【龔成問答信箱】（Q22481-Q22500）

Q22481：

老師，如果我找你私人教學股票，可以？我想有機會私人向你好好學習。

我可以自己做到快速睇完一份財務報表就知道呢隻股票會升定跌，我本身都有一定的股票知識。

另外，其實你認為股票算唔算是一種技能和手藝？？

因為我較多時間放在研究股票，但啲人成日話我不務正業，又講股票等同於賭博。但我自己認為喺一盤生意。

龔成老師：

抱歉，我教學10年，都是大班教學，一次過令多人得益，而不提供私人的教授。

始終我一個人的時間是有限的，我要想想如何在相同時間，令最多人有所得著。

這與你是否有實力無關，而是我本身的時間問題。

我過往做過銀行、證券行，當中都要用到股票知識的，你現時擁有技能，其實可以好好發揮。我建議你大量閱讀，增加你的知識，然後再上我的股票班。

------------------------------------------------

Q22482：

老師，你好！因承繼了家人的股票遺產，我地想買樓所以已沽了一部分的股票，現在還持有以下的股票，想請問老師的意見

01398
01813
00005
01888
03333

00939
02689
03913
01288
02380

03377
00941
02238
00175
00388

02238
02314
02689
02800
03988
06837

因不想持有過多的股票，請問邊隻股票合長揸？有邊隻股票可以現時/近期可沽？適合賣出的價位係邊呢？請指點

龔成老師︰

1398, 0005, 0939, 1288, 2380, 0941, 2314, 3988係收息股類，增長力不高，主要只係收下息。若你係年青至中年，這類股票不宜持有太多，你可沽出大部份。相反，你都將近退休之年，這類股票你應保留，去為自己創造現金流。

3913, 2238, 0175, 0388, 2800這些股票較有質素和增長力，若你係年青至中年，這類股票建議保留。若你較年長，就不宜持有太多。

1813, 1888, 3333, 6837風險比較高，唔建議持有太多，你可以沽出部分。

2689, 3377質素較弱，建議沽出。就算相保留，都只宜好小注。

現時這些股票，大致上都在合理價位，未算好貴。但無人會知，幾時先去到一個好貴架水平，所以我建議你有策略地，去慢慢出貨。

你唔好等到要買樓先一次過沽，最好係分段，每距一段時間就沽少少。例如你一年後會買樓，可能你就每2-3個月就沽少少，以減低價格波動，所造成之影響。

------------------------------------------------

Q22483：

你好，龔Sir,小弟睇完你兩本著作獲益良多，正在步處未來十年財務計劃，希望可以盡快財務自由，希望你可以俾d意見小弟。

我和太太42 歲，三年前買了一層公屋450萬，收租$1.1萬（三成首期）

一年半前買了一個$760萬單位自住（2成首期供30年）

家庭月入10萬，扣除開資每月儲蓄3萬，手持現金$400萬，目標希望可以盡快把自住物業供完千+每月有被動收入5萬，應該可以退休。

請問應該如何投資及要花多少時間才能達成以上目標呢？

龔成老師︰

由於你現時財富組合，已經有2個物業，因此我地係未來進行增值時，會先集中係優質股上，以免成個財富組合，太偏重物業類，而造成風險。

如果你希望8年後每月有5萬蚊現金流，以股息率6%計，你需要本金1000萬。

以你42歲，可以選擇一些「平穩增值股」+「潛力股」作投資目標，去累積這筆所需資金。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

如果你現時無太多投資經驗，潛力股這類風險較高的股票，你就不要持有過多，最多維持2成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-4成，視乎你投資經驗多寡和了解這些股票程度而定。

大市現處於合理水平，那400萬資金，你可以先用100-150萬，以"分注"形式慢慢入貨。餘下資和每月儲蓄，就等大市有明顯回調，才慢慢大力度掃貨，並長線投資。

我假設投資回報有10%（連股息再投資），你每月投資$30000 + 400現金，10年後大約會增值至1600萬，這樣安排相信很大機會達至你的財務目標。

------------------------------------------------

Q22484：

老師，記得你叫唔好破產
但又差卡數 又有貸款 唔知點搞好

龔成老師：

第一，提高收入。

第二，減少支出。可以剪去所有信用卡。

第三，債務重組，將高息負債轉到較低息。

第四，定一個還款計劃。

------------------------------------------------

Q22485：

你好，請問 2814 三星 現價值得投資嗎？

龔成老師：

三星FANG ETF（2814）的投資目標，係追蹤NYSE
FANG+指數的表現。是一個美股潛力股基金。

首先，FANG+係代表美國上市多隻領先既科技股票，即係代表Facebook、Amazon、Netflix、Google，而該指數會再加上其他科技股，如Twitter、Tesla、百度等，即是全球處最前列的科技類公司。

這基金是一個潛力基金，長遠正面，但要留意價格會較為波動，加上近年科技類公司上升左唔少，因此現價唔算平，建議以月供的模式投資，或少注好了。

買入後長遠持有。

如果同時持有香港上市的科技股，再加上這基金，能有平衡配置的效果。

------------------------------------------------

Q22486：

你好！龔成老師！我係你fans。我想揀隻收息股，現價買入659，6823定939好？

本人30出頭

龔成老師︰

若果以收息股黎講，建行(0939)和香港電訊(6823)，質素上會較高，現價合理，可以分注。

但當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時30歲出頭計，是財富增值的黃金時期，應該先集中投資「平穏增長股」和「潛力股」這類增長股，而唔係收息股。

你應該係先用增長股，去累積大個財富。到你退休時，才換成收息股，去創造穏定現金流，支援退休生活。

------------------------------------------------

Q22487：

你好，我本身有買你嘅書，都有睇你yt 嘅片同留意fb。

我同女朋友依家23歲，兩個人加埋只有40萬，希望5年內儲夠130-150萬，未入過市，想入。

有留意你話要買「潛力股+平穩增長股」，想了解下京東物流、中國龍工、中國銀行、中芯國際、華虹、領展呢幾隻股票如何，值得入貨嗎？

幾多價位先算合理呢？早幾日大跌市冇建倉有啲後悔

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你23歲，應以增值為主，可以用一些「平穏增長股」 + 「潛力股」作組合，去創造一個增值平台。

京東物流（2618）和中芯國際（0981）質素係有，但未到最高質素，只宜小注。前者在合理區，而後者要等佢回多少少，才好開始慢慢入貨。

中國龍工(3339)質素只係中等，現價合理，但不值得太大注。

中行(3988)係收息股，增長力唔會太強，主要係收下息，不適合你年紀。

虹半導體（1347）有質素，發展不差。但現價有少少貴，回翻D才開始慢慢入貨，會較好。

領展(0823)有質素，現價算合理區頂，可分注。

其實我地投資優質股，一般預期年均回報大約10-15%。要單憑40萬，5年內累積150萬，係有點難。

建議你，再加上每月用$12000月供優質股，我假設投資回報有10%（連股息再投資），你每月投資$12000 + 40萬，5年後大約會增值至150萬，這樣安排相信很大機會達至你的財務目標。

策略上，你可以投資「平穏增長股」和「潛力股」。你每月5成儲蓄，即是用$6000做月供。其餘先儲起，用一邊月供一邊儲蓄的策略。

若你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

現時大市只是合理區，你現有40萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

------------------------------------------------

Q22488：

龔Sir先前上完你堂明白價值投資道理，但700仍高位五百幾買入，見現在一直下跌，上了堂仍不懂補捉合理價而且現在一直下跌，

所以恐慌此股能否上回五百幾，是否要四百幾時止蝕，本身認為它是有質素的，但看完一堆股評人說好像會跌至三百幾而且好難上返去五百，

因此現在好像沒信心自己先前是選了優質股，好像選擇錯誤入了的心情。但你上堂時分享了比亞迪跌至底點仍持有的心態，好像有點困難學到。

所以想知道現在騰訊俾中國政府這樣大壓，而且北水同外資同時流走，那股價是否不能上回去，因為股值已經不是當初計的這樣，如果重身估值將可能是大跌了，

那賺錢優質股會否變成無法上升回去的股，希望老師指點下，謝謝

龔成老師︰

你要學識分辨企業質素和價格之餘，都要學懂冷靜分析大市現狀，和一些發生的因素。

就好似近期股市大跌，主要係中央一系列政策出台，加上大市氣氛較弱，令不少優質股都出現較大調整。但我地要了解翻，這些因素，係唔係會對企業造成長線影響。

騰訊(0700)的確係會對佢賺錢能力，有負面性影響。

所以，估值上會減，同時如果持有太多貨，可能要略為減持，因此政策對佢長遠有影響，影響了賺錢能力與估值，不過，未到核心性影響（即是未去到令企業無錢賺、無優勢，而是賺錢能力略減）。

但由於企業有一定規模和質素，相信佢長線會適應到這些新規則，令業務重回正軌。

我暫時唔見到，騰訊長線投資價值有明顯差，現貨可持有，相信回翻上去5XX，唔係大問題。但你預佢中短期，個股價一定會好波動。但只要你目標係長線，咁就無問題。

------------------------------------------------

Q22489：

如果有500萬，全部買港燈成世收息係味最好，唔想煩。無今多時間，成日心驚驚 驚d錢變廢紙

買左50隻穏健收息股本書，重有咩會適合我架

龔成老師︰

港燈(2638)係有質素收息股，適合你家人退休之用。但完全集中晒係佢身上，就唔係咁理想。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

若你不太懂選股，你可以集中未來恒生高股息率（3110），大約佔6,7成，再加上幾隻不同行業的收息股，咁會較好。

如果你真係完全對這些收息股，無任何概念，你才100%持有3110。

但你緊記，現時大市只在合理區，未到好平。你只宜先用一半資金，分多注去慢慢入市，唔好貪快一次過入晒。

我地要分開多注，去平衡價值波動所帶來的風險。而餘下一半，就等大跌市才出手。

以下是我的13本書：書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

《80後百萬富翁》（第9版）
《80後2百萬富翁》（第4版）
《80後3百萬富翁》（第2版）
《財務自由行》（第7版）
《大富翁致富藍圖》（第5版）
《50優質潛力股》（第4版）
《50穩健收息股》（第3版）
《50值博倍升股》（第3版）
《股票勝經》（第3版）
《選股勝經》（第2版）
《年報勝經》（第2版）
《5年買樓4部曲》（第2版）
《80後千萬富翁》（初版）

除了50隻收息股，建議你首先睇埋以下3本，之後再睇其他。

《80後百萬富翁》
《股票勝經》
《財務自由行》

------------------------------------------------

Q22490：

您好，龔sir，我今年26歲，月薪2萬。無投資經驗，又想資產增值，會睇下啲行業龍頭股，一年前心急入左市，依家9成資金用左黎買阿里巴巴

因為股價一直跌我又一直買，依家買左30萬貨，平均會242元，不過佢長期低位，我唔知應該一直等，定依家低位放再轉下其他股，又應該持有咩組合？希望指點一下，感謝！

龔成老師︰

其實你買入一隻股票後，買入價已經唔重要。你是否持有，應該係睇佢質素，有無長線投資價值。如果有，帳面虧損唔洗太在意，因為佢長線會增長，慢慢令價值提升。

你26歲，投資應以增值為主，阿里巴巴(9988)係合適。

但問題係，我地唔好成個組合，只集中係1隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

因此，你要沽出部份，換碼至以下增長股。未來新資金，都可以用以下「平穏增長股」 + 「潛力股」作目標。

由於你係初學者，對企業估值，點去定平貴未必太了解。我建議你先利用月供模式，去建立一個股票組合，以減低買貴貨風險。

現在你每月先用5成儲蓄做月供。其餘先儲起，用一邊月供一邊儲蓄的策略。

由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q22491：

老師，想請教有關1024快手，我277數蚊買了很多貨，之後不斷跌，有咩對策？隻股前境仲好喺嗎？謝謝指點

龔成老師：

快手（1024）有兩大問題，第一，佢一直都貴，現價仍唔平，你在高位重貨，其實要在反彈減持。第二，政策因素，對佢賺錢能力都有少少影響，不過，佢仍是有質素的，未到劣質類。

係全球數一數二大的直播平台，絕對是一隻優質股，有獨特性，有客戶群，有潛力，長遠的發展力正面。這股有長線投資價值。

快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。

快手科技已建立了穩定的用戶，在全球已佔據了重要的位置，企業有一定的優勢，以及獨特地位。加上用戶仍在快速增長，以及增長趨勢仍持續，預期有一定的發展。

雖然這刻盈利不多，甚至因加強發展業務而出現虧損，但這類股的分析特點是將來，等之後的收成期。

由於已擁有一定的優勢，以及仍增長中，企業要將用戶化成現金並不困難，只是時間問題，以及多少問題，預期2022年盈利模式已穩定，同時有一定的盈利。

簡單來說，企業有質素，有發展，但不宜持有太多貨。

------------------------------------------------

Q22492：

老師你好啊！ 今天大市跌了千多點，我分注買了幾隻股票，也想你對我的組合給予意見。謝謝你。

月供股票：
中電：521 @$87.6 （這隻已停供了，在高位時供的）
煤氣：1827 @$14.08
港鐵：984@$43.93
粵海：1168@$11.89
領展：326@$78.8
中生：5097@$7.11
盈富：488@$28.28

分注買入：
福壽園：2000@$7.2
金沙：[email protected]
阿里巴巴：200@$196
3067：1000@@17.23

組合共11隻，會否太散？

而大部份買入價都略高，所以現在賬面都是蝕的。 希望老師有時間可以給予意見，謝謝你

龔成老師︰

你現時持有股票和月供組合，都係有質素，買入價大致都合理。若你係年青至中年人士，這些股票都係合適的。

你要記住，就算再優質股票，中短期都會出現波動，只要質素無變，你唔洗理佢帳面虧損，照持有就可以。

組合有11隻股票，又少少多，勉強可以。

由於上述的股票都是有質素的，因此，不用改變，投資要長線，你保持進行就得。不用理短期的股價波動。

------------------------------------------------

Q22493：

老師，多謝你之前比既議建。另外改變左投資既方式，都開始睇緊你既書吸收知識。呢半年我同男朋友都為左將來煩腦緊，一直15/16唔知點決定買樓定租樓既問題

我地兩個分別37同39歲， 兩人月入$63000 因為黎緊想結婚，所以打算搬出去住， 兩人家用同保險供款$25000左右 ，一個月可儲$38000

1/ 想買細價樓 $520萬樓下 但唔知手頭既錢夠唔夠 定 應該租兩年樓 用手頭上既錢黎增值下

2/ 手頭有110萬cash , 股票39萬

如果要租樓 股票同cash 應該點分配

1038 長基建 - 500 $46
388 港交所 - 100 $508
2800 盈富 - 500 $28.956
3067 安碩 - 558 $17.458
1475 日清 - 9000 $7.348

1337 雷蛇 - 10000 $2.58 (準備放)
3399 粵運交通 - 1000 $4.96 (準備放)
700 騰信 - 100 $565
1810 小米 -2000 $24.277

3690 美團 - 100 $204 (準備放)
9988 阿里 - 100 - $279.4
241 阿里健康 - 2000 $27.2

年頭開始做月供，依家供緊
2800 -$2000
3067-$1500
1810 -$1500

想老師比d 建議我哋

龔成老師︰

以你2人收入，做9成按揭供25年或以上，應該可以供到520樓下的物業。當然最終你要睇埋，銀行佢地審批、估值、當時息率，才會知道最終結果。但粗略估值，應該可以。

至於先置業定租屋，你可以睇翻在你能力範圍內的樓盤，能否滿足你生活需要。講緊唔係而幾年﹐係未來20年。如果可以，你地又有信心長線「供得起」，咁就無問題。

但從資產平衡配置角度，你在買樓同時，必需留有一定股票，以免財富組合過於偏重物業類，造成過度集中性風險。

若你決定先租屋，去要增值多D本錢，才去置業。你可以用「平穏增長股」 + 「潛力股」作組合，去創造一個增值平台。

現時你組合和持股，都係合適。但當中的粵運交通（3399）質素未算強。美團(3690)、阿里健康(0241)、雷蛇(1337)不確定性較高，這4隻股票，不宜持有太多。

你可以減持少少，但不至於要全數沽出，因為佢地唔係無質素，只係風險較大，要控制注碼。

另外，現在你現時月供金額有點少。建議你用每月先用5成儲蓄做月供。其餘先儲起，用一邊月供一邊儲蓄的策略。

大市現處於合理水平，那110萬資金可以多用30-50萬，以"分注"形式慢慢入貨。餘下資金和每月儲蓄，就等大跌市機會出現，才大力度掃貨，並長線投資。

而租金部份，你就唔好去投資，直接留起現金去支付。

------------------------------------------------

Q22494：

龔老師妳好，首先祝你事業和運氣蒸蒸日上！我想請教一下，我有本金300萬左右，沒有投資經驗，想買一些保本的產品，目標是有4%回報和安全

之前聽你說買2800，我也打算買，不過我想買幾種產品以策安全，請問你有甚麼投資策略可推薦嗎？感謝！

龔成老師︰

其實完全保本產品，係現時低環境，你基本上係唔會找到4%。

如果你想完全保本，你可以考慮做定期、A級債券、年金之類，但唔會有4%，而且債券都有違約風險。

至於我講的盈富(2800)，或者一些優質收息股，佢地係相對穏健。但始終都係股票，一定會有股價波動，無可能做到保本要求。

而且，你現時才22歲，十分年輕，風險承受力應該較高。就算你無投資知識，都可以透過有策略地投資一些優質股，去進行增值。

你22歲，應以增值為主，建議你用「平穏增長股」 + 「潛力股」作組合，去創造一個增值平台。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。如果有投資美股，可投資VOO。

或潛力股︰安碩恒生科技(3067)、中生(1177)、福壽園(1448)、小米(1810)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。如果有投資美股，可投資QQQ。

由於「潛力股」係需要一定經驗和有一定波動性，如果你經驗較淺，可以先小注，大約佔組合3成左右。若你係有一定經驗，你可以投資到約5成比重。

大市現處於合理水平，那300萬資金，你可以先用30-50萬，以"分注"形式慢慢入貨。餘下資金，就等你提升投資知識後，再慢慢因應市況，加大注碼，並長線投資。

另外，除了用現有資金，我都建議你用每月儲蓄，進行月供股票，去加快你財富增長。

策略上，你每月先用5成儲蓄做月供。其餘先儲起，用一邊月供一邊儲蓄的策略。餘下一半，就等大跌市時，才出手入平貨。

------------------------------------------------

Q22495：

想問老師，點睇私樓與居屋?我目標係馬鞍山 首選新港城，呢一年升幅太誇張。337實呎2房已經要670萬起跳（議價可能650萬都得），計埋裝修30-50萬，差不多用盡2人儲蓄先比得起

而居屋可以4xx呎5xx萬，但我擔心過多十年會甩皮甩骨 始終質素不及私樓。

但我地深信10年後300呎係唔夠住 有了小孩一定要換大啲

依家好忐忑不安 唔知買咩先啱

龔成老師︰

如果你買入新港城，要資金盡用，其實唔係咁理想。我比較建議，係買樓同時，都可以留有一定資金和優質股作增值。

其實，居屋投資價值不及私樓，但勝在入場費較低，令你可以有更多資金空出來，作其他投資。所以，作為自住樓，居屋都有佢存在價值。

你可以睇翻你長線生活需要(10-20年)，如果4xx呎係可以，而佢質素又唔係太差，其實你選擇居屋都無問題。

相反，如果4xx呎都係唔夠住。你就可能先買一個較細單位(私樓/居屋)，去暫住。同時間，用優質股保持增值，等將來可以細屋換大屋。

另一個方法，就係唔買屋住，直接用優質股增值，之後買理想物業。但就有一個風險，就係萬一股市跑輸樓市，你買樓成本變相會升左。

選擇那一個方案，你可以睇翻自己人生計劃和實際情況，去作決定。

------------------------------------------------

Q22496：

我今年27歲，每月可以儲1萬5千，現時流動資金約15萬

股票持有：
騰訊$492 100股
雷蛇$2.5 15000股
金沙$31.52 4000股
海螺水泥$42 1500股
香港寬頻$11.3 10000股
安碩恆生科技$18.07 1500股

我現時投資組合可以嗎？

我另外想儲錢買樓、我應該買居屋(假設實抽到)定私樓好？

龔成老師︰

你現時才27歲，應以增值為主。你現有持股，大致上都適合。

雷蛇(1337)不確定較大，唔建議你持有咁多，最好沽出部份，換至其他有增長力的優質股。

香港寬頻(1310)主要係收息，唔適合你年紀。

現時大市只在合理區，你現有15萬就等大市有明顯回調，才慢慢加注。

至於置業方面，居屋投資價值，比私樓為低。但由於佢售價跟市場價相比﹐係有折扣。

你考慮時，可以從長線角度去考慮，邊個方法先至可以令我地，有較多現金流空出來，作投資增值。

因此，從財富增值角度，居屋係值得考慮。

所以，其實無話邊個明顯較好。若係自住樓，你可以考慮埋邊個物業，可以配合你長線生活需要，而且又有信心"供得起"，去作最終決定。

------------------------------------------------

Q22497：

龔老師，你好，想請教你。我有100股阿里巴巴，買入價是$287，應唔應該現在再買入100或200股呢？或者，會唔會應該將資金買入小米（冇貨在手的？

另外，想問下，如果吉利及渣打，應該選擇邊隻好？我有400股渣打，買入價50.5。本身是沒有其他銀行股的，亦沒有任何車股。

麻煩晒你，更加多謝你，得到你的提醒，及看你的書，知道應看企業質素，買入優質股，沒有因股市大起大落就情緒波動。

龔成老師︰

從現價計，阿里(9988)算係合理區中間，而小米(1810)仲有少少貴，要回多1成倒，才算開始合理。

以平貴水平計，你係應該加注阿里(9988)。但你要考慮多一件事，就係持股組合平衡性。

如果你本身資金不多，我建議你分少少去買小米(1810)，去分散風險會較好。如果你資金較充裕，尚有2,3注資金係預留入阿里，現價可加1注。

至於吉利(0175)及渣打(2888)，我會建議等入吉利(0175)，但現價略貴，要等佢回多1,2成才好開始入貨。

而渣打集團（2888）質素只是一般。

雖然未到劣質，但質素不高，但本地銀行股中，賺錢能力算是較弱。加上銀行業近年的環境不及過往，賺錢能力不及以前咁好，相信佢之後，都只是好基本增長，不要對股價有太多期望。

投資價值只是一般，我會建議你慢慢換至其他銀行股較好。

你可以考慮恆生(0011)或中銀香港(2388)，現價合理。前者係收息為主，加少少增長。而後者增長潛力會較強，但風險都會略高。

------------------------------------------------

Q22498：

1: 老師，我想問下，如果想用nav來衡量股價的高低，除左地產同銀行類，仲有冇其他行業係適合？

2：老師，想問這幾天都跌了咁多，最大持倉可加到幾多成？

3：老師，我自己計9698估值係下限大約60附近，依家跌穿左咁多，但我又真係唔認為我計錯，因為我都綜合左好多卷商報告，想問算唔算係恐慌式下跌跌凸左？

4：另外承上題，第3題，通常呢d殺錯價，係未好快會升番，因為我又諗，冇理由咁好比個錯位我地慢慢買，我呢個諗法岩唔岩？

龔成老師︰

1) 一些資產可以明確反映到佢價值和賺錢能力的股票，其實主要係地產同銀行類，有部份製造性行業，都可以用到。但你要先了解清楚，佢資產價值，有多大程度可以反映佢賺錢能力。

如果係有好核心性影響，你才可以用市賬率去分析。

2) 無大變，大致持有3-5成現金等機會

3) 萬國數據（9698）有質素的。

佢的業務為開發及營運數據中心，根據佢公司提供的資料，佢係全中國最大的運營商網絡中立數據中心服務提供商，市場份額約2成。

現時主要通過GDS上海、GDS北京及其子公司進行該等業務。GDS北京及GDS上海各自持有經營業務所需的互聯網 數據中心牌照。

佢提供託管和管理服務，包括創新和獨特的託管雲價值主張，機房面積為266,260平方米，有一定的規模。

見佢生意有一定的增長，行業前景正面，現價算係合理區中間倒，未至於跌到好平。此股投資價值都有，但就唔建議太大注。

4) 佢幾時會上翻，無人會知。近期不少中央政策，令成個大環境多左不確定性。佢客戶當中，包括阿里巴巴(9988)和騰訊(0700)這些最近較受打擊的大企業。

故市場可能憂慮，佢生意會唔會受到影響。畢竟佢頭2大客戶，佔生意額過半。雖然年報無列明頭2個客戶是誰，但相信離不開某2間。

只能說，投資此股係可以，現價都合理，但唔好太大注。

------------------------------------------------

Q22499：

想問老師，最近研究緊新能源氫氣概念股，這些都是未來世界大趨勢？我見到有好多大國家都有實質政策扶持

想問長城汽車，金馬能源，中國旭陽，中國石化和濰柴動力都是有優質股嗎？

老師你有哪個氫能源股推介？

想問老師 我有3手阿里巴巴。依家跌穿左招股價，應該走哂3手？

受監管下，阿里巴巴本來的質素有下降嗎？

龔成老師︰

其實綠色能源，一定會係未來大趨勢，新能源氫氣有機會係其中之一。

但我地唔會因為咁，就盲目去投資一些相關概念股。因為你要本身這個能源，係有一定效益，而企業又能成功將之市場化，才有機會有投資價值。

好多時，當中央出現政策扶持時，就會造就不少相關企業急速發展，但好多時都係良莠不齊。因此，你要認真分析企業本質，才去下投資決定。

我未有研究氫能源相關股份，所以無建議比你。

如果你睇好新能源類，可以考慮GX中國潔能（2809），其目標為追蹤SOLACTIVE中國清潔能源指數NTR之表現。

當中佔最多為"半導體產品與設備"股份，約組合4成，其次是逾2成的"獨立電力及可再生電力"。

此股平貴不易分析，而且頭10大股份中，除了信義光能（0968）外，其餘都在內地上市。潛力度是有的，但會比較波動，如投資宜慢慢分注，可長線。

長城汽車（2333）、濰柴動力（2338）、金馬能源（6885）、中石化(0386)都有質素，但未算係最高。

濰柴動力（2338）不確定較大，要控制注碼。而金馬能源（6885）、中石化(0386)增長力唔高，主要係收下息。

中國旭陽（1907）無特別分析，只見之前有些報導。

佢之前公布，澄清最近涉及其於河北省定州市及內蒙古的氫能項目的若干媒體新聞報道，指定州項目試產，並擬於呼和浩特市建加氫站。

該集團指，有關於定州經濟開發區河北旭陽新能源產業園內建設運營氫氣儲運和建加氫站，有關生產基地去年7月開始試產，探索區內在氫能存儲、運輸和燃料相關電池布局機會，開拓京津冀市場等。

至於去年，該集團合營企業與呼和浩特清水河縣政府簽訂另一項氫氣項目框架協議，合作於清水河縣開展氫氣開發項目。

與定州項目相似，該集團將負責於清水河縣進行氫能生產、運輸和建設加氫站，把該市發展為華北地區氫能輸出基地。

只可以話有風險有回報的類別，如真的想投資，一定要控制好注碼。

另外，你唔好用買入價，作為判斷一隻股票優劣的標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。

但如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。

阿里(9988)近期受中央政策風險和大市氣氛影響，出現明顯回調。但暫時唔見長線質素，有明顯變差，現貨照持有就可以。

------------------------------------------------

Q22500：

你好呀龔sir！請問面對依家嘅跌市，我應該點變動我嘅投資組合呢？

00909@1000 (31.4)
01044@1000 (52.35)
01177@3000 (7.5)
01299@200 (92.5)
01448@1000 (7.35)

01530@1500 (9.067)
01810@400 (24)
02126@500 (25)
02158@400 (52.75)
03309@2000 (9.4)
03690@300 (331.667)

06618@300 (111)
06690@600 (28.433)
09633@600 (45)
09988@300 (235)
ibond@400

月供緊(每月每隻$1000)
00066@326 (43.4)
00388@17 (482.176)
00823@257 (70.086)
02800@498 (28.559)
03067@776 (17.372)

我明白依家嘅組合實在太散，而且資金只能夠支持我繼續保持月供股票。請問我應該蝕放D貨再趁低買其他股票溝貨定點？

唔該哂

利申：我27歲

龔成老師︰

這些股票，只要係有質素，你係應該長線持有，等佢自然增值。唔建議你咁換來換去(除非已經好貴)，如果其餘股票真係平，你可以用新資金投資。

你現時持股真係好亂，好散。未來時間，你要集中翻係10隻以內，否則你好難定期去審視佢地質素和管理。

以你27歲計，應該先做好財富增值部份。你現時月供組合，係可以。

而ibond只係收息產品，唔適合你。

你現時持股，都係有質素，但有個好大問題，就係你非常集中係醫藥股。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

但你唔洗沽出，只要用你新資金，去慢慢將個比例拉翻平衡，咁就可以了。

另外，明源雲(0909)、三生製藥（1530）、藥明巨諾(2126)、醫渡科技(2158)、美團(3690)、京東健康（6618）不確定較高，雖有長線投資價值，但不宜持有太多，暫時唔建議加注。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

五倍卷的奇幻旅程

昨天行政院終於鬆口要直接發五千元給人民，但是好像還是要花幾十億印卷，是不是多此一舉?低收入戶又跟大家都一樣，這邏輯真的有點怪怪的!

其實我才聽說行政院可能會發給中低收入戶與900萬受紓困勞工1000元，晚上就變成全民的1000元由政府負擔，那不就是發給每人5000元嗎?既然如此，新台幣鈔票不就是最好的振興卷，其他的可以轉到帳戶裡更不用印刷紙本券!

最近我們也在編列追加預算(110年)和111年的預算，對於紓困與振興討論很久，現在各行各業都還在第二期警戒，餐飲業還需要梅花座與隔板，許多人九月要幫孩子交學費，所以市政府傾向紓困優先，振興視疫情狀況再提出各項以紓困為目的的振興方式，先協助特定的辛苦行業，回到正常後再大規模普遍振興商機。

但是因為中央政策一直不確定，連帶我們也很難決定紓困與振興的方式，短短一星期政策討論變了三四次，又好似雲霄飛車轉上下飄移，一場五倍券的奇幻旅程讓人摸不著頭緒，中央政府執政黨也吵成一團，反正，紓困與振興及轉型的做法絕對不會完全一樣，更何況今年疫情比去年慘烈多了，用一樣的思考是沒辦法應付完全不同的情境，台北市政府的市有財產去年減租六個月各50%，今年5-7減租75%、8-10減租50%，主要是根據捷運與公車運量當計算標準，因為今年三級警戒影響商業活動非常嚴重。

無論如何，人民需要紓困、產業需要復原與轉型，不管錢用到哪裡，都還是會透過營業稅等各項稅金交回給政府的，早一點定案早一點紓困、產業也可以早一點復原，之後才有辦法振興與進一步轉型！

#今年疫情慘烈
#紓困振興比去年重要

【龔成問答信箱】（Q21281-Q21300）

Q21281：

我係你股票班舊生，有一個關於現金流折現法的地方不太明白想請教一下。

在第4課中，計算現金流折現法時，我們要為有增長的企業假設一個增長率，請問我們可以基於甚麼去決定這個增長率？我們是否可參考企業過往報表內的甚麼數字來作決定？

另外，請問為甚麼這個增長率是一定會低於折現率？

如果以阿里巴巴為例，請問我們應該怎樣決定這個增長率呢？謝謝你！

龔成老師︰

這個增長率，我地可以從佢過往數據、企業和行業本身發展潛力，去大致估算出來。

如果佢現金流係穏定，有一個明確發展年期，好似我課堂例子中的"西隧"，佢每年盈利增幅，大至平穏，你就可以從佢過往數據中的"股東利益"，去計算佢估值。

但增長率，唔一定低於拆現率。係一些高增長企業，就有機會出現增長率大於折現率情況。這時候，就不能用簡易公式去計，要自行每年去計。

其實，係處理增長高的企業時，現金流折現法可以有較大的誤差，因此運用時要較小心，若果是初階者，建議用其他估值方法做核心，現金流折現法只是輔助。因為較多數字係主觀判斷，而且當有少少偏差，計出來結果可以差好遠。

------------------------------------------------

Q21282：

老師你好，我40歲都未接觸過股票。見月供股票風險較低，亦好似唔需要成日睇住個市

如果我依個年齡係咪唔適合月供？

如果我想投資，應該月供邊幾隻股票？
謝謝解答

龔成老師︰

簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。

形式就是每月投入相同的金額，買入同一隻或多隻股票，並持續進行。

例如，每月以相同金額$10,000 買入盈富基金（2800），假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。

總結這三個月，投入了的資金為$30,000，累積股票為1019股，平均買入價為$29.4。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

基本上，任何年紀都可以月供股票。但要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3 年以上，之後持有5年以上。

由於財富增值係一個長線計劃，唔係短炒。只要選對優質股，你是不需要成日睇住個市。

你40歲，建議你用「平穏增長股」 + 「潛力股」的組合。現在你每月5成儲蓄，其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、希慎(0014)、太古地產(1972)

或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）。

但由於月供最重要的一點，是「選股」。你投資經驗不多，無選股能力。最好就是投資ETF，如盈富(2800)。到你有能力，才慢慢加入其他股票，咁會較穏陣。

另外，潛力股比例在初期不要太多。

至於每月餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q21283：

Hi龔Sir，你好，我喺2.81時入咗五菱汽車，近期跌左，請問是否值得再入手，謝謝。

請原諒我的不專業問題。

龔成老師︰

沒問題，每個人都會經過初學者階段。只要你學好正確投資理財方法，你就會慢慢懂得點去處理這些問題。

五菱汽車（0305）質素算中等，業務都不算差，潛力度有的，但同時都有風險。

近期款新能源車「五菱宏光MINIEV」已較平民價出售，令銷售打嬴TESLA之餘，增長也算理想。

但我地分析時，唔可以只用咁短時間，就去決定一間企業品牌。這個平價車模式，可否能為佢持續增長，依然係一個問號。

以佢過去幾年，最高單年純利都不足2億，但現時市值好高，已經係唔平。近期此股急升了不時，此刻投資有一定風險。

如果以長遠角度分析，佢主要業務為於中國從事汽車零部件、發動機及專用汽車之製造及銷售業務。為中國商用微車發動機及汽車零部件之領導製造商，製造設施設於柳州及青島。

最近有中國品牌電動車大賣，而五菱汽車有做供應所以在當中有利益，因此都有潛力度。

不過，考慮到近期股價上升不少，這刻投資價值博率未算高。加上你本身有貨係手，最好回翻先再考慮。

------------------------------------------------

Q21284：

龔成sir您好，自從一八年開始follow你嘅FB，覺得你嘅投資觀念好正確，今年卒之有時間報讀您股票班，希望再為自己增值投資知識。

本人女47歲，家庭主婦手持股票如下：

0005/6000股@62
659/20000股@12
6823/15000股@11
12/4200股@38
0003/10350股@14.5

1928/4000股@34
2800/6000股@25
66/3000股@42
1211/1000股@122
1448/8000股@7.7

1177/5000股@7.6
3067/2500股@20
9928/10000股@5.9

收息基金2隻共40萬
現金15萬
有買危疾醫療意外保險。

請問：

1.我手持的股票可長線嗎？比例合適嗎？

2.有邊幾個等價位高時需要放售/減持？之後可增加/增持哪些股票？

3.想增加多一點現金流可點樣轉換手上的股票？（因暫時不會再投放新資金入股票戶口）

多謝您的耐心解答，祝生活愉快！期待開班見！

龔成老師︰

1) 你現時持有股票，可長線。同時比例上，都無太大問題。

2) 我地唔會去定個目標價，只會係大市去到好貴，或者隻股票本身，長線質素轉差，我地才會考慮沽貨。

以你47歲計，投資策略要開始保守些。未來再入貨，可以較集大係「平穩增值股」類。

平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。

另外，你要留意唔好太集中係個別股票，每隻最多佔15%好了，否則會有過度集中的風險。

好似匯控(0005)就有少少偏高，故唔好再加注。

3) 若你想增值現金流，你可以調高「收息股」比例。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。

雖然咁做可以幫你增大現金流，但由於收息股主要係派息，唔會有太大增長力。

若此刻佔比重太多，會拖低成個組合增長，你要明白會有這個情況。

股票班見！

------------------------------------------------

Q21285：

老師你好，上年年中認識到你呢個page,但就未非常認真跟你嘅意見去管理財富同為財富增值，只係開始咗月供2800。依家想請教吓你

本人40歲，有2個小朋友8歲6歲，我月入4.2萬。我自己（唔計老公）現手上有$80萬現金，$70萬保險連基金 （每年供$40000，仲有3-4年供完拎得番），另外約26萬股票，包括：

0005: 800股@$46.25
0939: 2000股 @$6.23
0999: 6000股 @$4.9
1137: 2000股 @$16.08

1810: 1000股@$25.5
2800: 2600股 @$27.49 （月供$4000）
3898: 3000股 @$60.35

本人股票知識好少，以前都係人云亦云咁去買。依家好希望可以好好管理增值，將來有足夠資金送小朋友出國讀書。

1）現持有股票中，3898係咪應該一等佢升番啲就放咗佢轉其他有增長潛力嘅股？
2）可以再月供$4000-$5000，3067定388好？
3）手頭上嘅現金可以點運用？

先多謝你花時間解答，麻煩晒老師！

龔成老師︰

我地買入一隻股票，一定要知道佢質素、行業前景、財務狀況等，才去投資。

唔好只係聽人講，或者聽消息就去買。如果你連間公司點賺錢、行內有乜優勢、點解未來有發展和增長潛力，都答唔倒自已，就唔好投資住。

另外，"保險"主要係用來防守，買足夠保障就可以。儲蓄成份架保險，我就唔建議太多，增值最好都係留比優質資產(如優質股、物業等)去做。

但由於你現有保險，尚有數年就供完，唔建議你作出變動。

1) 中車時代電氣（3898）係中國鐵路車載電氣系統供應商及集成商。

佢的產品可分為兩大類：（１）車載電氣系統：包括列車牽引變流器、輔助供電設備與控制系統、列車行車安全裝備。（２）電氣元件：包括電力半導體元件、傳感器及其他相關產品。

佢主要客戶為鐵道部及其地方鐵路局、中國主機廠及城軌運營商。

佢向主機廠及城軌運營商提供新造機車車輛的車載電氣系統，以及向鐵道部的地方鐵路局及城軌運營商提供作維修及更替用途的車載電氣系統。

業務不是無質素，但增長力一般是較大的問題，企業價值無乜向上，盈利亦很普通。

你買入時，正值熱炒時候，當市場回復冷靜，令佢股票慢慢回調至較合理水平。質素只是中等，你預佢增長力不強。你可以持有，但唔建議佔組合太多，你可以沽出部份，換至其他股票。

另外，持股中香港電視（1137）不確定較高，現貨可持有，但暫時唔好加注了。

2) 以你40歲這個人生階段，供這2隻都可以。

港交所（0388）佢係香港唯一獲認可的證券市場及期貨市場，提供現貨、期貨、衍生工具的平台買賣，以及股票上市業務。絕對有長線投資價值。

而安碩恒生科技（3067）則包括一籃子恆指科技股，都有潛力。相比港交所（0388），安碩恒生科技（3067）會有較大分散風險能力。

現時大市只在合理區，每月你可以$4000供盈富(2800)，再$2000供港交所（0388）/安碩恒生科技（3067）。餘下$3000就儲起，等大跌市出現時，可以用來掃貨。

3) 以現市大市水平計，你80萬可以入多少少，大約多用15-30萬，以分注形式入市。

目標是一些「平穩增值股」+「潛力股」。不過，潛力股有一定波動性，佔你3成左右好了，你可以集中在平穩增值股先。

餘下現金，我地同樣係等大跌市機會，才會動用。

------------------------------------------------

Q21286：

老師: 請問3067是否仍然值得分散買入作長線投資? 謝謝

另外, 每月可儲10000元, 目前月供$3000盈富, $3000平保, 尚有$4000純儲, 請問應怎樣優化?

補充資料: 本人目前41歲, 有2小孩, 上唔到車要交租

謝謝老師指點

龔成老師︰

安碩恒生科技（3067），有長線投資價值。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

你現時月供組合，都適合你41歲。但你可以再加入一隻潛力股，去提升組合增長性，令你快點可以儲到一筆置業用的資金。

組合供款可以變為，$2500盈富(2800)、$1500平保(2318)、$2000安碩恒生科技（3067）或另一隻潛力股。

餘下$4000我地就儲起，等大跌市出現，才用來入貨。

潛力股︰中生(1177)、福壽園(1448)、小米(1810)、港交所(0388)、阿里（9988）、騰訊（0700）、ＧＸ中國電車基金（2845）

------------------------------------------------

Q21287：

老師 我想問 ，平穩增值股 例如1972太古 如果這些等他們增長 我知道要長遠投資。

但我不明白 要到一個什麼時候才可賣出?

例如初期投資較有潛力的股票 令財富較快增值 那是不是要經常要賣出買入?

還是一開頭都是投資平穩增值股、潛力股 不斷利用儲蓄令自己有資金投資 待5至10年後就會有回報 就是你說的財富增值。

龔成老師︰

只要一隻股票係有質素，我地長線持有就可以，唔會成日買買賣賣。

我地投資，會睇翻自已當時人生階段。若果你係較年青，可以集中係平穩增值股、潛力股，去做增值。

這些股票值長力高，但會有一定波動性和風險。但由於年青人有較多時間，承受風險能力較強，所以無問題。

但若果你係接近退休，你未必有年青人咁多時間去增值，故這些波動性大股票，就未必咁適合，反而只可以做些平穏增長。

到你已退休，正常收入變零，你就需要一些收息資產，去產出一些現金流(如股息)，去支援你退休後的生活。所以，我地這時就會將以往累積下來的增值類資產，換成收息類資產，去創造現金流。

因此，在退休前要先努力累積一筆資產。而用什麼樣類型的股票去做，就要視乎你當時年紀和投資取態去做決定。

唔係一開頭一定用"投資平穩增值股 + 潛力股"，若你年青，當然無問題。但你開始投資時，已經係50歲多 ，我地就唔會用潛力股，因為風險會太高，只用平穏增長型股票。

至於何時沽貨，除了企業長線質素變差時會沽，或者股價異常地貴，我地都會咁做。

若你無法掌握平貴，你可以用「升一倍、沽一半」策略，咁就可以。

------------------------------------------------

Q21288：

龔sir,我現在的投資組合：

3033、3988、6600、9888、9988，市值約$6萬。

如果想長期持有及加注，有那些可以賣？那些應該保持？（全部都現時價位入的）

龔成老師：

你現時持有的股票，基本上都是有質素的，大致可以長線，只是在配置上可以優化。

賽生藥業（6600）都有發展力。

佢係一家擁有產品開發和商業化集成平台的生物製藥公司，戰略上專注於包括腫瘤及重症感染治療領域。憑藉集成平台，力圖在治療領域開發優質上市產品，包括自有產品日达仙及在研藥物的組合並對其進行商業化。

佢主要從事銷售自有產品日達仙；銷售授權引入產品；及代表業務合作夥伴在中國銷售推廣產品。

佢亦開始開發多種在研候選藥物。目前在研候選藥物組合包括多個已進入II期臨床試驗或更早階段的早期階段候選藥物。

日達仙已獲列入肝癌、胰腺癌及淋巴瘤治療指南，並已獲得多個司法管轄區的批准，包括中國以 及韓國、泰國、阿根廷、意大利、柬埔寨、新加坡、菲律賓及印尼等其他國家。

整體來說，這股都不差，都有投資價值。但業務始終波動，小注投資好了。

因此，這股你可持有，但就未必要再加注。

另外，你現時除了中行（3988），另外4隻都是偏向有潛力但有風險類別，由於佔比已較多，因此你要注意翻，日後有資金，就不宜再加注在這類股。可先考慮平穩增長。

同時，阿里（9988）佔你的組合比例略高，因此不宜加注，到日後有較多資金，組合規模更大時才加。

------------------------------------------------

Q21289：

龔老師你好，最近開始接觸學習股票，持有4隻股票都高位買入虧損狀態，0233，0968，6865，3800。
想請教應否止蝕離場，還是應如何部署。
希望得到你解答，謝謝

龔成老師︰

你先要明白一樣野，我地持有一隻股票與否，關鍵位是企業質素、前景，不要被買入價影響。買入價係一個心理因素，但唔係全部。如果企業核心因素未被影響，我地係唔需要理會。

信義光能（0968）、福萊特玻璃（6865）都有質素，可以守。

保利協鑫能源（3800）質素只是一般。

佢主要為光伏行業製造多晶硅及硅片；銷售電力；開發、投資、管理及營運光伏項目。

市場炒緊佢前景，但當中存有不確定性，股價大上大落，佢的確可能會大升，但同樣可以大跌，無得估。投資此股都可以，但小小注好了。

銘源醫療（0233）好麻煩，證監會引用證券及期貨（在證券市場上市）規則之條文第8（1）條發出的指令，暫停股份買賣。主要係涉及一些虛假公佈及陳述。

至2020年1月23日上午9時，聯交所宣布該公司的上市地位將根據《上市規則》第6.01A條予以取消。即係佢已經無上市，你只能向該公司查詢你股份情況和處理上安排。

------------------------------------------------

Q21290：

老師，我今年20歲，仲讀梗書，有2萬蚊本想接觸股票，睇左好多股票同資訊都唔知入咩好，之前見你話冇乜資金應該要啲高增值力嘅股票長揸，定你覺得我太少本應該等多啲先？有咩意見？

龔成老師：

你現時本金唔算多，宜想方法，例如做兼職去增加本金。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，如果你能承受風險，就投資潛力股，安碩恒生科技（3067），有長線投資價值。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

到你本金再增加，就應該加入其他類別的股票，慢慢豐富及平衡翻個組合。

------------------------------------------------

Q21291：

老師，我想問2138，331長線可以考慮嗎？現價合理嗎？

另外，我想請教你合理價位怎樣 計算

龔成老師：

香港醫思醫療集團（2138）主要以ＤＲ　ＲＥＢＯＲＮ品牌提供醫學美容服務。企業都有質素的。

（１）醫療服務：包括整形外科手術、微整形療程及由集團醫生操作的能量儀器療程及一般診症服務，以及牙科（ＯＮＥ　ＤＥＮＴＡＬ及ＯＮＥ　ＤＥＮＴＡＬ　ＰＬＵＳ品牌）、中醫及眼科服務。

（２）準醫療服務：包括由已接受培訓的治療師操作的能量儀器療程，該等治療師已完成集團醫生主導的內部
強制性培訓。

（３）傳統美容服務：包括面部護理、按摩以及其他無創療程。

（４）護膚及美容產品：主要為集團的自家品牌寶特曼娜及瑞研雅。

業務發展不差，長遠有增長力，不過業務中短期會有少少波動。現價合理區頂。

豐盛服務集團（0331）主要係於香港、中國內地及澳門，從事機電工程服務、建築材料買賣、環保產品貿易及提供相關工程諮詢，亦於香港從事清潔及廢物處置管理服務、回收及環保處置服務以及洗衣服務。

過往生意都有穩定的增長，而盈利都是，但企業的規模較細，因此風險較大，同時規模效益不高。但以佢現時的估值計算，價格是在合理區。

你可以投資這股，分注買入就得，長線持有，但就不建議投資得太多，始終這企業有點風險。

要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。

如果要深入計算，基本上要好仔細的研究企業，要分析好多財務數據用比率，先至有較完整的答案。

------------------------------------------------

Q21292：

你好呀成哥，我有啲嘢想同你分享

我今年22歲，上年9月正式跳出舒適圈，加入左保險行業，但都依家個成績未如理想，反而令到生活更難。雖然我係學到好多嘢同心態，但一直都得唔到理想嘅成績，仲要賣晒之前嘅股票。唉～你覺得我係咪要離開呢個行業？

做左半年，拿到嘅係一份態度同將我由機械人變成正常人，我係中意呢份工作，為我嘅生命改變左好多，不過都係錢到掙扎。

龔成老師：

我地所有野，都是從長遠角度分析，如果你用半年時間，可以令你大幅提高心態，其實是值得的。

另外，所有決定都會有風險，我地都唔知跳出去好定唔好，但我一般都會建議你試，因為從長遠角度，這動作將會對整個人生較好的。

當然，有可能會更加不利，正如你現時面對的情況，但我認為，你唔需要後悔跳出來，因為唔試過，永遠唔知，同時這個跳出的動作，可能對你一生影響好大。

現時，我會建議你試多3-6個月，如果真的唔得，先轉，你可以試下用不同的角度去開發收入，這刻的情況不是核心，長遠才是最重要。

你要抱一個「盡100%」努力的心態，去試多幾個月，用不同的思維，同時更加大膽，做平時不會做的事，要更加不顧不切去找生意，唔好比自己有後路。加油！

------------------------------------------------

Q21293：

老師，你有冇打算講吓國外嘅投資工具？我注意到你而家都係集中係香港嘅唔同工具

龔成老師：

如果外國投資工具，你可以考慮外國樓，以及外國的ETF。

外國樓最要是你熟識當地的情況，城市發展，租務市場，以及法規等因素，同時，要選擇一些大城市，配置成熟，有發展力的。

至於ETF，可以考慮一些追蹤美股的ETF，例如VOO，就是追蹤普標500指數的，至於QQQ，就是追蹤納指的。對於想分散風險，建立環球配置，但又無個別心水股，投資這些最適合的（VOO會較穩健，而QQQ風險略高）。

------------------------------------------------

Q21294：

我有個問題想請教，希望老師可以解答到。

我想問為何819和1772，兩只都係做電動車電池，但係它們PE值可以差咁遠，如果想買，應該買邊只好？

龔成老師︰

天能動力（0819）有質素的，同時業務仍在增長中，不過，增長力由過往的高增長，轉為平穩增長。

佢主要係中國從事研發、生產和銷售新能源鋰動力電池、特殊用途鉛動力電池、電動自行車鉛動力電池；廢舊電池回收處理；以及智慧能源解決方案業務。

佢業務都正面的，但盈利就比較波動，因為幾年前曾出現過虧損，這是扣分的地方。近幾年已無這問題，見佢生意同盈利都有理想增長。

市場一直對佢經營模式，評價都係唔算好高。而且市場預期佢增長唔會有以往咁快，所以給予市盈率唔會太高。

留意這股業務始終有潛在波動，股價上落會較大。現價合理區頂，但不能大注。

贛鋒鋰業（1772）是潛力股，但估值較難，分析時的確資料較少。由於上市年份少，我地較難有長期數據分析。

佢為鋰化合物、金屬鋰及鋰電池等鋰資源生產商，業務涵蓋上游鋰資源提取、鋰化合物深加工、金屬鋰生產、鋰電池生產及鋰二次利用及回收。集團提供涵蓋五個主要類別逾40種鋰化合物及金屬鋰產品。

其實佢的產品應用都廣泛，包括電池相關產品、化學品、藥品及新材料等，而客戶主要包括電池材料公司、電池製造商、化學品製造商、製藥公司及電子器件製造商。產品主要於中國、韓國、日本及新加坡等十多個國家出售。

我相信佢長遠有潛力，有長線投資價值，問題只是平貴度的問題。

市場預期贛鋒鋰業（1772）相對天能動力（0819），增長潛力較高。因此，係市盈率估值上，都會相對較高。

但由於1772上市唔算耐，故市場給予的估值，會有較多比重來自將來的願景。若果發展不似預期，可能會有較明顯的回調。

現價算係略貴，小小注好了，之後等佢回落先正式入貨，始終行業有一定的變化。

天能動力（0819）的波動性會較低，而且現時值博率都會較贛鋒鋰業（1772）高少少。

但若以發展潛力去計，贛鋒鋰業（1772）就會較高。當然同時間，不確定性贛鋒鋰業(1772)都會較大，你要明白這風險。

------------------------------------------------

Q21295：

你好，本人32歲，月入5萬，想每月拎10000月供股票，目標係平穩增值。請問以下組合如何？

盈富2000,中電2000,港鐵2000,煤氣2000,領展2000
有諗過港鐵轉做安碩恒生科技

龔成老師︰

若你目標係「平穏增長」，你所選擇的5隻股票，都係合適的。

這些股票，增長力唔會話好高，但勝在波動性無咁大，而且有平穏增值能力。

至於安碩恒生科技（3067），有長線投資價值。港鐵(0066)都有唔錯增長潛力，對就無3067高。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。

這ETF組合中的股票，有較強增長潛力。但同時間，波動性都會較大。對於追求「平穏增長」的你，就未必太適合。

當然，若你想加強少少個組合架增長力，係可以加入安碩恒生科技（3067），因為你32歲，其實財富仍有增長力的，但佔比唔好太多，約2,3成。同時你要明白佢波動性較高，會令你個組合風險相對增加。

現時大市只在合理區，每月資金唔好盡用。最好留有部份，等大跌市出現時，可以用來掃貨。

------------------------------------------------

Q21296：

你好老師！我同我老公一直都冇乜點儲錢， 直到睇到您既專頁，同埋依家有左個小朋友，真係想改變、可以比一啲好嘅生活小朋友及自己。

我本身從事美容行業，老公就冇固定工作既，兩公婆收入扣除開支，大約每月可以儲到$10000。

對投資黎講係新手，唔知點樣做？ 希望老師可以比啲建議

1. 結婚時買左一堆飾金，大約8-10両（當時$13xxx/両），依家想賣左佢套現資金去投資股票，好唔好呢？

2. 之前買落一份基金，大約今年8月就可以拎返，暫時價值15萬左右，應該點樣做好呢？

感謝

龔成老師︰

1) 黃金沒有現金流，持有無法創造出經濟價值，其主要作用是對沖黑天鵝事件。

你可以投資黃金，但不用佔財富比例太多(<3%)，而且持有的應該為實金。但由於這些飾金係結婚時用品，若佢對你地有金錢以外的意義，你係可以另作考量。

進行人生財富累積時，我地會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

策略上，你地可以投資「平穏增長股」和「潛力股」。你每月用5成儲蓄，即$5000做月供。其餘先儲起，用一邊月供一邊儲蓄的策略。

但你現時投資知識不高，可先較集中在平穩增長類股。至於潛力股，只宜小小注(約3成左右)，最好是你提高投資知識，等你有一定知識，先慢慢增加翻潛力股比例。

餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

另外，你先生收入較不穏定。我建議你在投資前，先儲起半年基本生活開支的應急錢，才開始增值計劃，咁會較為穏當。

2) 贖回基金後的15萬，都可以投資在上述優質股。

當然，可以睇翻你持有的基金，本身有無質素，如果有質素，有機會值得持有，當然要睇佢的條款。

你可以衡量基金的投資策略，所投資的資產類別，投資策略，風險程度，市場，以及過往的表現（可以睇佢過往5-10年，如果回報比主要投資市場高，有機會值得繼續進行）。

現時大市只係合理水平，你可以先用7,8萬，以分注形式入貨。餘下資金，就等大跌市出現，才加大力度掃貨。

------------------------------------------------

Q21297：

Hi 龔sir
想問下你美股Coupang Inc

係潛力股嗎
佢係韓版亞馬遜2010成立

2019年銷售額超過59億美元，到2020年翻了一倍，達到120億美元。

此股值得投資嗎？

龔成老師：

Coupang Inc（CPNG）我都無深入研究。

佢是一家電子商務公司。公司銷售服裝、電子、鞋類、食品、傢俱、營養補充劑等產品，發展都幾快。

睇翻資料，佢係一個韓國設立的電子商務公司，佢公司的「火箭送貨網絡」提供超過數百萬件貨物的當日或次日送達服務，同埋佢公司聲稱99.6%的訂單可以在24小時內送達。

財務數據其實改善中，收入增長理想，同時虧損收窄中，相信處於投資期。但這股我無深入研究，因此唔知平貴，相信是潛力類股，當然，同時有風險，如投資要控制注碼。

------------------------------------------------

Q21298：

老師，909，1177，1448的合理區是多少？
謝謝

龔成老師：

明源雲（0909）有潛力。

佢主要係中國房地產開發商及房地產鏈參與者，提供企業級ERP解決方案及SaaS產品。

睇翻佢之前的資料，佢係中國房地產開發商的第一大軟件解決方案供應商，市佔率有約2成。係呢個市場裡面，按收入計，亦為ERP解決方案及SaaS產品的最大提供商。

其實，佢的角色可以話中國房地產行業的數字化轉型，為房地產開發商及其他參與者，開發了一套行業垂直的ERP解決方案及SaaS產品，以助其管理廣泛的業務運營。

包括銷售及營銷、採購、成本管理、項目管理、預算以及房地產資產管理，佢的SaaS產品包括雲客、雲鏈、雲採購及雲空間。

業務雖然有增長力，但股價都唔平，如果初步分析，處貴水平，值博率未算強，始終市場現時對這類股有好大期望。只可以話，如投資，小注可以，長線可以。

中生製藥（1177）是潛力股，人口老化令佢長遠有唔錯的增長，無論是政府投入的行業資源，又或是人民生活質素令可控制資金上升，都令人們更在醫療方面投入更多。

佢已建立一套完整的商業系統，有多個已賺錢的藥品類別，同時毛利高，可以不斷將錢投資在新藥裡，這模式運作很好。

但這類藥物企業，難免有一點風險，因此要久不久檢視，中短問題不用理會，但如果有一些核心性的問題，就要再全面分析。

就這刻來說，這股可以一直持有，因為商業模式理想，高回報，不斷再投資令股東利益快速增長。加上睇翻佢的業績，保持增長，這令企業價值有實際的上升，令股價得以支持。

現價合理區頂至略貴，有貨可持有，分注或月供可以，這股可以長線持有的。

福壽園（1448）有質素有發展力。

佢係中國最大的殯儀企業，有一定的規模，而針對的是高端市場，服務有一定的質素，擁品牌及知名度，有相當的賺錢能力，財務穩健負債少，因此企業本質不錯。
由於行業處增長的市場，而新競爭者要入行不易，因此對原有企業有利，故福壽園是優質的企業。

佢憑著本身的優勢，能取得比同業更好的回報，而福壽園管理層表明會持續擴展，策略上會透過併購同業及買墓園去擴充。

由於福壽園的模式成功，因此只要投入資金去發展，複製過往的成功，已經能取得理想的再投資回報率，長期來說此股有一定的增長潛力。

不過，由於此股業務好獨特，因此業務情況在年報上或資料上，未必能完全反映，雖然數據及資料上都顯示此股有質素，但往往要時間證實。

至於企當估值方面，市場對此股的評價亦不低，企業經常處略貴水平，$7是合理區頂，不能太過進取，以分注小注投資是一個策略。

管理層的野心很大，投資後不要升少少就賣，要耐心持有，等長期更大的收成。

------------------------------------------------

Q21299：

龔sir,外邊有消息話最近要留意歐洲烏克蘭，可能會跟俄羅斯打起來

如果美國加入就可能會變成世界大戰
你点睇？

龔成老師：

這類政治及打仗因素，其實唔易分析的，因為變數太多，同時你永遠唔知佢地底牌，正如之前北韓同美國，關係有一段時期好差，講到成日打，但最後都無打，所以，好多時只是一些表面因素，背後仍有好複雜的。

我始終相信，唔打的可能性較大，當然，永遠唔會知事件點發展。而發展到世界大戰，可能性就較低。

當然，我地在投資角度，永遠都要留有一定現金作備用，預防一些黑天鵝事件，同時，都要持有一些黃金，同樣都是對沖相關因素。

我地不是預期事件點根發生，而是任何時候都做好配置。

------------------------------------------------

Q21300：

老師，剛看財經新聞，提及小米本年至今共回購在唔少股票，企業為何會作出回購行動的？

這行動對投資者來說有甚麼意味？在評估企業時，如何評價回購這動作？謝謝老師

龔成老師：

企業回購的意思，就是企業買翻自己公司的股票，而在很多情況，企業之後都會註銷相關股票，因此，這動作會令企業的總股數減少左。

當一個企業，總股數減少，代表著每一股的價值得以提高，企業回購，就能這樣為股東提高價值。

同時在短期，股價會回為回購動作，市場會有一定的買盤，這就會對股價有支持的作用。

不過，在我地投資者的層面，在一般的情況，會集中分析企業的「業務基本面」「長遠發展」，這類回購因素，只是一些加分位。

另外，如果一間企業，如果回購股票的%不算多，對企業每股價值影響不算大。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

《 YouTuber 的36堂課 》 募資正式啟動！！
快來上課 👉 http://bit.ly/2SHfThK
募資期間購買課程還可以現省 600 元！三人同行再省 300 元！🎁
在 2019/12/23～2020/1/14 之間購買，還可以獲得：
＃YouTube頻道健檢list 📃
阿滴英文頻道必備、屢創佳績的關鍵！
只要在經營製作時，不斷回頭檢視這五大標準，
你的頻道和影片，一定能受到觀眾喜愛，
現在阿滴也不藏私，全都回饋給你～
想知道如何實現自己的夢想？那就趕快去上課吧！

✔︎ 成為志祺七七會員：http://bit.ly/join_shasha77
✔︎ 訂閱志祺七七頻道： http://bit.ly/shasha77_subscribe
✔︎ 追蹤志祺 の IG ：https://www.instagram.com/shasha77.daily
✔︎ 志祺七七 の 粉專 ：http://bit.ly/shasha77_fb

各節重點：
【臺灣焦點】
00:22 黑鷹直升機失事 參謀總長等8人罹難
01:58 《反滲透法》三讀通過
03:22 RCA工殤案 第二波賠償出爐
04:17 盧秀燕宣布中火撤照
05:36 越南豬肝醬罐頭檢出非洲豬瘟病毒
【國際關注】
06:35 布吉納法索遭恐攻
07:34 伊拉克美國大使館遭遇包圍
08:54 澳洲森林大火
【趣味集錦】
10:10 寵物也是家人
10:44 2020別漏氣
【溫馨新聞】
11:18 南瑤宮搶頭香改成拜頭香
00:00 東尼寂寞巧克力進軍台灣


【 製作團隊 】
｜企劃：土龍
｜腳本：土龍、力寧
｜剪輯後製：Pookie
｜剪輯助理：絲繡 ＆ 范范
｜演出：志祺

——

【 本集參考資料 】
🔸黑鷹失事
→ 軍方重大空難消防局.國防部訊息不同步：http://bit.ly/2QicwfM
→ 黑鷹迫降烏來山區 國防部證實「部分人員困殘骸裡」：http://bit.ly/2SQmsP1
→ 搶救迫降黑鷹！空軍證實參謀總長沈一鳴等八人身〇：http://bit.ly/2QjbyzJ
→ 黑鷹直升機失事 參謀總長沈一鳴等8人罹難5人生還：http://bit.ly/2ZLPn8m
→ 參謀總長沈一鳴搭黑鷹墜毀罹難 曾是幻象首席試飛官：http://bit.ly/2toz3yw
→ 黑鷹直升機各國重大事故一覽：http://bit.ly/2FgyfOY
→ 黑鷹失事 蔡總統慰問沈一鳴遺孀：http://bit.ly/2QLm15Y
→ 黑鷹墜機 蔡英文賴清德停止競選活動三天：http://bit.ly/39zYz4e
→ 黑鷹失事》事故釀8死 韓辦發聲明哀悼 明天停止選舉活動：http://bit.ly/2tr5CLY
→ 黑鷹失事》蔡英文指示：後續撫卹從優、從寬、從速辦理：http://bit.ly/2u9nOdu
→ 黑鷹空難 藍綠停止競選活動：http://bit.ly/2QkAdEg
→ 蔡英文 Tsai Ing-wen｜臉書貼文：http://bit.ly/37GHvbl
🔸反滲透法
→ 反滲透法三讀 接受滲透競選最重關5年罰千萬：http://bit.ly/2ZLPUqS
→ 【反滲透法三讀】國民黨團轟「新戒嚴法」　39立委連署將聲請釋憲：http://bit.ly/2SQn07x
→ 反滲透法強渡關山 工商業界憂法令模糊易陷人入罪：http://bit.ly/2MQ4mcl
→ 總統：正派經營的台灣媒體 不會配合中國不當操作：http://bit.ly/35ln5mt
→ 《大師鏈》痛批反滲透法為惡法 宣布放棄台灣市場：http://bit.ly/2QnepId
→ 傳停刊抗議反滲透法 《中時》嚴正回應：子虛烏有 明提告：http://bit.ly/2toJWAf
→ 反滲透法三讀通過！國台辦急批民進黨搞綠色恐怖：http://bit.ly/37xIDhf
→ 新年談話撿到槍 蔡英文:《反滲透法》不是反交流：http://bit.ly/35ln7uG
→ 民進黨力推""反滲透法""明日拚三讀 親民黨競辦發言人于美人表態支持：http://bit.ly/2ZOkRe1
🔸RCA工殤賠償案
→ RCA「二軍」求償獲判賠23億元 創工傷賠償紀錄：http://bit.ly/39yNT5T
→ RCA二軍求償判賠逾23億元 創工傷賠償紀錄：http://bit.ly/2ZKKAUQ
→ 一個都不能少 RCA案二軍一審勝訴 總額裁決賠償23億：http://bit.ly/39Ad7kr
🔸中火撤照爭議
→ 中火生煤超量中市府撤2部機組操作許可證：http://bit.ly/2SYH7kn
→ 中市府「公文誤繕」於法不合　台電提出四大質疑！：http://bit.ly/2sysl9b
→ 中市府「下重手」撤照中火成台電首例　台電董座：違法處分，有信心行政救濟能還公道：http://bit.ly/2SOdzpt
→ 台電今年遭罰款逾億 中火爭議一次看懂：http://bit.ly/39zR65n
→ 中火2機組遭撤照 政院反擊：發電與否不能被拿來當成政治籌碼：http://bit.ly/2QkGAap
🔸市售罐頭驗出非洲豬瘟病毒
→ 驚！市售越南豬肝醬罐頭驗出非洲豬瘟病毒：http://bit.ly/35lnLIC
🔸布吉納法索北部遭恐攻
→ 恐攻殲滅戰：布吉納法索邊境遭「不明聖戰組織」攻城，至少122〇：http://bit.ly/2tm4V6X
→ 布吉納法索遭重大恐攻 教宗聯合國送暖：http://bit.ly/37odgFQ
→ 布吉納法索北部省份連續恐攻 逾百人〇生：http://bit.ly/2SN7eug
🔸伊拉克美國大使館遭圍攻
→ 除夕使館危機：伊拉克示威「萬人圍攻」巴格達美國大使館：http://bit.ly/37xEpGw
→ 伊拉克軍事基地遇襲 美國民間承包商身〇：http://bit.ly/36iTOtS
→ 「美國去死！」美國駐伊拉克大使館遇襲，五角大廈緊急增派750名兵力增援：http://bit.ly/2QEID8s
→ 「過去從來沒人攻進美國使館，我們幹得漂亮！」親伊朗民兵組織一聲令下，包圍美國駐伊拉克使館群眾全部撤離：http://bit.ly/2ZToIqw
→ 報復美國空襲　伊拉克民兵包圍美國大使館：http://bit.ly/2QkkIfq
→ 美3火箭攻巴格達機場 伊朗革命衛隊將領當場炸〇：http://bit.ly/2QjdSGX
🔸澳洲野火延燒長達三個月
→ 末日硬要放煙火？澳洲野火災難中的「雪梨跨年煙火」：http://bit.ly/2rUYkA0
→ 火線大逃亡：澳洲除夕「野火圍城」，5,000濱海遊客被逼入海：http://bit.ly/2u9KElb
→ 澳洲惡火的犧牲品：新南威爾斯的無尾熊「總數30%被燒死」：http://bit.ly/2sw6bnX
→ 「免錢義消」救地球？澳洲大火延燒的「打火志願隊」無薪風暴：http://bit.ly/2QN7GX0
→ 澳洲野火多可怕？ 消防員秒遭烈火圍困畫面曝光：http://bit.ly/2ZKTe5P
→ 拒絕減煤 澳洲總理：不做破壞工作壓縮經濟的事：http://bit.ly/35heEbW
→ 澳洲野火肆虐已釀8〇　總理遠在夏威夷度假挨轟後急返國：http://bit.ly/2QkrbXW
→ Skies turn blood-orange as fires trap 4000 people on Mallacoota beach in Australia：http://bit.ly/2QhhN78
🔸憤怒的縱火烏龜
→ 家人出門狂歡留牠看家 憤怒烏龜氣到踢燈引火警：http://bit.ly/2QiqfTC
🔸2020變sos
→ 驚見鄰居窗掛「SOS」求救！熱心男急報警　真相卻超傻眼：http://bit.ly/36qSkOw
→ 对面阳台上惊现SOS 民警紧急赶到：2020气球的0漏气了：http://bit.ly/2MRoqeg
🔸彰化南瑤宮把「搶頭香」改為長跑競賽
→ 避免信眾推擠、撞廟門受傷 彰市南瑤宮「搶頭香」改規則：http://bit.ly/2QkHYdc
→ 南瑤宮搶頭香擠爆 今年改成「賽跑」：http://bit.ly/2ZTpm7q
→ 影／南瑤宮奇招「路跑拜頭香」 他埋伏秒插成絕響：http://bit.ly/2tuEpbh
🔸東尼寂寞巧克力
→ 這樣的美味絕不是來自童工的血汗！荷蘭「零奴工巧克力」進軍亞洲，第一站就是台灣：http://bit.ly/39BHd76
→ 荷蘭市佔第一的Tony’s Chocolonely，用一塊形狀不規則的巧克力喚醒你對童工奴隸的關注！：http://bit.ly/2MQiKRH
🔸荷蘭正名尼德蘭
→ 別再叫我Holland　荷蘭自2020起正名為「the Netherlands」：http://bit.ly/36ncDfI

【 延伸閱讀 】
🔸黑鷹失事
→ 參謀總長為軍令副部長　勿渲染黑鷹失事危機：http://bit.ly/2QGssax
→ 悼念沈一鳴將軍，台灣應借鏡波蘭2010年軍政首腦墜機事件：http://bit.ly/2rTRpqK
🔸RCA工殤賠償案
→ 台灣版「永不妥協」RCA工傷案：抗爭20年判決死傷262人獲賠5億確定：http://bit.ly/2MOaiCM
→ 沒有盡頭的抗爭──RCA汙染案不只爭官司勝利、還有世代的覺醒：http://bit.ly/2QFbtW1
🔸伊拉克美國大使館遭圍攻
→ 無人知曉的血腥屠殺？伊朗鎮壓反政府示威，40天1,500死：http://bit.ly/39BL7Nu
🔸東尼寂寞巧克力
→ 甜蜜背後的苦澀滋味《巧克力的黑暗面》：http://bit.ly/2ZKMiWg


＼每週７天，每天７點，每次７分鐘，和我們一起了解更多有趣的生活議題吧！／
🥁七七仔們如果想寄東西關懷七七團隊與志祺，傳送門如下：
106台北市大安區羅斯福路二段111號8樓

如有業務需求，請洽：hi77@simpleinfo.cc

(影片詳細美食景點 清單介紹：http://ppt.cc/GDla)
蔡阿嘎FaceBook：http://www.facebook.com/WithGaLoveTaiwan
馬叔叔FaceBook：https://www.facebook.com/Ma.Shushu
訂閱蔡阿嘎Youtube頻道：http://ppt.cc/3lup
蔡阿嘎食尚玩嘎全記錄：http://ppt.cc/,UHt
(周杰倫-魔術先生原曲MV：http://youtu.be/UXwHuKmuhW8)


哈哈~由Ma馬叔叔+蔡阿嘎Ga
組成的實力男子團體(誤)

MG HitDog打狗先生正式成軍啦
帶鄉親們到大高雄吃喝玩樂!!
有沒有浩角翔起的感覺?!
哈哈哈

然後在高雄成軍
玩完這三天後..
就黯然解散了 XDD



[打狗先生]
主唱：蔡阿嘎
填詞：大頭佛
原曲：周杰倫-魔術先生

這周末 休3天 你說去哪走走
坐高鐵 到高雄 不去逛瞎拚mall
東旗山 西子灣 看海港 遊愛河
隨便吃 隨便玩 隨便瘋

想去的 地方多 騎著鐵馬移動
有時快 有時慢 反正輕輕輕鬆鬆
每餐早點都不吃漢堡 卻也可以吃很飽
打狗美食 好味道

每當我在街上學花媽打招呼
你就在身旁也跟著我敲邊鼓
一搭一唱演出 一飽觀眾眼福

啊～肚子肚子肚 想吃啥食
用大快朵頤方式
妹長得標緻 你知我知 比個搖滾的姿勢
別問我什麼先生有事
我不需要節食 因為他帥氣我只會吃

在地的 夜市裡 想吃什麼都有
西子灣 領事館 爬一次就受夠
下一站 到哪裡 跟著我 嗨到底 凡走過 必留下 我足跡

十條路 的名稱 一次就背起來
金鶯隊 陳偉殷 也從這生出來
這是高雄獨特的味道 別人也模仿不了
long stay也不無聊

不要問我高雄的路怎麼走呢?
一心二聖三多四維五福六合
七賢八德九如十全 照走就對了

啊～肚子肚子肚 想吃啥食
用大快朵頤方式
妹長得標緻 你知我知 比個搖滾的姿勢
別問我什麼先生有事
我不需要裝死 因為他帥氣我是白癡

獨自獨自獨 頭腦有事
裝文藝青年樣子
每一餐都是 大啖美食 吃到你我快撐死
端上桌的是 台式韓食
到底吃還不吃 所以不用招待了 不用招待了 不用招待了

啊～肚子肚子肚 想吃啥食
用大快朵頤方式
妹長得標緻 你知我知 比個搖滾的姿勢
別問我什麼先生有事
我不需要解釋 因為他帥氣我更大支



[↓↓大高雄 美食景點清單↓↓]

[左營區]
龍虎塔 蓮潭路9號
寬來順早餐店 中華一路5-14號
劉家桂花燒雞店 果峰街47巷21號
眷村文化館 龜山巷157-2號
鳳山縣舊城門 勝利路與埤頭仔街交叉口
海青王家燒餅 左營大路2-43號
老施肉燥飯 左營大路86號(第二公有市場)
金華酥餅 左營大路86號(第二公有市場)
龔家楊桃湯 左營大路217號
永吉楊桃湯 店仔頂路3號

[鹽埕區]
駁二特區
新大港大腸香腸 五福四路350號
樺達奶茶 新樂街99號
北港三代米糕 河西路167號
阿綿麻糬 新樂街198-27號

[小港區]
紅毛港文化園區 南星路2808號
大目仔海產 光和路100號

[橋頭區]
彩繪白樹社區 白樹路與建樹路交叉路口
咖哩鮪魚羹 橋南路76號
蔥肉餅 橋頭老街上

[岡山區]
舊市羊肉 河華路111號
黌脆皮臭豆腐 維仁路78號

[新興區]
美迪亞漢堡 六合二路124號
阿霞燒肉飯 八德二路72號

[三民區]
愛河之心 同盟一路與博愛一路交叉口
鼎山夜市 天才老媽雙蛋蚵仔煎 (明誠一路和鼎山街交叉口)

[前鎮區] 光華夜市
約翰碳烤三明治 光華二路400號
宗藥燉排骨 光華二路427號
北港三代米糕 河西路167號
阿婆彈珠汽水 大勇路131號

[鼓山區]
打狗領事館 蓮海路20號
西子灣 蓮海路51號
壽山忠烈祠LOVE觀景台 忠義路32號
武德殿 登山街36號
打狗鐵道故事館 鼓山區鼓山一路32號

[旗津區]
旗后炮台 旗津區旗後山頂
旗后燈塔 旗下巷34號



[回顧蔡阿嘎食尚玩嘎系列]
食尚玩嘎全記錄：http://ppt.cc/,UHt
01.花蓮篇 http://youtu.be/CIWsC9xuipE
02.北投篇 http://youtu.be/RtlXMjRJ82M?hd=1
03.義大篇 http://youtu.be/j-jsi7TPECo?hd=1
04.嘉義篇 http://youtu.be/HJrJ2-GYlU0?hd=1
05.馬祖篇 http://youtu.be/N7tqA-5n0O0?hd=1
06.苗栗篇 http://youtu.be/PVzDA_GWQu0?hd=1
07.台南篇 http://youtu.be/eLTdRQkPFnM?hd=1
08.雲林篇 http://youtu.be/gTC9fYqPruU?hd=1
09.板橋篇 http://youtu.be/dsSuTu28Ckw?hd=1
10.澎湖篇 http://youtu.be/Bxl_MPRfqkg?hd=1
11.新竹篇 http://youtu.be/SP-5C-T6Kpk?hd=1
12.金門篇 http://youtu.be/tCLmUFU7KHk?hd=1
13.屏東篇 http://youtu.be/GG7LaEC0lvI?hd=1
14.臺中篇 http://youtu.be/BGyoXP-Mf9k?hd=1
15.宜蘭篇 http://youtu.be/ca0miicGLrw?hd=1
16.環島篇 http://youtu.be/QAkUhrHSe5c?hd=1
17.彰化篇 http://youtu.be/nGHFTmr6LM0?hd=1
18.高雄篇 http://youtu.be/1kdTlgNGk5Y?hd=1