本篇文章是個新手教學文(複習文)，主要探討 Kubernetes Resource 的使用，主要是 CPU 與 Memory 兩個資源的使用。
本篇文章中我覺得很值得大家再次注意的就是單位的使用，以 Memory 來說有非常多種的設定方式
1. 直些用數字表示，其單位為 Byte，譬如 1024 就是代表 1024 Byte
2. 可以使用指數表示，譬如 129e6，代表 129000000，也就是 129 MB左右
3. 使用固定的 Suffix，譬如 E,P,T,G,M,K。這個代表的是 10^N 次方，所以 1M 就是 10^6 Byte
4. 使用固定的 Suffix，譬如 Ei,Pi,Ti,Gi,Mi,Ki。這個代表的是 2^N 次方(每個級距都是2^10)，所以 1Mi 就是 2^20 次方 Byte，大概就是 1,048,576 Byte

所以 123Mi 接近 129M 也接近 129e6，而實際的數值則是 128974848 Byte 。

CPU 代表的則是 CPU 單位，對於 CloudProvider 來說，該單位則是所謂的 vCPU/Core，對於實體的 bare-metal 機器來說則是 1 hyperthread。
使用上除了直接表示多少單位的 CPU 外也可以使用 m (Milli) 的概念來描述 millicpu，也就是千分之一。
因此常常會看到 500m 的概念，其實就是 0.5 顆CPU,而 0.5 顆CPU則會因為底層不同可能代表 vCPU 或是 hyperthread。

https://medium.com/swlh/understanding-kubernetes-resource-cpu-and-memory-units-30284b3cc866

【龔成問答信箱】（Q19121-Q19140）

Q19121：

老師，我係你學生，做左700-Tencent既估值，希望你望望睇下做得岩唔岩。

10年合理市盈率為10.75/45.39/47.5/57.35

由於其中一年10.75欠代表性，公司質素上大大提升
所以改用2017年57.35既市盈率

所以，合理市盈率為 (42.39~57.35)，平均值為48.23

而過去5年既每股盈利為 3.71/4.9/8.98/9.46/10.96
平值值為7.602

根據老師上堂教中機構評級，大行預算有20~30%增長

個人認為太高所以改為預算Tencent有10%每股盈利增長
所以用作估值既EPS為7.602*1.1=8.36

估值範圍為:
8.36*42.59=356
8.36*48.23=404
8.36*57.35=480

由於區間唔夠cover大部份股價，所以加10% buffer位比佢估值範圍320-528蚊

而公司會有新既游戲推出以及發展正面，所以係上/下限各自加10%既增長位比佢，所以最新既估值係352-580.8，大約係350-580蚊，可以cover 大部份。

投資策略:

今年熔斷低見325蚊，325-350蚊係便宜區。合理區中間係460蚊左右，現時550附近處於合理區頂部。早前高見600蚊係昂貴區域。所以最好等佢500樓下先買入。

不過追問多兩個問題:

1. 如果其他企似好似tencent有D極端/過時數據，應該改用邊一年數據，你上堂話例如疫情就tick除佢，但係好似tencent反而仲受惠，而且高增長咁點算?

同埋每股盈利最近都有高速增長，特別2016 2017年既3.71/4.9都比現時10.96以及黎緊預測既14/16都低好多，咁應該tick除? 定係改用大行既預期每股盈利?

市盈率都係，由小至大排後10.75唔岩用，我用最高果個會唔會太進取?

2. 你筆記話如果正確既估值係包到股價既一半或以上，想問下係包到圖表1年/3年定係5年既股價?

謝謝你啊~

龔成老師：

你對騰訊（0700）的估值做得不差，企業估值沒有絕對的答案，而我見你已經能掌握到概念，同時有邏輯，運用這個估值方法時，最重要是分析「可比較性」，你懂得那些數據較有代表性，那些數據會刪去，以及怎樣調整，已經是明白了當中的原理。

因此估值有主觀成為，所以沒有絕對的對與錯，最重要是數據背後所代表的邏輯。你的估值我認同的。

至於投資策略，可以。當我地計算完估值後，就配合這股的質素去進行投資，你的策略適合。

1）最重要是「可比較」，即是有無代表，如果說年的情況，不能反映這企業之後的情況，就不應該用，但如果這年根本對佢無乜影響，就應該用這年。

另外，有些行業的變化較大（騰訊都有這情況），就未必適用太多年份，可能用5年，或用7年都得。

至於每股盈利方面，如果是高增長股票，就不能單以平均數，要多用預測數據。

2）大約是5年。

其實所謂的一半以上，都只是一個方向，沒有絕對的，因為估值只是一個概念，不是絕對實數。

------------------------------------------------

Q19122：

成哥你好，關於感謝比亞迪嘅話你都聽到厭了，但都係要多謝你。

再要多謝你教我們月供股票，這是比較容易立於不敗之地的股票策略。

另外想請教你0178莎莎國際熬過左最艱難時期未？可以試試嗎？

0388港交所會否因越來越多內地公司來港上市而更加受惠？謝謝你

龔成老師：

太好了！比亞迪（1211）值得長線的，點都要有d貨在手。

至於莎莎（0178），我相信已過左最難時期，但仍會弱一段時間，唔會太快好轉，加上佢的質素，比過幾年前略減，哈然仍有投資價值，但就唔值得太過大注。

現時你預佢處合理區中下部，中短期弱，慢慢會好轉，但未必及過往咁強。

港交所（0388），會因為較多公司上市受惠，因此長遠正面，不過，股價都反映了相關因素。

------------------------------------------------

Q19123：

老師 之前睇完你條影片分析9988, 我本身280入左一手 我手上仍有8萬資金 依加組合係823 3手 3331 一手 1177一手

9988我應該係咩價位再入多手比較好?
我意向230左右

龔成老師：

你組合的股票，都有質素的，可以持有，但如果想較平衡，可以加入盈富（2800）

阿里（9988）長遠仍是有發展，賺錢能力雖然有少少減，但長遠會同政府同議一些監管方法，以及找到合理的賺錢模式，你預阿里$250以下是合理區的頂位，這股可長線。不過，中短期會波動。

如果有貨，可持有，但就唔需要太急加注，$230以下先加是可以的。

------------------------------------------------

Q19124：

老師，我買左你幾本書研究中，請問ROE 盈利/股東權益 x 100%, 同ROA盈利/總資產 x 100% 的算式中， 是用盈利增長還是每股盈利計算？

我不明白，可以教我嗎？
另外，股東權益是股東應佔溢利嗎？

還是盈利是=毛利嗎？那福壽園的ROA是30.92 嗎？對不起，問題太多

龔成老師：

ROE，盈利÷股東權益，反映股本的回報率有多少，分析點從股東角度出發。

ROA，盈利÷總資產，即是資產所產生的回報率，從整個企業的角度出發。

用總數計算。

股東權益不是股東應佔溢利。

前者是股東在會計上，佔這企業的賬面權益多少。

後者就是本年度，股東賺了多少錢，同盈利十分接近。

毛利是扣除直接貨物成本的數，而盈利是扣了所有成本的數。

------------------------------------------------

Q19125：

多謝阿sir。其實我之前一直都比較負面，人生無目標。自從學習投資後，終於搵到自己有興趣嘅人生目標，由學習、實行、到開始有少少成績，真係好有成功感，而且成個人正面左好多，我相信吸引力法則的，思想正面真的好重要。

我睇書聽講過一個講法，當一個人有能力給予/幫助別人時，其實佢唔只係付出，佢同時都會得到一些收獲。

而阿sir你正正係做緊呢樣野，相信有唔少人因為阿sir你而改變了自己的人生，希望他朝有一日我有能力時，都可以做一個能幫到別人的人。

龔成老師：

對！當一個人有能力給予/幫助別人時，其實佢唔只係付出，佢同時都會得到一些收獲。

我20年前，住公屋，一心想致富，但連買書的書都無，我只有去圖書館。當時我已同自己講，如果我有一天累積到財富，我都想幫翻人。

到而家，我不停寫書，其中一個目的就係回饋翻比個社會，我過往睇書好有得著，都係免費得到知識，我現時有能力，就幫下其他人，而我相信，我幫人的同時，可能社會都會有某些東西回饋比我。

你的方向正確，要保持進步，日後要幫翻其他人，加油！

------------------------------------------------

Q19126：

Hi Sir, 我現在每月供股0003煤氣$2000 想停供
再轉供 2382 舜宇光學 或 1211 比亞迪 $3000
重點問題:

1) 請問舜宇光學 或 比亞迪適合我53歲人士嗎?? 會否太進取??

2) 我目標3-5年內能夠擁有100百萬
之後再邁向200百萬及300百萬會太遲嗎??

3) 另外我昨天開始睇你的書80後百萬富翁(避免追不上進度). 接住會報名上堂向你學習.

以上問題你點睇?? 可否比d意見小妹及萬分感激

龔成老師：

1）比亞迪（1211）的風險較高，未必適合。至於舜宇光學（2382），可以，但都唔能夠佔組合比例過多，你要從整個股票組合的角度去分析。

2）我唔建議你太進取，反而集中平穩增長較好。

你唔好太心急，一步步累積財富，先累積左第一個$100萬先。

3）好，我會建議你同時睇《股票勝經》，遲D見！

------------------------------------------------

Q19127：

阿sir你好，我想請教一下、 同埋可唔可以畀咗啲意見…… 我可以點做……

本人近半百、 單親家庭、 有一個女兒 中五、 要照顧獨居媽媽……

沒有 物業、 租住單位每月 11500…… 本人做多項兼職、 每月大概有兩萬五 收入…… 現金大概十零萬…… 有少量股票揸手但 大部分係蟹貨

分別為瑞聲科技、 長飛光纖、 建設銀行 、黃金etf……

你覺得我仲可唔可以買 到樓？

定係疊埋心水
輪候政府 公屋? 終此一生??
感謝 老師專業分析

龔成老師：

理財要一步步，唔好太心急，現金十萬，應該都足夠基本的需要，但如果要置業，要求你的現金及持續供款都有一定數量，考慮公屋都是一個方案，始終可以減少你租金的負擔。不過我唔太清楚現時申請的入息資格，以及單親家庭會否有調整，你可了解下先，如果入到公屋，可以令你的每月支出減少，能儲到多少少現金。

至於投資方面，以你的年齡情況，可以投資平穩增長股，你可以考慮盈富（2800）。

另外再加1：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

分注或月供投資都得。

至於你原有的貨，暫時就守住先，不是無質素的。

你這樣保持滾存資金，累積財富，到了有一定的財富，可考慮轉去居屋，這都是方向。

另外，你女兒可以叫佢過1、2年，做下兼職，幫補下自己生活費及家庭開支，令佢明白佢都是家的一份子。

加油呀！

------------------------------------------------

Q19128：

龔老師，想請教下我現持股票：京信（2342）$3.3入，瑞聲（2018）$55入，工商銀行（1398）$4.6入，鐵塔（788）$1.56入，這幾隻股票應否繼續持有？

龔成老師：

京信通信（2342）主要從事研究、開發、製造及銷售無線電訊網絡優化系統設備、提供相關工程服務，以及提供電信服務及相關增值服務。

5G的發展，都會對佢有利，但這股規模唔算好大，質素不差，而現時投資價值，算是不過不失，這股可長線，但考慮到佢平貴及規模後，這刻唔建議大注投資。

瑞聲科技（2018）不差的，本身有一定的規模與技術，長遠發展正面，不過，佢增長力不是好強，只能視為平穩增長類別。你有仍可以守。

鐵塔（0788）都可以持有，不用擔心。

工行（1398）你預佢只是收息股，增長力不強，持有都可以，但要睇翻你本身的投資目標。

------------------------------------------------

Q19129：

你好，如我有一千萬作退休，有什麼方法可以賺取每月3萬的利息？當然前題係要低風險

龔成老師：

你可以將這$1000萬，分成5部分。

第一部分投資收息股，你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之選。同時，若投資市場大跌，你可以在這時買到更多的收息股，股息率會進一步上升。

你可以將$100萬資金，平衡地分配在上述的項目上，對你來說是最好平衡風險，同時有穩定的現金流。我相信$30000每月絕對不難。

如果你唔想風險太高，收息股坒例就唔好過多。

------------------------------------------------

Q19130：

Hi，龔成老師
我是24 歲股票初哥 有 1m 現金 如何選擇

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你24歲，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，而你只是初哥，因此這刻不用急著投資，你可以集中在平穩增值股先，潛力股小注好了。

建議你暫時只動用$20萬，分注投資，到你有一定的知識與經驗後，再動用餘下資金。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q19131：

龔老師，好多謝你的分享！我係澳門的粉絲，67歲退休人士。你的意見對我很有幫助，給我信心。去年買了年報勝經閱讀，受益良多。

請問老師，有那些收息股可作為平衡內銀股的收息股配置？

期待老師明年新書早日到澳門，也期待老師在澳門開班授課！

龔成老師：

你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、置富（0778）、陽光（0435）、高息基金（3110）都可以。

總之唔好過份集中在同一類別，所有股票都有一些不可預期的風險。

其實我之前都有開過澳門班的，不過現時疫情，所以暫時停左，之後會再開翻的。

你或者可以預早留位，只要whatsapp 852-55457212我同事講，打「留位澳門班班」就得。我地有具體資料就會 whatsapp你。

因為現時已有好多澳門人留左位。

------------------------------------------------

Q19132：

成哥你好，其實我follow作你既page都年幾，你可以話係我既明燈，點醒作我，完全改變固有思維，並且開始行動既人。

想請教你一個問題，我啱大學畢業無幾耐，之前讀既專業係finance做作幾個月理財行業，雖然學到野，但發現並不適合自己，由於受到你既影響下令我對投資尤其對股票特別感興趣

現在想轉做相關行業，你會建議我去證券行，定係一d大型既投資公司做比較好，亦或有其他相關選擇，希望你花幾分鐘回答小弟，感激不盡！

龔成老師：

其實以你這個年齡，最重要是試多D，我會建議你先去證券行試下，因為大型既投資公司，你有可能入職後較穩定，之後未必轉去其他地方試。

反而你應該不斷試不斷學，這是最重要，所以你可以先去證券行，有可能有突破，之後可以考慮再轉其他地方。

你唔需要想得太多，如果從長遠角度睇，最重要是這刻的學習，未必是該工作的發展。

------------------------------------------------

Q19133：

你好，我今年30歲，為自己定左個目標要2022年7月要有3百萬資產，希望你可以俾啲意見。

現時總資產有1.5M ，包括:
1. 現金: 300k
2. 股票 : 1m （60% 1211, 14% 1928, 7% 1038, 4% 2382, 小量嘅 3,2800, 1398, 1810）
3. 基金加MPF : 300k

月入 30K ,扣除供樓及基本消費，每月可儲10K

我分析過自己嘅情況，知道要達到目標有三方面要做:
1. 投資
2. 增加收入
3. 減少支出
而投資係最有效，因為我就算轉左工，人工多10-15K ，都係唔足夠去達到目標。

我計劃做以下嘅野:
1. 重溫重溫基礎班及進階班筆記
2. 月供計劃 - 5k
- 2k 1177
- 1.5k 27
- 0.5 k 1928
- 0.5 k 3
- 0.5 k 2800
3. 每月寫一份企業評估表（ 包括睇5年年報，比較兩間競爭對手，計算估值）
4. 重溫思考致富及秘密，嘗試用書入面嘅技巧
5. 每月睇一本投資書
6. 控制每月消費支出在6千以下
7. 不停揾工

希望你可以俾啲意見，例如仲有啲乜我可以做？

另外，1211原先只佔組合3成，但大升後佔了6成，我需要減持嗎？還是要買其他股份，去降低1211佔比？

謝謝

龔成老師︰

比亞迪（1211）近期升左唔少，令你組合佔比重左。但由於佢優質，你唔雖要去沽出佢。只要未來資金，暫時唔好加注係佢身上就可以。

但你現有持股中，工行（1398）只是收息股，無乜增長力，唔好加注。同時間，你未來應以盈富（2800）做重心，咁個組合會平衡些。

月供方面，比例上有點集中在博彩股（金沙1928和銀娛0027）。同時，部份股票的月供金額過低，這會令月供成本增加。

你可以將佢地集中係盈富（2800），咁可以減少你月供成本。

我見你的計劃及方向都是可行。你只要堅持做就得。

成功好多時都是一步步，無一個特快的方法，只要你保持做上述的要點，成功是遲早的事，不過，好多人都無法堅持，所以，關鍵是「堅持」！

如果想我比意見，可以在「怎樣增加長遠收入」加強，你不止要找一些短期收入上升的工作，同時要想一些對你長遠最有利，長遠才是核心，加油！

------------------------------------------------

Q19134：

老師，我覺得中國航空業在後疫情有前景，對以下企業有興趣並且想建倉，
請問現時股價合理嗎？

694 北京首都機場
1055 中國南方航空
670 中國東方航空

龔成老師︰

航空業在疫情過後，會慢慢回復較正常水平。但你預要些時間，唔會係一年半年架事。

而且航空業本身都有些改變，發展前景已經無以前咁好，唔建議投資太多資金在此行業。

北京首都機場股份（0694），首都機場有佢地位，但近年賺錢能力減少左，整體只屬中等的質素。

現時的估值合理，但由於本身有風險，因此不建議太大注。

南航（1055）質素算是中等，最近因肺炎影響，股價跌左好多，這出現了投資值博率，但由於企業本質唔能夠稱為好高質素，因此，唔建議投資得太多。

中國東方航空股份（0670）於1995年4月在中國成立，主要經營民航業務，包括客運、貨運、郵運及其他延伸的航空業務，為中國三大航空公司之一。

睇翻企業本身，盈利就十分波動，而且賺錢能力出現下跌情況。再加上負債不輕，此股質素不高。長線計，投資其他優質股會較好。

------------------------------------------------

Q19135：

你好呀龔sir, 我最近計算緊八年後我大概會草到幾多錢
現金儲蓄方面就易計d

我預期每月草$5000所以八年就$480000
但股票方面個每年增長率我應該係用咩數？

我持有既多數都係平穩增長股 另外有一手吉利 total 有十五萬

股票投資方面我有冇方法可以大約知道八年後會增值到幾多？ 謝謝你

龔成老師：

可以用10%（股票增長+股息）作為計算的基礎。

如果你每月能儲$5000，一年$6萬，投資8年，預期滾存到$68萬。

如果你現時股票為$15萬，假設10%滾存，8年預期滾存$32萬。

因此，大約合共為$100萬。

------------------------------------------------

Q19136：

多謝龔sir 解答！而家睇緊財務自由行，見到第四章提到大富翁背後的舞台，裡面有御藥堂，呢隻股票之前都有買過，阿sir 對呢隻股票點睇？

以下係我之前ge投資組合，是否需要改善？

0003 3000股@10.92
939。 5000股@5.48
1398。5000股@4.21

1928 1200股@30.9
1128。2800股@12.1

1310。10000股@9.57
2800。2500股@24.952
6823。2000股@10.12

9988。200股@251
1810。1000股@20.75
1177。5000股@7.87

如果睇完財務自由行，跟住應該睇邊本書？
唔該曬！

龔成老師︰

順騰國際控股（0932）即御藥堂，其生意無增長，年年虧損，加上2019年的核數師意見有少少問題，這都反映企業本身的投資價值唔高。

當我地選擇投資項目時，應參照自已人生階段。年輕時，可以用"平穏增長股" + "潛力股"，到中年"潛力股"比重要減少，到近退休應集中在"收息股"上。

你以上持股有點雜亂，不同類型都有。我建議你因應自已年紀，去作出調整。

潛力股︰阿里（9988）、小米（1810）、中生（1177）
平穏增長股︰煤氣（0003）、金沙（1928）、永利（1128）、盈富（2800）
收息股︰建行（0939）、工行（1398）、香港寬頻（1310）、香港電訊（6823）

如果你睇完財務自由行，可以睇"股票勝經"。

------------------------------------------------

Q19137：

老師 有個問題想問，我地計完合理價錢，通常同市場價格相差較大，大多數現價會略貴。

好似小米 阿里巴巴咁 小米合理價大概係17 依家係25 阿里巴巴250係合理價頂區，咁佢地會唔會 不一定跌返落去合理價，然後繼續升？

還是時間問題，一定會跌返去合理價？

龔成老師︰

佢地會唔會回到合理區，的確無人會知。

因為不少優質股，佢地質素太高，經常會維持在高位。如果等合理區才入貨，有機會真係一直入唔倒。

在理論上，長遠的股價會回歸翻合理價值，不過，有時市場長期睇好，又或該股的實質價值不斷向上，都有機會令佢較長時間貴。又或同一價位，因為價值提高，由貴變合理。

所以，有時我地都會係偏貴少少架時候，入小注，去平衡入唔倒貨架風險。

另一個方法，就係用月供去儲貨。

------------------------------------------------

Q19138：

龔sir 國內物管2020排名top 1-4 分別係6098,2869,6049,3319 ，不過top 4 之中只有6049跌穿3月低位，想問下你點睇？

龔成老師：

上述4間都是有質素的物管公司，加上行業發展正面，都有投資及長線持有的價值，只是平與貴的問題。

唔好太著重中短期的股價，最重要是企業長期的價值。

------------------------------------------------

Q19139：

想問老師你一直同我地分析香港股票rather than美股或其他國家股票

係咪因為只係focus係香港市場已經足夠？
定係怕我地handle吾到美股等資訊？

同埋想問Tesla同apple 2隻股票係咪值得長期持有？有時見老師你成日都會講市盈率去作為其中一個分析現時價錢係平定貴，想問點分析到e個index？

龔成老師：

我地投資，最重要是選「優質股」，以及「自己熟識的股票」。

香港及美國及其他地方，都可以選到優質股，但在資訊及認識上，我會偏向港股。如果你能了解美國公司，當然可以投資，而你上述講的兩隻美股，都可以長線持有。

長遠來講，我相信中國與美國是兩個好強的國家，相關企業都值得投資。

恆指的平貴，可以用市盈率作為入門分析，一般以10倍市盈率以下開始平。要留意，由於近期鴐入了多隻高市盈率的新經濟股，因此原本24000點以下就是平，現時大約去到22000先算平。

------------------------------------------------

Q19140：

多謝啊Sir你每次既耐心教導。
我忙到年尾，就會係下年報讀進階班

另外，睇左啊Sir 10本著作，上左初階班，小弟真係非常欣賞你。唔單止係投資上，更重要係心態思維上。

小弟係一位90後，24歲開始從事保險事業，現有一條30人團隊。有幸兩度置業、年收入$250萬。今年開始拜師啊sir開始學習投資。

小弟明白如果可以更上一層樓，有一位伯樂指點是非常重要。小弟有個冒昧請求，希望可以請阿Sir你食餐飯或飲杯咖啡。

知道你時間非常寶貴，亦都非常繁忙，如果你答應真的萬分感謝。唔知你會有空嗎？

龔成老師：

見到你咁成功，太好了！

你這個年齡已有這成績，相信這行好適合你發展，你保持著「THINK BIG」就思維就得。要不斷令自己進步，更上一層樓！

至於食飯，先多謝邀請，但實在抱歉，始終我實在太忙，未能出席。你加油，保持進步！

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q16461-Q16480）

Q16461：

您好龔成老師，我想問你係咪每隻股升左一倍後都會放一半？

好彩我10個月前聽左你講放哂d劣質股，留番d質素好的，好似隻1833我留番無放，經歷跌過我買入價（$56）一倍，依家仲倒升返一倍

知道依家熱炒有機會會跌返落去但我又唔捨得放，佢依家價值佔我成個組合40%，噤先最唔捨得放驚買晤返，又唔等＄洗同暫時冇心水買其他，比你會點做？謝謝

龔成老師：

如果是一隻優質股，我會建議長線持有。

當然，都會有賣出的時候，一般人不懂分平貴，我會建議用「升一倍，放一半」的策略。而我自己，會用平貴與狀態去衡量。

平貴度，你要先懂得計算企業價值，當企業真的處貴時，就賣出部分或全部。

另外，我亦會考慮企業的狀態與發展，例如比亞迪（1211），我大部分的貨都是買入後長線持有。我睇好佢電動車的發展，因此，我會等佢的電動車普及時，股價已大升時，就賣出部分或全部。

至於你的情況，平安好醫生（1833）是有潛力的股，你有部分貨宜一直持有。不過，單一股票佔你比例去到40%，是過多的情況，我會建議你分注賣出，慢慢減持3分1至2分1。

這是一個平衡組合的動作。如果你本身現金多，可以將賣出資金投資盈富（2800）。

------------------------------------------------

Q16462：

老師，我前幾日買左你出個本50隻優質股，真係好好用，謝謝你。睇完之後有少少野想問：

1. 依家月供既諗法係盈富2000，1000比亞廸，1000長建，1000中生同埋1000港鐵。想問一下依個組合會唔會太進取？

2. 依家持有1手太古，1手福壽園同埋1手平安好醫生，請問短期內需唔需要增持？

3. 我見到有啲股票1手要二三萬蚊，有啲就幾千蚊都有。始終我資金有限，想問一下如果好似比亞廸依啲1手要二萬既幾股票，用月供定係儲夠1手既錢先直接買1手會比較好？

4. 我知道月供股票利用平均成本法降低風險，但假設一隻股票長遠係升，咁其實每個月買入既股票雖然少啲，但都會慢慢拉高平均既買入價，想問一下月供股票係咪到一個特定既位就唔可以再供？

5. 盈富同領航標普500邊一個會比較適合年輕既投資者？

6. 周大福依家係入市時機嗎？對比六福邊一隻會更適合年輕投資者？

唔好意思今次咁多問題，因為睇完你本書同埋睇左好多近期新聞個腦出現左好多個問號。感謝你耐心解答

龔成老師：

1）又唔算進取，只可以話不是保守類的組合。如果你本身能承受到少少風險，這組合無問題，其實選股是不差的，長線投資無問題。

2）你可以等佢地回落先再增持。另外，要睇翻你的現金情況，現金多，可以等回落加注，如不多，就唔好加。

3）月供有平均買入價的效果，會比較好。

除非你見到佢大跌，在較平的水平，就值得一手手買入。

4）如果去到貴的水平，或已經有一定的升幅，可以停供，或減少月供金額。

5）兩隻都是有質素的，只是市場不用，所以無所謂。你可投資盈富（2800）。

6）六福（0590）的潛力度會略高。現價在合理區，分注投資可以。

------------------------------------------------

Q16463：

龔sir 你好 介紹咗你俾朋友 佢好認同你嘅投資方法 佢有啲問題想問你。

佢26歲 穩定收入32k 冇咩支出 月儲25k 未曾入市 手上有300k可以分注入市
請問以下計劃可行嗎？

1. 130k keep cash等大跌市
2.170k 分3部分
68k 分注入 2800 788
68k 分注入 2638
34k 分注入1211或1448 (視乎平貴)

請問會唔會分得太散？另788平宜區大約咩位？
應否做月供其他股？Thx

龔成老師：

選股方面其實可以優化。

佢25歲，是財富增長年齡，可以進取小小，港燈（2638）只是收息股，未必適合佢這階段，因為進行人生財富累積時，應該用「先增值，後現金流」作模式。

佢可以選一些平穩增長股，或加大盈富（2800）都得。

至於資金分配方面，大致無問題，可以跟從上述的方法進行，選股也是正確的，隻數無問題，合適，反而加多1、2隻都得。

至於中國鐵塔（0788）離平仍有一段距離，起碼要跌2、3成以上先算。

如果佢無自己分注的能力，就月供。月供的好處是將買入價分散，減少買入價風險。

------------------------------------------------

Q16464：

老師你好，我28歲，之前月入大概$30k。由兩年前開始投資股票，但那時對「投資」缺乏正確投資觀念，招至損失。過去一年透過閱讀投資書籍加上follow你的posts，開始累積一些正確的投資觀念。

目前持有:
0005 3手
0052 6手
0778 3手
0823 10手
1177 1手
1928 2手
2388 2手
3383 2手

另持有現金大約10萬，定期40萬，當中15萬四月到期。請問我呢個portfolio會否太散? 餘下資產應如何分配?

我認為自己是一個怕冒險的投資者，所以初畢業只懂儲現金，但近年明白會貶值。我投資目標是達到財務自由，足夠支持自己同父母的生活費。

有時都會覺得lost，因為有呢個明確目標，不自覺地會犧牲了目前的生活質素，加上目前待業中，變得更怕用錢。想請問一下會唔會有d咩advice可以調節心態?

我發覺自己經常於高位入貨，對於如何assess 股票的value有點束手無策。請問有相關的書recommend嗎?
謝謝賜教。

龔成老師：

你有幾樣野要做，第一，學投資，你怕風險只是由於你對投資未夠足夠的認識，如果你真正認為投資，就會怕現金而不是怕投資。

第二，你過往虧損，只是你知識不足，你這刻可以用長期月供優質股的方法。就不用擔心。

我每講翻D正確知識，希望你明應該點投資。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你28歲，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。

因此，匯豐（0005）、定期，都不是最好的策略。

如果你投資知識不算多，可以集中在平穩增長股。

你可以睇《股票勝經》《選股勝經》《年報勝經》，以及報我的股票班，相信你有知識後，就會不怕投資。

------------------------------------------------

Q16465：

龔sir, 謝謝你的分享，自從上過你堂，睇左你d書，開始由蝕變賺，同埋個心態相差好遠，以前一跌就好驚，宜家反而覺得係機會，剛剛既跌浪都收鑊唔錯，謝謝你。

另外，想問問你意見，如果12，14同1972之中選1隻，你會揀邊隻呢？

龔成老師：

太好了！你現時已經有正確的投資觀念，保持進行就得，我地最重要是建立一個長期的優質組合。

這3隻都是有質素的地產相關股，其實都可投資，如果從這刻的投資值博率角度分析，太古地產（1972）會略略高。

------------------------------------------------

Q16466：

龔sir你好，我用月供股票已經16個月。
係上年都開始左買高端醫療保險，危疾，人壽，基金。保險年供4萬。

我有以下月供投資組合：
2800 $2000
1211 $1000
66 $1000

我想再增加投資組合，請提供建議？

另外，我想和先生一齊買一d股票，會動用我地一齊儲ge錢去買，用作將來買樓，請提供建議？
Thank you

龔成老師：

保險有理財中，都有一定的作用，因為可以將「風險轉嫁比保險公司」。不過，保險適當就得，不用過多，你之後宜加大力度去進行財富增值。

如果你想增加月供，可以加大盈富（2800）與港鐵（0066）的金額，亦可以加入地產類股票去月供。

至於動用現金方面，你可以考慮盈富（2800）。

另外再加銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

另外，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16467：

老師，我現在有貨$340萬，可用現金有$260萬，還未入齊貨，現在恆指24000是合理區，之前22000左右都是小注入，現在已回升不少，我應該如何入貨呢？

仍然是分注嗎？最差的情況是否已過？未來一個月還有更好的入貨機會嗎？

龔成老師：

無人知之後的大市升跌，所以，唔會預期會否再到便宜區或更平的位，無人知。

你可以先在現時合理區中下部的水平，動用$50萬現金，分注投資優質股，然後餘下的現金，就等大市去到便宜區先入。

無人知疫情會否忽然轉差，同埋經濟數據可以好影響大市，所以唔能夠用盡現金，要有不同可能性的假設。

------------------------------------------------

Q16468：

你好龔成老師，我現在22歲，7月份即將大學畢業，7月開始有份正職大約30k一個月，另有副業大概每月60-70k，現有積蓄150萬。

本來打算8至9成按買樓，但見樓市無明顯跌勢，請問我現在應保留現金，還是應該用部分積蓄買股票？有無邊隻股推介？謝謝！

龔成老師：

我相信樓市中短期會跌，始終香港經濟轉弱，但這只是中短期。長期來說，香港樓市仍是向上的，因為香港樓的長期供應仍是不足。

因此，中短期可說是一個機會，你可以每個業主都大力還價，希望中了一個心急業主，你就可以買到平貨。

你要想清楚，如果樓市大約在現水平，會打算幾時置業，如果在1、2年內，就宜持有現金。如果在3、4年後，就應該投資股票，先作財富增值。

你可以考慮盈富（2800）$2000。

另外再加：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

另外，你現時副業的收入理想，其實可以加大發展這方向，對你長遠正為有利。

------------------------------------------------

Q16469：

你好老師想問下你點睇1800, 現價如何 謝謝老師

龔成老師：

中國交通建設（1800）質素不差，但又未去到好好，整體都有投資價值，但增長力不強。

負債高是扣分的地方，因此估值不會高，股價都反映了相關風險，現價算是合理。分注投資都可，但就未必適合太大注。

------------------------------------------------

Q16470：

老師 如果有時間可唔可以分享一下3同386？

3就十送一股 仲有股息 長期黎講係咪增長股？

386 股率高 係唔係優質股 4蚊算唔算合理價？

龔成老師：

煤氣（0003）是優質股，可長線投資。不過10送1其實不是真正對股東得益的行為，因為只是左右手數的問題。這股有基本增長力，但相信無過往增長得咁勁。

現價合理區中上部，唔建議大注。月供或分注，都是較好的策略。

至於中石化（0386），質素算是不差，但又未到好好，始終這只是商品企業，沒有一些太大的優勢。生意近5年只是上上落落，無乜增長力，這是受油價等因素影響，反映佢處於一個被動的狀態。

如果佢之後的業務，無之前度咁樣，股息就會下跌，而佢過往的股息亦唔算太高。加上佢的股息不太穩定。

所以，這股作為收息股，適合度只屬中等。現價合理，如果不算太大注，其實都可以。

------------------------------------------------

Q16471：

有樣野想請教一下，就係成日都講的，一間公司既負債水平健唔健康

其實有無定義？謝謝你

龔成老師：

無絕對的水平，但一般來說，可以睇兩個比率。

第一，睇翻流動比率，要求在100%以上的水平。

第二，睇負債÷股東權益的比率，要求存100%以下的水平。

當然，最好是同時配合其他指標去分析，例如現金，經營活動現金流量等。

------------------------------------------------

Q16472：

你好！想問下盈富基金派左中期息，咁派息果到點樣計，自己收到幾多息錢？thanks a lot

龔成老師：

你可以上翻財經網站，睇翻佢「每股派息」，例如最近一次的中期股息為$0.09。

你只要將你的持股數量，乘翻$0.09，就是你收到的股息，例如1000，就有$90。中期息一般都會較少，末期會較多。

------------------------------------------------

Q16473：

龔成你好，想請教一吓我分別係$57 $54都入咗大概$300,000滙豐，現在大部份資金都蟹咗，請問應該點做好？

如果繼續持有，你估計大概要等幾耐先到價呢？
希望你能抽時間覆我，感激

龔成老師：

匯豐（0005）不是全無質素，但增長力慢，中短期弱，你預要耐心少少先上得翻去。

你預這股只是長期的收息股（中短期不派息不用理），而增長力有限，所以，都唔好對股價有太大期望。

另外，如果這股佔你組合的比例太多，其實應該調整翻，等上翻D時應賣出部分。

------------------------------------------------

Q16474：

你好，本人已經接近退休年齡，因為做銷售工作賺取comm...但現在因為疫情原故根本冇生意！老闆就一味追生意所以十分大壓力！

公司仍然動手炒人只是不斷追數！本人曾經投資股票及基金捐失咗一筆錢，就變咗好保守基本上只揸住一些坐了好耐艇的股票！其餘只做定期！

身體實在不能再承受現在的工作壓力！真的想立即resign

想請問你要正式退休要多少＄才能做到？

龔成老師：

如果你已是退休年齡，在財富的配置上，會較為保守，唔會進求財富的增值，而是著重「保本」「現金流」。

例如建立一個低風險，現金流的組合。

以一般6%收息計，如果你有$200萬資產，每月會產生$10000的現金流，你可以用這做標準，衡量自己要多少財富。

留意，買股票不是炒賣，只建立一個優質股的組合。同時，股票只是你財富分配其中一部分，並不是全部。

如果身體壓力太大，就要平衡翻，如果資金夠，提早退休都是可選的。

------------------------------------------------

Q16475：

龔成老師你好，想請教一下，應該如何計劃，才能在十至十五年後達到財務自由，不需依靠全職工作為主要收入。

我和先生二人未夠40 歲，全職工作加埋月入7至8萬，資產分佈如下：

- 有一層樓出租，樓價現在大約6.5M，租金要再加大約$2500 才夠cover 層樓的管理費及mortgage，而mortgage 暫欠約3.6M

- 與家人同住，扣除開支，長老家用，每月約餘下2至3萬，沒有定額規定要儲幾多錢

- 現時月供$2500（2800）， $2500（2318），（2800）已有1089股，（2318）已有288股

- 之前月供（3），儲左1680股，見佢少左派息，而家停左

- 上年年尾買左$100,000 （聯博- 跨領域收益基金），每月派息<$1000

- 上年年尾開始左年金計劃，每年6萬幾，扣稅用途，還要供多4年

- 現有股票，1000股（1），800股（5），10000股（215 ），100股（700），2000股（2007），2000股（2013），1000股（2186），100股（2382），200股（9988）

- 戶口大約有30萬現金

- MPF 大約有40萬

我倆對投資沒有很深的認識，但都會聽下電台/電視的財經資訊。

由於對香港的前境並不樂觀，我倆亦有想過在海外買物業供退休之用。先謝謝老師的建議。

龔成老師：

我地進行理財，就是建立一個財富組合，長期持有優質資產，達至財富增值。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你現時的物業，長期持有無問題，不用改變，現時香港物業租金回報率較低，你租金不足供款這情況都是正常。

至於海外物業，你都可以考慮，但建議你遲少少先。因為你現時的財富組合中，股票類別不足，物業類較多，而你應該建立更平衡的組合。

由於你年齡只是40，財富仍有增長力，所以可以增加股票比例，例如加大月供金額。

你可以考慮盈富（2800）、銀娛（0027）、恆基（0012）、中銀（2388）、港鐵（0066）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

你每月能儲$20000以上，相信可以投入更多在股票。同時留有部分現金。

------------------------------------------------

Q16476：

你好，我想問股票784，會唔會升返

龔成老師：

凌銳控股（0784）見佢業務很普通，生意無增長，盈利少，有時更出現虧損，投資價值不高，企業本身沒有獨特性。

這類股無論估值，以及投資價值都不大，現時市值約$2億，計算價值後，吸引力仍有限，見佢過往曾見過幾十億的市值，這明顯是炒作的結果，無企業價值支持。

現價的吸引力都不足，要大升相信不易。

------------------------------------------------

Q16477：

本人中年，一家四口，2小朋友已達青少年，家庭月入11萬，想住3房。

背景：九龍居屋細單位只欠1.5 million 按揭，現金 2.6 million, 股票+基金 1.8 million (已蝕0.8million )。
現想以下方案

1. 現金清還按揭，再出租自住單位（1.6K ), 再租入3房 （2.2 K), 因為員工按揭貸款0.8釐，但不可出租，所以清還

2. 不清還按揭，只裝修（$250000）變3房，但單位細

3. 有想過換樓，但仍覺得成本太貴，7.5M - 8 M, 現自住物業只值6.5 M，因為要留錢可能小朋友5-6 後海外升學（估計至少1M 1個）

因為現時投資組合全蝕（好多5號仔）所以未有想增加投資... 謝謝

龔成老師：

（2）是較好的。

首先，你有員工按揭貸款0.8釐，其實這是你一大優勢，你應該慢慢還錢，就算將資金投資一些收息股，都有6%回報，你都能賺取息差。甚至買一些更低風險的產品，只要回報高過0.8%，你已有著數。

因此，不要太快還錢，是前提。

因此，（1）會用盡你的資產，同時減少了財富增長力，無著數。

方案2雖然單位較細，但你提到兒子有可能到海外升學，因此所需的空間其實不會太多，而這方案可以留有最大的現金，為海外升學準備。

------------------------------------------------

Q16478：

老師，想請教，月供幾時離場 ?

龔成老師：

如果所供的股票是有質素的，仍在增長，其實可以一直月供。

其實月供的原理就是儲錢，但不是儲現金，而是儲會增值的股，如果股票不斷增值，點解要賣走，轉成貶值的現金？因此，有些股長期甚至永遠持有無問題。

當然，當股價已去到貴的時候，或已上升了多倍的時候，都可以賣出。

不過，月供一般是長線投資，一般會供5年以上。

------------------------------------------------

Q16479：

Hello 老師，今年我27歲將會同未婚妻年尾結婚, 最近在睇樓, 我明白第一層樓未必可以買到心頭好, 所以諗緊應該點部署

我地有大約一百萬的積蓄, 每個月加埋大約可以儲到50000蚊, 打算做9成按揭上車, 屋企人可以借少少錢比我地做首期, 因為收入ok,供樓加還錢唔係問題, 不過諗緊邊一樣回報會大d

暫時有兩個諗法：
A）買一個大約8百萬的二手單位自住
B）買一個6-7百萬的一手細單位出租, 再出面租大d既樓自住

因為聽過一個說法一手樓的升值潛力比起二手樓高, 因為一手樓通常有發展商的discount

B做法好似每月支出少d ,但係回報可能好d, 還是只要A買的係優質樓, 升值的潛力係一樣? 想問下老師你的睇法

我地亦有諗過可以租一年樓,睇下樓市有無機會回落再買,但我認為無人會估到樓市的走勢,應該睇岩左供得起就買, 呢個諗法係咪岩？

Thanks so much 老師!!!

龔成老師：

方案（A）較好。

以租金回報及升值潛力計，二手機一般都會比一手樓為好。你可以試下找近5年賣樓蝕錢的個案（其實已近5年的樓市，無乜人蝕錢，但都有），你會見到唔少個案都是新樓。

發展商好識得捉心理，買入會感覺容易入市，容易供，但最重要睇翻實際的金額，呎價，租金回報率。

當然有時會有平野，但你要好小心分析，以「實際的金額，呎價，租金回報率」分析指標。

至於香港樓市，中短期有可能回落，這點我都唔能夠分析準確，因為好睇香港的經濟，不過，就算回落，都只是有限數。

而長遠，香港樓仍是會向上，因為供應仍是不足。因此，你已經可以開始睇樓，但我都說唔定，今年還是下年是較好的時機。

------------------------------------------------

Q16480：

啊sir岩岩完成左你嘅基礎班 真系學左好多野

我想系我個投資組合上加科網嘅企業 因為自己對呢一行都幾睇好

呢排留意緊新意網 我睇佢宜家市盈率25倍 都算合理 但我又見佢業績無之前幾年咁好 唔知會唔會有啲隱憂.. 之前3月尾大跌市又錯過左$3.x嘅價位，想問下你意見

龔成老師：

希望課程可以幫到你，令你財富有實質提升。都要多溫書，多睇年報，先有理想回報。

新意網集團（1686）是有質素的股票，我在《50優質潛力股》都有推這股。長遠正面的。

市盈率25倍，已經是合理區的頂，你買入不是不可，只是注碼要控制，小注好了。之後到下跌先正式買入，同時要分注。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。