. 🍋☕️🍋 #韓国おすすめスポット #韓国カフェ #カフェ巡り #韓国旅行 #韓国グルメ #韓国 #韓国情報 #韓国旅行記 #カフェ好きな人と繋がりたい #カフェ巡り好きな人と繋がりたい #カフェスタグラム #cafestagram #cafe #korea #commode #instagood #instapic

話說今日瘋狂同個有認知障礙嘅婆婆搏鬥，放工前一刻佢終於靜咗落來，等我可以安心返屋企。 話說呢個婆婆係琴日新收嘅，佢雖然已經93歲，但都好可愛好精靈。佢今次入院係因為老人院發現佢琴日行路行得唔穩，會中向右邊，右邊身唔係好郁到咁（佢平時自己行得走得）。因為佢有認知障礙，驚佢亂嗰時會爬床/掹野有危險，所以就要着安全背心同綁手。 話說琴日物理治療師同佢行完路，就剩係綁返安全背心冇綁返手，所以婆婆就有得自由fing隻手。姑娘見佢都乖乖地，就冇刻意綁返手，俾佢自己fing，自己食飯。望住佢咁乖自己食飯個樣真係好治癒！於是琴日我就開心地交俾下一更同學放工。 點知今日下晝返到去，見到婆婆又要綁返手，原來佢今朝掹尿喉🥺佢成個下晝就喺度問人有冇較剪，話隻手郁唔到，又話我地做乜咁樣對佢blah blah blah⋯琴日佢一入院都係綁住手，但嗰陣佢個人calm啲，就算唔郁得手佢都好平靜，冇大吵大鬧；但今日由掹尿喉開始，都見佢亂亂地，會話呢度係佢屋企。望住佢咁可憐冇得郁，我都好想幫佢，不過現實就係冇辦法。 但我想講，今日返p嘅格主（我嗰格病房嘅team nurse）真係好好，佢應該係我見過其中一個最善良、最有熱誠嘅護士。婆婆嘈咗好耐要郁，呢個姑娘就推咗張大班椅，話俾佢坐下凳。坐咗上凳之後，呢個姑娘就鬆咗佢嘅手帶，再俾咗張填色紙俾婆婆油顏色。「拿，俾妳做功課呀，呢度有紅色、綠色、藍色，妳乖乖地油顏色呀～」呢個姑娘真係勁有耐性，完全唔係忟陣嘅語氣。重點係其實medical ward咁忙，啲姑娘其實真係可以由佢喺度嗌救命嗌到攰；但呢個姑娘特登抽時間去試下令婆婆舒服少少、冇咁悶，我真係覺得佢超好。 就係咁，婆婆一時之間就完全專注喺填色裡面，仲問我：「條魚紅色好唔好呀？」「好呀，係咪紅衫魚呀。」佢好安靜地逐塊魚鱗咁上色，仲要油得好好，冇出界。有另一張要油三眼仔，婆婆又問：「呢個咩來架？係咪魚來架？要油咩色架？」我唯有答佢「係外星人來架，妳鍾意油咩色都得～」望住佢可以平靜落來，我就覺得好幸福，快快手畫低咗呢一幕。 不過快樂嘅時光總係過得特別快，婆婆油咗成粒鐘之後，因為想屙poo就開始唔耐煩。佢話佢要大小便，要人鬆開張枱（lock實咗），俾佢行去廁所。其實婆婆有尿喉，唔會瀨濕，但佢緊係唔明咩係尿喉啦，剩係好堅持要行去廁所，又話「大小便漏晒出來點得」。 講真，我剩係想像自己有意識地larm住塊尿片，要屙落塊片，啲屎要痴住我patpat，都已經覺得好難頂，望住婆婆咁堅持咁激動要去廁所，堅持到連飯都唔肯食就係要屙咗先，我都完全明白佢嗰種唔舒服嘅感覺😭呢個時候，個好好人嘅姑娘就話推張commode來床邊俾佢坐住屙（即係好似俾bb坐低屙poopoo嗰啲凳）。嗰下又再次對個姑娘心心眼咗，因為其實佢大可以就咁搬佢返上床，等佢屙喺片晏啲再換片；但呢個姑娘揀咗要用多少少時間同人力嘅方法，就係為咗令婆婆可以去大便去得舒服少少。 不過可惜，婆婆好堅持要行去洗手間，話喺床邊屙好醜怪，又臭死人。我諗返自己屙poo，都係99%要喺屋企廁所屙，喺出面好唔自然，又會覺得臭埋俾人聞到好尷。有時媽要喺我屙poo嗰陣入來洗面呀刷牙嗰啲，我都會堅持等我屙完先俾佢用🥺我諗當一個人連大小便咁基本嘅需要都失去獨立自主嘅能力同私人空間，一定係好影響佢嘅尊嚴，就算讀nursing成日強調要盡量維護返病人嘅私隱，等佢地有返啲尊嚴同私人空間，但真係實行嘅時候，有時因為環境限制，有時因為人手短缺，咩都要快快快，其實真正做到嘅同理想中嘅都有好大段距離。 最後婆婆好堅決，好人姑娘都冇辦法，只好夾硬搬佢上返床再一齊幫佢換咗塊屎片，等佢舒服啲先。不過換片嘅過程，婆婆不停掙扎，又要禁住佢又要抹patpat又要攝塊片換床單⋯真係好似打完交咁攰。重點係放完晚飯返去，個醫生話要幫佢探肛，但佢喺我食飯嗰陣又屙咗一堆，要抹乾淨先探得。於是又要再同佢打住交咁換片，我個同學仲俾婆婆掹到bra帶都就快爛🤣可以想像真係好似搏鬥咁樣。 其實每次望住呢啲婆婆，心情都有啲傷感，不過開心嘅係臨放工可以有個happy ending。話說我放2100，最後嗰3個字我做晒啲野就喺度扮工等收工，點知婆婆瞓醒，又意識到佢隻手郁唔到，佢又開始爭扎，仲成功掙脫咗一隻手嘅手帶。我即刻行過去，又唔想好強硬地綁返佢隻手，就一邊輕輕力地壓住佢隻手再靜靜雞咁綁，一邊撩佢傾計分散佢注意力。點知傾得幾成功，佢同我講以前鄉下嘅生活，又話我知佢有幾多個仔幾多個孫，佢仲話佢有兩三個名，好搞笑。我問佢我係邊個，佢話：「女人囉！」傾到大家都笑。佢又問我「妳喺度做開唔開心呀？」我好真誠咁同佢講：「見到妳笑我咪開心囉！」雖然好似多咗，但嗰下見到佢爭扎咗大半日，終於有返笑容，個人平靜咗，我真係好滾動。之後我話我就快走，我擰一擰頭睇鐘嘅時候，佢望到我個髻，就話：「妳個髻仔紥得好靚！」我讚佢對眼仲咁叻，臨走嗰陣我同佢講：「如果我話妳知我叫咩名，妳估妳聽朝仲記唔記得？」佢好肯定咁話：「唔記得架。」我笑咗，就話：「咁妳記住我個髻仔啦！」點知佢笑住咁話：「好呀，記住妳係髻婆！」我笑住咁扮嬲：「做咩嗌到我咁老！髻妹都好吖！好啦好啦，記住我呢個髻婆啦！」佢又一齊笑到卡卡聲。 打咗咁長其實冇咩重點，希望我都可以好似嗰個好好人嘅姑娘咁，以後就算返工幾忙，都努力愛人。

【馬丁史柯西斯的起點】 Look, man, a undercover cop's gotta be Marlon Brando, all right? 聽著，臥底就像馬龍白蘭度，好嗎？ To do this job, you gotta be a great actor. 想做好這工作，要成為一個好演員。 You gotta be naturalistic. You gotta be naturalistic as hell. 你要很自然。自然的不得了。 🎨 Reservoir Dogs (1992) 霸道橫行 類型：犯罪、劇情、驚悚 第一部片就展現了馬丁風格的說故事能力，微血腥。 🌶️ Anakin #ajxcinesteampunk #reservoirdogs #1992 #whats #the #commode #story #its #a #scene #man #memorize #it #annaanakin #霸道橫行