我對文字的世界開始稍微感興趣起來。
以致某些原因，我也開始嘗試自己也寫寫。
像我這種曾無法體會細微感知的人，
也相信過，文筆的創作是種感情世界的粉飾。
但後來知道人的感知世界真的好大，
圖像的、文字的、動態的、旋律的…
而且我可以很肯定地說
在這世界探索、體驗的一切，都很是實在，微妙。

－－－－－－－－－－－－－－
以下是詩的全部：
－－－－－－－－－－－－－－
寫履歷表 辛波絲卡

需要做些什麼？
填好申請書
再附上一份履歷表。

儘管人生漫長
但履歷表最好簡短。

簡潔、精要是必需的。
風景由地址取代，
搖擺的記憶屈服於無可動搖的日期。

所有的愛情只有婚姻可提，
所有的子女只有出生的可填。

認識你的人比你認識的人重要。
旅行要出了國才算。
會員資格，原因免填。
光榮記錄，不問手段。

填填寫寫，彷彿從未和自己交談過，
永遠和自己只有一臂之隔。

悄悄略去你的狗，貓，鳥，
灰塵滿佈的紀念品，朋友，和夢。

價格，無關乎價值，
頭銜，非內涵。
他的鞋子尺碼，非他所往之地，
用以欺世盜名的身份。

此外，再附張露出單耳的照片。
重要的是外在形貌，不是聽力。
反正，還有什麼好聽的？
碎紙機嘈雜的聲音。

一紙履歷，足以認識一個人嗎？
一紙履歷，能否寫出一生的風景？
一紙履歷，只是生不帶來死不帶去的基本資料而已。

[那些年，我在浸會大學捱到畢業的戇鳩事］
話說母校近期爆咗穫咁撚杰嘅嘢，好多同學都上水出嚟分享返好多當年喺讀書時嘅戇鳩嘢，搞到小弟塵封咗將近八年嘅回憶都一下子返晒嚟，一於同大家分享吓。

第七位：食餿3年
講住啲minor嘢先啦，話說母校當年（而家唔知仲係咪），有3個canteen，新can舊can Hall can三分天下。當中新can就係出晒名嘅餿can，仲記得第一次入去朝聖嘅時候食到gap gap聲，滾水公仔麵＋有殻炒蛋真係永恆經典。Hall can因為冇住過hall ，所以就冇咩點食過（一直覺得喺浸大住hall本身已經係戇鳩），但根據浸大山神嘅分享，Hall can後來變成著名嘅虫Can，搞到班同學仔要食虫抗議。至於舊can，算幫襯得最多，螢光汁撈意粉係一時傑出之選，唯一可以encore嘅，應該就係得燒味飯喇。

係呀，就係因為3can出色水準，我當年已經培養出返學帶飯嘅良好習慣，後來離家出走那兩年，白𤆥意粉我都食得津津有味，浸大3can嘅鍛練都可謂功不可沒。

第六位：「師兄，唔知你有冇興趣幫吓學校嘅發展？」
係呀，當年母校有份part time，就係水一班入世未深嘅freshman，放咗學之後，好似做銀行cold call咁，俾張list你，逐個逐個跟住打，打去搵返啲校友捐錢救助學校。

而最仆街嘅係咩呢？就係為咗令件事包裝得好啲，佢會安排你打返去俾啲同系嘅師兄師姐，叫你打去嘅時候問佢多啲有關career path嘅嘢，同佢哋好似熟落咗之後，就可以借機問「係呢，師兄，其實呢排學校都有新嘅發展，唔知你有冇份參與呢？」

成份工，有part time錢收之餘，仲有人同你做返個career sharing，好荀㗎。

直到有位師姐同我講，「師弟，你知唔知呢行個行頭其實好窄㗎咋，你打咁多呢啲滋擾電話呢，真係會影響你之後條路㗎！」我就如夢初醒，冇再做呢份咁荀嘅工喇！

第五位：屈穎妍與趙心樹
呢兩位人物就梗係經典啦！
屈氏婦人今日已經成為咗建制第一健筆啦，想當年佢喺課堂上面分享佢喺大陸採訪如何不畏強權，為求揭發真相，連坐監都唔驚，講嘅時候臉不紅氣不喘，今日諗返，真係人唔笑，狗都吠！好記得當年仲因為佢，難得地一堂都冇走過，佢後來仲派咗個A俾我添。今日望住呢個A，我真係好似阿Sa張cap圖咁覺得好嘔心呀！

至於趙心樹，大家可能唔記得咗，當年梁振英唐英年爭做特首，作為一個傳理學院嘅院長，佢好叻豬咁偷步公佈民調，幫唐英年造勢，結果搞到自己成為傳媒追訪嘅對像，而當年已經畢咗業入咗行嘅我，就係其中一個追捕佢嘅記者。

而呢位院長，為咗躲避傳媒，連日足不出門，後來更加因為行蹤咁啱被小弟同同事捕捉度，而喺城門河條單車徑拔足狂奔，仲要跑跑吓唔夠氣俾記者，即係我追到，你諗吓，成件事幾撚戇鳩幾撚夢幻呢？

第四位：普通話
想當年，普通話都係畢業條件，但係我哋比較幸福嘅，就係可以去讀個non credit嘅course搞掂佢。所以當年最緊要嘅係咩呢？唔係去揀自己鍾意嘅科去讀，而係點撚樣都要去reg咗呢個non credit嘅普通話先，reg到咪一天光晒囉，三年都reg唔到，一係就燃燒3個credit同GPA去讀呢科明益某類同學嘅科目（就好似啲人去英美留學讀中文屈GPA咁），一係就defer重頭嚟過。那怕你GPA爆4 ，唔讀普通話就冇得你畢業。

第三位：全人教育
為咗培育全地球最全面嘅人才，浸會大學，會要你讀好撚多莫名奇妙嘅嘢，例如會有科叫大學中文嘅嘢，教你何謂主謂賓；有科叫大學英文嘅嘢，教你去做practical skill；每個人都一定要去讀3個credit宗教哲學，所以我就無啦啦走撚咗去禪修；明明你係文科底，要去讀一科完全唔知噏乜鳩嘅science；要強制上兩個體育course我都當對身體有益，但係要聽夠8個唔知請啲乜人返嚟講，又卡撚住你時間表害你reg唔到科嘅講座（ccl)先可以畢業，就真係火都嚟。

基本上頭兩年，有大半嘅credit都唔係讀緊本科或你自己想讀嘅嘢，你以為大個仔讀大學終於可以自由啲？其實你仲慘撚過讀中學！為咗去聽個講座，拖又唔敢拍，part time又唔敢返，上莊都要成班約埋一齊入去聽talk時開會。

第二位：若IT亦是成人班必修一課
除咗要讀好多9唔搭8嘅科目外，所有浸大人，都要去修讀一科叫IT嘅課程，先可以畢到業。

呢個IT課程，教會你嘅，就係點樣去用一個呢個世代已經冇咩人再會用，叫Netscape Navigator嘅瀏覽器去上網認識世界；同埋點樣喺用完Microsoft Office完三寶之後，將你要嘅嘢駁去電腦室，再將佢打印出嚟，將虛礙嘅文字變成實物，好撚神奇㗎！

上完之後，我絕對相信班上會培育出一個Steve Job又或者Mark Zuckerberg，未來可以改變人類科技生態，一定得㗎哈姆太郎，你話係唔係呀？

第一位：健腦操
講真，呢單嘢唔係一位怨念甚深嘅同學提起，我一早就唔記得。就好似低俗喜劇入面嘅杜汶澤屌完騾仔，會blackout一樣，健腦操呢單嘢，就係足以令你連記都唔想記起絲毫嘅終極柒事。

所謂嘅健腦操，根據嗰位同學嘅憶述，就係：「做一啲好似跳結他他老伯舞步咁撚柒嘅動作，聲稱可以健腦，但毫無科學根據，同食撚左瀨尿牛丸考試一百分一樣咁撚周星馳。」

係呀，一班成功跨過咗A Level咁撚慘痛嘅考試、被普遍認為係社會未來棟樑嘅大學生，第一日返到大學，就係要集體做埋啲咁撚屌嘅嘢。跟曹永廉又跳又唱三字經，你都仲可以認識吓中國博大精深嘅文化，健腦操，真係衰撚過西洋菜街啲大媽舞，絕對係由外到內再到返外咁撼動你弱小嘅心靈。

浸大山神好好彩，未見識過，我哋當年如果偷走唔做，係會畢‧唔‧撚‧到‧業！！！

香港偉大詞人黃霑先生講過，「鳩勃起而硬；柒勃起而軟。應起而不起為笨柒；不應起而又起係戇鳩。」有得揀都仲入浸大嘅，就係笨柒（想當年我同班有個同學A Level 3條A，好多都坐底有支火箭），入咗浸大而捱到畢業嘅，就係戇鳩。

想當年，我哋就係咁戇鳩鳩捱到去畢業。到今日，終於有班後生仔好似國王的新衣入面個醒目𡃁仔咁，發現到成件事本身有幾戇鳩，肯出嚟對抗荒謬，去做我哋當年應該要做但又冇諗過要做嘅嘢，所以，我真係諗唔到有咩唔撐嘅理由囉。

IG: runawaywhen25
http://instagram.com/runawaywhen25