除咗保護每一位觀眾，JFFT亦都緊守另一個宗旨： 娛樂每一位觀眾。 歌唱比賽黎講，其實大家都知係雞翼床哥玩晒架啦，明知另外兩個隊員咩料都要玩呢啲其實已經係零尊，想玩實力派輾壓隊友？ 但好老實 ：想聽歌我直接apple music得啦，洗聽你？ 所以今次米爺同良少就決定組一隊 實力魔音派。 反正都係，點解要逼自己唱你地想聽嘅聲？唱得舒服就好了。 JFFT第二屆歌唱比賽！今晚九點鐘！ 我地好榮幸邀請到 @colourmc 作為今次比賽嘅大會司儀，仲有另一個主辦單位 @ctlamusic @one_guitar_two_voices 提供場地以及音樂技術上嘅支援！ JFFT係呢度要多謝咁多位觀眾，因為今晚嘅勝出者係靠你地神聖嘅一票！ 切記！票，唔係亂咁投，相信擁有一對雪亮的眼睛嘅你地都知道，聽歌一定唔係搵JFFT，你哋想要咩？ 我知。 @bedgor_littleworld @chickenwingli @leungsiu30cm @giant_rice2m

第二集JFFT食堂。 假如你問我，其實你地整啲嘢食，賣相唔得，味道又唔得，到底selling point係咩？ 一字記之曰：心。 物輕情義重，其實你想食好西，都唔會揀我哋啦。 大家都係享受過程，最緊要好玩。 多謝觀眾殊姐，冇你點名要比叔送外賣，唔會有第二集，希望你哋會有外賣以外嘅故事後續，回饋返俾JFFT。 另外，要多謝毒撚改造營助教，雖然睇得出你好有心幫良少想搞起個營，甚至做埋全英文計劃書，可惜，良少本來就已經想棄營，所以先拖米爺落水搞個JFFT食堂。 只可以講句：神女有心，襄王無意。 重要嘅係，你再一次救咗良少，係佢賤價岀售炒米粉而無人問津嘅時候，有你嘅岀現，咁就可以順手塞埋俾你。 最後，係女車手，可以話係全晚最大贏家，P牌黎講，揸車經驗係最缺乏，今晚你可以食晒三家茶禮，又有車操，雙贏，附上你嘅食評，多謝你咁中肯。 JFFT食堂，作為搞手嘅良少，被狠狠重擊兩次，要重新站起來，有相當嘅難度，畢竟，自尊心跟自信心都受創，如無意外他的煮食生涯應該就此劃上句號。 要改成逗號，就要睇吓有冇人可以扶佢一把了。