【理財個案--30歲對人生的迷茫】

你好龔成。最近做左個人生重大決定，開始令我想認真計劃以後的人生， 但有點無從入手的感覺。

先簡介一下自己 ，今年30歲，top-up degree 畢業， 在銀行做RM, 月薪$39,000。
希望在35－40歲左右轉去輕鬆少少的工作

之前買了荃灣一個單位作為投資用途， 樓價420萬，月租11,000。

加按了家人的物業，借出了450萬， 利息2.375% (其實借多左的錢＋我的60萬現金會放番在mortgage link account ， 純賺cash rebate)

預計按揭每月供款17,500
每月基本開支15,000
每月月供股票10,000

現在考慮要唔要讀一個Part time Master in economics，大概20萬。

原因是自己只是一個top-up degree, 總覺得差少少(算是有點自卑吧)，亦怕我將來想轉半政府機構時，top up degree 唔夠做入場券或對升職時有影響。

但如果現在讀master， 就會動用了放在mortgage link 的錢，覺得有點不妥。

有考慮去考CFA, 但CFA 始終不能代替master, 似乎對我的top up degree 幫助不大.

其實我的上司大部分的人都覺得讀Master 或CFA 係無用，儲的錢用來買樓或投資更好。但我只是考慮到我唔會想跑數跑一世，到我想轉輕鬆少少的職位時，學歷就會有影響。

另外，我銀行多借出來的錢，用來投資好，還是只放在mortgage link 戶口好? 如果要投資 就即係要找到一投資產品的回報高於2.375%，但似乎有難度。。

謝謝龔成花時間解答我

個案重點：

‧ 30歲，月入39000
‧ 持有一投資物業
‧ 60萬現金放於mortgage link戶口

重點目標：

‧ 35-40歲轉工
‧ 應否動用高息戶口20萬讀part times Master
‧ 60萬現金放于高息戶口還是投資

龔成老師分析：

你要分析，自己長遠想點？

你一定要從長期面，即是5年、10年後去分析，你期望當時正做甚麼工作？有怎樣的人工？過怎樣的生活？當你有左這些大前題後。

下一步，就是想想，現時支付$20萬，加上時間去讀書，是否能向著這目標出發？還是唔讀書的機會較大？

就一般的情況，除非讀完書，你可以有「好大機會」令人工及職位上的提升，否則，唔讀好過，因為我一向對學術知識都有保留，我比較喜歡學實用知識，我會學理財、投資、成功、激勵等的課程，但就無興趣去「讀上去」。

所以，你應該從長期視點去出發，然後分析讀學位對你長遠目標的影響有多大。

至於你現時投放在mortgage link的資金，其實可以將部分，投資在股票，只要穩健及屬於有收息的類別就得，例如香港電訊（6823）、置富（0778）、金沙（1928）、陽光（0435）、高息基金（3110）等。

當然，如果你無資金問題，同時可承受風險，就可以進取少少，以你年齡，投資平穩增長股+潛力股是可以的，如果不懂選股，就投資指數基金，如果是潛力型如安碩恒生科技（3067）就只能小注，同時買入時要慢慢分注。

一個人的自信，並不是靠表面的因素，你最重要找到你自己的方向、發展、強項，每個人都是獨特的，加油！

龔成老師簡介

‧ 暢銷書《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《80後千萬富翁》、《5年買樓4部曲》、《財務自由行》作者
‧ 《經濟一週》理財真人Show節目擔任致富教練
‧ 曾接受多個傳媒訪問
‧ 過往於銀行從事投資相關工作多年
‧ 曾在萬多元月薪狀態下，憑股票累積數百萬財富
‧ 於網上分享投資心得，瀏覽量過百萬，為人氣博客，解答網友理財問題逾20,000條
‧ 《經濟一週》、《華富財經》專欄作家
‧ 證券業持牌人士
‧ 股票課程導師，學生人數逾4,000人
‧ 過往10年投資成績，過半能獲利超過1倍以上
Facebook專頁「龔成」粉絲人數超過200,000人

若然你有問題想向龔成老師發問，可在龔成的fb專頁中（www.facebook.com/80shing）inbox龔成。

【龔成問答信箱】（Q21481-Q21500）

Q21481：

你好! 老師。我今年28歲，疫情問題，搞到我現收入對比之前少左差唔多4-5成人工，現時收入得17000。

而我對於金融知識可以話係0，之前一直都無去接觸投資或者相關知識！

近一兩年我更加體會到合適投資理財既重要性，最近機緣巧合之下我接觸你個page ，所以我忍唔到想問一些有關好新手既問題。

我想問︰

1. 投資是否要有一定既本金，才可以開始。我有朋友一直都叫我合理投資，佢話就算你得幾千蚊都可以！唔一定要幾萬/幾十萬。

而我就覺得本金覺得要有返一定既數目，例如兩三萬不等。

2. 另一個問題係，我身邊有部分朋友佢地投資股票，大部分都係短線投資（我唔知佢地對該股票本身公司既了解程度深淺）

係宜類事上樣，佢地算係投資定算係投機!?

3. 最後我想問一下，28歲先開始慢慢學（本身興趣不大）會唔會係好遲

可能真係問左幾個好愚蠢既問題，但我覺得如果開始要學，更加應該要解決我眼前既疑惑先。

龔成老師︰

「發問」，係學習必經階段，唔好覺得愚蠢，而停步。因為，無人一出世就乜都識，好多野，都係後期努力學習得來。

所以，你想做投資，就要努力去吸收知識。睇財經新聞、睇企業年報、投資書籍、上相關課程，都會對你有幫助。

1) 我地開始投資，唔一定要有一筆較大的起動資金。只要你每月有一定儲蓄能力，就可以利用這筆閒錢，以月供股票形式，去進行投資增值。

以你28歲，可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

由於你投資知識不高，因此可較集中在平穩增長類股，至於潛力股，只宜小小注。此期間，你最好是努力提高投資知識，才慢慢增加翻潛力股比例。

餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

2) 我地買入一隻股票，就等同買入一間企業，一定要知道佢質素、行業前景、財務狀況等，才去考慮否投資。

當我地確認係值優質股後，我地會用平貴定入貨策略，並長線持有。而唔係做短炒，去賺差價。

因為短線股價會受市場氣氛、資金流向等，與企業質素不相關的事情影響。這些因素，我地係不能估計。

但長線，企業價值會係股票上展現出來。因此，優質股你買入後，長線持有，讓其自然增值，永遠都係最有效的財富增值方法。

而你朋友，不論佢地對企業了解多寡，短線操作，必然受很多不能預計的因素影響。因此一定賭博成份，故算係投機。

3) 你28歲，唔算遲，依然有好充裕時間做財富增值。你除了盡力儲蓄、投資、學投資知識外。也要把握你年青優勢，盡力儲錢，做好財富增值部份。

------------------------------------------------

Q21482：

老師，今日隻ASM 近期上升，雖然得一手，我在50值博倍升股中挑選的，1177都有三手，好有滿足感!

但係佢地升咁多，我点加碼再入再長線持有呢？好矛盾
二月開始學習股票，終於睇到威力，都滿足又請教!

等番跌落合理價，又可能冇我入咁低，個值博率咪又低左囉？

龔成老師：

太好了！

ASM PACIFIC（0522）有質素的，這瘓《50股》其中一隻，優質度4分，可見值得長線持有。至於中生（1177），同樣可以長線。

如果你本身有貨，就唔好太急去買入，ASM PACIFIC約在合理區頂，中生就略貴，你都一以耐心少少，等佢地回翻D先加注。

有時就算未到你之前的買入價，只要合理，而你又資金足，買入後仍有現金剩，都可以考慮的。

------------------------------------------------

Q21483：

拜讀完財務自由行後, 有些關於物業投資的問題,想請教下, 先講下本人的資料先:

-女性, 單身, 40歲
-無買過物業, 現住我媽名下之自置公屋, 已供完, 未補地價, 無住屋問題
-現在財務狀況:
*人工$29000, 收入穩定
*基金USD30000 , 月供HKD2000 *股票$450000, 分佈如下:

2 - 15%,
3 - 6.5%,
11 - 14%,
66 - 10%,
590 - 5%,

737 - 0.3%,
823 - 3%, 939 - 4%, 1177 - 6%, 1398 - 1.4%, 1448 - 1.9%,

2382 - 1.6%,
2638 - 0.9%,
2800 - 23%, 2823 - 0.5%, 2828 - 4.9%,
3067 - 1.5%, 9988 - 1.4%

並現在月供
66 - $1000,
823 - $1500,
2382 - $1000,
2800 - $1500, 9988 - $1000

*現金$200000,
*公積金$1600000,
想問:

1. 睇完財務自由行時才發現物業都好重要, 但以我的年齡才買樓會否太遲? 我驚銀行不會做太長年期按揭?

2. 如買樓可以, 要如何儲首期? 因買後打算放租, 要預較多首期, 再要儲幾年錢, 驚按揭難做

3. 還是不買樓了, 買股票儲資產算了
買樓這問題, 我想了幾個星期, 問不同人有不同意見, 都不知怎決定好, 所以都好想聽聽龔老師意見, 謝謝你的回覆!

其實我驚年紀大，現在才供樓負擔太重，另外股票打算長線投資，但如因買樓要賣出，又唔知好唔好

龔成老師：

你現時的股票組合，基本上都無問題，大多是優質股，同時算是一個平衡狀態，而部分持有較多比例的，就不要再加注，你預一隻股票去到15%是上限。

1）在我地財富配置中，應該長遠建立「股樓平衡」的組合，不過，你現時無住屋方面的逼切需要，因此，你在這方面變成了不是「必然」。

但長遠，建立股樓平衡都是方向，但要留意，雖然這是方向，但我地買樓有一個好重要的原則，就是「供得起」，要確保在這方面無問題。

如果太勉強，就未必是好事。

以你的情況，暫時不用急於買樓，因為當你買樓後，財富會太偏重在物業，同時你在供款方面，都會有一定的數目用於供樓。

因為你這刻的財富與收入，並不算好高，因此在置業後，會用了一定的資金同時供樓可能會有吃力，就算收租現時亦未能對消供款，每月都要有支出。

2）儲首期以儲蓄及投資股票滾存，然後到接近買樓時，就要賣出股票去套取現金準備買樓。

3）你可以視買樓為一個方向，但不用一定要完成，同時不用好急去進行。可以等你財富有更大累積後，例如定一個3年的儲蓄投資計劃（試試在3年內，盡全力去儲蓄、投資），睇下到時的財富與收入情況，再作決定。

------------------------------------------------

Q21484：

老師 想請教一下 組合入面想減少一啲質素無咁好既股票套現 可唔可以俾啲意見減邊隻好

405 66 788 1558 823 2342 8083 2806 1980 336 2208 6618 6993 1810

大部份都蝕緊 未返到家鄉 除左823 66 1980 1810 8083有賺

龔成老師：

上述持股的隻數，的確有少少多，管理會較難（但又不是好多）。

而我地決定一隻股票去或留，不是睇賺蝕，最重要睇質素。而我見組合內的股票，其實又不是差，因此問題的確大。

京信通信（2342）、中國有贊（8083）、天鴿互動（1980）、華寶國際（0336），並不是無質素，只是風險較高，又或業務較為波動，可考慮減持部分。

至於其他，無問題，可以長線。

------------------------------------------------

Q21485：

522 ASM 之前公怖第一季純利急升，對估值有沒有提升，現在加注是否合適？謝謝

至於700，1177，9988，等等我直等老師說到合理位置才入，所以700，9988，未有加注，1177就越等越貴，不知如何是好。謝謝你

龔成老師：

ASM PACIFIC（0522）有質素。

佢係半導體和發光二極管行業的集成和封裝設備供應商，為跨國芯片製造商，為獨立集成電路（ＩＣ）裝配工廠和消費電子產品製造提供半導管裝配設備及材料。

過往的生意與盈利都有增長，不過盈利有點波動，這都會令股價略有波動。

佢業績正面的，會對估值有少少提升，但我在分析時，會以更長期的角度分析，不能只睇短期業績。因此，雖然現時睇佢業績正面，但都不能太過調高企業價值。

而佢長遠有一定的發展，可長線投資。現價合理區頂位，如分注小注或月供，仍可以。

如果本身不太多貨，都可加小小，加如果已有一定的貨就唔好加。

至於另外三隻，你可以月供的，如資金不多，就停一停，不要急於買入。

------------------------------------------------

Q21486：

你好，我想問下，如果月供股票會否產生很多碎股日後出售比較困難？

龔成老師：

的確會有碎股，但其實不用太擔心。

第一，碎股都可以賣到的，一些大型股，只要價位低少少就賣到。

第二，當你好長期去供的時候，碎股佔比其實好少。

第三，有些銀行提供「你在該銀行月供股票，該銀行比你用正股價賣出」，佢地會提供這服務。

------------------------------------------------

Q21487：

龔成老師你好，我最近開始由讀醫書，放假開始研究投資。想透過投資，為屋企人帶來更穩定嘅退休生活。

但我係投資新手，想問應該如何入手，因為平時鑽研醫書用上好多時間。

我是一位醫學院畢業生，投入職場數年，最近因為打算為屋企人帶來更穩定嘅退休生活，並有出國進修嘅目標，

開始在工餘時間，由鑽研醫書，抽撥時間開始研究投資，因而關注了你的專頁。

我是投資新手，所以把握時間，清楚自己嘅投資能力同方向

龔成老師︰

你讀醫，相信會投資一定的時間去得到專業資格，而這個事業的回報，比一般的其他職業為高，因此，你要好好發展這事業。

因為這個事業可以為你帶來理想的初期本金，之後再配合投資，可以為你帶來長遠理想的財富。

怍為一個位投資新手，你建議你先要做三樣野。

第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

你可以先睇我本《股票勝經》，適合初階投資者的。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個包含55間優質企業的組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。

上述只同你簡單供盈富，當你過幾個月，有知識及少少經驗後，就可以利用你手上的資金，其中一部分，去投資股票。

------------------------------------------------

Q21488：

唉！成哥！好惨！朋友介紹我買輪。買左華虹12479..0.26買，就死得。係米冇可能升返0.26

其實我第一次睇你fd，我已經覺得你好好，好細心幫d網民分析。如果之前我大胆d問下你的介绍同分析，我一定吾係咁結果

龔成老師︰

我20年前，都是短炒者，技術分析者，用左幾年，輸足幾年，之後長線投資，就開始不斷賺錢。

其實我當時，用左幾年時間去學分析技術，我當時不斷睇書、上堂學短炒，但最後都是輸，可能是我能力不足吧。

但我之後做銀行同證券行，見大部分輸錢的客，都是偏向短炒的。

當然，你問我有無人贏錢，是有的。但就我觀察，長線投資贏錢的人，比短炒的較多。

另外，如果你分析全球真正賺錢的投資者、經金經理，佢地都無人短炒，都是長線投資的，巴菲特都是反對短炒的，佢都唔用技術分析。

因此，我相信長線投資，是真正助我地贏錢的方法。

所以，我不停會叫讀者，唔好短炒，唔好用衍生工具，就係這個原因，這都是經驗之談。

以你現時情況，建議唔好再用衍生工具。因為短期股價，主要係受市場氣氛、資金流向等，與企業本質不相關的因素所影響，好難估。

但長線，只要係優質股，企業價值一定會係股價上慢慢反映出來。因此，若你睇好個別企業，你係應該買正股，而唔係短炒工具，並長線持有。

華虹半導體（1347）有質素，發展不差。

佢主要從事半導體產品的生產及貿易，開發及提供晶圓工藝技術組合，包括嵌入式非易失性存儲器及功率器件，以及ＲＦＣＭＯＳ（射頻互補式金屬氧化物半導體）、模擬及混合訊號、ＣＭＯＳ圖像傳感器、電源管理及ＭＥＭＳ（微機電系統）等多種其他技術。

佢客戶主要為集成器件製造商與系統及無廠半導體公司。中國因為想發展這方面的技術，政策在長遠會對這公司有利，增長正面。

但你現時投資12479這些衍生工具，投資策略與正股好唔同，這些衍生工具當你見到唔對路，就要立刻賣出，無得守，因為佢時間值會不斷減少，你持有愈耐，就愈貶值，你只能等多短時間，現時距離到期有2、3個月，你最好在1個月內，無論升跌多少，都要賣出，否則之後時間值跌得好快。

------------------------------------------------

Q21489：

龔成老師， 同朋友一齊做生意，但係佢叫左自己屋企人黎反工，我就開始有種唔知點既感覺，又唔知點叫佢做野，我應該點處理。

龔成老師：

第一，你要同佢溝通，做生意要多溝通，要大家知道各自的想法，比佢知你想點，同時你都要了解佢想點，要找一個大家都平衡到的方法。

第二，要定規則，要盡早定立營運模式，要向企業化去行不能一個人話事。

當企業化，就大家要守規則，事情就會較易處理。

------------------------------------------------

Q21490：

老師你好，考慮左好耐，始終都係心思思想向你請教一下。

因此近年係FB睇到老師分享資料好有用，而且你強調買股票應該採用價值投資法，而唔好只係為短炒波覆，呢一點真係好警醒我。

回顧過去買賣股票，因為只顧短線波覆，其實鑊利唔多，可以只係打和。

所以而家開始，我都希望自己可以跟從老師既方法去投資，請老師指教一下。

我今年32歲，月入3萬。存款100萬，月息可收約2％，股票約30萬（2388,2628,9988,3069）

以前買股票，短炒為主，波覆收入會儲一半，花一半。未來1-2年希望買樓，請問老師覺得我應該從現金再投資幾多去股票市場會比較好？

同埋想問一下3888,909呢類是否可以低吸儲貨？
謝謝

龔成老師︰

記住，我地投資股票，係希望長線持有一些優質企業，透過佢自然增長，達至財富增值目的。

而唔係做短炒，去賺差價，這個方法係好錯。

32歲計，你應先做好增值部份。但由於你1-2年內要置業，資金係有一個明確的使用目的。

而且時間太短，如果用來投資較有潛力股票，會有一定波動性，影響最終回報。

以你情況，資金最多可以投資一半在收息股，另一半則以現金或定期持有。再保守D，你可以只持有現金或定期都可以。

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

現有持股，華夏恒生生科(3069)和阿里巴巴(9988)波動性會較大。中國人壽(2628)質素只是中等。

如果置業時都需要贖回現有持股，我建議你減持部份﹐將佢換成收息股，定期或現金持有，會較好。

到你買樓後，新資金才投入較有增長力股票，幫你作財富增值。

金山軟件（3888）主要從事遊戲研發及提供網絡遊戲、手機遊戲及休閒遊戲服務；提供雲存儲及雲計算服務；設計、研發及銷售推廣辦公軟件產品及服務。

業務有質素，長遠發展力不差，不過擔心股價較為大上大落，現價合理區頂位，這股前景正面的。

明源雲（0909）有潛力。

佢主要係中國房地產開發商及房地產鏈參與者，提供企業級ERP解決方案及SaaS產品。

睇翻佢之前的資料，佢係中國房地產開發商的第一大軟件解決方案供應商，市佔率有約2成。係呢個市場裡面，按收入計，亦為ERP解決方案及SaaS產品的最大提供商。

其實，佢的角色可以話中國房地產行業的數字化轉型，為房地產開發商及其他參與者，開發了一套行業垂直的ERP解決方案及SaaS產品，以助其管理廣泛的業務運營。

包括銷售及營銷、採購、成本管理、項目管理、預算以及房地產資產管理，佢的SaaS產品包括雲客、雲鏈、雲採購及雲空間。

業務雖然有增長力，但股價都唔平，如果初步分析，處貴水平，值博率未算強，始終市場現時對這類股有好大期望。

但由於3888和909都係波動性高架股票，暫時不適宜你用來投資，等你置業完成才再考慮。

------------------------------------------------

Q21491：

龔成老師你好，本人36歲，單身，正職加freelance收入大約每月兩萬元。最近一年才認真開始儲錢。

現在儲了10萬元港幣，另有多年前買入的5萬元人民幣。有意分注買入股票作長線投資。很想請教您的意見！

現在我可以keep住每月儲一萬元。我打算平均一個月用大約＄5000 分注買入股票。餘下的$5000儲起，等在大市回落時用來買平貨。

我初步的想法是：

1. 每月買一手安碩恆生科技（03067）
2. 大約每隔兩三個月買一手雅生活（03319）或者中國生物製藥（01177），你建議買哪一隻較佳？

請問我這樣方案可行嗎？定係有其他更加好的組合更適合我？

另外你會否建議初學投資的人先集中只買港股？其實我亦有意投資美股ETF，原因是我見它長缐的回報不錯，有不同成份股亦可分散風險。

只是現在我資金不多所以暫時不打算買。

我有信心半年後我的freelance收入會有所增加，到時可有多些資金投資，打算之後每月keep住用分注買入VOO，長期月供。這樣可以嗎？

感謝龔sir寶貴時間回答。

龔成老師︰

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。

你現時36歲，應以增長力為主。現時你先用$5000分注，另外$5000儲起等大跌市機會，這策略係可以。

安碩恆生科技（3067）、雅生活（3319）和中國生物製藥（1177）都係有質素，和較有潛力股票。3319和1177相比，潛力度1177會高少少。

而現有人民幣，如果無特別用途，可以換回港幣，連同10萬元作投資之用。

但我地投資增值，唔係只係講求增長力和優質程度。同時間，我地都要考慮成個資產配置。唔可以太集中係個別資產、行業或者股票。

你所提到的股票，都係潛力股類別。佢雖然有增長潛力，同時風險都較高，不宜持有過多。

你每月分注，暫時集中係潛力股係可以，但現有資金，必需較集中在平穏增長股部份，去平衡個風險。

長線計，你要留意平穏增長股和潛力股比重，以你年紀，最多只可以50:50。而你只係初學者，要再打折扣，大約佔3成好了。

另外，50:50這個比重不是永遠。到你年紀日長，你要慢慢下調潛力股佔比，去平衡個風險。

平穏增長股：金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)

至於初學者，無話一定要港股先，定美股先。個重點係你較了解邊個市場，和當中股票。

美股都有質素，若你對美股有一定認識，將來都可以將VOO加入月供組合之中。

------------------------------------------------

Q21492：

老師，20歲 Year2，我好希望大學畢業之前儲到半個百萬即係500,000！

龔成老師：

這是一個高目標，不過，不是不可能。

最基本你要你要做好理財，盡力儲蓄，之後就要睇下你點樣滾大財富。

主要方法有兩個，第一，投資，較集中投資增長力較高的股票，當然會有風險，但同時要求你有一定的投資實力，但只要付出，我相信$50萬目標不是不可能的。

第二，做生意，你現時大學生，應該能找到時間做生意，同時可以找一一個年輕人的市場，這是你的優勢，只要做得好，你可以有理想回報。

加油！我等你完成目標的好消息！

------------------------------------------------

Q21493：

似乎Alibaba 近况普通，想把它換了腾訊

1357聽講它買了很多Bitcoin, 我又無膽買Bitcoin, 所以考慮它，你覺得如何？

龔成老師：

我地分析企業時，最重要是睇翻企業的長遠發展，唔好單比這一刻的情況影響，要睇長遠。

阿里（9988）有質素，有增長力，之前貴，現價去翻合理區。其實仍不差的，佢同騰訊（0700）的質素，接近。

阿里係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

對於這類優質、有發展，但現價未算特別平的股票，小注分注投資，或月供，是較好的方法，算是平衡了風險與增長的考慮。這股可以長線投資的。預佢現價約合理區中上部。

至於美圖公司（1357），佢的確有投資比特幣，你當間接投資，都可以的，但你預佢上落較大。這股業務都算正面，佢過左最差時期，現時正向好。

佢主要從事提供在線廣告及其他互聯網增值服務；以及開發、製造及銷售智能硬件產品。

見佢財務數據改善，這企業仍有發展力，有長線投資價值。不過業務變化始終大，不建議大注投資。

------------------------------------------------

Q21494：

你好，老師，有些問題想請教你：

本人30歲已婚，家庭月入約18萬，平均儲蓄每月13萬，現持有一幢樓齡約34年的物業，市值800萬，現欠按揭350萬。

目標想購置一個三房港島單位作永久居住使用, 現有物業則用作放租用途。

本人和太太現金約有420萬，由於理想單位大約需要1800-2000萬，首期不足，故此有兩個方案,還望老師指教：

1）儲蓄多3-4年和平穩投資，儲夠首期以買到心儀3房單位

2）投資一個兩房新樓，如康城/啟德/黃竹坑等，待物業升值後再發售並換上心儀單位

請問上述方案更好？定還是有其他可能？
謝謝

龔成老師：

其實兩個方案都可以，但從這刻的投資項目值博率考歲，方案（1）較好。

當我地考慮你長遠的置業計劃時，會考慮怎樣最有效達到，怎樣將現時的財富，最有機會及最快，能完成你的目標。現時股市的平貴度，相比起香港樓市為平，因此在增長力方面會較好。

再加上股票的流動性較強，以及買賣的成本比你物業買賣成本為低，因此，（1）對你來說是較好的。

另外，當你進行（1）的方法，其實不一定硬性規定要3-4年，如果你持有股票升值較快，同時樓市出現下跌，這已經可以買。

相反，如果資金未足，就可以遲少少先買，可彈性處理。

------------------------------------------------

Q21495：

呀Sir~我想加番多d潛力股落個組合到（暫時我只有盈富同六福）

想問問中生製藥1177，是否$8以下都可以入？
另外，福壽園1448係咪around $7.5以下都可以入呢？
我想暫時各入1-2手

另外，小米都想買一手，依家可否都入一手呢？

龔成老師：

這3隻都可以，你可以在適當位置加入。

褔壽園（1448）$7以下合理區頂，如果$7以上你小小注好了。

中生（1177）$8以下合理區頂。

小米（1810）$24以下合理區頂，如果在這價以上，你小小注，或月供好了。你可以買入一手，等跌再加。

另外，你可考慮安碩恒生科技（3067）。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買可次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

------------------------------------------------

Q21496：

阿Sir 之前睇咗你嗰條片關於25歲再讀四年full time course, 好有少少問題想請教你。

我18年大學畢業主修英語研究。 畢咗業兩年半我都係做luxury零售業,因為我知道未來嘅路我唔係想做零售 我三月中辭咗職。

我計劃左打算今年8月考試CFA所以而家嘅時間溫習多。 而家暫時都係冇做嘢，有時會做兼職， 之前儲嘅錢都有做少少投資。

對於呢個轉變呢一刻我有少少迷惘 但係因為我選擇咗咁樣去做，所以都要硬着頭皮繼續去。

所以你對於例如考 CFA 或者FRM認為係點？

我之後都想會喺金融或者銀行個方面發展

我以前中學係讀商科 同埋都有考LCCI。因為而家疫症嘅關係我短期內都應該唔會搵到工 屋企人都為我有啲擔心。

龔成老師︰

我地考慮重點，應集中係你長線發展。

首先，你要了解CFA和FRM對你將來工作，會唔會有實際幫助。

如果有，你就努力去做。心態上，只要唔好為左有張沙紙，人有我有而去做。而係從實際作用出發，去考慮這件事。

另外，現時除左讀書和兼職外。你都可以睇下，有無一些工作，係可以吸收相關經驗。

可以幫助你將來，進入你心儀的工作，都值得去試一試。

短期可能因為讀書、學習，令收入偏少(當然，收入減少不致嚴重影響家人。)。但長遠係有利的話，你就應向這方向進行。

------------------------------------------------

Q21497：

你好龔成先生， 我想請問點樣可以增重增肌，同時又可以兼顧儲錢呢方面。

因為健身需要大量食物補充，是否只能降低少許儲蓄平衡。

龔成老師︰

如果增重增肌是你工作所需，而又對你工作有利。你係可以調整一下儲蓄部份。

但若果係個人興趣，你就要找出儲蓄增值和生活興趣中，取得一個平衡點。

若你放棄今天興趣的消費，去加大儲蓄，自然財富增值會較快。當財富累積較多，將來你就有更多資金實現你夢想和興趣。

當然，這個平衡點無一個絕對答案，你可以自己衡量。

------------------------------------------------

Q21498：

龔sir, 我持有以下股票，有乜評價，應否繼續持有？

3968
2319
3993
2628
5

941
861
1515
338
6869

588
1666
3613
3382
1
1113

龔成老師︰

首先，你持有組合好雜亂，而且太多隻。長線計，你要集中翻係8-10隻左右，會較易管理。

你組合配置上，算係一個偏保守的平穏增長型組合。若你係較中年，這個組合係可以。

整體而言，你持股質素都無大問題，但要留意翻以下幾隻。

洛陽鉬業（3993）、天津港發展(3382)質素上唔算最高，加上波動大，不宜大注。

中國人壽(2628)、質素只係中等，同樣不宜持有過多。

北京北辰實業股份（0588），本質不算差，但賺錢能力又不算好高，同埋企業規模較細，都是較負面的因素。如果你持有的股票不算多，可以繼續持有。

若持有較多，建議沽出部份，平衡個風險。

同仁堂科技（1666）有質素的，不過增長力比過往略減。唔值得投資太大注，小注等佢回勇係可以。

------------------------------------------------

Q21499：

龔sir想請教下你。

本人25歲，每月可儲蓄14000，其中月供股票8000，餘下6000等大跌市先用。

現有7萬現金，40萬股票組合如下︰

0257 光大環境 12.5%
1177 中國生物製藥 12.5%
1833 平安好醫生 5%

2800 盈富基金 20%
3067 安碩恒生科技 25%
3091 A日興電遊 25%

月供股票都係用這比例供，想問5年後累積200萬資產可能性大唔大。

同埋問如果資助配置係，每年做一次rebalancing 好定係用升一倍放一半好d？

謝謝

龔成老師︰

你現時持股都有質素，月供資金分配都可以，都係適合你年紀。

安碩恒生科技（3067）及A日興電遊（3091）有少少都是同類，因為有不少都是科技類別，因此，你持有的比例其實已開始多，你要留意翻（這刻問題未算大，加上你年輕，可承受風險），只是長遠要留意比例不能過多。

但留意光大環境（0257）業務本質不差的，不過負債不斷增加，令風險度提高左。

其實有長期投資價值計，只是太宜大注。現貨可持有，但唔好再加注。

我假設投資回報有10%（連股息再投資），你每月投資$14000 + 47萬(現金和持股)，5年後大約會增值至170萬。

故你要再加大少少投入，每月大約去到月供$16000-17000，才有較大機會達至你的財務目標。

至於幾時重整組合比重，其實你1年左右做一次就可以。當你發現個別行業，或者潛力股比重開始過高，你就要作出調整。

調整唔一定係沽出現有股票，可以透過新資金的配置，去令組合平衡翻。同時睇下有無持股質素轉差，就要沽出部份，甚至全部持貨。

至於"升一倍、沽一半"這策略，但比人些不懂定平貴，或者好保守架投資者。讓他們先收回成本，所以唔係一定要做。

因為只要持股係優質，長線持有永遠都係最好。

------------------------------------------------

Q21500：

龔成老師你好 我想請問係没有會計基礎下 有無書藉可以推薦 讓我可以睇明白年報？ 還是必須要去上會計課程？

我是澳門人 一直沒機會上你的課程 過去一年睇左各種各樣嘅書藉 但一睇公司年報就頭痛 基礎知識太差 希望老師可以指點一下

（其待有日你可以到澳門開班）

龔成老師：

你可以睇《年報勝經》，這是是寫比一些無乜會計知識，而又想學睇年報分析的人，相信是適合你的。

你睇完這書後，再試下睇企業年報，自行分析。

如果日後有需要，就再講會計課程。

另外，如果你想學股票基本知識，可以睇《股票勝經》。

其實我之前都有開過澳門班的，不過現時疫情，所以暫時停左，之後會再開翻的。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

林一鳴搞Start-up
一個月火速被收購

資深投資專家林一鳴博士去年6月搞Start-up，創立「博士在線」網上學習平台，推出僅1個月被上市公司看好，收購6成股權，重新打造CourseZ網上學習平台，最近更請來林作和裕美代言新廣告，引起一時熱話。

眾所周知，林博士愛投資！不少人對於林博士突然創業十分好奇。林博士回應，他一直有投資一些初創公司，當他思考到有什麼方法可以令到投資初創企業時可以做得更好、更多，他就決定親身實踐創立Start-up，如他日再投資初創公司，就了解如何判斷一間初創企業。

創業由編程、拍片一腳踢

談及創業經過，林博士憶述，大約於一年前2020年4月，疫情開始蔓延，他就突然萌生創立「博士在線」網上學習平台，提供線上影片課程，方便留在家中的學童。

林博士笑言，他對上一次接觸IT，已是十多歲時曾獲得青年科學家獎，接下來的30年也沒有接觸IT，所以起初建立「博士在線」時，他用了3個月惡補知識，邊學邊做，由編寫程式到在家中設置綠幕拍片、配音和剪接，整個過程一腳踢，他認為由零開始砌出一個平台十分好玩。「博士在線」最初主要提供林博士自己拍攝的影片，包括教樓市投資及HKSI證券資格課程，消息傳出後，各方好友應聲支援，加入導師行列拍攝各類型的投資課程。於去年6月「博士在線」正式推出，推出僅1個月，於7月「博士在線」就被精英匯集團控股有限公司（旗下品牌：「遵理」1775） 看好並收購6成股權，在10月正式將「博士在線」重新以CourseZ新平台上架，而CourseZ平台仍然屬於博士在線有限公司。

CourseZ當中的Z意指新世代，與傳統上堂模式不同之處，就是不再是實體「擔櫈仔」 上堂，以新形式、新世代的方式線上學習，讓大家在任何時候、任何地方，都可以享受網上學習的樂趣。

另類投資 增加導師被動收入

網上學習平台創造雙贏局面，林博士續稱，CourseZ是公開的平台，以擔當一個中介角色，一方面會接觸很多不同的學生，係學員提供他們所需的學習課程，另一方面CourseZ可以利用人際網絡聯絡到很多知名的導師，導師們會事先拍攝課程影片，再上傳到CourseZ系統當中，變相將導師和學員兩邊連結在一起，學員只要付出一點費用，就可在平台上觀看課程，而對導師而言，每當學員點擊觀看課程便會增加導師的被動收入。

CourseZ雲集多位星級導師，林博士逐一介紹，包括「時昌迷你倉」創辦人時景恆，他於2001年在香港推出迷你倉概念，至今已有近二十年經營迷你倉的經驗，他於CourseZ課程教授如何做二房東的秘技。另外，請來盛滙商舖基金創辦人李根興博士，教授他最擅長的炒舖及經營中小企的技巧。在中文教學方面，請來臉書粉絲達60萬的香港知名作家藍橘子，他的多本暢銷小說一向受人青睞，而藍橘子則教授中文寫作技巧。對於學校的課程，找來「尖子樂園」的補習社，推出了一系列小五和小六的呈分試課程。另外，CourseZ亦提供100多個中學文憑試課程，當中以任教化學的Winter Sir頗為出名，他將中學文憑試化學科的課程濃縮成只有幾十個小時，影片很受歡迎，而且每個星期銷量較好。直至現在為止，CourseZ已累積150多個課程，課程的種類繁多，由投資到興趣班，也有為專業考試而設的課程，如Hong Kong SI證券資格考試、保險資格等，另外除了中、小學生的課程，甚至也有提供幼童英語併音課程。

由香港起步 拓展至大灣區龐大市場

對於CourseZ的未來發展，林博士認為第一步是希望在今年年底前累積300個或以上的課程，先讓平台發展到一定規模，第二步目標在1年後開始A輪融資，但現在還言之尚早，希望大約以1年時間，當平台有發展至一定規模，就可以吸納第一批A輪投資者集資，論及集資的範圍、金額，林博士指暫時未定，甚至現在有些投資者和朋友開始與他傾談當中。

談及CourseZ更遠大的目標，林博士認為國內各方面都做得很好，例如支持寶、微信支付、外賣美團，但說到國內的網上教育，暫時都未看到有特別出眾，回想美團點評突然於國內跑出，他希望是CourseZ也可藉著機會，於國內成為網上教育的美團版。當然第一步先做好香港市場，第二步如通關後，則可接通大灣區龐大的市場，正如大灣區內以廣東話為母語，也佔數千萬計的人口，而很多課程如考取香港證券資格試、保險牌、地產牌，甚至會計、CFA等，對於很多大灣區的人來說是十分吸引，所以希望設計香港考核的專業課程，提供予大灣區一帶的人報讀。未來通關後，CourseZ亦在內地開設辦公室，設立系統平台推廣在香港比較有優勢的課程，再推廣到中國其他省市。目前為止，林博士希望CourseZ可以做到香港和大灣區最愛歡迎的網上教育平台。

*新股‧倍升‧課程

講者: 楊德華Edward Yeung(CFA)特許金融分析師
日期： 3/5、10/5
時間：20:00-22:30
上課地點: 中環祖庇利街1號喜訊大廈4樓402室

*收費: 原價4888-、特惠價3388-、會員價2888-(會員二人同行特別優惠價$5000-)

*報名辦法: whatsapp 60569992
Email: skyfinance@sharenewsmedia.com

背景簡介：今年首季上市公司近40家，多隻新股如禪遊科技2660、優品360(2360)、冠轈控股1872、嘉藝控股1025首日掛牌表現遠超招股價，及後部份累計升幅更有兩倍以上﹗預期今年仲有百多隻新股排隊上市，識得分析同捕捉呢啲明日之星，年終想賺10萬8萬亦絕非難事。

有見及此，新股狙擊手楊德華Edward同我哋天宏財經台再度合作，推出「新股‧倍升‧課程」。課程中Edward會將捕捉倍升新股既秘技傾囊相授，以數據同案例做分析，教大家將投資技巧應用喺實戰當中。

抽一手新股閒閒地都要三、四千蚊，依家用相若既價錢，就可以學到Edward獨門既新股投資秘技，報名名額只剩十個，仲唔把握最後機會報名！

PROFILE:
楊德華 Edward，特許財務分析師(CFA)，主打新股研究及發掘倍升股。於「炒股幫」、「天宏財經」、「王道財經」、「資本雜誌」等不同財經雜誌及頻道分享投資策略。

適合對象: 投資初學者
提升買升值新股命中率
提升分析倍升股能力

課程內容:
1. 上市過程每個角色的重要性
2. 認識發行方式及回撥機制
3. 配發公告結果詳盡分析解讀
4. 上市首日盤路分析

睇開楊德華Edward分析既朋友你哋好﹗作為特許金融分析師CFA既Edward將會現身我哋3月9號舉辦既「豬年投資十全武功精讀班」課程，佢到時教啲咩？大家可以先睇片????

講到明係十全武功，除咗Edward，
我哋一連兩星期3月2日同3月9日既課程
仲包括其餘9名金股匯投資達人擔任導師
傳授大家投資心法。

為了回饋大家，我們提供新年行運價$688(原價$1688,已包兩堂費用)，精明既你又點會錯過﹗﹗??

而家就用手機，Whatsapp到54224747登記
入帳到中國銀行: 012-676-0-009618-3(帳戶名稱: Share News Media Ltd)
將入數紙同名同手機號碼whatsapp比我哋就搞掂
名額有限，從速報名﹗﹗???

72法則是一個可以讓我們快速計算
多久我們的投資資金會翻倍，
多少回酬我們的投資資金可以在5年內翻倍
72法則的算法是有加上了複利的效果，所以非常的好用
那大家有沒有想過，72法則為什麼是72？
而不是73,74,75。 。 。
在這個影片我會跟大家用科學的角度來分析
為什麼72法則是72？
.
獲取我的獨家理財貼士
http://bit.ly/get-spark-financial-tips
.
【免費】股票投資工作坊 - 從0開始學股票
http://bit.ly/join-free-webinar-now
.
🔥點擊連結瞭解更多詳情或購買🔥
https://valueinmind.co/zh/sparks/
.
【🔎更多相关影片】
✔️怎样达到财务自由？
http://bit.ly/2DDfzZA

✔️还债 vs 投资 怎样选？
http://bit.ly/2RlTWQV

✔️怎样开始投资你的1000块？
http://bit.ly/2FRJtM0

【🙋‍♂关注我们，以获取更多理财知识💰】
Spark的FB▸ https://www.fb.com/sparkliang/
Spark的YouTube▸ http://bit.ly/sparkliang-youtube
理财交流站▸ http://bit.ly/finspark-group
美股交易交流区▸ http://bit.ly/finspark-foreign-stocks

#投资教学 #72法則 #投資賺錢