唔少同學表示想我IG寫文章教排列與組合（Combination and Permutation），我一路都動唔到筆，因為我喺《終極Killer》Online速效課程已經教得好詳盡，兼且YouTube都有唔少具體嘅Skills。
.
既然係咁，呢篇文章一於講下思維方法，等我話你知：當我面對陌生情況（尤...
唔少同學表示想我IG寫文章教排列與組合（Combination and Permutation），我一路都動唔到筆，因為我喺《終極Killer》Online速效課程已經教得好詳盡，兼且YouTube都有唔少具體嘅Skills。
.
既然係咁，呢篇文章一於講下思維方法，等我話你知：當我面對陌生情況（尤其是各種複雜無比嘅賭博遊戲）嘅時候，我係點數排列組合。
.
唔好以為我會用啲你唔識嘅嘢，我都係用C同!去數架咋！當然，背後有心法……
.
【Storyproof（作故仔心法）】
.
《終極Killer》學生必定知道，排列組合兼夾概率（Probability）都只係一個拆Stage同拆Case嘅遊戲。In general點拆呢？其實就係作故仔咁拆，舉個唔少同學都怕嘅非典型😱陌生例子：
.
誠仔屋企有個私人影院，銀幕前有兩排座位，每排3個座位，誠仔邀請賭Sir同女秘書總共3個人一齊睇戲，睇賭Sir最愛嘅電影《月滿軒尼詩》。
.
請問有幾多個安排座位嘅方法，係賭Sir同女秘書相鄰而坐（being seated next to each other）嘅呢？
.
畀你諗下。
.
你諗飽佢。
.
我作個故仔就計完。
.
😎第一個Stage：賭Sir同女秘書問誠仔：「究竟我地坐喺邊一Pair嘅座位呢？」
.
😎第二個Stage：誠仔定咗畀佢地，但佢地仲係棟篤企喺度，唔知坐邊，佢地問：「我地知道坐呢一Pair座位，但究竟我地邊個坐左邊？邊個坐右邊？」
.
😎第三個Stage：誠仔話埋畀佢地知，兩兜友成功就座。然後誠仔就問自己：「咁我坐邊呢？」誠仔揀完之後坐低，所有人都就座，完成任務。
.
識得作故仔，就做完啦！
.
🤩第一個Stage，係安排孖位，你用手數，誠仔影院個格局，孖位有【4】個可能性（左前、右前、左後、右後）。
.
🤩第二個Stage，係男女定左右，一係男左女右，一係女左男右，有【2】個可能性。
.
🤩第三個Stage，全個影院淨返四個吉位，所以誠仔有【4】個選擇。
.
【答案 = 4 × 2 × 4 = 32】
.
依個Storyproof嘅思維，係我喺YouTube上MIT嘅Probability堂嘅時候學到，好勁揪💪唔同人可以作唔同故仔，只要個故仔最後同樣令到所有角色都能夠完成任務，都會計到相同答案。讀中七嗰陣，有一題Applied Math老師叫10個同學出嚟解題，10個人可以有10個方法。
.
👽以後見到陌生嘅題目，你當自己係上帝，係命運嘅安排者，作個故仔擺平件事就得。
.
首先，你明咗個玩法原來係咁，可以好彈性。然後你就可以學一啲典型常考嘅題型，即係作嚟作去都係嗰類故仔，例如鬼片原來主角先係鬼，偵探片原來受害人先係兇手，愛情片梗要講下三角戀。
.
《終極Killer》有齊所有DSE要識嘅故仔，以及點樣將所有題型濃縮到只需要用「nCr」同「！」永世唔使用「nPr」；兼夾教你最聰明嘅方法分「×」同「+」。YouTube都有啲嘅，其中nCr嘅【共要表】，將DSE題目簡化成為閱讀理解填充題，自己去睇。
.
今日分享至此，祝大家重陽節快樂，多多畀心心，繼續支持【數學外掛懶人包】計劃，尤其是呢篇文，分享去班Group。我嘅理念係：幫香港年輕人花最短時間考好數學，跨過迂腐嘅教育制度，重奪自己嘅時間發展人生，做自己中意做嘅事。
.
有任何意見歡迎留言，排列組合概率係賭Sir我嘅強項，可惜係好多老師嘅弱項（以前高考要揀Applied Math先需要學，好多老師根本無學過），你支持我幫大家克服嗎？😘
