【龔成問答信箱】（Q18181-Q18200）

Q18181：

龔成老師, 想請教你幾樣野,希望你有時間覆

34歲喇已經,仲係一事無成
我係外國返黎一年左右, 依家月入4萬, 唔係月光旅,但因為去外國攪移民唔成,用晒大部分積蓄

我依家做緊份正職,本身返到黎香港諗住攪返我既興趣(潛水)為副業,可惜撞正肺炎, 進展好似零咁

老師,你覺得我有咩辦法,可以增加多d, 主動同被動收入? 34 歲, 人又老,樓又要
又事業!!!! 點算

龔成老師：

你34歲，仍是事業發展的黃金期，你要保持正面心態，好好利用自己過往的知識與經驗，發展事業。

中短期只是小問題，唔好太在意。

第一，你保持儲蓄，同時做基本的投資，例如部分資金投資優質股，長期儲貨。

第二，要好好想如何發展潛水業務，所有野都有危有機，你現時可以先作準備，又或預先建立一些網絡或客戶群先，我相信你可以更有效利用現時的時間。

------------------------------------------------

Q18182：

老師你好，本人近年都有投資習慣，看了你的著作後有不少啟發

本人持現金60萬，撥40多萬作股票投資。我月入5萬，每月可儲17000，有一份儲蓄保險，年供12000，股票習慣一手一手買。我的投資組合如下，部分短線，部分長線：
短線
[email protected] 50000股

長線
9988@243 300股
823@ 69 1800股
[email protected] 400股

302獲利後會平倉。請問老師我的組合是否合理？會否建議月供股票？或者是否需要一些傳統股票平衡風險？

龔成老師：

其實唔建議短炒，真的好難賺錢。

現時你長線持有的，都是有質素的股票，阿里（0241）有潛力的，不過股價貴，就算近期回落都唔平，這股唔建議大注。

建議你之後做月供股票，你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。做月供股票，每月$10000。

你可以考慮盈富（2800）$4000。

另外再加5隻（每隻$2000）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18183：

本人29 歲，月入大約2 萬, 股票戶口約有250 萬。

有伴侶，未結婚，同家人住，沒買保險，減除日常開支，每月約儲1 萬

請問如何投資較好？

龔成老師：

如果你現時股票比例較多，現金不多，就唔好心急投資，應該多留現金，始終現時股市未算特別平。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你的投資方向：「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

如果你現時股票比例較多，而現金比例不多，就留現金，大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18184：

龔Sir 你好，我已經follow你個facebook有幾年, 而且拜讀你數本著作, 獲益良多. 呢半年自己擺脫月光族消費模式, 同時萌生了”學投資”同”置業”既念頭. 呢個轉變或多或少係因為睇左你既故事.
多謝老師!

1) 本人34歲. 我既置業目標係想2022 年底前買一個HKD4.50M – HKD5M, 大概250-300呎單位作自住 / 入租用途.

現時資產有現金60K同股票180K. 每月可儲15K – 18K. 假設之後既儲蓄只係放係銀行, 2022年頭大概會有500K, 仍未夠比置業其他開支.如果我要達到置業目標, 而投資年期係2-3年, 亞Sir 有什麼建議呢?

2) 現時股票分佈如下. 有無咩地方要留意/ 改善呢?
HSBC (0005) – 1200股 (~22%) ; 建行 (939) – 6000股 (~19%)

領展 (0823) – 11000 股 (~34%) ; 長江和記實業 (0001) – 500股 (~14%)

中國鐵塔 (788) - 14000股 (~11%)

3) 你既著作”財務自由行”我行左幾間書店都搵唔到啦!! 唔知道邊到仲有得賣?

4) 股票新手想報讀你既課程,有推薦嗎?

希望收到你既回覆. 祝身體健康!
80s 讀者上

龔成老師：

1）由於投資年期唔長，因為存有不確定性，建議只動用部分資金作投資，要預留一定的現金。而投資都要以穩健為主。

盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

2）銀行股佔比太多，唔好增持，如果之後上翻D，應該減持。領展（0823）的比例同樣較多，唔好增持。

3）書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

4）【投資倍升股課程】最適合初學者的，因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。

每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

------------------------------------------------

Q18185：

龔老師，你好！知道老師有好多讀者來書，希望有幸得到老師撥冗回覆。

(打完發現有啲長，但真心求教於老師，希望唔好見怪。另外，因為好多朋友有follow老師你，希望如果老師會回覆我，能夠不公開回覆，謝謝老師！）

我今年已經37歲，已經投身社會19年，一直拍拖未結婚，財政獨立。

因為只得中五學歷，所以一直薪金都唔高，2014-2018呢幾年，平均月入大約16K-18K。為咗唔好被淘，所以2016-2019 part time進修

叫做完成咗個學位，上年年中開始，月薪終於有22.5K。但由於以前理財意識差，加上一直都有固定俾家用及要供3份保險，儲到嘅錢實在少，每年1-2次短線旅行加上進修，已經無晒。

今年因為疫情，2月開始就WFH，所以有機會淨返多啲錢，半年大幾儲咗4萬蚊。

如果之後無得WFH，都希望每月最少可以淨到4K或以上(都想淨多啲，但啲錢總係唔知用咗去邊就無晒，本身唔好名牌，唔算購物狂)。

可能愈來愈近40關口，今年突然好積極去計畫返自己嘅財務，但有感已經好遲，都唔知應該由邊度入手。

眼見身邊差唔多年紀嘅同事、朋友，月入都幾萬，有部分已經置業或者有一定嘅積蓄，雖然我唔自悲，但都會諗點解自己以前唔努力啲！宜家好想奮力追返！

可能因為屋企本身灌輸係踏實工作，唔認識就千祈唔好投資(典型老師講過嘅「普通人」思維)，所以雖然知道投資先可以做到財富增值，但一直無認真去接觸。

直至早兩個月左右先開始買股票，因為我唔識，所以傾向保守，諗住買啲公用股叫做好過齋擺銀行。我買咗4手港燈[email protected]，同時月供2K中電00002，宜家有91股，另外有一手昆侖[email protected]。

後來先發現，港燈應該過於保守，而且唔應該買兩樣同類嘅股票。

老師，講完我嘅背景，我有以下問題：

1）因為開始買股票，先開始喺fb search吓有冇啲page對我有幫助，所以先認識到老師，如果早啲認識就好！咁啱朋友又借咗你嘅《50優質潛力股》俾我睇，但老師你認為我應該先睇《財務自由行》先，定還是都無所謂？

2）如果我短期嘅目標係40歲時有一筆積蓄，以我年齡同上述嘅條件，喺合理情況低下，預期可以有幾多錢左右？而我應該點樣做去達到呢個目標？

3）如果長遠目標係為退休打算，我MPF宜家約有37萬，虧損緊1萬左右，以37歲嚟講，高風險嘅比重大約可佔幾多？

4）老師有冇其他建議俾我？嚴厲啲都唔緊要！

補充: 扣除持有嘅股票，流動現金只有約1萬

收唔收到老師嘅回覆，都先多謝

龔成老師：

1）無所謂，都是基礎類的書。

你可首先睇：

《80後百萬富翁》
《股票勝經》
《財務自由行》

之後再睇其他。

書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

以下是我的12本書：

《80後百萬富翁》（第8版）
《80後2百萬富翁》（第4版）
《80後3百萬富翁》（第2版）
《財務自由行》（第6版）
《大富翁致富藍圖》（第4版）
《50優質潛力股》（第3版）
《50穩健收息股》（第3版）
《50值博倍升股》（第1版）
《股票勝經》（第3版）
《選股勝經》（第2版）
《年報勝經》（第2版）
《5年買樓4部曲》（第1版）

2）當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

所以，你現時年齡，唔需要太保守，當然都唔會好進。你投資「優質，平穩增長股」是最好的。

如果你每月能儲到$5000-$8000，目標希望你40歲，滾存到$30萬-$50萬。

3）強積金唔需要太理會中短期，你著重長線就得，以你現時的年齡，可以平穩+進取。

4）你最重要是增加收入，你現時的問題是收入與本金，你可以試下做小生意，又或想想一些更長遠的事業發展，唔好只停留在$2萬人工的狀態。

------------------------------------------------

Q18186：

你好呀 留意左你個page一段時間

我而家黎緊9月year4 22歲 最近呢兩年一直都想學投資 盡快財務自由 但唔知何從入手 例如究竟係長線定短線投資好

技術分析定基本面分析好等 想請問你有無入門既書可以幫我開個頭 學岩嘅投資方法 股票戶口又應該用邊間好？
希望你會見到同得閒比意見我

龔成老師：

好簡單，你可以找一找全球最賺錢的人，佢地的投資方法，你跟佢地的方法就得。

例如巴菲特，但只用基本分析，唔會短炒，反對技術分析。佢用這套方法成為全球投資股票賺最多錢的人，你跟佢，一定好過你跟一些電視的所謂「專家」。

你可首先睇：

《80後百萬富翁》
《股票勝經》
《財務自由行》

之後再睇其他。巴菲特相關的書都是值得一睇。

------------------------------------------------

Q18187：

早晨！龔sir,請問d儲蓄保險，到65歲時係咪真係好似保險公司講，可以拎到咁多錢？

我上網睇到真實過案討論，到最後拎吾足！講扣手續費以類！thx!

你要問清楚先得！

因為不同的產品有不同的條款，佢所講的回報，是否保證，還是會蝕？你要問。

手續費、每年管理費多少，你要問。

另外，好多這些產品都有年期限制，即是你購買後，唔好中途停供，否則會罰你好多錢，你要想清楚先好買。

------------------------------------------------

Q18188：

龔成老師好。我想向老師請教如何訂立一個適合自己的股票投資策略。

我的背景：

我今年26歲，過往兩年月入大約港幣4萬。今年開始月入會增加到港幣8萬。現有現金大約港幣60萬，股票港幣7萬，基金港幣2萬。

以往一直全部持有現金，無投資經驗。最近3個月開始接觸股票/基金等投資工具。曾經買入幾隻科技股，有一半股票升大約10%，我大約持有兩星期便賣出獲利。

有一半股票跌10-20%。由於係閒錢，所以仍然未賣出，會等股價上升先賣。

另外，由於工作壓力大和工時大約每日12小時，未必有時間長期看股市。 我希望每年有15-30%資本增長，可以儘快退休。

我的問題：

這3個月作為投資新手，感覺最難的地方係不知道如何訂立有效和可持續的投資策略。

很多時候都係憑新聞推斷行業前景，完全唔識分股票當時價位是否偏貴。希望老師可以按照我的背景，指點一下投資策略。

龔成老師：

第一，你要增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

你的本金將會不斷增大，只要差幾個%，長遠對你的財富影響都可以好大，所以，你一定要大量學習理財知識。《股票勝經》建議你睇一睇。

我地投資，就是建立一個「組合」，長線持有，要有質素，要平衡配置，要適合你。

另外，以你現時的情況，我將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

長遠，你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

你可以考慮做月供股票，每月$10000。

你可以考慮盈富（2800）$4000。

另外再加3隻（每隻$2000）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18189：

老師，之前一直有入1373，大約1.46-1.7左右。後來越升越高，用先前上堂學既評估，合理價大約在1.5-2.1，所以1.8以上便沒有再入！

呢隻股社會運動和疫情下受惠，人人留屋企或自己屋苑附近，佢越賺越多，派息又不停增加，因此公佈業績後備受追捧！

請問老師，1373按現時情況，合理價在什麼範圍呢？回落至2蚊算平嗎？謝謝！

龔成老師：

我地分析時，最重要是睇翻佢的核心、長遠的企業發展情況。疫情對佢有利，但長遠的正面因素有利少？這就是我地要分析的。

雖然長遠不差，但不能因短期因素而過度樂觀。估值會調高，但不會大幅調高。

國際家居零售（1373）有質素的，但不是高增長股，你原有的貨可以長線持有，佢現價大約在合理區頂。

------------------------------------------------

Q18190：

你好，龔老師 ，我最近有留意你的文章，希望能早日累積資產達致財務自由。

本人34歲女性，單身與父母同住，並未有物業，做銀行，底薪四萬，早兩三年好景加上佣金合共20萬左右一個月，由於經濟轉差及疫情，現在只有合共約六萬元一個月

目前持有720萬現金，38萬基金投放中國及越南市場，等值23萬港幣的日元 6.9算左右買入， 6萬星加坡股票， 也有購買年供六萬退稅年金 供了一年還有四年 及 ipo持有至今13手人保 及一手港燈

以及等值港幣三萬左右的比特幣，購入價於高位美元兩萬左右， 虧蝕了大概港幣四萬， 由於年輕時不懂投資及過份進取

於八至九年前把所有股票賣掉合共虧損了四至五十萬，當時大部分主要持有細價股虧損，其中持有新濠 華潤水泥如果持有至今也可以賺更多

現時目標:

1: 用二百萬至三百萬作為首期 投資兩房物業長線收租別人幫我供樓，但又未知應考慮嚟緊大圍樓花還是二手物業比較好？

樓市實在看不懂，疫情影響，樓市也沒有怎麼跌， 但美國這幾個月又已經開始量化寬鬆，長線持有現金只會貶值，建議應最近購入還是明年才購入比較好？

2: 扣除三至四十萬左右應急錢，剩餘資金以穩健增長為主， 打算部分投放年收四至五厘的基金及部分投放股票，由於本人工作的關係

基金買賣沒有成本，而買賣股票需要申報， 3月中左右 本應可以178 阿里巴巴，但看價太貼而錯失機會，現價還可以買入嗎？除了阿里巴巴還有其他建議嗎？

3: 本人預計二至三年後就已累積到一千萬 ，由於工作壓力大，本人希望三年後退休，或是找一份 收入少一些但準時收工壓力小的文職

所以到時預計利用700萬年收3-5厘也已經足夠應付日常洗費有餘， 個人現在基本生活使費如不買名牌 1萬已足夠，請問那麼早退休，基據我目前的情況，此想法可行嗎？

4: 你對黃金及白銀價格有何看法？黃金現價值得買入嗎？1718 山東黃金及815中國白銀好嗎？

5: 另外，1766中國中車 好嗎？
謝謝你

龔成老師：

1）你應該善用現金，投資物業，以及配置都股票，都是你應該進行的。

香港樓市，中短期有可能下跌，但不會多，而長遠會升，你已經可以睇樓，留意樓市，在1、2年內可以買樓。二手樓會較好的。

2）不要因為怕申報而放棄配置。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

3）相信是可行的，你這刻應該集中「增值」，3年後轉變策略為收息。

4）至於黃金白銀，我自己都有投資。方法好簡單，你不是睇升跌，而是「財富組合的配置」，現金永遠貶值，黃金白銀總有一定的價值，因此可以在組合中，佔比一部分，長線持有。

但由於無現金流，因此又唔值得持有太多。1%-3%已夠。山東黃金（1787）都可以的。

5）一般般。

------------------------------------------------

Q18191：

龔成老師你好，我今年26歲，月入約3萬8，但以前一直冇好好既儲蓄習慣。現在只有現金13萬、股票持有2手中芯國際、10手FI二南方恆指、月供1000元既儲蓄保險（10年期，現在供了2年半）。近年開始儲錢，月儲約8000-10000元。

我目標係想係30歲左右置業，有可能嗎？我應該用我既現金做咩投資呢？非常感謝老師！

龔成老師：

30歲置業，絕對可以！我建議你睇《5年買樓4部曲》，正正是教你這類個案，如何一步步置業的。

你現時可以利用這幾年時間，投資一些平穩增長股，作方向。原有的貨就持有，現金$13萬就作備用，最多這刻只用$3萬投資。

你可以考慮月供股票，每月$8000，盈富（2800）$4000。

另外再加2隻（每隻$1500）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18192：

Hello 老師你好，我想試下投資，但無從入手，唔知可以點做，先介紹一下我自己背景，我今年23歲，每個月底薪8000幾元，因為我係剛剛做銷售，所以是計佣金，工作上暫時未有成績。

每個月3000家用
車費800元多 食飯大約1200

每個月會有1500洗費
保險2000 ，加上其本額外洗費，根本所剩無己。
又擔心投資風險大

龔成老師：

我地理財，要先做好防守，餘下就進攻。

你應該先累積現金，等你有3-6個月的基本開支現金數目後，就可以正式開始投資。

你之後可以月供股票，例如供盈富（2800）每月$2000，這是最基本及穩健的做法，到你日後收入增長，就加其他股票去月供。

------------------------------------------------

Q18193：

本人現時為家庭主婦，無收入，有數十萬現金，一層非自住物業，可出租約萬一元，按揭雜費要四千多元

如果賣，可套現約$370萬。由於該物業準備大維修，維修費用未定，現考慮放售轉買股票投資，還是繼續出租，求意見，謝謝！

龔成老師︰

賣樓，是最後一步，香港買賣物業的成本高，加上你賣出後無人知能否買回來，所以要想清楚這步。

由於你係無收入，加上你物業都係正現金流，我建議你先行出租。如果有需，可適量加按，處理近期的現金需要，只要你租金大過按揭就無問題。

------------------------------------------------

Q18194：

請問呀sir你對之後幾年美金轉弱有咩睇法？如果港幣會跟住一齊轉弱，係資產配置上係咪轉換黃金保值較好？

其實美金會大幅貶值既可能性應該唔高？因為匯率都係相對，可能有機會又有次按問題走出去化解？

宜家經濟大環境真係好亂，點先可以客觀d分析 去做好投資？

想再問多少少，實金去邊度買會穩陣啲？上環個啲鋪會唔會大啲機會有假貨？google見都有假金條流入市面。 最近，銀行都冇貨。金行買賣差價又貴，上環買唔知o ng ok.

請問金條係咪買賀利氏會穩陣啲？
好多問題，唔好意思，麻煩呀sir

Ps因為自己本身只買左30000$ 金etf, 只佔成個potflio 3.5% ，而且etf唔太穩陣。上堂呀sir建議買1-3%就夠，但宜家既時勢會維持建議嗎？

不過宜家買金同銀價錢真係好貴，肺炎疫情亦不看好今年內控制，經濟睇黎會步入衰退。等到好返先大手買入可能要等3年。。。所以資金寧願捕樓市同股票都唔好買咁多金？

宜家2000金價照買入3-5%實金會唔會太多？
唔該呀sir

龔成老師：

黃金白銀，我自己都有投資。方法好簡單，你不是睇升跌，而是「財富組合的配置」，現金永遠貶值，黃金白銀總有一定的價值，因此可以在組合中，佔比一部分，長線持有。

但由於無現金流，因此又唔值得持有太多。1%-3%已夠。

實金去銀行或金舖，銀就去上環，你上網打「上環實貨白銀」就有。

銀就賀利氏，金就無所謂的。

我建議你買入，長線持有，不要理會中短期價格。

至於ETF，都可以持有的，無問題。

你要分注入，不是一次過入，同時合共佔組合比例不要過多。

------------------------------------------------

Q18195：

你好龔sir,現36歲。

首先，我把最近賣出舊樓的200萬 其中50加到投資（剩餘150萬留作下層樓首期 待買中）

經過一年時間分股票 共100萬額
（65萬己買入分配，35現金 留待市大回落再入）
現在把資都分配在各行業，及用不同股去平均風險，如下：

HSI/基金 （目標15%）
盈富、港交所、3110 共6%

銀行/房託 （目標25%）
中銀、 工銀 7.5%
恆生、中銀香港 5.5%

地產/5G/保（目標25%）
恆基、置富、中移 12%
長和/長實、領展、國壽 10.5%

金/油 （目標15%）
中石化、中石油 5%
中海油、紫金 4%

新科技概念（目標20%）
小米4%
騰訊、阿 0%待回跌再入
中生製藥 2%

想請指教一下

1. 這種分配 適合我年紀嘛？

2. 股類好像有點多 20+種，但希望行業能分配不同股中 作 平均風險。覺得只要 每行業分配得宜，控制就好。 這方面 可以評一下嘛？

Thanks!

龔成老師：

你在資金分配上正確，股票，現金，及留現金等買樓的比例，都可以。

1）大致無問題，都是一個平衡的組合，不過銀行股太多。同時這刻組合的增長力不強。

而當日後再增加股票時，可以增加平穩增長股，加少少潛力股，而收息股就唔需要加。

2）去翻15隻會較好，只要你當中有指數基金，已經有分散風險的作用。所以隻數不用太多，太多在管理上會較難，難以全面分析。

------------------------------------------------

Q18196：

龔sir，有問題想指教
現月供

#2800 $3000
#3 $1000
有冇問題？

另外想月供多3隻，每隻$1000 for 3位小朋友將來，有咩好建議？

龔成老師：

可以，這都是有質素的股票，可長線月供。

你可以考慮追蹤恆生科技指數的南方恒生科技（3033）。

另外再加2隻（每隻$1000）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

------------------------------------------------

Q18197：

老師，如果我每個月已經供梗盈富$4000，甘我仲加注係盈富到既話，長遠黎睇會唔會比例太多？

如果以下甘既組合呢，會唔會較好？

823-500股 $30000
1448-2000股 $16000
1177-如$7以下，6000股 $42000
2800-1500股 $37500
1928-1200股 $38000
1830-8000股 $20000

甘樣會唔會太分散？同埋老師我呢15萬係咪應該等恒指跌到24000左右先開始進行？現是應保留現金先？

謝謝老師

龔成老師：

盈富（2800）唔需要擔心比例太多，因為始終是一個組合，本身已有風險分散的能力，如果你想組合更多元化，或者想提高增長，可加入南方恒生科技（3033），不過注碼要比盈富少。

至於你選的5股，都是有質素的，你同時投資都得，可以建立一個平衡的組合，只是如果股價略貴的就等等。

唔散，一個股票組合，你預大約10隻股票左右會長遠適合。

至於你的資金，等跌先買入較好，不過部分如較合理的，都可以現價入，如金沙（1928）、領展（0823）。

------------------------------------------------

Q18198：

龔成老師 又麻煩你 我依家有10萬蚊現金，依加工作上工資不穩定只有10,000元，要養兩個人，計埋我三個人

我想資本增值一下，養兩位老人家，我依家應該買咩好?

龔成老師：

你可以善用資金，長期增值，但都要明白，增長要時間，財富要慢慢累積的。

當我地進行人生財富累積，會運用「先增值，後現金流」作方法，初期應投資較多增值類資產，而較年長的，則應投資較多保守類項目，因為初期財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你可以考慮盈富（2800），另外再加1、2隻：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18199：

龔sir, 我35 歲，月入$56000， 工作十分穩定, 可儲約$35000 一個月

我而家手上有-

8000 （平均買入價$11.84）媒氣

40 SPDR 金ETF, （買入價$1379 ）

另外月供咗4個月- $2000 小米，$2000 港鐵， $2000 友邦，$4000 盈富

有大約$950,000現金做首期等買樓

想請教下我嘅 組合會否太保守？ 如果我想月供多$2000 潛力股，請問有咩建議？

另外，最近巴菲特也增持黃金， 同埋好多資深投資者都鼓勵增持黃金，我應否也跟著做？ 謝謝

龔成老師：

以你的年齡，的確可以進取少少，你加多一隻潛力股去月供是合適的。

可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），南方恒生科技（3033）。選一隻去月供就得。

至於黃金，我自己都有投資。方法好簡單，你不是睇升跌，而是「財富組合的配置」，現金永遠貶值，黃金白銀總有一定的價值，因此可以在組合中，佔比一部分，長線持有。

但由於無現金流，因此又唔值得持有太多。1%-3%已夠。

------------------------------------------------

Q18200：

龔sir 我同先生已買股票總值180萬，大多是龔sir所講平穩或優質或潛股，二按貸款$150萬 下月尾到手，請問資金應怎部署?

另外心急高位$228.6買入了2手康希諾（6185）仔細想想B股，又有不確定性，有點擔心，應怎處理這隻股票，謝謝

忘了一問: 先生睇完龔sir介紹窮爸爸富爸爸後，除2按外，想再以我兩人工合共向銀行再借$140來投資，target 置富，希慎等，可取嗎請問

龔成老師：

由於你新資金是來自加大借貸，因此在配置上，唔建議你太進取，應該集中在平穩增長類的股票。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。南方恒生科技（3033）小部分都得。

至於康希諾生物（6185）主要於中國從事研發疫苗產品，疫苗產品線如下：3種臨近商業化在研疫苗：

包括腦膜炎球菌結合疫苗（ＭＣＶ）組合（四價ＭＣＶ及兩價ＭＣＶＩ，均為集團核心產品）及Ａｄ５－ＥＢＯＶ（其由集團與軍事醫學科學院生物工程研究所共同研發，為中國第一種獲批淮作應急使用及國家儲備的埃博拉病毒疫苗）。

另外，有6種處於臨床試驗或臨床試驗申請階段的在研疫苗；包括針對白喉、破傷風及百日咳的ＤＴｃｐ疫苗組
合（嬰幼兒用在研ＤＴｃｐ、在研ＤＴｃｐ加強疫苗、青少年及成人用在研Ｔｄｃｐ）、肺炎球菌疫苗等。

業務有潛力，但估值好難，市場對佢有好大期望，股價炒得幾勁，反而風險高。

這類股，是有潛力。但因為佢無盈利基礎，市場都只是「估估下」。如果持有係可以，但一定只能小注。如你持有太多，就賣部分。

另外，唔好借得太多，有危有機，小心。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q16241-Q16260）

Q16241：

龔成 老師點解介紹下新經濟股ma?
如9988 03690 0700等

龔成老師：

新經濟股可以佔財富組合其中一部分，當然要睇翻個人的風險承受能力，始終這些股潛力較高，但風險都較大。

因為佢地的業務變化較大，同時市場預期佢地會高增長，只要增長不如預期，慢少少，股價都有機會大幅受壓。所以，最重要是平衡風險。

勝訊（0700）與阿里（9988）業務會較實在，而美團（3690）發展則較快，潛力更大但風險度更高。

如果要穩健中，又有一定的增長力，可以選阿里。佢發展緊一些增長較快的業務，部分比騰訊行得更前，例如雲數據等。

現時佢有4個主要業務，包括：1）商業業務2）雲計算3）數字媒體及娛樂4）創新業務。其實都是很有發展的業務，整間企業的質素都不差，但就要留意估值，如擔心股價波動，可以控制注碼，唔好太過大注。

------------------------------------------------

Q16242：

想問什麼叫值搏率。我在看你的書（選股勝經）中經常提到這三隻字。另外因為你的書有出50值博倍升股。是不是同一樣的東西？

龔成老師：

投資值博率，是一個數學上，機會率與投資是否有一定回報的意思，例如你去賭場，買大細，由於期望值是97%，少過100%，所以，是不值得買。

簡單來說，就是從數學機會率的角度，假設你不斷買大細，你一定會輸比賭場。

如果一做項目，我地計算的投資價值較高，回報明顯比風險大，就是有投資值博率，即是大量投資這類項目，從大數定律下，一定會贏的。

------------------------------------------------

Q16243：

想請教一下，因為很多增長股都是沒有派息的，因此我感覺是如果你不把握在高位賣出的話，當佢增長轉漫就有可能大幅下跌，去到最後冇乜現金流落袋。

所以感覺上你講埋增長股，一定要把握在高位賣出，因為有可能坐到最後都仲低過自己買入價。你會點睇？

龔成老師：

如果能把握到「高位賣出」，這當然較好，我地都會分析企業的估值，睇翻會否到了「貴」的水平，以及配合大市冷熱，當大市到了「熱」的水平，都會考慮賣出的。

但這是一個長期的策略。

因為，好多散戶只情升少少就賣，例如我過往做銀行，見證大量散戶在$15買入港交所（0388），之後到了$20，98%的散戶賣出了！

所以，港交所原本可以令好多人賺到過百萬甚至過千萬，可惜，佢地太著重「有錢落袋」的概念，要認為賣左先係賺，所以永遠都賺唔到大錢。

------------------------------------------------

Q16244：

老師請問3110 GX 恆生高息ETF你點睇？同2800比較，兩者有咩分別？

龔成老師：

盈富（2800）所追蹤的，是恆生指數，當中有50隻成份股，都有質素，以及有基本的增長能力。

至於ＧＸ恒生高股息率（3110），目標為追蹤恒生高股息率指數之表現。與恆指不同。

當中的成份股，都是經過恆指服務公司篩選的，除了要求有一定的質素外，股息率都要有一定的水平，才可以加入這指數，因此，「股息」方面會比較好。

------------------------------------------------

Q16245：

父母有36萬托我幫佢哋投资，原本已買了一半建行 (平均@$6.2), 一半滙豐，最近忍痛將所有滙豐沽清，打算换馬。

For老人家收息和股價有較大升複。中國海洋石油883好嗎？還應該再入一些建行嗎？這筆錢预咗放三五年冇同题。老人家的錢我要小心，希望龔Sir比些意見

龔成老師：

你地應該建立一個組合，唔應該太集中在某些股，唔能夠集中在銀行業。

建行（0939）可以持有，這是收息，不過，唔能夠太過集中。

投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。

你可以建立一個收息股的組合，目標是6%的股息率的收息股，例如港燈（2638）、深高速（0548）、香港電訊（6823）、置富（0778）、陽光（0435）都可以。

但要留意，現時股價只是合理，未到平宜，因此買入時宜分注，同時不能用盡現金。

至於中海油（0883），風險較高，以收息來說，不是最好的選擇（因為股價上落大），而收息股，會偏向找一些股價相對穩定，股息穩定的股票，如果這股真的想投資，小注好了。

------------------------------------------------

Q16246：

你好老師 想問你月供意見
我上年五月開始月供 匯豐 領展 煤氣 騰訊各1500 但今
年開始除騰訊外 其他都蝕20% -30%
匯豐唔派息煤氣減紅股

你覺得我有無需要換我既股票組合 而月供股票換馬既做法係應該點？ 謝

龔成老師：

唔好太著重中短期的股價表現，月供是一種長期策略，一般都要3-5年的。

最緊要睇長期的企業質素、前景，你所買的股票，都是有質素的，匯豐（0005）雖然質素有減，但仍有投資價值，只要不是佔比過多就得，長遠仍是不差的收息股，但就不要對股價有太大期望。

其實，如果企業有質素，而你打算長期月供，你應該希望中短期股價跌，等你可以買多D平後，只要之後慢慢上翻就得。如果你想之後的組合更平衡，可以考慮加入盈富（2800）。

------------------------------------------------

Q16247：

Hi 成哥。我由今年年頭開始睇你嘅書，多謝你令我有更多動力去增值自己嘅財富同埋投資知識。我希望遲啲可以喺你嘅股票班跟你學習更多投資知識。

講番少少我嘅背景。我24歲，踏入社會工作咗一年半，月入30k。我上個月開始迫自己儲到15k(之前只儲到10k), 兩個月前開始月供盈富基金5000。我最近見個市跌，開始用咗之前儲嘅19萬現金入市，入咗以下股票。

3手 港鐵 平均價$41.2
1 手 恆基 平均價 $28.6
而家仲剩番大約10萬現金

請問我應該點樣好好利用剩番嘅現金？疫情完咗之後，啲股票回升嘅時候，我應該點樣利用每個月儲到嘅15k？我嘅目標係五年內儲到一百萬。多謝老師！

龔成老師：

你現時持有的，都是有質素的股票，但可以考慮增加其他股票類別，令組合更為平衡。

剩下的$10萬現金，唔好太心急用，你這刻可考慮動用$2萬-$4萬，餘下要留有一定的數目，無人之知後的大市升跌情況，所以點都要留有現金。

以現時大市的平貴情況，你可以加大月供金額，由$5000加至$8000，可以增加盈富（2800）金額或考慮加多一隻股票。

以你的儲蓄及投資力度，我相信5年要有$100萬並無難度。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

遲D股票班見！

------------------------------------------------

Q16248：

龔成老師，本人今年30歲，月薪$30,000，對投資及股票一竅不通。

一直認為努力工作才能有效積累財富，但看了老師的書和Facebook，重新規劃人生，才了解「打工」根本無法為退休做好保障，更談不上財務自由。希望30歲開始投資，爭取失去的寶貴的時間。

想請教老師，以下策略：

1) 由四月開始月供股票 $6,000，以下分配是否適合？
盈富基金(2800) $3,000
恒基地產(12) $1,000
長江基建(1038) $1,000
香港電訊(6823) $1,000

2) 自2014年開始一直月儲$8,000到公司的儲蓄互助基金，年利率2-4%不等，平均一年有$10,000利息，至今總額有約 $600,000。
我應否調低儲蓄至每月$6,000，再將$2,000調往月供股票？

3) 除了月供股票，我還應該進行甚麼投資？

感謝老師的賜教和幫忙！
祝身體健康！財源滾滾！

龔成老師：

1）所選的都是有質素的股票，大致無問題。不過，香港電訊（6823）只是收息型的股票，而你30歲，是財富增長的黃金年齡，因此未必最適合。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

2）你應該調低投入數目。

這類基金不是無價值，但以你的年齡，不應分配得太多，你要把握30歲的增值期。

3）可以考慮月供基金，但要選擇有質素的。

另外，如果未置業，要計劃長遠會否有置業的可能性。始終，物業、優質股，都是典型的資產項。

------------------------------------------------

Q16249：

我係80後，做左9年野，月入大概3.5萬，4年前買左樓，月供約1萬，剩返嘅按揭大概240萬，手頭上有50萬現金

每月大概籌到1.2萬。請問我應該如何步署，穩健增長財富? 謝謝。

龔成老師

我地進行財富累積，要平衡，股樓並行是其中一個方法，如果你已買樓，之後的配置就會偏向股票，集中投資優質股，長期增值。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。做月供股票，每月$8000
。

你可以考慮盈富（2800）$4000。

另外再加2隻（每隻$2000）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

如果你不懂股，就集中供盈富$8000。

至於現時的$50萬，你可以動用$15萬-$25萬，分注投資優質股，盈富及上述的都可以考慮，買入後長線持有就得。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16250：

老師，請問你對241前境有咩睇法？

龔成老師：

阿里健康（0241），主要從事健康產品及服務銷售、產品追溯，以及提供醫療及健康管理服務。最終控股公司為阿里巴巴集團。

業務上，有向消費者發展醫藥健康產品銷售，同時發展緊互聯網醫療等醫療服務業務。

另一方面，佢都會利用雲計算、人工智能和物聯網技術探索醫療產業信息化、數據化和智能化，提升醫療行業效率。

不過，估值好難計，因為無實質的盈利數據作為基礎，市場只是估估下。

佢是有危有機的類別，雖然業務增長好快，但這刻仍處於燒銀紙的狀態中，同時由於無盈利，估值困難，因此現時的股價，都是是大家以前景作基礎去「估」，這一定令股價上落大，不是話佢無投資價值，但注碼就不能多。

------------------------------------------------

Q16251：

Hi 老師。小弟24 歲。月入兩萬，儲咗現金10萬。喺41蚊買咗1手0005，再喺27蚊買咗一手金沙。

依加打算月供5000 蚊2800，是否正確？

定應該將5000 蚊打散，變做3000+2000 嘅組合？如果打散 有咩潛力股推介

龔成老師：

金沙（1928）你可以持有。

匯豐（0005）買入價合理，不過，這只是收息股，股價增長力不強，對你來說，未必最適合。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

至於月供，你供$5000是適合的，當中有$3000是盈富（2800），至於餘下$2000，要睇下你本身有無心水股，如果無，就盈富。你可以考慮比亞迪（1211）、中生製藥（1177）、小米（1810），都是潛力股。

盈富本身是一個50隻股票的組合，就算在財富組合比例較多，都無問題的。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16252：

老師你好啊，我想問下如果月供股票，盈富基金定港交所會比較好啲呢？

我宜家每月供緊2000盈富，1500港鐵，1500領展！

手頭上有10萬資金可以投資，正考慮買入股票作長線投資！你覺得我月供港交所直接買盈富基金好唔好？

因為之前聽到你講港交所波動高，月供比較好！
謝謝！

龔成老師：

盈富（2800）是組合的核心，因為這基金當中有50隻股票，有平衡組合的作用，所以，這基金佔比多D，無問題。

至新港交所（0388），月供較好，因為始終比較波動。

其實，你可以現價分注買盈富，同時月供港交所，是可以的。

------------------------------------------------

Q16253：

龔成老師你好!
我財政狀況:

我與男友今年34歲, 二人月入約六萬, 共同持有一自住物業 (負債約300萬, 還有二十多年還款期). 現金約有80萬(現放在mortgage link戶口以抵銷利息). 每月可儲現金(或用作投資)約一萬元.

- 由於沒甚麼投資經驗, 本人之前一直希望多買一單位放租作退休後的被動收入. 但香港樓市似乎沒有很大的上調空間, 請問這還是一個好的投資選擇嗎?

- 如果是的話, 應怎樣部署投資以於5年內有首期買第二單位?

- 如果買樓不是最好的投資選擇, 我們的情況應該怎樣計劃以達至財務自由? 如果希望在50歲前達成此目標, 有可能嗎?

- 如果想買一些穩健的股票作長缐投資/ 收息, 你有甚麼推介?

- 常見老師推介以月供股票作長期投資, 但月供股是否手續費方面也較多? 應怎作平衡?

龔成老師：

香港樓，長期仍會向上，但不是大升模式，而是平穩模式。由於這刻的樓市唔算特別平，自住仍可考慮，如投資，就不用急。

你可以設定目標，5-8年後買多一層樓，不用急，到時睇情況，因為唔想你太近買能樓，隔遠少少，可以平衡風險。

因此，你可以利用這5年，以股票作為財富增值工具，之後先決定何時買樓。

如果你不懂投資，月供股票是一個很好的開始，同時增加投資知識，之後用一手手模式投資。如果手續費去到1%就是過高。

你可以每月供$10000，長期進行。

你可以考慮盈富（2800）$6000。

另外再加2隻（每隻$2000）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

如果你不懂股，就集中供盈富$10000。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16254：

龔成老師您好，我今年29歲，月入35k，每年有3-5%增幅，另一半月入相若，大家都收入穩定，每個月會共儲蓄50k。我們完全沒有投資經驗，有現金65萬，準備置業。

1. 最近看到您鼓勵剛開始投資可買月供股票，感到很有興趣，想問問我們每個月用多少儲蓄購買月供股票呢？初期可選擇哪一些及分佈應如何？

2. 我們應在下半年才置業自住，請問我們應在置業前已開始月供股票，還是應儲多一點錢供置業備用，置業後再開始月供？

3. 我們想5年有多100萬，如稍後開始供樓後，每月儲蓄減少，請問除了月供股，還有什麼可以令財富增值呢？還是應集中及加大力度於月供股票上？

4. 另外，買年金是否一項合適的投資嗎？
非常感謝

龔成老師：

1）月供股票很適合初階投資者，不過，你地打算在1年內置業，就應該留多少少現金。

因為月供股票是一個長期投資，會假設你中短期都唔會用，所以，你要先計好買樓部分，餘下有現金剩，先考慮做月供。假設每月$50000是閒錢，就可以將$20000-$30000用作投資。

最好選一些指數基金，如盈富（2800）。

2）最好當然是解決左置業問題先，等所有買樓、按揭等都過關後，之後才開始月供。

3）月供股票是好方法，你除了這方法外，以留現金，等機會模式去投資，都是財富增長之道。如果你扣除每月供樓後，每月仍可以儲到$20000以上，利用這些資金月供、投資，5年相信會累積到$150萬-$200萬。

4）這是較為防守性的產品，以這刻你地的年齡來說，未必最適合。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

------------------------------------------------

Q16255：

你好呀龔成
想問問1211 定 2800 好？
每月都會有15000 去供股。

因為我得十幾萬現金 但唔知點分配投資好
有請大師

龔成老師：

盈富（2800）一定是核心，因為當中有50隻股，對你整個財富組合最有平衡作用，你可以供$12000盈富。餘下比亞迪（1211）供$3000。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16256：

成哥您好，本人一個月前開始留意您，仲買左你既股票勝經 年報勝經 大富翁致富藍圖同近版既50隻優質股睇 （睇左2本多d) 學到好多新知識！

本人30歲初初學習投資 下個月開始月供股票 比例如下

$3000 盈富
$2000 恆基地產
$1500 比亞迪電子
$1500 1800

請問可否俾d意見 謝謝

龔成老師：

基本上，上述的組合都不差的。

中國交通建設（1800）增長力較弱，只是收息，你預股價上得較慢，但這股並不是無質素，所以睇你投資目標，持有收息可以。

這股未必是最高質類別的股票，但都算較穩健的。

至於其他，無問題。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16257：

你好，成哥！想請教下你，我今年32歲，有30萬本金，另外每月可儲$18000，目標係3年內有$100萬，可行嗎？有冇咩需要修正嘅地方？謝謝！

總資金：$30萬水桶一 (佔21.41%)
3.7% - 354
3.7% - 696
5.55% -1177
4.94% - 1211
3.52% - 1448

水桶二 (佔78.59%)
7.41% - 001
8.02% - 012
10.8% - 027
5.25% - 066
15.89% - 175 (蟹貨)
5% - 823
26.23% - 2800

龔成老師：

上述的選股，基本上都是有質素的，分配的比例亦適合。要留意，單一股票去到15%已是開始多，吉利（0175）雖然有質素，但唔好太多，同時，佢與比亞迪（1211）係同行，所以唔好過份集中。

另外，你32歲，加上想3年有$100萬，雖然都有機會完成，但如果想提高成功機會，可以加多少少在潛力股，比例上到30%可以。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16258：

老師，想問吓1415值唔值得投資
因為見佢幾高息同埋有特息派

龔成老師：

當我地分析收息股時，唔好只睇佢的股息，要同時睇佢業務，因為當佢業務有問題時，股息都會受影響。

高偉電子（1415）本質算是不過不失，但之前熱炒，令這股升至過熱水平，之後市場發現行業的增長並不是高增長，只是平穩增長，所以股價都有調整。

這股盈利有略回落的情況，但未算好差，長遠來說，整體質素算是中等。

因此，你如果投資，小注都可以，但派息後會除淨，股價會自然回落的。

------------------------------------------------

Q16259：

Hi! 龔sir, 我目前只持有2800同788各一手，以風險分攤黎講，我投資組合有需要加多隻平穩增值型嗎？

如果就上述2/3隻股票長期持有同加持，788有需要繼續嗎？還是keep一手就得？謝謝

龔成老師：

你最好加多D股票類別，這類可以令組合風險平衡，只得兩隻是太過集中。

中國鐵塔（0788）有質素的，你繼續持有就得，之後再增加其他股票，平穩增值型。

但要留意，你都要同時留有現金，如果大市下跌，好有用的。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16260：

老師你好，想請教下如果長揸當儲錢，匯豐跌至最新低，入一或兩手長揸當儲錢建唔建議？因為資金有限也不打算作短線投資

龔成老師：

匯控（0005）作為收息股係可以，仍可以，你可以當儲錢長期收息，但就不要對佢股價有期望，最近話唔派息，只是短期，不同理。

概念上，就是放棄中短期股息，而預期將來慢慢回到正常狀態，只要你投資組合唔好太偏重單一隻匯豐或銀行業就無問題。

但記得，唔好佔比太重就得。同時明白這只是收息股，唔好對股價有太大期望。

在全球經濟環境影響下，集團中短情況相信都會維持波動，未來再停派息也說不定。但我地投資應該要集中考慮翻佢長線因素，雖然預期匯豐中短期表現會受壓，但長線質素依然存在（但不是高質類）。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q16121-Q16140）

Q16121：

中文不好請見諒！龔成老師

幾年後我打算辭職，全職攻讀博士，大概讀五年，希望畢業後可以轉行，不過到時候由低做起，收入減超過一半或待業。期間真的負擔不起的話，可以part-time做原本的專業。

（不會考慮part-time讀博士）

現在月入10萬,有一層自住樓,現時市值約$1000萬。按揭欠銀行約$400萬。

讀博士的時候打算搬去大學附近劏房住，層樓就可以出租。不過因為從來沒有裝修，一定要出錢裝修過先可以租出去。

有一個車位，現時市值約$300萬。租金$5000

現金有$170萬
另有$20萬做了定期

股票：
Stock code。Qty。Average price

2。1500。$85.78
3。10000。 $15.16
6。2500。$51.15

5。2800。$61.33
11。700。$128.63
2388。5500。$24.13

66。2000。$51.5
823。1500。$66.6
590。8000。$14.97

1928。800。$27.6
1929。1000。$5.23
700。1000。$318

扣除供樓、保險及其他所有洗費，可以儲一半人工。

1）想問剩下有收入的日子不多，應該怎樣部署投資月薪和手頭上的現金以應付我沒有收入的日子？
（不打算賣樓賣車位，逼不得已才會賣車位）

2）我現時的股票組合，有沒有問題？有什麼需要改進？因為平均價都比較高。

謝謝老師！

龔成老師：

從理財的角度，讀博士未必是最好的選擇，因為你現時的收入不差，我相信你事業上應該不錯，如果要花數年時間讀書，然後由頭來過，對你來說會有不確定性的，長遠收入會產生未知數。

當然，如果你為個人興趣及夢想，這就是另一回事，當然，這就要睇你願意為這個夢想棄多少。

1）首先，當你正式讀書後，收入會大減，所以由現在起到讀書，是你儲錢的黃金期，要盡力儲多少少資金。

如果可以的話，可以做月供股票，盈富（2800）加上其他收息股，對你的現金流有較大幫助。

另外，如果你到時搬去大學附租樓住，就可以將你現時的物業放租，以你現時的按揭情況，可以抵消供樓的每月支出，起碼這方面的壓力。

至於現時的現金，都可以適當投資，但就要較低風險，著數現金流。你可以問下銀行有無適合的產品，同時，你可以投資收息股。不過，不會再投資固定資產如物業、車位，因為你本身已有，避免資產類別太集中，所以應該投資收息股及其他。

你可以建立一個收息股的組合，目標是6%的股息率的收息股，例如港燈（2638）、深高速（0548）、香港電訊（6823）、置富（0778）、陽光（0435）都可以。

你可以將資金，慢慢分注投資。

同時，要預留一定的現金在手，當大市下跌時，就可以買平貨。而現金，對你來說有備用的作用。

2）至於現時的組合，大致上都是有質素的股票，你可以持有，但銀行股有3隻，你要睇翻比例會否過多，同時之後未必適合增持銀行股。

雖然部分買入價略貴，但不是全無質素，守住先都可以，你預有平穩增長力，但就不是高增長。另外，有部分股買入價不差，這些股都要長線持有，不要心急獲利，因為當我地要進行長期的財富增值，就要長線持有優質股，心急獲利無法賺大錢的。

------------------------------------------------

Q16122：

呀sir
終於都上完你哩8堂既基礎班

當初上頭三堂
可能因為有睇左股票勝經同埋自己都有投資經驗
所以都覺得比較易上手同入腦

但係去到第4堂開始
要開始計數同上網睇公司既資料數據 就開始有吃力同有D力不從心

有一刻諗住想放棄
當黎到課室聽你演講就算

但係內心既另一面又好掙扎
因為始終都俾左$8800 學費
淨係過黎聽演講 唔做練習實戰
好似浪費左個課程咁

最後一堂 最後15分鐘
呀sir 對一班陌生既學生 都仲苦口婆心
咁講香港環境 要我地逆境自強

再加上你自己既經歷 夢想
我即刻回想我黎投資班既初心

真係好多謝呀sir你 咁用心咁熱誠去搞哩個投資班
真心覺得獲益良多 希望學有所成

能夠學以致用
祝呀sir 身體健康 早日完成你既目標同理想

龔成老師：

其實股票班的材料是好充足的，由基礎的股票知識，到投資股票要求你的選股、估值等，但時間始終較緊逼，所以要多加溫書每先得。

其實，你只要再重溫課堂的內容，自己試下睇年報，同評估表，你的得著會好大，課堂可以比你好大的進步，但就要你付出多D，努力多D。

你仍可以有好大進步，唔好浪費課堂的內容，試下慢慢重溫，同步分析年報。

學習投資其實是一個長期過程，要8堂內成為專家並無可能，但課堂所講是最核心的保持，長遠對你幫助好大的，加油！

------------------------------------------------

Q16123：

龔成老師，我啱啱開始月供股票，有2條問題想問。

1. 我依家係用XX證券，佢可以俾我地係每第五個交易日同第十五個交易日進行月供股票。

我想問下如果我每個月打算供$6000，應該拆開每次供$3000定係一次過供$6000，定係其實兩者分別唔大。另外，如果係一次都供的話，有無話選擇第五個交易日定第十五個交易日好啲？

2. 想問下你點樣睇3883 前景？我當佢係潛力股，依家月供緊呢隻股票，連同其他平穩增長股作為我嘅月供組合。

感謝！

龔成老師：

1）如果手續費無分別的話，其實拆開是較好的，因為買入價可以更加平均，風險進一步減少。

至於選邊個交易日，無所謂。

2）中國奧園（3883）主要於中國從事物業發展及物業投資業務，近年增長快速，這是受中國樓市保持向好的情況帶動，加上佢利用大量負債運作，當好景時，佢就會好好賺。

但佢的負債有點多，有危有機，好景時好好賺，但逆景時，就幾大件事。

所以，這類股不是無前景，但風險較高，所以如果月供，小注好了。

------------------------------------------------

Q16124：

龔sir你好呀
岩岩起步想學投資

而家月入～17000 想做返投資第時有d積蓄結婚買樓去旅行 而家大概想用7萬去投資目標3年可唔可以滾到超過20萬

1成日聽講月供 我黎緊set左下個月開始$2000供電能實業 呢隻月供可以嗎？定係都係盈富基金較好？

2想買匯豐純粹收息現價仲會唔會跌？或者恆生？

3想基本打底應該由你邊本睇起好？

龔成老師：

1）電能（0006）雖然有質素，但增長力不強，加上你初投資，應該選一些組合作為組合，好多單一股票，因此，盈富（2800）是較合適的。

2）匯豐（0005）長遠來說，收息仍是可以的。

佢宣布取消派發2019年第四次股息，在過往經濟較差時期，其實都無試過停止派息，今次有少少突然。

睇翻佢財務數據唔算話特別差，今次要停派息，主要原因係接獲英倫銀行透過審慎監管局發出的書面通知，要求匯豐取消派息。

所以，佢並不是自己好唔得，而去到要唔派息，而是因應翻英國監管局要求，才這樣做，所以，雖然是不好的利息，但不是核心性不利。

停派息對收息股從來都不是好事，但在這全球經濟咁差時候，為集團預留一筆資金備用，對集團和股東都是有利的。

在全球經濟環境影響下，集團中短情況相信都會維持波動，未來再停派息也說不定。但我地投資應該要集中考慮翻佢長線因素，雖然預期匯豐中短期表現會受壓，但長線質素依然存在。

作為收息股係可以，概念上，就是放棄中短期股息，而預期將來慢慢回到正常狀態，只要你投資組合唔好太偏重單一隻匯豐或銀行業就無問題。

但記得，唔好佔比太重就得。同時明白這只是收息股，唔好對股價有太大期望。

3）《80後百萬富翁》《股票勝經》。

------------------------------------------------

Q16125：

龔成老師你好呀！我今年31歲，女，月入大概15000，從未買過股票，準備入一手滙豐，主要想收息，可能之後會再買入其他股票，未但知買咩股票？

同呢個策略唔知好唔好？希望你比d 意見我,謝謝你

因為考慮到有機會將股票賣出，係咪最好每次都係一手咁買？

龔成老師：

如果不是好長期的累積，以一手手模式買，會好過月供，月供是長期儲股的策略。

以你的年齡來說，其實應該投資較有增長力的股票，會比匯豐（0005）好，加上你未買過股票，從風險角度，組合會比單一股票好，因此，盈富（2800）其實較為適合你。

當然，匯豐都可以考慮，但如果可以的話，這只是組合的其中一部分，並不應該成為組合的核心。

這仍是收息股，雖然最近話唔派息，但長遠仍會保持的。

------------------------------------------------

Q16126：

您好！最近留意到您的網頁，及買了財務自由行、50優質潛力股，除302中手游外，我都跟你書上建議買入一些股票，但我不知302中手游可否長渣？

應該要如何分析？請有空賜教

龔成老師：

中手游（0302）這類股，業務變化大，因為本身的行業不確定性高。

佢主要透過合約安排於中國從事手遊發行及遊戲開發業務，提供多種類型的手遊，集團透過ＩＰ授權（從版權方取得ＩＰ授權後委聘第三方開發遊戲）及遊戲代理（代理自第三方取得的已開發遊戲）兩個渠道獲取遊戲。

現時佢獲得超過31項ＩＰ的授權，如「傳奇世界」、「龍珠Ｚ」、「航海王」、「火影忍者」、「擇天記」等，大部分遊戲均在第三方發行渠道發行。

過往財務數據理想，增長快速，但這類手遊行業，加上新股，估值十分困難，不確定性好高。

只可以話，這股有投資價值，有增長力，但股價一定會好波動，企業估值不確定性太高，所以風險高。這類股，你小注持有都可以，可長線。

------------------------------------------------

Q16127：

龔成。你好。
本人36歲。現有100萬存款。

每月月供股票共一萬（有恒生，長和，盈富）
想樓價低啲時買樓或財富增值多啲。有咩方法？ 謝謝

龔成老師：

你現時持有的股票，都是有質素的，不過，增長力就不算強。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

所以，你可以以盈富為核心去平衡組合，同時加上一些較有增長力的股票，加快財富的累積。

同時，如果你未有物業，可以同步留意下香港樓，香港經濟將會轉弱，樓價1、2年可能下跌，但相信不會大跌，而長期仍會因供應不足而向上，因此，你可以在1、2年把握機會。

------------------------------------------------

Q16128：

龔老師，你好，最近股市跌了很多，情緒確實很差，想了解一下，你股票，資產，現金的大概比例是怎樣， 之前的比例，和市跌的比例，想知道應該留多少現金比例才正常合理。

龔成老師：

在幾個月前，我持有現金的比例應該高過5成，到時現，大約為3成。

現時大市有投資值博率，我仍會保持入貨，不過就會慢慢入，一定不會一次過用盡現金，現金比例相信會進一步減，可以遲D會去到2成。

其實跌市，只要你持有優質股，唔需要太過唔開心。

好多人都著重「這刻的股價」，但這是錯誤的，如果我地明白企業價值的概念，就知這刻應該開心，你只是心理問題，並不是投資問題。

其實要克服心理因素，就要有「將來財富」的概念，我投資股票20年，久不久都會遇到一些大跌市，當時我都會持有有一定的股票，身家會縮水，當刻如果我好集中在「這刻的股價」「這刻的股價」，我都會唔開心。

不過，我每次都係著重「入貨的機會」，而唔理我原有的貨有無蝕錢。通常過一年後，身家都會大增。

當我經歷過幾次後，就會明白，如果我想之後的身家大升，就要這刻的身家縮水，這刻縮得愈勁，之後身家就會升得愈勁！

簡單來講，在大跌市，我唔理「之前買的股價蝕左」，只著重「這刻的入貨機會」，同時會心裡想，如果可以比我用更平的價入貨就好了（就算我已經持有這股並賬面上蝕緊），所以，我當刻反而希望跌更多！

------------------------------------------------

Q16129：

老師好!，想問問(1)一位65歲老人如果有30萬左右閒錢想收息,你會建議邊隻收息股?(2)另外你認為電能00006如何?

龔成老師：

1）最好建立一個組合，而不是集中單一收息股。

因為任何一隻股票，都會有價格與派息的風險，所以一個組合會比較好。

目標是6%以上的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）、電能（0006）都可以。

買入時要分注，唔好一次過用盡資金。

2）電能（0006）都是不差的股票，可投資，但增長力不強。

------------------------------------------------

Q16130：

成哥你好，想問點睇717英皇證券的前景，似乎近年來證券行板塊的股價都唔太討好，謝謝！

龔成老師：

英皇證券（0717）的質素，只是一般。

其實睇翻佢近年的財務數據就明，生意不穩，長遠增長力不強，盈利波動，有時會出現虧損的情況。見唔到有明顯的優勢，前景只是一般。

------------------------------------------------

Q16131：

你點睇玖龍紙業(2689)?我之前我係高位12.7買左,宜家升番應唔應該放?thanks

龔成老師：

玖龍紙業（2689）質素不過不失，雖然股本回報率高，但成本令佢盈利波動唔細，這一定會帶來風險。

玖瓏算是當中不差的一隻，但相信中短期較弱。這行業投資價值算是中等，因此不宜投資金額太大。如果你持貨不過多，這刻守住先，可以。

------------------------------------------------

Q16132：

龔Sir你好，我今年27歲，月入18K，月儲6-8K，現持10萬現金，1年後剛供完10萬儲蓄保險，未試買過買股票。

最近拜讀了你的新書《50優質潛力股》獲益良多，計劃買入港燈，陽光，新意網，但不懂如何分配投資金額，目標33歲儲到100萬去外國進修，想問可行嗎，是否應投資更多書中提及的潛力股如小米，望老師指點迷津，不勝感激！

龔成老師：

27歲這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。

因此，你可以將平穩增值股、潛力股的比例，控制在7：3比，或8：2比。

港燈（2638）是收息股，未必適合你，你可以考慮盈富（2800）、陽光（0435）等，作為平穩增長股，新意網（1686）、小米（1810）作為潛力股。

如果你想33歲有$100萬，起碼要每月儲到$8000，加上適當選股及把握時機投資，可以累積到$100萬的。

------------------------------------------------

Q16133：

老師你好，小弟有小小問題想請教一下老師；本人宜家23歲，而月薪大概$22XXX左右，有$250K做緊定期，如果宜家開始，淨係用收入既四分之一（$250K唔郁佢）去月供股票的話足唔足夠？

同埋想問下你平時有冇用開咩app去留意股價架？

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你23歲這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。

如果只是用收入4分1去月供，未足夠，你其實可供多D，因為你本身有較多現金，應該好好去用。如果你無投資經驗，這刻就唔好一手手去買，而集中只做月供，例如每月供$12000，供盈富（2800）及其他優質股，這會慢慢用左你$25萬現金部分，但我正正想你用月供的方法，將現金轉為股票。

AASTOCK、經濟通、中銀香港。

------------------------------------------------

Q16134：

龔老師你好，想請教一下投資上嘅問題。
我爸爸早幾年退休，佢本身唔係好識投資，嗰時兑200,000人民幣同澳幣，點知之後人民幣同澳幣都係咁跌。

佢今年年頭叫我幫佢做定期，但係個零息真係好低，唔知你有冇一啲投資意見可以分享下。謝謝你

龔成老師：

當然，如果佢定期只是整個財富組合的其中一小部分，就無問題。但如果佔較多，就要調整。

長期做人民幣同澳幣定期，並不是好策略，因為貨幣始終會長期貶值，除非有好高息，否則唔太值得。可以先等升翻少少時，賣出部分，轉到收息股，餘下的定期就暫時繼續。

------------------------------------------------

Q16135：

龔成老師老師，你好！

隨著5G發展，我相信數據儲存需求會大量增加，最近研究1686 ，覺得不錯，背後又有新鴻基支持，但他的負債也相當高。有以下幾個問題想請教老師！

1）不知這股是否值得投資？

2）如可以，預算佔總投資組合約2%，可以嗎？

3）我估計，PE 約20-25 ，仍是合理區，即$4.28-$5.35 ，請問正確嗎？

4）便宜區就要$4.0 樓下才算，正確嗎？
謝謝！

龔成老師：

1）新意網集團（1686）是有質素的股票，《50優質潛力股》新版都有加入這股。長遠有潛力的。可投資。

2）這股只要不過多就得，這比例無問題。

3）大約是這數，但會因應最新情況略有調整。

4）暫時$4以下平宜。大約是這數。

------------------------------------------------

Q16136：

成哥,想問一問為什麼你會覺得比亞迪是有潛力的呢,因為他無論是市盈率,ROE,總負債/股東權益都不符合書中的財務指標;還是有更深層次的理由我是不懂的,求求指教

龔成老師：

書中所講的指標，是一些較入門的指標，當我地分析一間企業時，要好深入及全面分析，但一般人好難掌握，所以，書就會有一些初步指標，但這只是入門，雖然對大部分企業都適用，但總有些例外。

比亞迪（1211）這類潛力股，當我地分析時，會著重將來多過過去，因此分析點會略有不同，往往用一些預測數據去作為推算的基礎。

佢本身現金流不差，加上電動車發展得不錯，過幾年後，數據會比現時更加正面，而我地的分析點是將來的情況。

------------------------------------------------

Q16137：

龔成老師，你好
請問你點睇08225同2660前景呢?

龔成老師：

中國醫療集團（8225）主要從事藥品研究、開發及商業化。

佢主要向中國的製藥商提供技術及服務，其中一個收入來自技術轉讓；提供藥品開發服務及臨床研究服務。佢的技術平台可大致分為兩大類，即藥品實體開發及藥品傳遞系統。

業務本質算是中等，不算好差，又不算很吸引，不過，睇翻佢過往的核數師意見，試過有D修定報告，反映可能有D問題。加上這是創業版的股票，會比較小心，我唔算好建議。

禪遊科技（2660）係中國一家手機遊戲開發商和營運商，專注於棋牌及其他休閒手機遊戲。前景不是無，但風險略高。

這類股的波動較大，因為業務的不確定性大，風險高，當然可能回報大。我只可以話，這類股，小注好了。

------------------------------------------------

Q16138：

你好，現在32歲，
月入5萬

手頭有流動資金100萬，
每月支出約2萬。
請問我應該用流動資金的多少percent去投資股票

龔成老師：

如果你現時無股票，可以動用$50萬去投資股票，但不用一次過入，而是分注，用一年時間去入。

看地投資，一定是建立一個長期的組合，你先要定出想投資類別股票的方向，各股票的比例，然後再設定買入策略。

同時，你可以同步進行月供，每月供$20000，如不懂選股就盈富（2800）。

------------------------------------------------

Q16139：

龔老師：你好！老師感謝您熱誠助人的態度，願意把你的經驗同別人分享，幫到好多人，讓我們獲益良多。自去年開始購買老師的著作，增長知識並實踐，現時已累積若干股票作為資產的一部份。以下是我和先生的退休計劃，不知是否可行，請老師指點一下。

我和先生的年齡是 53 歲，沒有子女，我是自僱人士收入不穩定，先生則有固定工作和收入，月薪 9 萬，每月供樓$22000，扣除供樓及雜費開支，每月可儲蓄$30000。

~有一個自住的物業約值$1400萬，吉隆坡物業價值HK $350萬 (打算以 Airbnb 出租，此項投資未知是否成功因為仲係樓花）。

~現時銀行可動用現金有HKD$270萬港元及 USD$20萬美金。

~7 年後退休時有$500萬退休金，到時會贖樓還款$250萬給銀行，將會剩餘$250萬，連同退休前薪金積蓄合共約有$500萬現金。

參考了老師《50 穩健收息股》一書，過去一年以月供形式及趁低買入2800，1928，66，12，1398，2388，823，548，2638，778，435，6823，2378，9988 等收息股及少量潛力股，2378 及 9988是最近買入的。

現已累積相等 $100萬元股票，為準備 7 年後退休生活，想以股息作為每月收入。目標是用未來 7 年時間慢慢累積 $500萬收息股票，製造每月約有$20000 股息作生活費。

即是60歲贖樓後，連同退休前的積蓄，到時會有$500萬股票，另$500萬現金備用，不知道這個分配如何？老師有更好的建議嗎？

總結：
~夫婦二人：53歲，無子女。
~現可動用資金：HKD$270萬港幣, USD$20萬美金
~現有股票：等值$100萬元股票（大部份是收息股）2800，1928，66，12，1398，2388，823，548，2638，778，435，6823，2378，9988（計劃慢慢累積等值$500萬元的股票）

~基金：USD$10萬美元，是某知名財演創辦的回報基金，每年派息3-5％
~每月入息：9萬，扣除開支，每月可儲 $3萬（7 年後退休）

~退休安排： 贖樓後，剩餘 $500萬現金備用，$500萬股票用作收息，股息希望每月有$20000。
若身體狀況仍good，間中會做 freelance
~物業：自住物業現時約值$1400萬，吉隆坡物業約值HK$350萬（打算出租）

問題 1：以上計劃可以應付通脹嗎？

問題 2：如果香港的金融體系有變，港元不再同美元掛鉤，到時港元貶值，股票都會變相貶值，那麼需要持有部份美元避險嗎？

現在我所持有的30萬美元（連同基金）應繼續持有，還是兌換番做港元繼續投資港股？加上我對美股沒有任何知識，美元只可以做定期。

問題 3： 退休應該贖樓？還是繼續運用這$250萬資金？因為份按揭單原本可供到 70 歲先完

問題 4：因為日後沒有工作就不能做按揭了，現在應該趁仍有份工而且低息環境，銀行仲肯借錢的時候向銀行按揭多些金額來運用嗎？例如靠股票利息來還息？還是日後用逆按揭的資金？ 因為若是百年歸老，我地層樓都唔打算畀人

問題 5： 我們夫婦二人現自住的是大單位，曾考慮換成兩間細單位，一間租出，一間自住，這樣較靈活？ 還是其他資產應該已足夠應付需求，可不用變動？

問題6： 請問盈富基金應佔總投資金額多少％？其他如銀行股、地產股及公用股的投資百份比應多少？ 忘記老師曾提及銀行股不可佔超過幾多 %？

感謝老師抽時間回答本人的問題 ，十分感激！
祝 生活愉快，身體健康！

龔成老師：

1）睇翻你整體的計劃，物業、股票、現金、基金，都算是平衡，基本能對抗通脹，當中能產生一定的現金流，而你仍有一定的現金，其實可以再買多少少收息的工具，這樣會進一步增加你的現金流。

現時持有的股票都是不差的，但就有少少散，唔好再增加其他股票，如果之後要加股，集中增加這部分股票就得。

另外，你可以同時考慮債券、年金、銀行或保險公司的低風險產品。

2）我相信這可能性好低，所以不用擔心。

如果你真的擔心，可以投資部分到外國的基金或物業。

3）如果到時的按揭利率，處於3%以下，其實保持現況無問題，因為你將資金還款，會減少利息支出，但如果不還款，會得到更高的回報，那麼，當然不要還款。

4）如果是加按，就一般，因為原理是增加負債，始終會提高了你地的風險，因此，除非有好明顯的投資項目，否則，並不建議行這一步。

相反，利用逆按揭，我認為是可行的一步，因為你地不打算留給任何人，所以要好好利用你地的物業，產生現金流，我相信你可以了解下相關資料。

5）變成兩間會較靈活，方向是可以的，但要考慮管理、買賣成本、重新按揭等問題，但這是可以考慮的。

6）如果以「股票組合」的比例來計，30%-50%無問題，不過，你地打算數年後退休，應該以收息為主，反而盈富（2800）比例不會太多。

------------------------------------------------

Q16140：

老師，早前已購入你的財務自由行已經好多得著。會慢慢買你其他書，我睇到買樓既部份，其實我好想利用我首次置業既機會去買入資產。

目標係希望可以係今年到賺到大概40萬入市(租出去希望產生正現金流亦同時擁有資產)。

但我負債中！我知道呢個可能性唔大所以我而家係個市低位入面會一手一手咁買入2800，而且會持有少量1137作中短期，以及1448目的係持有優質資產。

而家希望生意上有突破可以比我快D完成目標，但疫情問題所以最近都比較差，如果疫情過後會跳出去私人市場做freelance，人工應該好易比現在高。

保守故計希望到時freelance+生意會有大約4萬收入，+股票資產既增長完成40萬目標。

但同時間因為freelanec既話會影響到銀行申請按揭（因為冇入息証明），想老師比比意見我應該點樣計劃會比較最為理想，謝謝老師！

龔成老師：

你的大方向正確，只是中間的執行上的問題。

首先，你盡力一年內累積到$40萬，如果因為負債因素，就可能遲少少完成，但都希望你先定立這個目標。

近期疫情如果影響你的收入，你只要在之後追翻就得，所以只要你定了方向，其實問題不大，現時只是一些中短期的問題。

同時，這刻疫情，你應該時間會多左，這樣就可以建立定更多野，例如開拓一些新生意，新方向，只要之後好翻，你生意就會進一步向上，好好利用這卿段時間。我好相信，最差的時候，往往是我地突破的機會！

至於按揭方面，由於你收入不穩的類別，因此要留較多現金先正式置業，因為銀行有時的審批都會變，你要有較多的準備，這一步我反而覺得唔好太急，你先做好一年有$40萬先。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。