【#唔閃但歡迎轉載🥰 Ocam組爸媽寶典——中大美食回憶】​ ​ 多謝武漢肺炎，搞到本身諗住返去食一次出post嘅計劃，變成回憶錄，都未畢業就要懷緬過去....​ ​ 以下感想係個人真實經歷，但係好不幸我係無食均哂成間canteen菜式，所以有可能有偏頗。​太長po唔曬，詳見comment ​ 1／CC CAN 眾志堂 ​ ​ 想當年OCamp，有好幾餐都係食呢度，你哋依家唔洗食未熟嘅白汁雞真係好幸福🙂CC CAN以難食聞名，但因為地理位置，所以永遠都係咁撚多人食。試過佢嘅雙餸飯，唔知點解啲款式係同伍宜孫一樣（有傳係同一供應商，但宜孫個廚係好啲）。可以睇翻highlight，曾經食過未蒸熟嘅肉餅、鮮橙色嘅叉燒、螢光汁意粉.... ​ ​ 近排聽人講係未圓湖附近出沒嘅鴨鴨，係喺眾志堂個廚房逃走出嚟的（未FC​ ​ 2／再行入啲係龐can (龐萬倫餐廳)​ ​ 呢兩年新開嘅Paper and Coffee，簡直係顛覆學生飯堂嘅定義，團隊比一般飯堂更有心去經營，做好marketing、裝修、仲有請CU同學仔幫手兼職（以前成日同朋友講，失業要去做UCCAN阿姐，係龐can真係不是夢)。食物質素拍得住出面嘅小店，可以睇翻以前啲post ( #girlsfoodies中大 )，用錢買quality我覺得好值。不過平時實在太多人了​ ​ 3／蘭苑 ​ ​ 蘭苑下午茶西多士係名物，好撚肥不過大學生就係有做肥仔嘅本錢。聽講晚市幾好食，但窮撚從來都無試過入房食。​ ​ 4／崇基酒樓​ ​ 呢間營運商係城名集團，search返佢哋city ac2啲嘢，你會好想瘋狂飲茶G Chi。話說止於偽善書院，成日會有啲活動，會請學生係酒樓食飯，所以都有幸食過咁神秘嘅餐廳。整體係好好食，拍得上出面大排檔／酒樓質素，希望佢哋捱得住啦。​ ​ 5／珍can & 6 / 清真餐廳​ ​ 珍can轉咗手之後極難食，不述。清真餐廳係連鎖，比起出面平，有機會係三兄弟上堂，或者做psycho experiment賺外快可以試試。​ ​ 7／善CAN ​ ​ 美心不了。但以前都會專登去食口水雞/ 燒味飯／買個麵包做早餐，依家寧願食空氣光合作用​ ​ 8／MED CAN​ ​ 想當年好認真咁讀medcan攻略，但amy姐同雙餸哥哥係好好人的！曾經大戰cusis媽媽失敗，reg咗 8半 ugeb，每次都會去買個超厚奶醬多上堂❤️ 中午時分唔少得雙餸飯，次次係MMW上堂就會好想食，但諗起好撚多人就會放棄變食NA。最開心係11點幾去唔洗排隊，然後買外賣行去三兄弟上UGFH😆多謝當時嘅professor容忍我咁做LOL​ ​ 9/ LSK CAFE ​ ​ 我無食過，但每次搭𨋢經過都覺得好香LOL​ ​ 10/ COFFEE CON ​ ​ 范克廉有4間canteen（連教職員餐廳係5間），呢間最受歡迎，早餐抵食、中午越南嘢唔錯、漢堡包薯條、超值下午茶都係名物。不過運動初期有傳係藍喔​ ​ 11／大膳堂​ ​ 呢間係我啱啱入讀個時已經唔多好食，轉咗做大家樂係更加難食（藍店不了)。去食多數係因為地方夠大，方便組聚。​ ​ 12／素CAN​ ​ 雖然有人好憎呢間嘢，但係恪守見字飲水食菜嘅小pin，覺得以素食餐廳嚟講，味道係唔差的。尤其係素餃真係好撚正。同埋啲職員好nice，頭上有光環。​ ​ 13／女工​ ​ 除咗小食撈麵個啲，仲有糖水食，不過大部份都甜到漏，啱晒望住個游泳池好苦惱嘅學生。#生活很苦但你要甜​ ​ 14／NA CAN & NA STAFF CAN ​ ​ Ocamp嗰時食完幾餐眾志堂，食到新亞小菜簡直驚為天人。但之後發現原來NA嘅午市係好撚難食，要食就食下午茶／晚市，除咗大家都知嘅炸芝士火腿卷同紅豆冰，6點開始永遠有條長龍，唔係排燒味，而係「洋 蔥 炒 蛋 」！！！！​🤩 ​ 真係十幾廿條友等呀叔係鐵板上面炒蛋，內行人先識呢個餸唔係講笑。一份炒蛋係足3隻蛋咁滯，洋蔥爽脆配上濃而不膩嘅蛋香，加上甜豉油，此味只應新亞有。如果叫小菜都同樣抵食，40幾蚊係圍餐份量，芝士粟米魚柳個汁無得輸。​ ​ 16／UC CAN &17／UC STAFF CAN​ ​ UC CAN 近年不斷創新，不過最正都係肉餅飯！！！每次見到有肉餅就好似中獎咁哈哈哈，不過好sad依家因為無咩人流，已經無咗雙餸。(最新: 已改為供應小菜套餐，每周於IG update該周菜式)。之前成日食沙律薯角炸雞餐，呢個價食熱氣嘢好滿足！話說小pin有一排返電話訪問員賺下錢，工作時間係1800-2200，基本上返完無飯食，但好彩UC CAN仲開，真係感動世人​😭 ​ UC STAFF CAN就係飲茶地方，平過崇基。​ ​ 18／和CAN​ ​ 入嚟讀嗰時成日聽人吹奏和can，食過早午晚餐都唔覺得特別標青。 不過和聲人係呢好地方會突然變得受歡迎，人真係好現實🚬 ​ 佢仲有上海菜館／西餐burger食，但以最普通嘅雙餸嚟講，難食程度拍得住CC，不服來辯。​btw今個sem又轉新營運商了！​ ​ 19／Cafe TOLO​（已壽終正寢😞） ​ 因為太多人，所以淨係食過一次。呢個價食到窩夫雪糕絕對抵到爛。不過有傳佢唔係真係用movenpick LOL

#全部都waitinglist #求下你啦cusis #我想畢到業

今朝10點Rec科，我係咁X個System。 #CUSIS老母很忙碌