#聖誕節特輯 今個聖誕冇得出街食飯，最啱就係一家人或者從你嘅最愛煮返餐聖誕大餐，我自己聖誕最鍾意就係食 #lasagna ，今次會用植物肉取代傳統牛肉，食大餐嘅同時亦都為地球出一分力！希望有時間嘅你都可以試吓啦！ . 材料非常簡單！ . 一盒 Impossible™ Beef （下格解凍） 四個 蕃茄 （口味提升） 半個 洋蔥切碎 海量 mozarrella cheese 碎 茄醬同調味料自行加減，最緊要 #千層麵 . 1. 平時牛肉我就要調味嘅，今次我成盒Impossible™ Beef車落去我就無再特登調味。（記得預先解凍啊） . 2. 燒熱隻鑊落少少油先兜洋蔥🧅直到佢變透明，之後將肉加落去兜呀兜，兜呀兜避免佢結塊直到接近完全變色。 . 3. 跟手落蕃茄又係炒兩炒，之後就因應自己份量加茄汁，調味，兜到變成糊狀就可以準備切千層麵囉！ . 4. 熄火試味之後預熱焗爐180度，拎個盤出嚟先鋪一層薄薄地嘅肉醬，再平鋪完全千層麵（唔好煮佢呀），之後再鋪肉醬🤤，再鋪麵皮，通常我會鋪兩層皮，再將剩低嘅肉醬鋪曬喺面。 . 5. 呢個步驟要好小心，你要將成包芝士唔小心倒瀉喺面🤤🤤🤤🤤，然後封錫紙喺室溫放5分鐘等啲肉汁慢慢滲入去麵皮入邊。 . 6. 之後可以放入焗爐焗20至30分鐘因應你現場焗爐環境，最後拎開錫紙再焗8至10分鐘等啲芝士燶燶哋。 . 7. 拎出黎之後打卡，就可以同你最愛或者屋企人或者朋友一齊食喇！ . 試食後嘅朋友都覺得口感其實同傳統牛肉係一模一樣，而且煮起上嚟佢亦都有顏色上嘅改變，我自己就覺得可以慢慢去接受呢樣食物😚。希望下次再同大家分享多啲美食😂。 . . . @Impossible_Foods #ImpossibleFoods #cookimpossible