⠀⠀⠀⠀⠀⠀⠀⠀⠀ 小島學堂教授雲集，出名有「四大火爐」，令人聞風喪膽。雖然有啲已經走左，但有位內科嘅自然殺手NK教授依然萬年長青，春風化雨。而家就帶大家睇下佢上堂嘅情況。 ⠀⠀⠀⠀⠀⠀⠀⠀⠀ ====== ⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀ 要確診一隻疾病其實好難。抽血要搵啱指標、抽組織可以唔中，所以有時就要用到「診斷標準 (Diagnostic Criteria)」。以紅斑狼瘡為例，最新嘅 2012 年準則就有 17 項，剔夠 4 樣就可以落簿話病人有紅斑狼瘡。 咁話說有同學就以一隻叫馬凡氏症候群 (Marfan Syndrome) 嘅遺傳病作討論。 ⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀ 「呢位病人係因為氣胸入院...」 「有咩嘢會導致病人易有氣胸？」 「又高又瘦嘅後生男士...」 「你係醫學生黎架，用返專業名詞得唔得呀？」 「...」 「即係咩病呀？！」 「...」 「MARFANOID*！」 「...」 「數下啲特徵黎聽。」 「Marfan Syndrome 嘅 Diagnostic Criteria 包括...」 「我問緊 Marfanoid 呀！唔好同我講 Criteria！話比我聽，病人睇落係咪！」 「...」 ⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀ NK 教授驚堂木一拍，開始咆哮。 ⠀⠀⠀⠀⠀⠀⠀⠀⠀ 「我問你見到乜嘢你會唸 Marfanoid 呀！門口有人行過，我問你佢係咪劉德華，答案得係同唔係架啫！你會唔會同我講『劉德華有廿個特徵，包括乜乜乜』咁呀？唔會架嘛！洗唔洗抽血驗 DNA 呀？湯告魯斯同劉德華棟左係到，我問你係咪同一個人，唔係盲嘅就識答唔係架啦！你係咪要數齊二百個特徵先答得我呀？」 ⠀⠀⠀⠀⠀⠀⠀⠀⠀ 「呢啲叫 Common Sense！死啦，讀六年醫學院，比人教走哂嘅 Common Sense 啦！越讀越蠢......下個！」 ⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀ 雖然比人鬧，但 NK 教授其實講得好啱。 ⠀⠀⠀⠀⠀⠀⠀⠀⠀ 做醫生，讀嘅係人命。我地六年醫學課程，確保我地講嘅每一隻字都要有根有據。唔齊診斷準則，我地唔敢斷症落藥；血壓就快超出標準，我地唔敢講「高血壓」，只講「唔太理想」；無度高磅重BMI，我地甚至唔可以講「肥左，要減磅噃」。 公式化嘅後果就係「去人法」，將 Common Sense 拋諸腦後，只記各種指引，所以全部醫管局指引疊埋應該可以夠登陸太陽，但行醫又豈何毫無準則？ 如何取得指引同 Common Sense 中間嘅平衡，應該會係畢業之後嘅一大課題。 ⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀ *Marfanoid 即係 Marfan Syndrome 嘅外貌特點，所以兩個詞有唔同意義。病者睇落會係 Marfanoid，但睇落 Marfanoid 嘅未必有 Marfan Syndrome。 ⠀⠀⠀⠀⠀⠀⠀⠀⠀ #DrWhoHK

#夢幻時裝天橋背後的魔術師︰ 但說到Michael Howells最精彩的作品，還數John Galliano的Dior show，天馬行空的夢幻天橋，除了是金錢支撐，更是他對藝術的才華和對人性的深厚認識。Tim Blanks悼念他時寫，Howells為Dior 做1998年的春夏 couture，呈現 Marchesa Casati 舞會那場show是一輩子最愛的show之一。上天有時十分公平，給予 Howells頗溢的天材，也讓他患有遺傳性Marfan syndrome，身高超出常人但伴有心血管系统異常…… #mingsfashion #dior #johngalliano #MichaelHowells #RIP