【人生最期待嘅《新異變人》有新劇照】

已經開始變成都市傳說嘅《新異變人》，雖然冇新映期又冇消息上VOD定戲院（Amazon有pre-order但仲未有日期），似乎仲未壽終正寢，日前又一如以往要發啲新聞，令觀眾記得佢存在。不過，今次就唔係再講到底有冇補拍、試映反應有幾爛，就係公佈一批新劇照。

劇照圍繞返套戲事先張揚嘅恐怖片元素，感覺似乎係Creepy過一般嘅超級英雄電影，信心又返返嚟喎。

拿，唔得咁喎，一如明將好食就冇人食，《新異變人》變好睇期待度會大減架。

《新異變人》延期懶人包可看留言連結。

#新異變人係2020年最期待電影沒有之一
#新異變人係2021年最期待電影沒有之一
#新異變人係2022年最期待電影沒有之一
#新異變人係人生最期待電影沒有之一

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

【《#新異變人》分分鐘要2022年先睇到】

作為非官方嘅「新異變人上映情況監察組」成員，自從《新異變人》公佈延期後，已經有一排冇講過佢消息。外國好多網民都同小弟一樣，唔止集氣期待《新異變人》一定要爛，更想佢戲院上唔到，都可以退而求其次上埋串流平台，點知原來唔係咁簡單。

據UPROXX報道，《新異變人》上唔到Disney+同Hulu，全因Fox同HBO仲有約在手，會做埋Fox前朝嘅電影，之所以點解《變種特攻：黑鳳凰》會喺HBO首播，而目前Fox同HBO個合約係去到2022年。

好啦，就算俾你堅上HBO，但《新異變人》同班演員嘅合約，係講緊戲院上映拆數，如果堅要上串流平台，份合約又要重新再傾過。

當你以為《變種特攻：黑鳳凰》已經係粒大花生時，《新異變人》我諗冇人估到會花生至此，係真真正正Disney同Fox合併下嘅孤兒仔。除咗套戲本身補拍無限次，最後又話根本冇補拍過外，Fox前朝同Disney糾纏不清嘅關係，都令套戲上都上唔到原因之一。以為好地地可以上到啦，點知又撞正武漢肺炎。大家都話套戲俾人詛咒，睇嚟正式成為咗都市傳說。

定還是以迪記進度，隨時2022年已經趕過佢頭，拍咗套《新新異變人》，甚至已經出埋紀錄片講呢單嘢，用返《復仇者聯盟》副題拍兩套紀錄片都得：《無限延期》、《串流之戰》。

我都要由 #新異變人係2020年最期待電影沒有之一 改成 #新異變人係2022年最期待電影沒有之一 或維持 #新異變人係人生最期待電影沒有之一。

《新異變人》延期時序故事可睇留言連結。

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：payme.hsbc/jackyhei
或使用QR code：http://bit.ly/3aKpFX8
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者繼續可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie