［人走茶涼］頭七都未到呢。不過，上市公司嘛，有責任通知股東。

TLDR：不如順手睇埋金朝陽，200億book，24億市值。大股東都80歲，得個女（好似冇仔？唔肯定）。當然蝕錢，但舊年蝕2億嘢，濕碎，債亦唔多。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

1. 邊個鄧生？你話呢？固然今次份通告冇寫，但今次係跟進上次嗰份嘛，上次有講明係鄧成波先生，唔通鄧兆尊先生咩

2. 咁一般嚟講，contrary to common belief，並唔存在咩「父債子還」，唔同嘅個體嘛大佬，你幫佢擔保又另一回事。況且，呢啲全部都係公司交易啦，法人嚟的，個唯一股東香埋（幫你查埋啦，BVI，鄧成波一個獨資），當然件事就唔成立了（不過，遺產點計，就問律師，又睇埋有限公司定無限公司了）

3. 況且，都不一定係「父債」，可能係「父幹」，有著數呢？不過當然乜都由頭傾過啦，睇《無間道2》都知，倪坤香咗，人地就同倪永孝（吳鎮宇）講「坤哥走咗，我咩嘢都唔想傾喎」

4. 留意寫明係「股份互換」，換乜？幫你睇埋。

5. 金朝陽就畀1.4億，買鄧成波下面間公司，有股東貸款（我望過唔多，幾廿萬啦），外加葵涌南華冷房工業大廈（地庫，LG同埋三樓平台部份啦，唔係成楝，你就想）。鄧成波就7000萬買金朝陽間下面公司，一樣有股東貸款（都係幾廿萬），九龍城衙前塱道大華樓的10伙住宅單位。

6. 邊個so呢？問下地產經紀先知，或者你可以去計下數。但，常識估計（當然常識可以錯），鄧生等錢使，全世界都知，照計唔會傾到點好嘅terms．

7. 當然，金朝陽都唔好景（銅鑼灣收租點會好景？），舊年都蝕錢，近2億。但200億book，真係濕濕碎。負債當然有，但幾億net debt，相對於200億book，濕碎。

8. BTW，非投資建議。但間嘢……200億book（已FC），2020年咁先蝕2億，今年照計唔會多過舊年？然後你望下市值，24億。「似乎好抵買」。「不過好多地產公司係咁」「華置啦」「趙世曾啦」「信和啦」。但，會唔會諗私有化？

9. 傅金珠都80歲咁滯（雖然個女都有份玩），拎多幾億嘢出嚟，收返晒間公司，唔撚使再寫埋啲白鳩痴ESG報告（＊）。

（＊）竊以為ESG報告先最撚浪費紙張同地球資源

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝