［大快活盈警，其實就冇乜嘢講］真係喎，冇乜嘢講，就唔好夾硬搵啲嘢講

首先，只係講會「顯著下滑」，但有幾顯著？完全冇講，range 都有一個，0-100%，咁至少仲係賺錢嘅。斷估，可能三四成？五六成？唔知。唔會一兩成話顯著掛。

另外，睇原因。唔係topline 嘅問題喎，唔係冇生意，係開支嘅問題（當然，生意升幅追唔上開支又係問題，但明我講乜啦）。

提到兩個原因。冇話一定要最重要最大影響嘅放頭，但一般都會係。第一個原因係，乜乜會計準則同乜乜財務報告準則。會計嘢，鍾意慢慢問會計師。但相當肯定係non cash item（咁，會影響交稅嘅）。有關Lease，但實際上你都係比咁多，只係點分段入帳，早期多啲定後期多啲之類。寫到明啦，或者相安無事，又或者朝三暮四（識唱一齊唱），早入遲入，蝕頭賺尾定掉轉嘅分別，最後都係一樣。當然公司永遠希望收入早早入帳開支就遲遲入，路易十幾話齋，我釘咗蓋後話知你攬炒。Buy low, Sell High, Pay late, Collect Early, Avoid Tax　（http://bit.ly/2GJ5Ykp）

第二原因，毛利率跌，咁當然唔好。但因為乜？因為租金升同人工升。又真係隻字冇提示威，或者生意少咗—應該都有影響，但都未完全反映晒，未咁快。租金云云，照計，點都見頂啦？商場舖好可能發展商要減租畀你，或者畀免租期添。人工就，照計唔會減，減都係減冷氣房軍師。出面啲阿姐長期都唔夠人，以我理解唔少都唔止拎最低工資。

況且，講到尾，盈利下跌，早有迹象啦，歷史由自己開始咩。留意大家樂3月結（最憎，因為又要解一輪），嚟緊出去3-9月嘅半年業績。但之前嘅半年，純利係8000萬，再之前半年，1億。再之前半年9900萬（咪即係1億），再之前半年，1億2 – 明顯見到半年半年咁一路有跌冇升咁滯。而收入呢，其實半年半年咁，次次都有慢慢升。加價嘛，同埋可能都關開新店事，我未睇SSSG/Comp store sales/同店銷售，唔知係乜嘅睇舊文（http://bit.ly/2p7j5GC）。

但講到尾，估值先係一切。咁咩估值？其實6月到而家，先三個月多啲，股價已跌三份一，30蚊跌20蚊。而家市值27億，睇派息就冇意思，「下年派到先講」。夾硬要估，當你嚟緊個業績純利跌一半，即係4000萬。全年8000萬（都話夾硬估，唔好煩），況且在家，冇彭博機，有都….未必有分析員估)。三十幾倍PE，好似都…..唔平？

關鍵都係睇下，有幾多係啲會計安排（一次過），有幾多係租（應該唔會再升），幾多係人工（照計會再升），而個銷售又升到幾多。

即係，都係冇乜講過。

最後都留意返，雖則係半年業績（今年4-9月）出盈警，但其實公司只係基於5個月（4-8月）嘅數。而幾明顯啲政治影響，9月10月先最勁。

#賽咪每日一詞 #飯店專有名詞
FOC：Free Of Charge，免費房。記得前幾天有個縮寫叫做COMP嗎？這兩個都是房間不用付錢，但是意義不同。COMP叫做「招待」，也就是公司為了某些特定理由，例如婚宴、常客、公司員工福利....理由，作東「招待」你一間房間住；而FOC比較長出現在飯店給旅行團的「免費房」。在台灣飯店業和旅行同業都有個默契，承包多少間房間以上的房間量，就可以給予多少間的FOC，雖然實質上也是不用付錢，但是這其實是給旅行同業的「回饋」，這種的「免費房」其實有那麼點「佣金」的意思......（就是因為牽涉到佣金，所以賽咪選擇略過FOC的固定間數量喔～這是秘密）

#賽咪每日一詞 #飯店專有名詞
COMP：Complimentary的縮寫，意思是招待。COMP的用法通常是招待住宿而言，如果是其他餐飲上面的招待，我們會用別的字。這個當然會放在後面再說囉！