http://hardaway.com.tw/blog/post/46285254
雖然我不是亞太使用者，但對亞太這次提供亞太電信魔速方塊2.0，可能幫助自家使用者提高室內訊號覆蓋率的方案頗感興趣，所以就趁著這場體驗會活動來長些知識。
#魔速方塊2 #魔速方塊 #亞太電信魔速方塊 #亞太電信 #hardaway生活筆記

3 大電訊商 CSL、3香港 同埋 中國移動香港 都喺 2020 年嘅 4 月 1 號 同步推出咗 5G 服務，為香港嘅電訊業揭開新嘅一頁。究竟 5G 有幾快呢？邊個台嘅覆蓋會最好呢？今日就同大家試吓！

喺 4 月 1 號開台之前，我已經準備好 Samsung Galaxy S20 Ultra 5G 手機，配合開通咗 5G 服務嘅 SIM卡。呢部手機嘅開箱同埋使用介紹將會喺另一條片同大家介紹，今日就先用呢部手機試吓全新嘅 5G 網絡

首先同大家睇吓三個台嘅覆蓋喇。CSL 喺網頁指出，開台初期 5G 只會集中喺重點地區提供，我就試過由北角揸車向上環方向，要過咗中央圖書館之後先至有 CSL 5G 嘅蹤影，九龍區方面，尖沙咀到旺角都有覆蓋。

和記 3HK方面，之前兩次記者會都係重點介紹開台時候嘅室內覆蓋，我就只有喺中環交易廣場入面先收到 3HK 嘅 5G，就算喺正中環德輔道中3香港專門店附近，都一樣收唔到 5G 喎，問過佢哋嘅職員，原來 5G 初期就只有喺佢哋合作嘅商業大廈，同埋商場有覆蓋。

比較意外嘅就係 中國移動香港 喺主要嘅測試地區，包括新界西、黃大仙、觀塘等等都一樣有覆蓋，雖然中間有時會跌翻落 4.5G，不過整體都算係一個完整嘅網絡，手機大部份嘅時間都見到有 5G 嘅信號。所以覆蓋方面，中國移動香港就贏曬喇！

跟住講吓速度喇！首先我哋喺 3 個台都有覆蓋嘅交易廣場，睇睇實際嘅測試速度先！CSL、3香港 同埋 中國移動香港 嘅 5G 都有覆蓋，CSL 嘅速度上到三百幾 mbps，3HK 同埋 中國移動香港 就大約 200-30mbps 左右。留意 CSL 嘅 Ping Time，喺呢個位明顯比其他兩個台低，訊號強勁。

喺中環區，CSL 同埋 中國移動香港 嘅專門店其實都有覆蓋嘅，一齊嚟睇吓比較喇！由於室內嘅收發器相信就係喺專門店入邊，速度都相當唔錯，中國移動香港 更加做出咗過 500mbps下載同埋 120mbps 上載嘅佳績，而 CSL 都有接近 500mbps 嘅下載。大家可以留意，CSL 嘅時延再一次比 中國移動香港 低。

由於 3香港 喺大部份戶外嘅地區都未有覆蓋，我就喺灣仔街頭同埋尖沙咀西九龍附近，以 CSL 同埋 中國移動香港 做吓速度嘅測試。兩個台喺呢兩區嘅速度都差唔多，不過時延就以 CSL 優勝。

跟住嚟到無咁旺嘅黃大仙，呢度只有 中國移動香港 有 5G 嘅覆蓋，不過中移動都絕無欺場個喎，喺黃大仙兩個唔同嘅地點都有唔錯嘅表現。睇埋喺深井區嘅屋苑入面嘅表現先，喺近窗嘅位置做測試，中國移動香港 嘅 5G 都可以做到超過 100mbps 嘅下載速度，比起 4.5G 嘅 20mbps 唔夠，速度快咗幾倍。

根據網速測試嘅表現， CSL 同埋 中國移動香港 可以講係叮噹馬頭，網速接近，不過 5G 嘅時延喺今次嘅測試，就以 CSL 較為出色，CSL 喺今次網絡速度測試方面就贏番一個回合喇。

今次嘅測試都只係能夠表現到各個台喺提供 5G 服務初期嘅表現，相信無論係覆蓋、網速同埋穩定性方面，都會不斷改進。3 個台都表示，2020 年底就可以覆蓋香港大部份嘅地區，我哋將會繼續同大家跟進同埋測試，記得留意喇！

《Z世代達人》
麥卓華

#5G #香港5G #5G開台