#窮撚麻甩佬 | #mll灣仔 #mll快餐

今次食既係新開既Five guys 中文名叫五兄弟...
間野真係好多人食
我地係星期六夜晚八點開始排
排左一個鐘先食得
到九點九就黎閂門果陣仲有人龍
.
一入到去就緊係試左佢啲花生🥜先啦
味道非常之好 又脆又香又大粒
果然係主打用花生油煮食既鋪頭
花生都好有水準

Five guys/ Cajun 辣香料風味細薯條🍟 $35
Five guys風味係鹽味
而cajun辣香料風味食落唔太辣 有啲似唔甜但又小小辣既bbq shake shake粉（以前無食過cajun辣香料🤣）
薯條好好食 又熱又脆 而且份量好多
本身打開個紙袋見到得一杯仔咁少既薯條 （見圖2）
點知拎開埋啲包先知原來個底仲有咁鳩多....（見圖3）
估唔到細薯條都咁多 食完好飽
好似食左兩包幾m記大薯條咁
如果一人一個細薯可能會太多 有啲濟
果到有茄汁同醋提供（要自己去倒啲醬）
我自己就比較鐘意點茄汁多過醋
佢既茄汁係較甜既一種 比m記甜少少
當然依兩款薯條其實唔洗任何野都好正

單層煙肉芝士漢堡🍔 $75
有唔同醬料同配料揀
亦可以直接揀all the way
牛肉唔算好厚
煙肉亦煎得好脆口 口感幾好
而芝士就比較淡味 唔算重芝士味
其實我同港女都覺得都算好食
但又食未去到勁好食既程度
.
而環境方面真係幾污穢
成個地下都係花生衣同碎 張枱亦長期無人抹
一黎唔夠人手 二黎剝花生真係好易會彈到周圍都係
總括黎講 Five guys食物質素頗高
但價錢偏貴 漢堡亦有好多低價位但味道更好既店鋪

店舖：Five Guys
地址： 灣仔莊士敦道60號地鋪
營業時間： 11:00-22:00